اسكريبت حبي الثاني بقلمي اسراء ابراهيم حصريآ علي موقع لمحة

رديتلي المقلب اللي عملته فيك ارتحت اخرج برة بقيييي
عمر للحظة صعبت عليه نغم وكان هيقرب بس رجع في قراره وقبض علي ايديه وسابها وخرج وقعدت هي تعيط بندم
عدي شهر علي الاحداث اللي حصلت كانت نغم دايما بتتجنب عمر وطول الوقت في اوضتها يدوب بتخرج بس تشوف طلبات البيت رغم ان عمر مكنش مقصر ودايما مهتم بيها وبيجبلها طلباتها من قبل ما تطلب بس من جواه كان مضايق اوي بسبب معاملتها ليه وكأنها بتحمله ذنب اللي حصلها كانت واقفة بتعمل الاكل في المطبخ لما سمعت صوت عمر من وراها
عمر بتنهيدة لحد امتي هتفضلي كدة يعني يا نغم 
نغم ببرود كدة ازاي يعني وبعدين منا كويسة اهو مش فاهمة مالي 
عمر بضيق علطول لوحدك ومش عاوزة تتكلمي معايا وحتي الاكل م بترضي تاكلي معايا انا عملت ايه لده كله مش فاهم
نغم بتلقائية معملتش حاجة يا عمر بس انا شايفة ان كدة احسن ملوش لزوم اننا نضطر نمثل علي بعض اننا سعدا وفرحانين بالعيشة دي ومن جوانا رافضين كل ده ارجوك يا متفتحش الموضوع ده تاني لاني بتخنق لما بفتكر اني ممكن افضل عايشة كدة علطول
عمر بتكشيرة طب وايه اللي جابرك تستحملي العيشة دي خلاص كدة كدة اتجوزنا يبقي كل واحد فينا يشوف حياته طالما مش نافعين مع بعض
نغم باستغراب نافعين مع بعض عمر انت عندك شك اننا ممكن نكمل انت عارف ومتأكد اننا اتجوزنا بسبب ظروف غلط بسبب غلطة انا عملتها وكان عقابي اني اتجوز وحياتي تنتهي بالشكل ده
عمر بغضب غلطة عندك حق انا فعلا كانت اكبر غلطة في حياتي اني فكرت اتجوزك وهتفضلي بالنسبالي مش اكتر من الانسانة اللي اتجبرت اتجوزها غصب عني بسبب غباءها وتصرافاتها 
خلص عمر كلامه وسابها ومشي بغضب ووقفت نغم تلعن غباءها اللي خلاها تقول كلامه باندفاع من غير ما تقصد
انهاردة اول يوم جامعة لنغم وكانت وافقة قدام مرايتها بتظبط حجابها وافتكرت معاملة معاملة عمر اللي اتغيرت من وقت اخر مشكلة بينهم وازاي هو بقي منطوي اوي علي نفسه وعايش معاها كأنه ضيف بيجي عالنوم فقط وحتي الاكل مبقاش ياكل في البيت وقتها اتنهدت بحيرة وخرجت من اوضتها وكان هو في في نفس الوقت واقف مستنيها واتفاجأت نغم بيه وهو بيبصلها بتقيم وكأنه بيشوف لبسها مناسب ولا في اي تعديل بس حرك راسه برضي وسابها وخرج من غير ما ينطق بحرف غمضت نغم عنيها بضيق ومشيت وراه وركبت معاه العربية ووصلها الجامعة وقبل ما تنزل نغم بصتله بتردد
نغم بقصد ملوش لزوم تيجي تاخدني من الجامعة انا هروح لوحدي
عمر بلا مبالاه تمام كويس لاني مش فاضي اساسا وهتأخر يلا اتفضلي انزلي
اتحرجت نغم ونزلت من العربية وبمجرد ما قفلت الباب مشي عمر من غير حتي ما يبصلها وده خلي نغم تزعل وتبص حواليها باحراج لحد ما عنيها جت علي فرح صحبتها اللي كانت السبب في كل اللي حصلها كانت واقفة مع كريم اللي المفروض كان حاولت نغم تهدي نفسها وسابتهم ودخلت الجامعة وهي مقررة تنسي كل حاجة حصلت ليها وتبدأ من جديد
خير يا عمر يا حبيبي مش بعادة تييجي بدري اوي كدة في حاجة طمني
كانت بتتكلم كريمة بقلق وهي واقفة قدام عمر اللي رمي نفسه عالكنبة بتعب
عمر بضيق انا مش عارف يا امي انا حاسس اني في حفرة كبيرة مش عارف اخرج منها ولا عارف اتعايش فيها
كريمة بتلقائية نغم مش كدة عملتلك ايه المرادي 
عمر وهو بيفتكر كلامها مفيش انا بس مش قابل العيشة دي وحاسس اني مش مرتاح ولا هي كمان مرتاحة حاول صدقيني بس مش قادر خلاص
كريمة بحنية يا عمر يا حبيبي نغم لسة صغيرة هي اه عندية شوية لكن قلبها ابيض وانت دورك بقي تحميها وكمان سهل تخليها تاخد علي طبعك بس انت حاول معاها يعني باللين اعمل كدة صدقني وقتها هتلاقي ان كلامي صح
عمر بجدية انا كان عندي استعداد اعمل كدة بس هي معندهاش يا امي هي طول الوقت محملاني ذنب الجوازة دي وانا خلاص مبقتش قادر استحمل انا قررت اطلقها
كريمة بحدة خفيفة يعني ايه يا عمر يعني هتستسلم عشان شوية كلام خايب قالتهولك بنت خالتك طب ما انت وافقت تتجوزها وانت عارف انها كانت بتحب حد تاني وافقت تتجوزها وانت عارف ان الموضوع هيبقي صعب
عمر بتهرب انا كنت مجبور عشان اللي حصل وكلام الناس
كريمة بقصد لا يا ابن بطني انت مش هو السبب اللي وافقت عشانه اسمع يا عمر نغم هبلة واتضحك عليها من صحبتها اللي منها لله واهي بقت من نصيبك نصيحة مني يا ابني فكؤ كويس قبل ما تاخد قرار تندم عليه طول عمرك
عمر بعصبية خفيفة يووه يا امي اعمل ايه يعني اروحلها وافرض نفسي عليها من تاني دي قالتهالي بالفم المليان انها اتجوزتني بسبب غلطة وانها لا يمكن هتفكر تكمل معايا وانا كرامتي كراجل متسمحليش اني اقلل من نفسي ابدا مهما كان عشان مين بعد اذنك يا امي انا ماشي
كريمة بحزن علي ابنها ربنا يريح قلبك يا عمر يابني يارب ويهديكي يا نغم يا بنت اختي قادر يا كريم يا رب 
خلصت نغم محاضراتها وكانت قاعدة في الكافيه بتشرب حاجة قبل ما تمشي بس اتفجأت بفرح بتقف قدامها وهي مربعة ايديها بسخرية
فرح بسخرية اهلا بالعروسة معلش بقي معرفتش اجي اباركلك اصل كنت مشغولة في خطوبتي من كريم
نغم قاما ولمت حاجتها وكانت هتمشي بس وقفتها فرح لما وقفت قدامها مش عيب برضه لما حد يكون بيكلمك وتسيبيه وتمشي 
نغم بانفعال انتي عاوزة ايه يا فرح انا مش قطعت علاقتي بيكي سيبيني في حالي بقي وانا مش عاوزة اعرفك تاني
فرح بشماتة لا استني هنا يا روحي انتس مقولتيش كدة ولا تفكري انك انتي اللي قطعتي علاقتك بيا لاني انا اللي عملت كدة ولا نسيتي 
نغم بكره انسي انسي انك خنتيني انسي انك ضحكتي عليا وقربتي مني وعملتي فيها صحبتي عشان تسرقي الشخص اللي كنت بحبه لا متخافيش عمري ما هنسي بس اللي متعرفيهوش يا فرح انك عملتي فيا اكبر خدمة في حياتك عارفة ايه هي انك فوقتيني لنفسي وخلتيني اشوف كريم علي حقيقته وخلتيني اتأكد ان كريم ده مكنش ينفع اصلا اكمل معاه ولا اتجوزه لانه ببساطة مش راجل ايوة مستتغربيش اصل اللي يتاخد كدة عادي وتضحك عليه واحدة زيك ميبقاش راجل ويستاهل انه يتساب وتعرفي اكبر عقاب ليكم انتو الاتنين انكم تكملو مع بعض لانكم نفس النسخة سلام
خلصت نغم كلامها وهي باصة لفرح ولفت عشان تمشي اتفاجأت بكريم واقف وسمع كل كلمة قالتها وكان شكله باين عليه الغضب بس نغم متأثرتش وبصتله باحتقار وسابته ومشيت وفضل هو متابعها بعنيه بغضب
دخل عمر الشقة بعد يوم طويل وكان هيدخل علطول اوضته زي العادة بس اتفاجئ بصوت نغم من وراه
نغم بسرعة عمر استني
عمر بجدية نعم عاوزة