المليونيرة المغرور والفقير حصري على موقع لمحة بقلمي اسراء ابراهيم
اسكربت
المليونيرة المغرورة والفقير
ده مستحيل يامامي اللي انتي بتقولي ده بقي انا سيلا التهامي عايزاني اتجوز حته الجربوع ده
احلام بسخرية متشوفيش نفسك اوي كده كلنا عند ربنا واحد وبعدين الراجل باخلاقه وادبه وبعدين هو مبصلكيش اصلا انا اللي قولتله عليكي وطلبت ده منه فمتتتنكيش عليه لأنك ولا حتي كنتي في باله
سيلا بانفعال ماااامي ليه كده هو انا عملتلك ايه بس عشان ترميني بالشكل ده
احلام بهدوء معملتيش حاجه انا خايفه عليكي وده لمصلحتك يابنتي
سيلا بضيق لا يامامي انا لو كنت بنتك بجد مكنتيش هترميني الراميه دي لو بابي كان عايش عمره ما كان يرضي باللي انتي بتعملي معايا ده
احلام بتنهيدة الله يرحمه دلعه فيكي هو اللي خلاكي تبقي كده ابوكي عمره ماكان بابي هو كان جيبها من تحت اوي وكل اللي انتي فيه ده شقي سنين من عمر ابوكي
ولو هو دلعك وطلعك بالمنظر ده فانا مش هسكت وهجوزك للي يربيكي من اول وجديد ويخاف عليكي وعلي مالك
سيلا بتحدي مامي لو انطبقت السما علي الارض عمري ما هتجوزه مش انا سيلا في الاخر يبقي نهايتها مع واحد زي ده
احلام بحسم مش بمزاجك يابنتي انا حددت معاه المعاد فرحك الخميس الجاي وبعدين متنسيش ان اسمك ساميه مش ساسو ولا سيلا
سيلا بتفعال ماااااامي انتي عارفه اني بكره الاسم ده متقوليهوش تاااااني مبحبش اسمعه وبعدين استني انتي بتقولي ايه فرح مين اللي الخميس الجاي قسما بالله اسيبلك الدنيا وامشي
احلام ببرود امشي بس متنسيش تسيبي فلوسك والكريدت كارد عشان هوقفها لحد معاد الفرح وابقي شوفي مين من صحابك الجعانين هيقعدك عنده
سيلا بغرور هسيبهم ياامامي وهتشوفي صحابي دول هيعملو معايا ايه
خرجت سيلا بره باب الفيلا
هايدي بتردد طبعا ياروحي تنوري في اي وقت
قالت كده هايدي صحبة سيلا في التليفون
سيلا بابتسامة سوري يا هيدي بس مامي اخدت مني فلوسي والكريدت وكل حاجه حتي هدومي مش معايا فهتقل عليكي شويه
هايدي بصدمة ايه انتي عبيطه يابنتي ولا ايه هو في بنا الكلام ده بس هستأذنك عندي دكتور النهاردة ممكن تعدي عليا بكره عشان هرجع متاخر
سيلا باستغراب تمام بس ممكن استناكي في شقتكم لحد ماتروحي وتيجي عشان مليش مكان اروحو
هاايدي بتوتر ممكن تستنيني عند هند وانا هخلص الدكتور واعدي عليكي اخدك عشان متقعديش لوحدك
سيلا بفرحة تمام خلاص هستناكي متتاخريش عليا باااي
تفتكري اللي بتعمليه ده صح
قال كده رياض وهو بيكلم احلام في التليفون
احلام بتفكير اكيد محدش هيخاف عليها قدك ولا هيحبها قدك
رياض بقلق انا خايف لكل ده يتحول بدل ماتحبني تكرهني
احلام بثقه اتعامل بقلبك يا رياض وهتحبك انا متاكده بس مش عايزاك حبك ليها ينسيك اي عادات وتقاليد اتربيت عليها خليك زي مانت
رياض بثقه اكبر انا لو قلبي هيخليني مش راجل مش عايزو هدوس عليه برجلي
احلام بحب ربنا يبارك فيك ياابني بس بردو خليك معاها واحده واحده هي مش واخده علي كده
رياض بهدوء متقلقيش عليها اوعدك هعمل اللي هقدر عليه كله عشان اخليها سعيده وتحبني
احلام بفرحه ان شاءالله ياحبيبي ربنا يسعدكم يارب ويهديها
هند بابتسامه باهتة منورة يا سيلا
سيلا بابتسامة شكرا انا عماله ارن علي هيدي بس فونها مغلق
هند بضيق عادي ياحبيبتي انتي زهقتي
سيلا باستغراب لا بس دي سابع مره تقوليلي منوره
هند بالا مبالاه عادي ياروحي برحب بيكي اصلك
سيلا وهي بتقوم تقف طيب انا همشي انا بس قولت انك صحبتي وهترحبي بيا زي ماكنتي بتعملي الاول ومش علطول ده لحد بس ماهيدي ترجع من عند الدكتور بس للاسف انتي مش طيقاني الكام ساعه اللي قعداهم معاكي
هند ببرود وهو انتي فاكرة ان هايدي عند الدكتور فعلا دي كانت بتسربك ياروحي اصلها عندها خروجه جامده اوي النهارده حتي بصي كانت عامله لايف من شويه اتفرجي اتفرجي
بصت سيلا بذهول وقالت بصدمه
انا كنت مفكراكم صحابي اللي هتقفو جنبي في ازمتي ليه تعملو معايا كده انا عملتلكم ايه
هند بجرأه معملتيش ومعكيش تعملي الاول كنا مستحملينك عشان خروجه حلوة اكله سهره بس مش عشانك ياروحي لكن دلوقتي انتي معكيش حتي تمن التاكس اللي هتطلعي تركبي دلوقتي وتروحي
سيلا بصت لهند بغضب وخزلان ز خرجت من عندها ودموعها علي خدها وفكرت في اخر واحده اللي بقيالها من صحابها
مروة ببرود حبيبتي اتفضلي ياروحي وحشاني
سيلا انهارت وحكت وقالت لمروه كل اللي حصل
مروه بلا مبالاه يانهاري عملو معاكي كل ده ماهو العيب علي مامتك بردو ياسيلا ازاي تسيبك من غير فلوس كده
سيلا بيأس عشان تجبرني اوافق علي ابن صاحب بابي الله يرحمه اصلا صاحب بابي ده مكنتش اعرف بابي مصاحبه ازاي ده ناس غيرنا خااالص ولا شكل ولا استايل ولا اي حاجه
مروه ببرود طيب ماتجربي جايز يطلع كويس وبعدين لما هتتجوزي هتخدي فلوسك واملاكك وساعتها اطلقي منه ومحدش هيقولك بتعملي ايه وهيبقي ليكي حق التصرف في اموالك كلها
سيلا بصت لمروه بصدمه وقالت انتي بتقولي ايه انا استحاله اعمل ده
مروه ببرود ماهو انتي لو موافقتيش مامتك مش هتديكي فلوسك ولا كانت بتخوفك وكده بس ولا اي
سيلا بيأس
مروه بثقة يبقي زي ما قولتلك لازم تتجوزيه
سيلا بتفكير ده واحد مبطقش ابص في وشه تقوليلي اتجوزه
مروه باندفاع بصي ياحبيبتي انا مش هضلك أنا بقولك الصح متزعليش مني بس انا لازم اسافر بكره بالكتير عندي معاد في الجونه ومش هعرف ااجله فبقولك اللي هيبقي في مصلحتك لاني لازم اقفل الشقه قبل ماامشي
سيلا بتفهم اااه تمام حقك طبعا انا اسفه اني ازعجتك
مروه ببرود لا ياروحي متقوليش كده احنا اخوات
قامت سيلا من مكانها وهي بتقول انا لازم امشي عشان مامي متقلقش عليا
مروه بكدب طيب خليكي بايته معايا والصبح امشي
سيلا بحزن لا انا لازم امشي
مروه ببرود طيب ياروحي خلي بالك من نفسك
احلام واقفه في الجنينه قلقانه علي سيلا وعماله تدعي ربنا يردها ليها تاني وعماله تفكر في القرار اللي خدته صح ولا غلط وهي واقفه بتدعي ربنا دخلت عليها سيلا بدموع
احلام اول ما شافتها حمدت ربنا وجريت عليها ودخلت سيلا
سيلا بعياط كان عندك حق يامامي
احلام وهي بتطبطب علي ضهرها خلاص ياحبيبتي دي تجربه وانتي شوفتي بنفسك طول ماانتي معكيش فلوس محدش هيجي جمبك
سيلا بعياط ايوة يامامي فهمت والله الدرس
احلام بهمهمه مشكلتك يابنتي انك بتتخمي في الناس بسرعه اه ليكي لسان كبير بس عبيطه من جوه فاضيه مبتفهميش في الناس وعشان كده مفيش غير رياض هو اللي هيحافظ عليكي من بعدي
سيلا وهي بتخرج مامي انتي بردو مصممه علي الجوازه دي
احلام بهدوء مش هتفهمي يابنتي اللي اقصده غير لما تدخلي التجربه دي وانا اوعدك هكون في ضهرك ومش هسمحله انه يجي عليكي في حاجه
سيلا بجمود اذا كنتي انتي يامامي اللي جيتي عليا يبقي الغريب هيعمل فيا
وسابتها سيلا ودخلت الفيلا بتوهان
بارك الله
