حصريا طفلة سرقت قلبي بقلمي اسراء ابراهيم

اسكربت 
طفلة سرقت قلبي 
هو انتي ازاي بتحبيني وازاي عاوزاني اتجوز عليكي وموافقة ومرحبة اوي كمان 
ندي بتوتر افهم بس يا ياسين انا لو عليا الموت اهون من انك تتجوز عليا او اني اوافق علي حاجة زي دي بس انا بايدي ايه اعمله انت عارف ابوك صعب ومحدش بيقدر يقف قصاده وانا تعبت ومش حمل اني اناهد واقف قصاده فخلاص ريحه واتجوز
ياسين بغضب انا مش مصدق اني بسمع ده منك انتي متخيلة انا حاسس بايه دلوقتي انتي ازاي كدة ده بدل ما تقوليلي اقف قصاده يا ياسين وانا في ضهرك ولا تقوليلي انك بتحبيني وتتحايلي عليا ارفض انتي اللي بتقنعيني اتجوز عليكي انا مش فاهم حاجة
ندي باصرار افهم يا ياسين ابوك لو انت رفضت وصممت علي رأيك هيخلي ادم اخوك هو اللي يتجوزها وانت متأكد من كدة ماهي بنت عم كارم صديق عمره وشريكه في كل المحلات يعني يا حبيبي مش هيسيب كل ده يروح لحد غريب وخصوصا ان الراجل موصيه علي بنته قبل ما يموت يبقي ايه الحل هنسيب كل الهالمة دي تروح لاخوك ادم ومراته لا طبعا احنا اولي وولادنا اولي بالقرشين دول
ياسيين بصدمة انتي عاوزاني اتجوز عشان الفلوس بتاعة مسك بتقنعيني وبتقولي كل الكلام الل قولتيه عشان تخليني اوافق اتجوزها واضمن فلوسها ليكي 
ندي بتوتر انا قولت لينا مش ليا لوحدي وبعدين وفيها ايه فلوس وجاتلنا لحد عندنا ليه نقول لا وكدة كدة هيبقي جواز علي ورق يعني لا هتلمسها ولا هيبقي ليها حقوق اصلا
ياسين كان مصدوم من كلام ندي مراته واللي عمره ما حس منها بأي حاجة غير اهتمامها بالماديات وبس ورغم ده اتصدم فيها لما

عرف انها ممكن توافق انه يتجوز عليها لمجرد انها تضمن الفلوس تبقي ليها 
ياسين بجمود ومين قالك اني هقبل انها ميبقاش ليها حقوق طالما هتجوز مسك هيبقي ليها حقوق اكيد وانا عمري ما هظلمها ايه رأيك بقي
ندي بضيق انت بتقول كدة عشان توقف الموضوع مش كدة يا ياسين عموما براحتك انا كان قصدي مصلحة عيالنا
ياسين بغموض انا لو وافقتك يا ندي علي كلامك ده واتجوزت مسك مش هيكون جواز علي ورق هتبقي مراتي زيها زيك وليها حقوق زيها زيك ها قرارك ايه عشان القرار اللي هتاخديه انتي اللي هتتحملي نتيجته بعدين 
ندي اتوترت وبصت بعيد وهي بتفكر في كلام ياسين لانها متأكدة انه بيقول كدة عشان يعجزها ويخليها ترفض اما ياسين فكان متابع ندي بصدمة ومش متخيل ان الفلوس مهمة عندها اوي كدة لدرجة انها ممكن تقبل ان يكون ليها ضرة وفعلا شوية وندي اتكلمت بعد تفكير
ندي بثقة تمام يا ياسين اتجوزها بس الاولوية ليا لاني معايا ادم وجميلة ولادنا ها قولت ايه 
ياسين بجمود قولت زي ما قولتلك انا مش هظلمها وهي هيبقالها زيك بالظبط لاني مش هظلم حد فيكم
ندي بثقة خلاص تمام موافقة كدة كدة دي عيلة لسة 19 سنة يعني طفلة بالنسبالك ومعتقدش انها ممكن تبقي منافس ليا انا الاصل يا ياسين ولا نسيت 
ياسين بسخرية انا هنزل ابلغ بابا اني موافق واااه هي هتعيش في الشقة اللي فوقينا علطول عشان تبقي معايا واقدر اوفق بينكم
ياسين استني ندي تتكلم او تعترض لكنها متكلمتش واكتفت انها تحرك راسها بايجابية وانها موافقة وده جنن ياسين وخلاه سابها ونزل بغضب
ندي وهي بتطمن نفسها ماشي اكيد يعني العيلة دي مش هتاخدك مني بس اهم حاجة ان الفلوس بتاعتها بعد كدة تبقي لينا وانا هعرف اكسبها ازاي

يووه يخيبها بت هي بجد مراتك وافقت 
كانت بتتكلم حسنية بصدمة بعد ما بلغها ياسين انه موافق يتجوز مسك بناء علي رغبة ندي مراته
ياسين بسخري اه يا امي موافقة شوفتي هي اللي كانت بتقنعني اني اوافق الفلوس عندها اهم من انها تشوفني مع غيرها عادي
حسنية بحنية متزعلش يا ياسين هي ندي طول عمرها كدة مش بنت عمك بس انا كنت عارفة انها انانية وتحب الفلوس زي عنيها بس اقول ايه انت اللي اخترت وقتها وانا مرضتش اتكلم واعترض وقولت طالما بتحبها خلاص جايز تتغير
ياسين بتفكير مكنتش متخيل انها ممكن تقايضني بالفلوس يا امي انا حاسس اني عاجز دماغي وقفت ومش عارف افكر انا كان نفسي اقولها انا اللي مش عاوزك بس للاسف ولادي هما اللي معجزني
حسنية بابتسامة بص يا ياسين اللي حصل خلاص حصل وانت يابني دلوقتي مش بطولك عشان تفكر فنصيحة مني حاول تتقبل الموضوع عشان ولادك ولو علي جوازك من مسك فانا هحاول اتكلم مع ابوك واقنعه انه يرجع في كلامه علي جواز واحد فيكم منها وانه يخليها تيجي تعيش معايا هنا كدة وانا هراعيها دي يتيمة ام واب وانا بحب البت دي عشان زي العسل
ياسين بجدية لا يا امي هو مش ده اقتراحها هي يبقي تتحمل نتايجه بلغي بابا اني موافق اتجوز مسك وانها هتعيش فوق في الشقة اللي في الدور اللي فوقينا انا وادم اخويا
حسنية بقلق لا يا ياسين البنت هتعيش معانا هنا انا وابوك دي لسة صغيرة يعني مش هينفع تعيش لوحدها وبعدين كدة كدة دي جوازة كدة والسلام عشان بس البت تقدر تعيش معانا يعني ملوش لزوم تعيش في شقة
ياسين بتفكير عندك حق عموما انا هروح اشوف الشغل في المحل وحضرتك بلغيه بموافقتي
حسنية بقلق ربنا يستر يا ياسين وان جوازتك دي متبقاش سبب تعاستك يابني 
ياسين بتفكير انا هخليها تندم عاليوم اللي فكرت فيه في الفلوس ماشي يا ندي

اهلا يا مسك يا حبيبتي عاملة ايه 
مسك بابتسامة الحمد لله يا عمو نبيل حضرتك عامل ايه 
نبيل بابتسامة بخير يا بنت الغالي انتي نورتي المحل تعالي اقعدي علي ما اطلبلك النكسكافيه ده اللي بتحبيه
مسك بابتسامة ربنا يبارك فيك يا عمو ملوش لزوم انا بصراحة كنت قاعدة زهقانة فقولت اجي اسلم علي حضرتك واقعد معاك شوية
نبيل بفرحة دي احسن حاجة عملتيها هانت يا قلب عمك وهتيجي تنوري بيتك وسطينا ولا مش عاوزة تعيشي معايا
مسك بتردد عمو نبيل انا بحب حضرتك اوي واكيد نفسي اعيش مع حضرتك وخصوصا ان بابا الله يرحمه كان موصيني اني اعيش معاك لو حصله حاجة بس يعني انا بقول مش لازم موضوع الجواز ده انا مرتاحة كدة والله وعادي من وقت للتاني اجي اسلم عليكم واقعد معاكم لكن من غير جواز انا مش عاوز ابوظ حياه حد بسببي
نبيل بفخر رينا يحميكي يا بنتي ما شاء الله كلامك غير سنك خالص عموما يا ستي وصية ابوكي علي عيني وراسي لكن انا هاخدك تقعدي معانا عشان انتي بنتي يا مسك وانا لا يمكن هسيب بنتي تعيش لوحديها فمتقوليش لا يا قلب عمك والا هزعل منك
مسك بابتسامة ماشي يا عمي اللي حضرتك تشوفه اتمني بس ان وجودي ميسببش مشكلة
نبيل بحنية مشكلة ايه بس يا عبيطة انتي هو تلواد ياسين ده يطول