حصريا طفلة سرقت قلبي بقلمي اسراء ابراهيم

ياخد قمر زيك وبعدين انتي بس اؤمري وعمك ينفذ ويلا بقي شدي حيلك كدة عاوزين مجموع عالي عشان تتخرجي وتمسكي شغلك مكان ابوكي هنا وتراعي املاكك
مسك بهدوء املاك ايه بس يا عمي يعني بابا امنك عليا مش هأمنك انا علي شوية فلوس 
نبيل بفخر ربنا يكملك بعقلك يا بنت الغالي ايه ده اهو ياسين جه اهو
ياسين بابتسامة السلام عليكم ازي حضرتك يا بابا
نبيل بابتسامة عليكم السلام يابني جيت في وقتك سلم علي مسك بنت عمك كارم
ياسين بتوتر اهلا ازيك يا انسة مسك
مسك بخجل الحمد لله يا ابيه ياسين طب استأذن انا بقي بعد اذنك يا عمو هروح بقي كفايا كدة
نبيل بابتسامة ماشي يا حبيبتي يلا ياسين مع مسك وصلها وتعالالي
مسك برفض لا ملوش لزوم انا هعرف اروح زي ما جيت يا عمو
ياسين بتلقائية لا طبعا مينفعش طالما جيتي متروحيش لوحدك اتفضلي انا هوصلك
مسك بهدوء تمام مع السلامة يا عمو نبيل
مشيت مسك ونبيل شاور لياسين انه يتكلم مع مسك وياسين اتنهد بضيق ومشي ورا مسك وركبو العربية ومشيو

في العربية كانت قاعدة مسك متوترة وباصة الناحية التانية بتوتر لحد ما انتبهت لصوت ياسين
ياسين بجدية احم اكيد بابا قالك علي موضوع الجواز مش كدة 
مسك بتوتر ااه قالي بس انا قولتله بلاش والله ابيه ياسين بس هو شكله مصمم انا بجد اسفة وعارفة اني هبوظلك حياتك وانك رافض اكيد تتجوز لانك بتحب مراتك و
ياسين باندفاع بس انا موافق يا مسك 
مسك بتهتهة مموافق انا مش فاهمة يعني ازاي
وقف ياسين العربيددة ورد بهدوء اسمعيني كويس يا مسك انا بحب عم كارم الله يرحمه وهو كان بمثابة والدي وعشان كدة انا لازم انفذ وصيته واخليكي عايشة معانا عشان نبقي مطمنيني عليكي فانا موافق بس يعني هيبقي جواز بس كدة عشان الناس
مسك بتفهم ايوة فهمت يا ابيه خلاص عموما انا متشكرة ليك اوي انك هتعمل كدة وانا كفايا عليا اني اعيش وسطيكم ومحسش اني لوحدي 
ياسين بابتسامة انتي عمرك ما كنتي لوحدك لاننا كلنا حواليكي انا بس عاوزك تبقي فاهمة كل حاجة عشان تقدر نتعامل مع بعض من غير احراج فاهماني 
مسك بابتسامة فاهماك يا ابيه متقلقش انت بالنسبالي ابيه ياسين اللي بعتبره مثل اعلي ليا واكيد انا كمان بالنسبالك مسك العيلة الصغيرة اللي كانت بتيجي تلعب في اوضتك وانت بتزعقلها وتخرجها برة
ياسين بضحك يااه انتي لسة فاكرة ده انتي قلبك اسود اوي
مسك بسرحان عمري ما انسي اي حاجة من اللحظات دي دي محفورة في عقلي
وبعدين انتبهت لنفسها فردت بتوتر احم ممكن نمشي احسن انا اتأخرت
ياسين باستغراب طيب خلاص يلا بينا

يوم كتب الكتاب كانت قاعدة مسك متوترة في اوضتها وبتبص لحسنية اللي دخلت تطمن عليها بقلق حسيته حسنية من نظراتها فقربت منها ومسكت ايديها بحنان 
حسنية بحب مالك يا مسك قاعدة متوترة كدة ليه
مسك بحزن خايفة يا ماما حسنية حاسة ان اللي بعمله ده غلط
حسنية باستغراب غلط ليه بقي ده انتي هتتجوزي علي سنة الله ورسوله وبعدين هو الواد ياسين يتعيب ولا ايه
مسك باندفاع لا طبعا مش قصدي ده ابيه ياسين انسان كويس اوي وانا ياما كنت بتمني اتجوز حد زيه
حسنية بخبث طب اهو حلمك اتحقق وهتتجوزي هو بنفسه
مسك بتوتر ايوة بس انا مش قصدي كدة انا يعني كنت اقصد انه
حسنية بابتسامة مسك حبيبتي انتي دلوقتي في امر واقع وياسين كلها دقايق ويبقي جوزك يعني لازم تصدقي ده وتتعاملي معاه علي انه جوزك وبعدين متخافيش من اي حاجة طول ما انا جمبك مش انا زي امك الله يرحمها ولا ايه
مسك بدموع وهي حسنية طبعا والله يا ماما حسنية انا بحبك اوي وفرحانة اني هعيش معاكي علطول
حسنية بحنان مش اكتر مني يا مسك والله يلا قومي بقي كدة كملي لبسك وحطي مكياجك عاوزاكي قمر انهاردة عاوزة الناس تنبهر بجمال مرات ياسين 
مسك بحزن حاضر
خلصت مسك لبس وكانت قمر اوي وهي بتبص لنفسها في المراية وخرجت مع حسنية وهي متوترة اوي وحاسة ان الكل بيبصلها فيه اللي شفقان عليها وفي اللي مضايق منها زي ندي اللي كانت متغاظة اوي وخصوصا اما شافت مسك وجمالها الطبيعي اللي بأبسط اللمسات بيبين جمالها خدتها حسنية وراحت لياسين اللي كان قاعد قدام ابوه وبيكتبو الكتاب لانه وكيل مسك انهاردة فكان بيردد ورا المأذون وعنيه علي مسك اللي اتفاجأ بيها بتقرب منه بشكلها اللي يخطف القلب واول ما قعدتها حسنية جمبه كان المأذون خلص كلامه وختمها بجملته المشهورة
بارك الله لكما وبارك عليكما وجمع بينكما في خير
حسنية زغرطت اول ما سمعت جملة المأذون ووقتها ياسين قرب من مسك واتفاجأت بيه بيمسك ايديها وهو بيسلم عالكل ولما حاولت تسحب ايديها كان هو متبت فيها فاستغربت وبصتله فقرب هو منها وهمس في ودنها
ياسين بهمس متخافيش وحاولي خليكي طبيعية عشان الناس
مسك وقلبها بيدق اانا مش عارفة مكسوفة اوي يا ابيه ياسين
ياسين بضحكة رجولية سمعت في قلب مسك خلاص بقي ابيه ايه لو حد سمعك كدة هيقوله ايه طب والله عيب في حقي
مسك اتكسف وابتسمت بتلقائية وهي باصة لياسين وفيزنفس الوقت كانت متابعاهم ندي بغيظ والنار قادت فيها فقربت من ياسين اتحرجت وسحبت ايديها بهدوء من ايد ياسين وقعدت بهدوء تحت همس كل الموجودين
ياسين بعد ندي عنه بهدوء وندي وقتها ابتسمت ليه بدلع وهي 
ندي بدلع وصوت مسموع انا والله يعز عليا اني اوافق انك تتجوز عليا يا حبيبي بس لولا انك قولتلي انها يتيمة ومالهاش حد وانك هتعمل كدة شفقة وعطف عليها انا مكنتش وافقت ابدا
نديييي اخرررسي
قالها نبيل بغضب بعد ما شاف نظرات الغضب علي وش ياسين ابنه فخاف يتهور قدام الناس 
نبيل بغضب يلا علي شقتك ومش عاوز اشوفك انهاردة خالص براها
ندي بصت لعمها بشماتة وبعدين طلعت علي فوق وكل ده ومسك قاعدة باصة قدامها بشرود وبتحاول تمسك دموعها عشان متنهرش وكان بيبصلها ياسين بشفقة لانه عارف ان كلام ندي جرحها فقعد جمبيها بهدوء
ياسين بتلقائية مسك انا اسف
رفعت مسك عنيها وبصت لياسين والدموع محبوسة فيهم ومردتش عليه
نبيل بجدية يلا يا ياسين خد مراتك واطلع شقتكم كفايا كدة
ياسين سحب مسك من ايديها وهي مشيت معاه بهدوء ومن جواها حاسة انها جسم من غير روح

تاني يوم كان قاعد ياسين وباين عليه انه مضايق وسرحان في اللي حصل بليل لما مسك دخلت علي اوضتها علطول ورفضت حتي تتكلم معاه وعشان كدة فضل ياسين طول الليل صاحي وبيفكر في اللي حصل لحد ما انتبه لصوت فتح باب اوضة مسك فقام بلهفة وقرب منها وشاف وشها اللي باين عليه التعب والارهاق
ياسين بلهفة عاملة ايه دلوقتي 
مسك بابتسامة باهتة كويسة اسفة اني سبت حضرتك امبارح ورفضت اتكلم انا كنت مخنوقة اوي ولما بكون كدة مبقدرش اتكلم وبفضل لوحدي لحد ما اهدي
ياسين بابتسامة ولا يهمك بس بسببك انا فضلت طول