انتقام صعيدي بقلم اسراء ابراهيم حصري
اسكربت
انتقام صعيدي
استهدا بالله يا ولدي ونزل السلاح من يدك انت متعرفش اللي بتعمله ده خطر قد ايه
ليل بغضب وهي بتتصنع صوت رجولي
انا خاابر كيف انا بعمل ايه... اني هجتلك واخلص الناس من شرك يا شهاب يا جناوي
شهاب بقلق من ليل وهي ماسكة المسدس
طيب علي الاجل جولي انت هتجلتني ليه.... انا مش خايف من الموت لاني مظلمتش حد بس اعرف هنجتل ليه
ليل بغضب وصوت عالي
انت خابر زين انت عملت ايه... بس انا هجولك عشان لما تموت تبجي عارف ان مصطفي الملاح اخد حجه
شهاب بتكشيرة
مصطفي انت ولد مصطفي الملاح صديق عمري معقولة
ليل بانفعال ودموع محبوسة
متنطجش اسمه علي لسانك... انت ليك عين تجول عليه انه صاحبك...... مفيش صاحب يغدر بصاحبه وياخد املاكه ويموته بحسرته..
شهاب بهدوء وحكمة
اسمعني زين يا ولدي..... لو انت فاكر اني خايف من المسدس اللي في يدك ده تبجي غلطان لاني انا مبخافش غير من اللي خلجني بس انا بجولك الحجيجة وبيني وبينك ربنا..... مصطفي صديق عمري ولا يمكن افكر اغدر بيه ابدا واللي مفهمك اني جتلته واني سرجته يبجي غلطان وربنا شاهد علي حديتي
ليل اتوترت ومكنتش فاهمة حاجة بس حاولت متتأثرش وصوبت المسدس ناحية شهاب وهي ناوية تقتله
ليل بسخرية وغضب مدفون
لو فاكر انك هتعرف تضحك عليا بالكلمتين دول تبجي غلطان يا شهاب يا جناوي لاني كيف ما خابر انك جتلت ابوي بحسرته متوكدة انك دلوك بتحاول تستعطفني عشان اهملك تعيش بس انا بجي مش هرحمك وهدوجك اللي دوجته انا في 19 سنة
شهاب بحنية
اعجل يا ولدي وافهم زين الاول متخليش الغصب يعميك... انا خابر زين مين اللي مفهمك اكده... زينات مرت ابوك مش اكده..... مكفهاش اللي عملته زمان واللي خدته من ورا ابوك ...ورايدة دلوك تكمل وتخليك تجتلني عشان تخلص منك وتاخد هي كل حاجة..... ياااه دلوك فهمت ليه مصطفي كان بيوصيني بس انا اللي مكنتش فاهم... حجك عليا يا ولدي... لو اعرف ان مصطفي عنده ولد مكنتش ابدا هملتك ليها العجربة دي
ليل كانت تايهة وهي بتبص لشهاب... نبرة صوته كانه صادق بس افتكرت كلام زينات مرات ابوها فعلا ووقتها نفضت الكلام من راسها وكانت هتدوس عالمسدس بس لقت اللي بياخده من ايديها وبيرميه عالارض وبيكتفها وخلاها مش قادرة تتحرك
ادهم بغضب
فاكر نفسك راجل وهتجتل كبير البلد.... ده انت مش هيطلع عليك نهار يا كلب
ليل بخوف
هملني يا جدع انت... ابعد عني
كشر ادهم باستغراب من صوت ليل اللي كانت بتتكلم بضعف وفجاة شال الشال من علي وشها واتفاجأ انها بنت لما شعرها نزل علي
شهاب بصدمة
انتي بنتة كيف ده
ليل بغضب وهي باصة لشهاب
ايه فاكر اني عشان بنتة مش هعرف اجيب حج ابوي... تبجي غلطان يا شهاوي عشان اني مش ضعيفة وهوريك اني اجدر اخد بتار ابوي
ادهم بغضب اعمي
مش كفايا طلعتي حرمة كمان لسانك عايز جصه..... انتي مين يا بت انتي جولي والا يمين بالله ارميكي في المخزن لحد ما يبانلك صحاب... انا اه مش هجدر امد يدي علي بنتة بس هخليكي تجولي حجي برجبتي
ليل بغضب وقوة مصطنعة
فكرك اني خايفة منك يا ولد الشهاوي.... تبجي غلطان انا لو عشتالف سنة برضك هجيب حج ابوي
ادهم بغضب
برضك هتجول حج ابوي... انتي هبلة يا بت انتي ولا ايه...... انت تعرفها منين دي يا ابوي ورايدة تجتلك ليه
شهاب وهو بيقعد
جومي يا بتي اقعدي الاول وانت يا ادهم خلاص ملكش صالح بيها.... دي بت مصطفي الملاح صديق عمري اللي حكتلك عنه
ادهم بتكشيرة
كيف يعني بت عمي مصطفي الله يرحمه..... معقولة هو خلف بنتة لسانها طويل وفي جلبها الكره والحقد ده كله
مصطفي بتنهيدة
االبنتة مالهاش صالح يا ولدي... الغيب علي زينات اللي ربتها وخلتها تكرهني طول السنين دي وهي مدخلة في راسها اني انا اللي جتلت ابوها وسرجت ماله
ادهم بصدمة وسخرية
وه..... ده كيف ده..... هتسرجه كيف وانت السبب في العز اللي هو كان فيه انتي متعرفيش يا حلوة ان ابوي هو اللي خلي ابوكي يشاركله بمجهوده لانه مكنش عنديه ولا حيلته حاجة ابدا
ليل بغضب وهي مش مصدقة او بتحاول تكدب اللي بتسمعه
كدب.... انت وابوك كدابين...... ابوي مات بحسرته لما ضحك عليه واخد ماله وخلاه عالحديدة ووجتها مات بحسرته.... اما عزيزة جالتلي اكده
ادهم ببرود وسخرية
والله دي الحجيجة بس انتي اللي كنت غبية ومرات ابوكي مستغفلاكي طول السنين دي وبتضحك عليكي
ليل بغضب وانفعال
لا... كدب.... كل. ده كدب
شهاب بحنية
خلاص يا بتي اهدي.... انا خابر زين انك ليكي حق متصدقيش.... عشان هي اللي ربتك وكبرتك بس للاسف كانت بتربيكي وبتراعيكي عشان بس تاخد من راكي مش عشان هي كويسة وطيبة كيف ما انتي فاكرة وانا هثبتلك ده بس مش دلوك
ليل بخوف وتردد
هتعمل فيا يا شهاوي... هتجتلني كيف ما عملت مع ابوي.
شهاب بياس
الله يسامحك.... ده انتي ليكي غلاوة خاصة عشان بت الغالي.... انا هشيع لام ادهم تطلعي معاها وتغيري خلجاتك علي ما تحضرلك لقمة تاكليها وبعدين نبجي نتحدت في الموضوع ده
ادهم كان باصص ل ليل بغضب وابوه بينادي
.......................
كانت واقفة ليل بتبص لبدرية باستغراب وهي بتفرش السرير
ليل بغموض وهدوء
هو انتي بتعمليني كده ليه
يعني مش مفهومة معاياازاي انتي طيبة قوي كدة مش زي ما حكتلي زينات...
بدرية بابتسامة فيها حنان وهي بتزبط الفرشة
زينات العجربة دي
ده لو كنتي جيتي من زمان كنت هتعرفي الحجيجة بعينك مش بكلامها...بس النصيب
ليل بصوت مهزوز
يعني انتي تعرفيها من زمان
بدرية وقفت وبتبصلها في عينيها
من قبل ما هي تتجوز أبوكي
تعرفي ان أنا وعمك شهاب كنا بنحب الحج مصطفى كيف أخونا و يمكن أكتر. بس للأسف الزمان ما ادانيش فرصة أشوفك وإنتي بتكبري... لو كنا خابرين إنو عنده بنتوالله العظيم ما كنت ههملك تعيشي معاها دقيقة
أنا اللي كنت هربيكي هنا تحت عيني كيف بتي وأكتر...
ليل بحيرة
هو هو فعلا ابوي مكانش يعرف
بدرية بحزن
مصطفى ده لو كان يعرف كان وصانا عليكي ومكنش هملك لزينات ابدا... انا بس هتجنن.... كيف يعني مكنش يعرف وكيف زينات خدتك
ليل حيرة وهي ماسكة راسها بتعب
يعني هي فعلا وحشة كده
ده أنا أنا اتربيت على يدها...
وقالتلي إنكم كلكم أعداء لأبويا وإنك كنتي بتكرهيها... وان جوزك هو اللي سرج ابوي وموته بحسرته
بدرية بصدمة وهي بتخبط علي صدرها
يا مري دي ولية كدابة يا بتي ويعلم ربنا ان اللي بجولهولك صدق.....ده هي اللي بتكرهني
وكانت بتحاول توقع بين ابوكي وبيناتنا من يوم ما اتجوزته
وياما مصطفى اشتكى منها
وياما أنا وشهاب كنا نروح نهدي النفوس...بس هي ما كانتش بتهدىلحد في يوم شهاب جالي انه مصطفي صعبان عليه وانه بيتعب جوي في شغله وبياخد ملاليم وقالي اانه هيخليه شريك معاه بمجهوده وانا
فرحت وجولتله وماله ده كيف اخوك وكفايا زما هو فداك لما كان الجرار هيقع عليك وانقذ حياتك بس بصراحة خفت من زينات وروحتلها
ليل بصدمة وهي اول مرة تسمع الكلام ده
روحتلها ليه
بدرية بهدوء
عشان احذرها انها تحاول توقع بيناتهم لاني خابراها زين وقولتلها كلمتين في وشها.... قولتلها لو فكرتي يوم توقعي بين مصطفى وشهاب... أنا اللي هوقفك عند حدكومن يومها وهي ما شافتش مني غير الحق
بس هي يا بنتي
بتكره اللي يقول الحق وبتحب اللي يتعوج ويكدب...
ليل غمضت عنيها بحيرة وصدمة وهي بتسمع كل الكلام ده لاول مرة وكانت مش عارفة تعمل ايه تصدق كلام زينات ولا تصدق اللي شايفاه بعنيها وحاساه بقلبها
بدرية وهي
اسمعي يا بتي
اللي جوا قلبك أنا حاساه
بس أهو ربنا جابك لينا وللحقيقةوانتي دلوقتي وسط ناس بتحبكوانا نفسي أني أعوضك اللي فاتك كله
خلي بالكالست اللي تربي بت على الحقد عمرها ما تبجى أم حتى لو ولدت عشرة...
ليل عينيها لمعت بدموع مش قادرة تمنعها
أنا مش عارفة أصدج مين ولا أصدج ايهبس جوايا في وجع وفي حرب يا خالتي بدريةأنا محتارة جوي
بدرية بصوت حنين
خليكي على طبيعتك يا بتي
وافتحي عينك وجلبك
وشوية بشوية كل حاجة هتبان
وكل واحد هيتكشف على حجيجته... بس اوعي تظلمي روحك...ولا تصدقي اللي يربيكي على الكرهانتي هنا
في بيت حج شهاب اللي عمره ما خان صاحبهانتي مع ناس
هيخافوا عليكي أكتر ما خافوا على نفسهم...
ليل بهمس لنفسها
يا رب... انت عالم باللي اني فيه دلني عالصح
بدرية وهي بتقوم
قومي يا بتي
غيري هدومك وتعالي كلي لقمة تسندكوبكرة نحكي براحتنا
تاني يوم الصبح ليل كانت خارجة من أوضتها بتعدل طرحتها وبتتفاجئ بأدهم خارج هو كمان من اوضته في نفس اللحظة ولما بيشوفها بيقرب منها وبقف قصادها فجأة بحدة
أدهم بحدة وتحذير وهو بيقرب منها
اسمعي يا بت انتي... انا عيني عليكي لاني مش مرتاحلك من أول ما دخلتي الدار ومهما حصل انا مش هبجي مطمن ليكي
فشيلي امي وابوي من راسك
ولو فكرتي تأذيهم
والله لاقتلك بيدي دي حاكم انا خابر زين تربية العجربة زينات اللي باينة في كل حركة منك
ليل بتاخدخافت من نبرة صوت ادهم بس حاولت تهدي نفسها فاخدت نفس عميق وهي بتبصله بثبات و صوتها بقى هادي وواثق غير امبارح
ليل بهدوء وجدية
اسمع يا واد الناس.... انا لو كنت رايدة اجتل ابوك ...كان زمانهم في خبر كان من عشية وانت نايم في أوضتك...بس أنا مش هعمل اكده و أجتل حد الا لما اتوكد بنفسي و أعرف الحجيجة
لأن دم أبويا مش هيروح هدر
من الاخر انا مش طالبة غير حجي.
أدهم ابتسم بسخرية وهو بيقرب منها أكتر وعينه في عينها بثقة خلاها اتوترت وقلبها دقاته عليت
أدهم بصوت واطي بس كله تحدي
اجولك انا الحجيجة..... انك انتي كنتي عايشة سنين في كدبة كبيرة... واللي ربتكهي اللي كانت السبب في موت أبوكي
خابرة ليه.... لان زينات دي كانت بتكره أبوكي كره العمي وخصوصا لما لقته بيخاف ربنا وبيتقي الله......... هي اصلا ربتك عشان تربي جواكي كره لينا وعشان تخليكي تجتلي ابوي لاجل ما تنتفم منه لانه خلاها معرفتش تطول حاجة من بعد موت عمي مصطفي
ليل بدأت عينيها تلمع من الدموع وكانت شايلة في جواها وجع مش قادرة تخفيه وادهم اتوتر لما شاف دموعها
ليل بصوت مهزوز
يعني...يعني ممكن كل ده يكون كدبأنا فعلا كنت عايشة في كدبة سنين
