احببت جاهلة بقلم اسراء ابراهيم حصري
المحتويات
بابتسامة ايوة بجد طبعا انتي بقيتي شاطرة خالص
صبا فرحت اوي بكلام محمد واتصرفت بتلقائية وهي بتمسك ايد محمد وبتقوله بفرحة انا فرحانه اوي وان شاء الله هتعلم اكتر كمان
محمد اتوتر وبص لصبا ولايديها اللي ماسكة ايديه وهي وقتها انتبهت لنفسها وسحبت ايديها بسرعة و قطع لاحظتهم
صوت علا اللي كله غيظ
علا بغضب احنا مش هنفضها سيرة بقي ولا مش ورانا غير صبا الجاهلة
محمد بغضب علاااااا احترمي نفسك فاهمة ولا لا
علا بغيظ انت بتزعقلي عشان دي يا محمد
محمد بحسم بقولك ايه يا علا انا بزعقلك عشان انتي بتقولي كلام ملوش لازمة ويلا روحي شوفي رايحة فين وملكيش دعوة بصبا تاني فاهمة
ابتسمت صبا بتلقائية وهي باصة لمحمد لانه اول مرة يدافع عنها ويقف معاها اما علا فاتغاظت وسابتهم ومشيت ووراها شاهندا ووقتها صبا قربت من محمد بتردد
صبا بابتسامة شكرا يا محمد لانك دافعت عني دي اول مرة تدافع عني
محمد حاول يبان طبيعي من تأثير كلام صبا عليه ووقتها ابتسم بتلقائية ورد مش معني اني مكنتش بتكلم قدامك يبقي اني مكنتش بدافع عنك واسألي تيتة انا كنت بعمل ايه بعد ما بتمشي
صبا بابتسامة مش مهم اللي فات المهم انك دلوقتي بتعمل كدة بعد اذنك هروح اساعد تيتة
مشيت صبا وسابت محمد متابعها باحساس جديد عليه اوي
تاني يوم كانت قاعدة صبا فوق السطح بتذاكر شوية وتسرح شوية لحد ما انتبهت لصوت علا اللي كانت واقفة وهي مربعة ايديها وبتبصلها بسخرية
علا بسخرية انتي فاكرة لما تعملي كدة محمد هيبصلك
صبا بتلقائية ومين قالك اني عاوزة محمد يبصلي يا علا انا مش زيك
علا بغضب قصدك ايه اني انا اللي ببص لحاجة غيري لا يا روحي محمد كان بتاعي من الاول وانتي اللي كنتي بتحلمي انه يبصلك بس هو صدمك وخطبني
صبا بجدية محمد مش لعبة عشان انا وانتي نتخانق عليه يا علا ولا ينفع انك تقولي انه بتاعك لانه راجل وفاهم كويس اوي وعارف اختياراته وانتي عارفة ان اللي اقصده بكلامي هو انك لما سمعتي تيتة بتتكلم مع خالتي وبتقولها انها عاوزاه يتجوزني النار قادت فيكي وقررتي تخطفيه وعشان كدة لعبتي عليه بطريقتك اللي انا عمري ما اعمل زيها ابدا رغم اني اقدر وانتي عارفة من جواكي ومتأكدة اني لو عملت كدة كان زماني متجوزة محد ومن بدري كمان يا علا
علا بغيظ انتي فاكرة ان كلامك ده هيفرق معاياحتي لو كان فعلا صح انا المهم عندي ان محمد بقي خطيبي وانتي حتة جاهلة اخرك تطلبي منه انه يعلمك
صبا عنيها دمعت وهي باصة لعلا وحاسة باهانة كبيرة وفي نفس الوقت سمعو صوت محمد باستغراب من وراهم انتي بتعملي ايه هنا يا علا
علا بتوتر اانا اصلي كنت بدور علي صبا وخالتي قالتلي انها فوق السطح بتذاكر وطلعت اقعد معاها شوية
محمد بشك غريبة وانتي من امتي وانتي قريبة من صبا يعني
علا بتمثيل في ايه بس يا محمد يعني هو عشان بنتناقر انا وهي كتير ابقي بكرهها انت غريب اوي
محمد وعنيه علي صبا انتي كويسة يا صبا مالك
صبا بصوت مخنوق مفيش بعد اذنكم
سابتهم صبا وكانت هتنزل بس لحقها محمد ومسكها من ايديها فبصتله ووقتها اتكلم محمد بشك استني ممكن اعرف مالك
علا اتوترت فحاولت تداري مفيش يا محمد هي كدة بتحب تمثل وتبين انها مظلومة عشان
محمد بغضب علا انزلي علي تحت حالا يلا
علا بتوتر ايوة بس يعني منا قاعدة معاكم و
محمد بحسم قولت علي تحت يلاااا
نزلت علا علي تحت بغيظ ووقف محمد يبص لصبا
محمد بهدوء ممكن تعرفيني مالك
صبا باندفاع ودموعخا بتنزل يهمك تعرف ولو يهمك من امتي يا محمد كنت قدامك طول الوقت وانت مش شايفني اشمعني دلوقتي شوفتني كنت بعمل المستحيل عشان اشوف في عيونك وعيون اللي حواليا اني موجودة وانكم عارفين ان في واحدة عايشة معاكم انتو ليه بتعملو كدة ليه انا عملت ايه عشان تعاملوني كدة
صبا كانت بتتكلم وهي بتعيط ومحمد كان متابعها وقلبه بيتقطع عشانها ووقتها مسك ايدها وهو بيقاطعها بكلامه اللي فاجئ صبا
محمد باندفاع انتي فاهمة كل حاجة غلط انا مش بس شايفك انا حاسس بيكي اكتر من اي حد في الدنيا يا صبا انا لو كنت بتعمد اتجاهلك فده عشان امنع نفسي اني اتعلق بيكي وامنع مشاعري انها تتحرك ناحيتي وده بسبب كلامك مع علا انا عمري ما كنت هقصد اني اجرحك لاني الوحيد اللي بيخاف عليكي من الهوا اللي بيعدي من جمبك صبا انتي مش فاهمة حاجة بس انا لكا عرفت انك بتكرهيني وانا حاولت ابعد عن طريقك علي قد ما اقدر بس للاسف مقدرتش كأن كل حاة بتشدني ليكي اكتر
صبا كانت بتسمع محمد وهي مصدومة ومش متخيلة ان اللي بتسمعه ده حقيقة ووقتها اتكلمت وهي علي نفس صدمتها انت بتقول ايه انا بكرهك
محمد بتنهيدة انا مش بلومك علي كلامك صدقيني بس كان نفسي اعرف اوي ليه كتير جه عليا وقت كلن نفسي فيه اسألك ليه يا صبا يمكن انا جاد شوية يمكن مش بعرف اعبر كويس بس
صبا بانتباه ممكن اعرف مين اللي قالك كدة اني بكرهك واني مبطيقش ابص في وشك
محمد بجدية علا بس مش مهم المهم ان دي الحقيقة واللي مقدرتش اغيرها لحد دلوقتي يا صبا
صبا مردتش علي محمد وكان عقلها بيردد بس اسم علا سبب كل حزنها وسبب كره اللي حواليها ليها سابت يبا محمد ونزلت وهي مش مستوعبة ان علا بتكرها اوي كدة لدرجة انها تخلي محمد ياخد فكرة عنها انها بتكرهه وانها مش طايقاه عشان بس تبعد ه عنها كان محمد متابع صبا بعنيه واللي كان متخيله انها لما عرفت ان علا طلعت سرها وقالتله الكلام اللي دار بينهم زعلت وعشان كدة سابته ونزلت ووقتها اتنهد بضيق
كانت قاعدة صبا قدام شاهندا خالتها اللي كانت مصدومة بعد ما حكلتها صبا كل حاجة
شاهندا بغيظ بقي بنت رباب يطلع منها كل ده صحيح بت عقربة صحيح
صبا بصدمة انا مش عارفة ليه عملت كدة ليه تكره محمد فيا وتخليه يفتكر اني بكرهه هي استفادت ايه انا مش فاهمة
شاهندا بتلقائية طبعا مش محتاجة سؤال انا دلوقتي اصلا فهمت كل حاجة هي عملت كدة لما عرفت ان محمد معجب بيكي
صبا بصدمة اكبر انتي بتقولي ايه يا خالتو محمد معجب بيا انا
شاهندا بثقة طبعا انتي متعرفيش حاجة دي بت سماوية اكيد حست ولا مش بعيد يكون قالها انه معجب بيكي وهي راحت استغلت كلامهم سوا وقالتله انك بتكرهيه وعشان كدة هو كان بيحاول يبعد عنك
صبا بتفكير معقول محمد يفكر فيا انا طب ليه وازاي انا فين وهو فين يا خالتو
شاهندا وهي بتطبطب علي ايد صبا بحنية انتي ست البنات يا صبا
متقوليش كدة
متابعة القراءة
