حصريا طفلة سرقت قلبي بقلمي اسراء ابراهيم

الليل قلقان ومنمتش كنت خايف عليكي
مسك بتلقائية بجد كنت خايف عليا 
ياسين بتأكيد طبعا يا مسك وعلي فكرة كل الكلام اللي قالته ندي انا هحاسبها عليه وبعتذرلك بالنيابة عنها
مسك بتلقائية لا لو سمحت متعملش معاها مشكلة بسببي انا خلاص سامحتها وبعدين هي ليها حق اكيد بتحبك وبتغير عليك ياريت تفهمها وضع علاقتنا وتأكدلها ان مستحيل يكون في بينا حاجة وانك بالنسبالي مش اكتر من ابيه ياسين
ياسين بهدوء انتي مش فاهمة حاجة يا مسك وندي اللي بتتكلمي عنها دي مش موجودة اصلا المهم سيبك منها يلا عشان نفطر ماما عملت لينا فطار ايه بقي بس انا مرضتش اخليها تصحيكي قولت لما تقومي براحتك
مسك بحماس بجد طب فين انا فعلا واقعة من الجوع
ياسين بابتسامة طب يلا بينا واعملي حسابك اني هخليكي تعوضيني عن قلة النوم بكوباية قهوة من ايدك
مسك بتلقائية اكيد طبعا تحب اعملهالك دلوقتي مش هتأخر 
ياسين برفض وهو بيمسك ايد مسك لالا مش دلوقتي يلا نفطر الاول
اتوترت مسك وبصت لايد ياسين وبعدين بصتله فاتحرج وساب ايديها 
ومشيو سوا بهدوء

بعد كام يوم كانت واقفة ندي قدام حسنية وهي باين عليها الغضب وحسنية كانت بتعمل الاكل ببرود ومتجاهلة ندي خالص
ندي بغيظ ممكن اعرف بقي في ايه عدي اسبوع وابنك مش بينزل من عند الهانم وحتي العيال بيشوفهم عندك ويطلع ليها تاني هو ناسي انه متجوز ولا فاكرها اول جوازة ليه 
حسنية ببرود في ايه يا ندي هو مش عريس يعني يسيب عروسته من اول يوم عشان ترتاحي ولا ايه
ندي بغضب نععععم عريس ايه علي اساس ان الجوازة دي بحق وحقيقي اومال لو مكنش عارف سبب جوازه منها ايه
حسنية بتحذير اتكلمي عدل يا بت انتي وبعدين تعالي هنا هي دي مش كانت شورتك ولا عاملة هبلة دلوقتي 
ندي بتوتر انتي تقصدي ايه بشورتي دي 
حسنية بسخرية ايوة اعملي دلوقتي هبلة لا كانت شورتك انتي اللي سمحتي لياسين انه يتجوز رغم انه هو اللي كان رافض بس انتي عشان طماعة وميملاش عنيكي التراب زنيتي عليه عشان يوافق يبقي استحملي بقي نتيجة قراراتك ومترجعيش تأوأي زي دلوقتي كدة
ندي بغيظ يعني دي غلطتي دلوقتي يعني انا كنت عاوزة نأمن مستقبل عيالنا
حسنية بصدمة تأمني مستقبل عيالك بفلوس البت اليتيمة اللي سابهالها ابوها انتي شكلك اتجننتي وهو ياسين مخليكي ناقصك حاجة ده الدهب في ايدك من هنا لحد هنا بس انتي اللي ميملاش عنيك غير التراب يا بت زهيرة
ندي بتنفخ بغضب يوووه انا كنت عارفة اني مش هاخد معاكي حق ولا باطل يا مرات عمي بس انا بقي مش هسكت وهوريكي انا هعمل ايه
خر ت ندي بغيظ وخدت بعضها و طلعت علي فوق وهي مقررة تاخد موقف ومتعديش اللي حصل

كانت قاعدة مسك بتتفرج علي المسلسل التركي اللي هي متابعاه وكانت مندمجة اوي مع البطل والبطلة اللي كانو بيحبو في بعض وكان متابعها ياسين وعلي وشه ابتسامة غريبة
ياسين بتلقائية تعرفي انك طفلة اوي وانتي قاعدة كدة
مسك بتكشيرة اشمعني يعني عشان لابسة ترنج عليه بطوطة ولا عشان عاملة شعري كب كيك 
ياسين بضحك لا عشان بتتفرجي عالمسلسل ومتأثرة اوي كأنه فعلا حقيقة
مسك بتكشيرة اصل البطل ده لوح البت بتحبه وواقعة اوي وباين عليها والدنيا كلها عرفت الا هو فعلا لوح
ياسين بصدمة لوح مرة واحدة طب مش يمكن هي اللي مش عارفة توصله انها بتحبه
مسك بتلقائية لا ماهي هي مش عاوزاه يعرف اصلها متجوزاه غصب عنه وهي خايفة تعترفله احسن يجرحها
ياسيين بتفكير تعرفي ان المسلسل ده عامل زي قصتنا
مسك بتوتر ازاي يعني مش فاهمة
ياسين بتلقائية يعني متجوزين برضه كدة وكدة بس الفرق انك مش بتحبيني اكيد اصل مفيش طفلة هتحب واحد قد ابوها
مسك باندفاع علي فكرة ده هما 12 سنة بس يعني مش كتير اوي
ياسين رفع حاجبه باهتمام وهو بيبص لمسك اللي اتوترت وقامت بسرعة
مسك بهروب انا هروح اعمل نسكافيه اعملك معايا
ياسين بتفكير اممم ماشي اعملي 
جريت مسك وهي بتلعن غباءها اللي خلاها تتكلم وتقول الكلام اللي قالته وكانت بتشتم نفسها وهي ماشيه بس انتبهت لصوت جرس الباب فجريت تفتح وكانت فاكراها حسنية بس اتفاجأت بندي قدامها
ندي وهي بتبص لمسك بتقييم اهلا اهلا مكنتش اعرف ان طفلة زيك يطلع منها كل ده لا ابهرتيني
مسك باستغراب مش فاهمة تقصدي ايه 
ندي بغضب اوعي كدة من وشي هو فين العريس
ياسين قام بغضب انتي ايه اللي خلاكي تطلعي هنا يا ندي 
ندي بتوتر جاية اشوف جوزي اللي بقاله اسبوع مش سائل فيا ايه مينفعش يا استاذ ياسين ولا مش من حقي ولا نسيت اصلا انك متجوز 
ياسين بجدية لا منستش بس ده وضع طبيعي لاني عريس جديد ولا نسيتي
ندي بغضب لا منستش بس الظاهر انت اللي نسيت يا ياسين انك تعدل بينا مش ده كان اتفاقنا برضه 
كانت واقفة مسك متوترة ومش عارفة تعمل ايه فكانت هتنسحب بهدوء بس اتفاجأت بياسين بيقربها منه وبيحاوطها بايديه وهو بيبص لندي بسخرية
ياسين بسخرية ممكن بقي تتفضلي علي شقتك ولما يبقي يجي دورك هتلاقيني بنزلك يلاا
ندي بغضب ماشي يا ياسين ماشي
مشيت ندي وسابتهم واقفين ووقتها ياسين نفخ بضيق وفي نفس الوقت بعدت عنه مسك باستغراب
مسك باستفهام ممكن اعرف انت ليه عملت كدة ليه تجرحها بالشكل ده وليه قاصد تبين ليها ان جوازنا طبيعي وحقيقي
ياسين بتنهيدة عشان ده اللي المفروض يحصل يا مسك وبعدين متشغليش بالك انتي بحجات تافهة زي دي واعمليلنا النسكافيه يلا
مشيت مسك وهي من جواها حاسة ان في حاجة تانية بين ندي وياسين بس هو مش عاوز يقولها وعشان كدة احترمت خصوصيته ومأصرتش انها تعرف

تاني يوم كانت واقفة ندي في مطبخ حسنية بعمل الاكل بعد ما قررت تستغل اللي حصل لصالحها وخصوصا اما عرفت ان خلاص مسك هتنزل تعيش مع حسنية هنا وده بناء علي رغبتها زي ما سمعت حماتها بتتكلم
دخلت مسك بشنطة هدومها ومعاها ياسين اللي كان باين عليه الضيق
مسك بابتسامة صباح الخير يا ماما حسنية
حسنية بحب صباح الورد يا نور عيني نورتي بيتك يلا انا وضبت ليكي اوضتك لما قولتيلي انك هتنزلي خلاص
مسك بامتنان ربنا يخليكي ليا يا ماما بعد اذنكم هدخل الشنطة واغير هدومي واجي
دخلت مسك اوضتها وياسين بص لامه وكان باين عليه الحيرة ولاحظت ده حسنية
حسنية بقلق مالك يا ياسين شكلك مضايق من حاجة انت اتخانقت مع مسك ولا ايه
ياسين بضيق مفيش بس هي صممت تنزل تعيش معاكم هنا وخصوصا بعد ما ندي طلعت لينا امبارح وعملت عمايلها
حسنية بجدية ايوة ماهي جتلي الاول ولما مخدتش مني عقاد نافع طلعتلك عموما مسك يعني عملت ايه عرفت حاجة
ياسين بنفي لا طبعا هي متعرفش باللي بيني وبين ندي بس معرفتش اقولها ايه لما سألتني 
حسنية بخبث وانت بقي زعلان عشان كدة ولا عشان هي نزلت تعيش هنا معايا انا وابوك 
ياسين بتنهيدة