عشق بطعم صعيدي بقلمي اسراء ابراهيم

بحلم بدياب ليل ونهار كنت عاشجاه من واني عيلة صغيرة ومكنتش شايفة غيره وكلكم عرفتو اني عاشجاه وهو لاه ياما ليييه
مجبورة بثقة ومين جالك انه مكنش خابر يا بتي هو كان خابر بس عامل نفسه مش واحد باله انتي اللي كنتي مرخصة نفسك ياما جولتلك اتجلي عليه يچيكي راكع بس انتي بجي اللي كان عشجك عاميكي خلاص يا فرحة اللي حوصل حوصل ودلوك انتي هتبجي مرت اخوه يعني تمسحي دياب من مخك اساسا مش احنا اللي نخالف الاصول يا بتي
فرحة بسخرية سالم فعلا راچل ياما مستحملش علي بت عمه ان حد يچيب سيرتها شال شيلة اخوه وعاقب نفسه علي اللي اخوه عمله اني مش خابرة هعيش ويا سالم كيف كيف ياما واني وهو خابرين اللي فيها
مجبوره بفرحة خلاص يا فرحة وسالم مهواش غريب عنك هو كان معانا وخابر كل حاچة انتي بس انا رايدة منك حاچة واحدة متفكريش تاني في اللي حوصل وتتعاملي مع دياب عادي وادي جلبك فرصة يا بتي
فرحة بتنهيدة مش هجدر ياما صدجيني مش بخوطري
مجبورة بتنهيدة روحي ربنا يريح بالك يا بتي
..............................
يوم الفرح كانت البلد كلها فرحانة بجواز سالم ابن العمدة علي بنت عمه فرحة والكل كان باين عليه السعادة الا فرحة اللي كانت بتبص للكل بحزن وخصوصا فايزة ام سالم ودياب ومرات عمها كانت فايزة حاسة بفرحة لانها عارفة قد ايه هي كانت بتحب دياب وشوية وخدتها فايزة وطلعت اوضة سالم
فايزة بابتسامة بصي يابتي انا خابرة باللي في جلبك بس مجدرش اجولك غير انك ترمي اللي فات ورا ضهرك وعيشي يا بتي لچوزك وبيتك واعرفي انك اهنه في دارك ووسط اهلك وسالم مش عشان ابني بس ربنا بيحبك انك بجيتي من نصيبه
فرحة بابتسامة باهتة حاضر يا مرت عمي
طبطبت فايزة علي ضهر فرحة وسابتها وخرجت وشوية ودخل سالم
سالم بابتسامة مبارك عليا يا فرحة 
فرحة بحزن بتتحدت اكده يا سالم كاننا كنا رايدين بعض
سالم بتنهيدة مهتفرجش يا فرحة انتي دلوجتي بجيتي مرتي واني غير دياب اخوي بكرة لما تعاشريني هتعرفي ده اني لما اتچوزتك اخدت عهد علي نفسي اني اتجي الله فيكي ومفكرش ازعلك ابدا وان شاء الله اجدر اعوضك عن كل اللي فات يا فرحة
فرحة بحزن تسلم ويبارك فيك يا سالم انا خابرة انك بتعمل كل ده عشان اني صعبانة عليك بس اني اللي بجولك متشيلش فوج طاقتك اني عمري ما هنسي انك وجفت جاري وحميتني من تلسين الناس عليا وافديك بروحي يا سالم انا رايداك تعتبرني خدامة ليك وبس ولو رايد تتچوز البنتة اللي تختارها اني راضية وكفايا عليا اني عايشة اهنه وسطيكم يا سالم
سالم اتنهد بحيرة لانه مكنش متخيل ان ده اللي يحصل وان ده يكون كلام فرحة كان متخيل انهم هيتعاملو عادي ويرضو هما الاتنين بالامر الواقع وهو نفسه كان ما صدق ان فرحة بقت نصيبه بعد ما كتم في قلبه سنين حبها وهو عايش وعارف انها بتحب اخوه وده اللي كان مخليه ساكت ومش بيتكلم ابدا ولا بيظهر مشاعره ولما حصل وبقت مراته لسة فرحة مصممة انها تبقي بعيدة عنه وتتعامل معاه علي انه سالم ابن عمها وبس وحس سالم بنار في قلبه لما حس انها لسة بتحب اخوه حتي بعد اللي عمله وقبض علي ايديه بقوة
سالم اللي تشوفيه يا بت عمي تصبحي علي خير واه اوعاكي تنامي عالارض انا اللي هنام عليها وانتي نامي عالسرير بس متنسيش يا فرحة ان جدام الكل احنا متچوزين بحج وحجيجي
فرحة بابتسامة حاضر يا واد عمي حاضر يتبع
..............................
عدي شهرين من الاحداث اللي حصلت كانت فيها فرحة بتتعامل مع سالم بحرية اكتر من الاول وبليل بتنام عالسرير وهو عالارض كانت الحياه حلوة بينهم وبدأو يتعودو علي بعض وفرحة بدأت تحس ان قلبها اتحرك ناحية سالم بسبب تصرفاته ومعاملته ليها في النهار كانت فرحة بتتكلم وتتعامل معاه قدام الكل علي انه جوزها وبليل ولاد عم وصحاب كان سالم شايل في قلبه حبها وبيحاول علي قد ما يقدر انه ميبينش مشاعره ناحيتها عشان هي نفسها مش شاغلها ده او سالم فاكر كدة كانت واقفة فرحة مع فايزة حماتها بتحضر الغدا لحد ما دخل عليهم سالم ووقتها ابتسمت فرحة بتلقائية اول ما شافته
فرحة بابتسامة حمدالله عالسلامة يا سالم 
سالم بحب الله يسلمك يا فروحتي بجولك ايه ياما حضري وكل زين عشان عندينا ضيوف عالغدا انهاردة
فايزة باستغراب وه من عينيه بس مين دول يا ولدي
سالم بجدية ده واحد صاحبي من مصر ومعاه خيته وكانو چاين فرح اهنه واني عزمتهم يجعدو حدانا يومين
فايزة بود يأنسو وينورو يا ولدي حالا الوكل يبجي چاهز
ندهت البنت علي سالم بصوت عالي وهو واقف مع فرحة وفايزة امه وهنا كشرت فرحة بزعل
فرحة وه مين دي اللي بتنده عليك باسمك اكده
سالم بعفوية دي بسنت اخت شريف صاحبي دي بنتة زينة وعشرية وتتحب اكده يلا متنسوش تخرچو عشان اعرفكم عليها
خرج سالم وفرحة حست انها مضايقة وساعدت مرات عمها بسرعة وخدتها وخرجو برة عشان تشوف البنت دي واتفاجأت بسالم وهو بيضحك معاها وبيهزر فحست بقبضة في قلبها وكانت مضايقة وغيرانة اوي
وسالم اول ما شافهم قام وهو بيعرفهم ببعض
سالم بابتسامة اجدملكم فرحة مرتي وامي يا چماعة
سلمت فرحة علي بسنت بهدوء وقعدو معاهم بس سالم كان متجاهل فرحة وبيتكلم مع بسنت اللي كانت بتوجه ليه كلام كتير وكانت فرحة قاعدة حزينة خصوصا ان سالم كان بيتكلم مع بسنت بطريقة مصر اللي فرحة متعرفش تتكلم بيها وحست ان فعلا هي مش تستاهله وانه يستاهل بنت زي بسنت دي قامت بحزن وانسحبت بهدوء وطلعت علي فوق لما حست انها مالهاش لازمة وان سالم اندمج مع البنت دي وشكله حبها او هي افتكرت كدة مسحت الدمعة اللي هربت من عنيها وفي نفس الوقت دخل سالم وشافها
سالم بابتسامة ممكن اعرف هملتيني وجومتي ليه يا فرحة
فرحة بتردد مفيش اني شايفة اني ملياش عوذة فجولت اهملكم براحتكم
سالم وهو بيقرب عليها ومين جال ان ملكيش عاذة اني كنت رايدك چاري
فرحة وهي باصة في عيون سالم  
اني مش شبه البنتة دي يا سالم لكن هي شبهك بتتحدت بطريجتك لكن اني حيالله بفك الخط بالعافية
سالم بتوهان ومين اللي جال انها شبهي ولو شبهي فانا مش رايدها اني رايد بس اللي في جلبي
فرحة بخوف ومين هي اللي في چلبك يا سالم 
سالم بابتسامة جذابة خايف اعترفلها تكسر جلبي لما تجولي انها مش رايداني يا فرحة
فرحة بلهفة سلامة جلبك من الكسر وهي تطول انك تعشجها ده يبجي يا بختها يا سالم انها جدرت تخطف جلبك وتخليك تعشجها
سالم بتنهيدة جدرت يا فرحة دي جدرت مش بس تخطف جلبي جدرت تستربع فيه وتاخده كله ليها بس الخوف احسن متكونش مش شايفاني
فرحة بحزن جولي مين هي واني هتحدت معاها اوعدك هخليها تشوفك وتعرف جد ايه هي محظوظة عشان انت عشجتها
سالم بثقة وهو بيبص في عيون فرحة وبيشاور علي قلبها 
انتي يا فرحة عشجتك من يوم ما وعيت عليكي بضفايرك كنت بتمني اليوم اللي تكوني ليا فيه ويومها جتلتيني يوم ما عرفت انك عاشجانة اخوي كتمت عشجي في جلبي ومرضيتش اتحدت ولما حوصل اللي حوصل وبجيتي نصيبي وجتها بس ارتحت عشان لو مش عاشجاني بس عالاجل هتكوني علي اسمي وليا يا فرحة
كانت بتسمعه ومش مصدقة ودنها كانت بتبصله ودموعها علي خدها واتأكدت وقتها ان ربنا مش بيجيب حاجة وحشة وان السبب اللي خلاها تتجوز سالم هو ان ربنا رايد انها تكون مع اللي حبها بجد واللي تستاهله 
فرحة بببحة مميزة اني دلوك فرحتي متتوصفش يا سالم عشان لما عشجتك مكنتش خابرة انك عاشجني كيف منا عشجتك وده احساس احلي واجمل من اني اعرف بحبك ليا واني لسة مش حباك حبيتك يا سالم ويعلم ربنا اني بجولهالك من جلبي وانا حاسة بكل حرف فيها
سالم بفرحة اكبر وهو مش مصدق انه بيسمع الكلام ده من فرحة حب عمره واني معشجتش غيرك يا فرحة جلبي
تمت 
بقلمي اسراء ابراهيم