لعنة عشقك بقلم اسراء ابراهيم

حكاية الشاب ده وعشان كدة متغيرة بقالك مدة
سلمي بابتسامة انتي عارفة اني متعودتش اخبي عليكي يا ماما عشان كدة هقولك ياسين مش زميلي في الجامعة هو شاب اتعرفت عليه بالصدفة في الكافيه اللي بقعد فيه وبعدين بقينا نتقابل بس صدفة والله وهو يعني شكله محترم وابن ناس و
مديحة بخزلان وايه تاني يا سلمي كملي انا مش مصدقه انك تطلعي بالسذاجة دي بقي هي دي تربيتي ليكي طب تفتكري يعني هو لو كويس فعلا هيسمح ان حد يقول عليكي كلمة مالهاش لازمة ده لو فعلا كويس كلن فكر فيكي وقال مينفعش اكلمها طالما مفيش بيني وبينها ارتباط رسمي
سلمي بحزن انا اسفة يا ماما بس يعني انا بخوف من كل حاجة واي حاجة ليه بقي ميبقاش ليا حياتي الخاصة واجرب واغلط واصلح غلطي
مديحة بثقة غلط عن غلط يفرق ومش معني ان ابوكي قافل علينا بزيادة يبقي نفتحها احنا برة ونسسي تربيتنا يا سلمي يا خسارة مكنتش افكر انك هتخيبي املي فيكي وكمان بتعلقي غلطك شماعة ابوكي
سلمي بدموع انا اسفة يا ماما انا مقصدش بس والله ياسين مش وحش وانا لو فعلا شوفت منه حاجة وحشة اكيد كنت هبعد
مديحة بعقل ومش هتشوفي حلو كمان الحلو انه يخاف عليكي وعلي سمعتك ويجي يتقدم ويعرفك بالحلال لكن خروج معاه وكلام وانتو مفيش بينكم اي روابط ده اللي غلط عليكي انتي مش عليه
سلمي بهدوء حاضر يا ماما اوعدك اني مش هتكلم معاه تاني ولا هشوفه تاني انا بس حسيته غير بابا
اتفاجأت مديحة من جملة سلمي اللي قالتها بعفوية ووقتها حست بحزن جامد اوي بس سكتت متكملتش وقامت بهدوء
................................. 
بعد كام يوم كانت خارجة سلمي من الجامعة وكانت بتبص

في ساعتها بقلق لانها اتأخرت علي معاد رجوعها وكانت بتدعي ان ابوها يتأخر في الشغل وميكونش روح البيت فكانت بتمد لما قاطعها ياسين وهو بيقف قدامها
ياسين باستغراب انتي مش بتردي عليا في التليفون ليه 
سلمي بتردد لو سمحت يا ياسين خليني امشي لاني متأخرة نبقي نتكلم وقت تاني
ياسين باصرار لا مش هتمشي يا سلمي الا لما افهم لو انا زعلتك في حاجة قوليلي وعاتبيني لكن تهربي مني ومترديش عليا ده انا مش هسمح بيه
سلمي برجاء يا ياسين افهم انا مش هينفع اتكلم معاك دلوقتي لو سمحت خليني امشي واوعدك اننا هنتكلم بس بعدين بعد اذنك
ياسين باصرار وهو بيمسك ايد سلمي لا يا سلمي مش هتمشي وبعدين انتي بتتهربي ليه انا معملتش حاجة لكل ده انا مش فاهم اصلا احنا وصلنا بعلاقتنا لكدة ازاي وزعلانة مني ليه
سلمي بانفعال عشان علاقة غلط من الاول ياسين انا لو قريت منك في الاول فده عشان انا كنت زي الغرقانة وكنت بالنسبالي طوق النجاه بس بعد كدة اكتشفت انك بدل ما تنقذني هتغرقني
ياسين بصدمة انا يا سلمي للدرجادي
سلمي بحزن متفهمش غلط انا مش هنكر اني اتعلقت بيك بس بالطريقة الغلط ياسين انت شايفني ازاي كل يوم بسأل نفسي السؤال ده وخايفة من اجابته رغم ان اجابته واضحة انا بالنسبالك بنت اتعرفت عليها في كافيه وبدأت تتقابل معاك وتتكلم بدون قيود وبقينا نتقابل طبيعي اكيد شايفني مش كويسة والا كنت خفت عليا كنت حاولت تعرفني بس بالاصول يا ياسين مش بالطريقة السهلة
ياسين بحيرة وهو مش فاهم حاجة هو انتي اللي شايفاني ازاي معقولة مفكرة اني شايفك وحشة ازي كدة واني عشان انتي بتكلميني تبقي مش تمام طب وانا انتي مش واثقة فيا معرفتنيش طول الفترة دي 
سلمي بدموع انا اسفة يا ياسين بس انا مش هينفع اشوفك تاني
كان ياسين هيرد بس اتفاجأت بصوت ابوها القوي وهو واقف وراها وبينادي عليها فاتخضت سلمي وسحبت ايديها من ايد ياسين برعب وهي بتبص ناحيته
سلمي بخوف بابا بابا انا والله مفيش حاجة انا
علاء بصوت غاضب قدامي وحسابنا في البيت يلا من غير صوت
سلمي مشيت مع ابوها اللي وقف وبص لياسين بحدة لو فكرت تقرب من بنتي تاني انا هخليك تندم انت فاهم
ياسين بلهفة يا فندم حضرتك فاهم غلط فاسمحلي اشرحلك
علاء بغضب لا مش هسمع انا هقولك بس تاني ابعد عن بنتي والا صدقني هتندم انا بنتي مش زي اللي انت تعرفهم
قال علاء كلامه واخد سلمي ومشي وكان متابعه ياسين بقلق علي سلمي اوي لانه فهم من طريقته معاه انه صعب جدا وفهم وقتها خوف سلمي الزايد
...........................
في البيت كانت سلمي في امها بعد ما ضريها ابوها بالقلم
مديحة بلهفة وخوف اسمع بس يا علاء انت فاهم غلط اوعي تتسرع
علاء بغضب اسمع ايه بقولك بنتك كلنت واقفة مع شاب وماسك ايديها انا معرفتش اربي انا اللي طول الوقت محاجي عليها وفاهم اني بربيها للاسف معرفتش اربي
سلمي بابنهيار يا بابا حضرتك فاهم غلط والله ياسين كويس ومش نيته حاجة وحشة ده بيحبني وهيتقدم صدقني
علاء بانفعال انتي مصدقة نفسك وهو بعد ما كل عقلك بكلمتين وبعد ما خلاكي تكدبي علي اهلك وتقابليه من وراهم هيفكر يتقدملك انتي بالنسباله صيدة سهلة بت ضحك عليها بكلمتين ولاقاها بتستجاب انتي ازاي تعملي كدة ازاي ده انا طول الوقت بقريكي وبفهمك ان اللي برة دول مش بني ادمين دول وحوش ومحدش هيتمنالك الخير وكلهم طمعانين فيكي لو اديتيهم ريق حلو 
مديحة بحزن ولهفة خلاص يا علاء هي معدتش هتكررها تاني صدقني انا رجلي علي رجلها والله بس عدي الموضوع دي بنتنا الوحيدة
علاء بجمود ماهي عشان بنتنا الوحيدة انا عملت كل ده حاوطت عليها برموش عيني واديي اخرتها بنتي تعمل فيا كدة اسمعي يا مديحة مفيش كلية تاني وده اخر كلام عندي
سلمي بصدمة وانهيار لا يا بابا بالله عليك والله مش هكلمه هو اصلا مش من الجامعة صدقني حتي اسأل ماما
علاء بصدمة وغضب اسأل امك انتي كنتي عارفه يا مديحة بعلاقتها بالواد ده انطقي
مديحة بصت بعتاب لسلمي اللي استوعبت اللي قالته وحست بالندم ووقتها اتنفضو هما الاتنين علي صوت علاء سلمي علي اوضتك يلااااا
سلمي بخوف بابا انا اسفة بس ماما مالهاش ذنب انا حكيتلها عشان تبقي عارفه وهي نصحتني ابعد عنه والله و
علاء بهدوء غريب قولتلك علي اوضتك يلا
قامت سلمي ودخلت اوضتها ومديحة وقتها كانت هتتكلم بس نظرة علاء اللي كلها عتاب كانت كفيلة تخليها تسكت ووقتها انسحب هو بهدوء علي اوضته بخزلان وكانت متابعاه مديحة بحزن وندم
........................... 
عدي كام يوم كان ياسين دايما مضايق ومش مركز في شغله وخصوصا انه بيحاول يكلم سلمي وللاسف تلفيونها مقفول
ملك بابتسامة معقولة اخويا حبيبي قاعد متنح كدة ومش مركز ده كدة في حاجة كبيرة اكيد
ياسين بتنهيدة عاوزة ايه يا بكاشة انتي سيبيني في حالي
ملك باصرار ابدا شوف مش هسيبك انهارده الا لما تحكيلي وانا اوعدك امي هحكيلك يعني انا كمان بس انت الاول ها
ياسين بقلق تحكيلي ايه بقي ملك قولي علطول في ايه
ملك بتردد اانت هتمسك فيا يا عم انت عشان تهرب