عشقت طفلة بقلم اسراء ابراهيم

اقولك انك انهاردة تجنني
جودي بضيق لو سمحت يا مراد قولتلك مش بحب الطريقة دي
مراد بخبث خلاص بلاش الطريقة دي في طريقة تانية متأكد انها هتعجبك اوي بس خليها مفاجئة
جودي كشرت باستغراب ومردتش ومراد ابتسم بخبث وساق عربيته وهو مرتب لكل حاجة
....................................
وردة بابتسامة انت جيت يا جاسر سا حبيبي
جاسر بهدوء ايوة يا ماما عاملة ايه انهاردة يا حبيبتي
وردة بحب كويسة طول ما انت بخير يا حبيبي والله
جاسر بابتسامة هو فين بابا صحيح
وردة بتكشيرة اهو دخل ينام بعد ما جه من الشغل اتناقرنا سوا وهرب بمعني ادق
جاسر باستغراب ليه في ايه 
وايه اللي حصل لكل ده
وردة بتلقائية ابوك مبقاش يعجبو كلامي كل ده عشان بقوله مينفعش البت تخرج مع الواد لوحديهم بس ابوك بقي دماغه مريحاه
جاسر بشك يعني ايه لوحديهم هما مش رايحين يشوفو الشقة ومراد مع ابوه وامه
وردة باستغراب لا ده ابوك قالي ان الواد ابوه حصله ظرف ومش هيروح وان مراد هيوريها الشقة ويجو علطول ولما قولتله كدة ميصحش ومينفعش اتقمص ودخل ينام
جاسر قبض علي ايديه بعصبية قوليلي عنوان الشقة بسرعة يا امي ولما ارجع ليا كلام مع بابا تاني
وردة بقلق قلقتني يا جاسر هو في حاجة ولا ايه
جاسر بسرعة مفيش وقت لما اجي هشرحلك بس قوليلي العنوان بسرعة
............................
كانت واقفة جودي عند باب الشقة بتردد وهي بتبص لمراد
جودي بتردد هما فين انكل وطنط
مراد بابتسامة خبيثة هتلاقيهم راحو مشوار ولا حاجة متقلقيش بابا مأكد عليا انه جاي هو وماما يلا ادخلي بقي مش هنفضل واقفين كدة يعني عالباب
جودي برفض اسفة مش هينفع انا هستني انكل وطنط هنا ولما يجو نبقي ندخل عشان عيب لو دخلت

لوحدي معاك
مراد باقناع يا بنتي دول زمانهم هنا اصلا يلا ادخلي بقي يا جودي متبقيش قفل كدة
جودي بضيق تمام انا قفل مفيش مشكلة بس برضه مش هدخل
مراد اضايق من رد جودي و مسكها من ايديها وشدها جوة الشقة وقفل الباب ووقتها جودي خافت وحاول تداري خوفها
جودي بغضب افتح الباب ده والا هصرخ والم الناس عليك انت فاهم
مراد ببرود انتي مكبرة الموضوع ليه ده انا قولت نتعرف علي بعض اكتر مش يمكن بعد كدة تبقي كل مقابلتنا هنا
جودي بعصبية انت حيوان ولو مفتحتش الباب هصرخ افتح الباب
مراد ابتسم بسخرية وكان لسة هيقرب من جودي بس وقتها سمعو هبد جامد عالباب وسمعت جودي صوت جاسر اللي كان بيزعق وبيطلب من مراد بفتح فصرخت بصوت عالي وهي بتناديه عشان تعرفه انها جوة
جودي بصوت عالي انا هنا يا جاسر افتح الباب بسرعة
جاسر فضل يهبد عالباب ومراد كان مرعوب ومن الخوف راح فتح هو لجاسر اللي اول ما دخل فضل يضرب في مراد لحد ما قربت منه جودي وقالتله بدموع خلاص يا جاسر سيبه ده ميستاهلش حتي انك تضيع نفسك عشانه
قام جاسر بغضب واخد جودي ومشي تحت نظرات مراد اللي كان بيبصلهم بغيظ وهو بيتألم
..............................
جاسر كان بيسوق وهو باين عليه الغضب وكانت فاعدة جمبه جودي بتعيط لحد ما زهق جاسر فيها بغضب وهو بيوقف العربية
جاسر بعصبية اخرررسي بقي انتي كمان غلطانة وبتعيطي
جودي بانهيار انا مكنتش اعرف ان مفيش حد هناك صدقني هو قالي ان باباه ومامته هناك وعمي عاصم عارف كدة
جاسر بانفعال انتي بتحاولي تداري غلطك. انتي اللي وافقتي عليه من الاول رغم انك عارفه وقولتلك حقيقته
جودي باندفاع ولما انا غلطانة ليه جيت ورايا وانقذتني منه انا مستغنية عن بطولاتك دي وياريت متدخلش تاني في حياتي انت فاهم واوعاك تكون فاكر اني رامية نفسي عليك لا يا جاسر انت اصلا خرجت من حياتي للابد وصدقني لو انت اخر واحد في الدنيا مش هلجأ ليك واكلب مساعدتك
جاسر بهدوء مميت انتي كدابة يا جودي انتي وافقتي علي مراد عشان تغيظيني فاكرة انك لما تعملي كدة انا هجري وراكي واضايق بقي واتعصب انتي كنتي قاصدة تعرفيني انط كبرتي وانك مش طفلة زي ما قولتلك بس بغباءك وقعتي نفسك مع مراد بس تعرفي انتي كان عندك حق انا
جودي قاطعته واتكلمت بخنقة عندك حق يا جاسر انت صح انا فعلا يمكن عملت كدة عشان اغيظك وعشان اثبتلك اني مش طفلة زي ما انت قولتلي بس مش عشان اخليك تجري ورايا لاني يوميها خرجتك من حياتي للابد لاني عمري ما افرض نفسي عليك يا جاسر وده عشان انا مش طفلة زي ما انت قولتلي
جاسر اتنفس بغضب وكان هيتكلم بس كانت كملت جودي بحزن لو سمحت يا جاسر انا عاوزة اروح
جاسر من غير ما يرد ساق عربيته وراحو عالببيت واول ما دخلو قامت كريمة ووردة بلهفة وفي نفس الوقت جريت جودي علي امها بلهفة وبقت تعيط
كريمة بلهفة طمنيني يا بنتي في حاجة حصلتلك اللي اسمه مراد ده عملك حاجة اتكلمي
جاسر بهدوء مفيش حاجة يا مرات عمي جودي اهي كويسة هو فين بابا يا ماما
عاصم وهو خارج من الاوضة انا هنا يا جاسر خير في ايه
جاسر بجدية انا حبيت اعرفك ان جودي فسخت خطوبتها من اللي اسمه مراد ده وان كتب كتابنا يوم الخميس
اتصدمت جودي وبصت لجاسر بغضب وردت بانفعال وانت بأي حق تقرر عني طب انا اه فسخت خطوبتي من الحيوان ده بس مش موافقة عليك انت اخر راجل في الدنيا هفكر ارتبط بيه
ابتسمت كريمة بتلقائية وكانت فرحانه ان بنتها اخدت موقف من جاسر حتي لو كانت عارفة انها من جواها فرحانة اوي كمان
جاسر ببرو ومين قالك اني باخد رأيك انا بعرفك ابقي فهميها يا مرات عمي اني مش بستأذنها انا بقولها قراري
جودي بغيظ انت بارد حقيقي طب انا مش موافقة يا جاسر اصلا انت كبير عليا وانا بصراحة عاوزة شاب لسة من سني
ابتسم حاسر ببرود لانه عارف انها بتردله كلامه ليها قبل كدة وقرب منها ووقف قدامها واتكلم بهمس ماهو ده الكلام اللي انتي قاطعتيني فيه واحنا في العربية كنت هقولك انك كان عندك حق انتي فعلا استفزتيني لما وافقتي علي الزفت ده ووقتها عرفت قيمتك وعرفت قد ايه انتي مهمة بالنسبالي وقد ايه انا بحبك
جودي اتوترت وبصت لامها اللي ابتسمت ليها بتشجيع وفي نفس الوقت كانت وردة متابعاهم بفرحة بس قلقانة من ردة فعل عاصم بس اتفاجأت بعاصم بيبتسم وانه اقتنع بكلامها بعد ما حكتله اللي حصل وانه كان هيضيع بنت اخوه لما بعتها مع مراد ووقتها عرف انه كان غلط في تفكيره من الاول
عاصم بابتسامة وافقي يا جودي يا بنتي انا مش هلاقي احسن منك لابني جاسر وسامحيني لو انا كنت السبب في اللي كان هيحصلك
جودي بصت لعمها بعتاب لكنها سكتت وكانت هتمشي بس جاسر مسك ايديها بلهفة وهو بيقولها
جاسر بلهفة جودي انا عارف انك بترديلي اللي عملته بس ياريت بلاش عندك يخلينا نبعد عن بعض انا عن نفسي اعترفتلك اني كنت غلط واني عشان شوفتك بتكبري قدام عيني فكنت شايفك لسة طفلة بس لما
حسيت انك هتبعدي عني عرفت قيمتك واتأكدت اني بحبك اوي يا جودي ارجوكي تسامحيني
جودي قلبها دق وابتسمت لجاسر بخجل ووقتها جاسر اتنهد براحة وفهم انها وافقت اخيرا
سليم بابتسامة موافقة
جودي بخجل موافقة يا ابيه سليم 
ضحك سليم بطريقة جذابة وجودي كانت في اسعد لحظة في حياتها وسليم بيبصلها بنظرة العشق اللي كانت بتحلم بيها.....
تمت