اتغيرت لاجلك انتي حصريا على موقع لمحة بقلمي اسراء ابراهيم
اسكربت
اتغيرت لاجلك انتي
انت كمان ليك عين تيجي هنا انت حقيقي مستفز
قاسم باستفزاز عاملة اكل ايه انا جعان اوي
غزل بانفعال لو مطلعتش برة يا قاسم انا هروح لجدي واقوله انك بتضايقني
قاسم ببرود روحي ووريني شطارتك يا حلوة بس احب اعرفك الاول اني كنت لسة عنده ومحدد معاد جوازنا
غزل بصدمة وانفعال نعمممم يعني ايه انت اكيد بتهزر انا لا يمكن اوافق اتجوزك يا قاسم انت بالذات مستحيل تبقي جوزي
قاسم باستفزاز والله مبقاش قرارك خلاص جدي اخد قراره وانتي عارفة لما بيقرر خاجة مش بيرجع فيها
غزل بحدة هيرجع يا قاسم وهتشوف لما اروحله واعرفه انك حقيقتك والسبب الحقيقي اللي مخليك عاوز تتجوزني
قاسم بلا مبالاه مش فارقة روحي قوليله بس صدقيني جدي لما يعرف هيصمم اكتر علي جوازنا واهو تبقي جت في مصلحتي يلا مستنية ايه
غزل بانفعال ماشي يا قاسم انا هنزله وابقي وريني بقي برودك هينفعك بأيه
خرجت غزل جري من شقتها ونزلت شقة جدها وهي باين عليها الغضب وكان متابعها قاسم بغموض وهي ماشية وفي باله بيحلف ان جوازه منها هيتم مهما حصل
في شقة حامد جد غزل كان قاعد بهيبته عالكرسي بتاعه لما دخلت عليه هي بانفعال
غزل بصدمة انت يا جدي فعلا حددت معاد جوازي من قاسم ابن عمي انت بجد هتخليني مراته بعد اللي اخوه عمله في اختي
حامد بجدية اهدي يا غزل يا بنتي واقعدي نتكلم يلا اقعدي
غزل بضيق اديني قعدت ممكن بقي تفهمني انت ازاي وافقت يا جدي انت اكتر واحد شاف اللي مرت بيه قمر اختي انا لا يمكن اتجوز قاسم واقهرها
حامد بهدوء اسمعيني كويس يا غزل قمر اختك حفيدتي زيك بالظبط بس انا مش هوقف حالك عشانها هي مسيرها تفوق لنفسها وبرضه هجوزها مش هسيبها كدة يعني وبعدين ماله قاسم انتي عارفة انه غير شادي اخوه خالص
غزل بسخرية غير اخوه انت مشوفتش كان بيعمل ايه يا جدي ده واحد بتاع ستات انا شوفته بعيني كذا مرة وهو جاي بعربيته ومعاه بنت فيها لو سمحت يا جدي متخلنيش اعيش اللي قمر عاشته اديك شوفت حالة قمر كانت عاملة ازاي اول ما اتطلقت من شادي انا لا يمكن هكون زيها
حامد بجدية انا اللي
غزل بانفعال تطمن علينا تقوم تجوزنا لاشخاص زي قاسم وشادي رغم انك عارف اخلاقهم كويس طب ازاي بقي خايف علي مصلحتنا فهمني
حامد بجمود متنسيش نفسك يا غزل وبعدين قاسم وشادي تربيتي واي شاب بتبقي حياته كدة في الاول ولما بيتجوز ربنا بيهديه
غزل بسخرية زي ما حصل مع شادي وقمر كدة عاوزني اعيش اللي اختي عاشته معاه عاوز يبقي مصيري ان الاقي قاسم داخل عليا بواحدة ويقولي دي مراتي التانية ويقهرني لا يا جدي انا لا يمكن هوافق علي حاجة زي كدة
حامد بانفعال وانا خلاص قررت وكلامي اللي هيمشي يا بنت ابني اعملي حسابك كتب كتابك علي ابن عمك اخر الاسبوع والدخلة بعد شهر من دلوقتي فجهزي حالك وبلغي امك
غزل بدموع يبقي انت حكمت عليا بالموت يا جدي وانا اهون عندي اني اموت نفسي احسن كا اموت علي ايد قاسم
حامد بغضب انتي بتهدديني والله عال يا بنت ابني
غزل بهدوء مريب تمام يا جدي انت مش حكمت الدور بقي جه عليا عشان ارد عليك
خرجت غزل من عند جدها وهي من جواها حاسة انها خلاص اتحكم عليها بالموت دخلت شقتها وهي عقلها كأنه رايح منها وخصوصا اما شافت قاسم قاعد مستنيها وهو مبتسم بشماتة
قاسم ببرود ها عرفتي تقنعيه
غزل بهدوء غريب مش هنولهالك يا قاسم وهتشوف اني مبتغصبش علي حاجة
قاسم بسخرية وهو بيقوم مش مهم المهم انك هتبقي مراتي اخر الاسبوع وقريب اوي هتبقي في بيتي يا غزلي يلا اشوفك وقتها يا خطيبتي الجميلة
غزل بسرعة قبل ما قاسم يخرج من باب الشقة متنساش انك السبب يا قاسم هخليك تندم الف مرة انك اقنعت جدي يوافق صدقني هخليك تندم وتقول ياريت الزمن يرجع
قاسم استغرب بس رد مش مهم اندم بس اكون حققت هدفي ماهو مش انا اللي اترفض يا غزل وقريب اوي هخلي مناخيرك دي في الارض وهعرفك انك مش احسن مني عشان ترفضيني
مشي قاسم ووقتها انهارت غزل وهي بتعيط بحرقة بس شوية ومسحت دموعها بقوة ودخلت المطبخ وهي مقررة تعمل اللي فكرت فيه
انسة قمر المدير عاوزك
قمر بسرعة وتوتر حاضر انا جاية اهو حالا
لمت قمر الملف
قمر بتردد حضرتك طلبتني يا فندم
عز بحدة وهو بيخبط بايديه عالمكتب انا مش فاهم لما انتي من اول اسبوع ليكي وحساباتك كلها غلط كنتي بتقدمي عالشغل ليه من اساسه
اتنفضت قمر بقوة وجه فيوبالها زكرياتها مع شادي وخوفها منه لما كان بيضربها وبيزعق ليها فدموعها نزل بتلقائية وهي بترجع لورا والملف بيقع من ايديها عالارض بطريقة استغربها عز اوي
عز بصوت اقل حدة انا مش بكلمك ما تنطقي
قمر حاولت تتمالك روحها ومسحت دموعها وردت باختصار حساباتي صح
عز برفعة حاجب يعني مش بس غلطانة لا وكمان بجحة ومش بتعترفي بغلطك انتي عارفة انا ممكن اعمل فيكي ايه دلوقتي ممكن افصلك حالا ودي اقل حاجة اعملها للي مش بيشوف شغله معايا
قمر بصوت واطي وهي بتمسح دموعها انا مش غلط ممكن تراجع االحسابات تاني انا متأكدة من شغلي
عز بانفعال انتي قصدك ان رجالتي نايمين يعني مش عارفين براجعو وراكي
قمر بصوت مخنوق انا مقولتش كدة انا قولت اني متأكدة من شغلي وعموما خلاص انا مش جاية تاني وحضرتك تقظر تجيب حد بدالي
عز بغضب استني هنا انتي فاكراها وكالة من غير بواب تمشي وقت ما انتي عاوزة انتي هتفضلي هنا لحد ما اراجع الحسابات دي بنفسي بس لو ثبت انك غلطانة هيكون عقابك اكبر من الرفد
قمر بهدوء موافقة
استغرب عز طريقة قمر وخصوصا انها حتي مرفعتش عينها فيه وبتكلمه وهي ضامة نفسها بايديها وعنيها في الارض واستغرب اكتر خوفها منه بالطريقة الاوفر دي وخصوصا انه مكنش معلي صوته للدرجة دي يعني انتبه عز لقمر وهي بتمد ايديها بالملف اللي كلن معاها بعد ما جابته من الارض اتفضل ده كمان انا درسته حساباته وفي غلط في حساب المعدات اللي دخلت المصانع بزيادة خمسة في المية علي سعر المعدات الاصلية حضرتك في حد بيسرقك
برق عز بصدمة وهو بياخد الملف من ايد قمر وبيبص فيه وهو مش مصدق انها ممكن تكون صح وفعلا بدأ يراجع كل تفصيلة كاتباها
عز بغضب مكتوم كلامك صح انا في شركتي ناس بيسرقوني
قمر بدموع ممكن امشي
عز بتوتر لا استني لما نشوف موضوع السرقة ده انا لازم اعرف مين
قمر بثقة هو نفسه اكيد اللي كان عاوز يمشيني من هنا واقنع حضرتك ان حساباتي غلط رغم انك شوفتها بنفسك
عز بانتباه انتي عندك حق معقول يكون رؤوف مدير الحسابات
قمر بهدوء انا معرفش يا فندم استأذنك انا عاوزة امشي واعتبرني مستقيلة
عز بتوتر احسن تكوني عاوزاني اعتذرلك مثلا
قمر باندفاع ده اللي المفروض يحصل لكن انا مش منتظرة منك حاجة انا بس عاوزة امشي
عز اتفاجأ برد قمر وبعدين رفع التليفون وطلب من السكرتيرة تبعتله رؤوف وفعلا شوية ودخل وواجهه عز فوش رؤوف جاب الوان فكانت قمر منكمشة فيونفسها وعز بيزعق بصوت قوي لرؤوف فكانت قمر حاطة ايديها علي ودنها وهي مغمضة عنيها وبتعيط بانهيار وهي بتفتكر كل اللي مرت بيه لدرجة انها مخدتش بالها من عز اللي اتخض من شكلها وطرد رؤوف وقرب منها
عز بلهفة انسة قمر انتي كويسة احم انا مش بزعق ليكي انتي علي فكرة
قمر بصت لعز لاول مرة في عنيه واتكلمت بدموع ممكن امشي بقي
عز قلبه اتقبض لشكل قمر كدة واتوتر طيب انتي كويسة وبعدين اهدي وبطلي عياط الاول عشان اسيبك تمشي
قمر وهي بتهدي نفسها لو سمحت خليني امشي اعتقد كدة خلاص حضرتك اتأكدت اني مظلومة وان حساباتي صح
عز بهدوء طب ممكن نتكلم الاول شوية وبعدين اوعدك هخليكي تمشي
قمر وهي بتمسح دموعها اتفضل
عز بتردد انا بعتذرلك علي اللي حصل واتمني انك متسيبيش الشغل انا حقيقي مش بعتذر لحد بس انا عان عارف اني زودتها معاكي رغم انك انقذتيني وعرفتيني حقيقة اللي بيسرقوني
قمر بجدية اسفك مقبول يا فندم بس انا اتأكدت اني مينفعش اشتغل عالاقل حاليا انا محتاجة اتعالج الاول
قالت قمر جملتها الاخيرة وهي بتسرح بعنيها بعيد فاستغرب عز كلامها وكان هيتكلم بس قاطعه تليفون قمر اللي رن
قمر بتردد ممكن ارد
عز بموافقة اتفضلي
قمر ردت عالفون وفجأة ملامحها
عز بقلق في حاجة يا انسة قمر
قمر
