بنت عمي اليتيمة حصري على موقع لمحة بقلمي اسراء ابراهيم
اسكربت
بنت عمي اليتيمة
انت مش هتتجوز البنت دي ياسليم انت هتتجوز بنت عمك
قال كده فتحي بحسم لابنه سليم اللي كان خطوبته علي البنت اللي بيحبها بعد يومين
سليم بصدمه
معلش حضرتك بتقول ايه بنت عم مين دي اللي عايزني اتجوزها ده انا لسه عارف ان ليا بنت عم النهاردة
ولولا انها جت النهاردة وبوظت اليوم كان زماني قاري فتحتي علي البنت اللي عشت عمري كله احلم بيها
فتحي بعصبيه وانا مش عايزك تتجوز البنت دي ومش معني اني وافقت نقعد قعدة تعارف يبقي انا كده كنت موافق انت عارف من الاول رأي ايه في البنت دي واهلها
سليم بعصبيه بابا بعد اذنك انا اللي هتجوز مش حضرتك
فتحي بعصبية
ده اللي كنت خايف منه كنت خايف يغيروك ويقصرو عليك انا النهاردة عرفت اني معرفتش اربي ولو عملت اللي في دماغك ومتجوزتش بنت عمك لا انت ابني ولا عايز اعرفك
خرج فتحي من الاوضه وساب سليم لوحده وهو بيفكر وبينفخ بضيق وبيلعن اليوم اللي جت فيه بنت عمه ففكر شوية وبعدين طلع تليفونه وعمل مكالمه
...............................
فتحي طلع اوضة بنت اخوه وخبط علي الباب ففتحت فجر
فتحي بابتسامة ممكن اتكلم معاكي يا بنتي
فجر بابتسامه طبعا ياعمي اتفضل
دخل فتحي وقعد علي السرير وشاور لفجر تقعد جنبه وقال
انتي تعرفي اني كان نفسي يبقي ليا بنت جميله زيك كده
فجر بابتسامة الصراحه ياعمي انا كنت خايفه من رد فعلك لما اجي بس مكنتش متخيله اني عندي عم بالحنيه دي كلها
فتحي بفرحه من كلام فجر
كنتي مستخبيه مننا فين يافجر
فجر بحزن كنت مع ماما في اسكندرية بس هي ياحبيبتي تعبت في اخر ايامها وكانت عايزة تطمن عليا لانها ملهاش حد فقالتلي انزلي الزمالك واسألي عن عمك فتحي ثابت الف مين هيدلك عليه وطلع عندها حق ياعمي
حضرتك طلعت علم هنا
ضحك فتحي علي طريقة كلام بنت اخوه وقال بفرحة شكلك شقيه يافجر بس تعرفي حبيتك من اول ما شوفتك و لولا الخلاف اللي حصل زمان كان زمانك طلعتي في وسطينا
فجر بابتسامه وجع الحمدلله ياعمي كل اللي يجيبه ربنا كويس
بصلها فتحي وابتسم وقال
بس تعرفي ناديه عرفت تربي
فجر ابتسمت وحست بفخر والم في نفس الوقت هي حست بفخرلانها بنت الست دي وحست بالم علي فراق امها
فتحي وهو بيشاور بايده قدام وشها ايه يابنتي روحتي فين
انتبهت فجر لصوت عمها وابتسمت وقالت
معاك ياعمي
فتحي بحنية انتي عارفه اني من ساعت ما شوفتك وانا نفسي اخدك في حضني يافجر دا انتي من ريحة الغالي
ابتسمت فجر وهي بتبص لعمها بحرج
ففهم عمها انها محروجه منه وقال
انا عارف اني الموضوع لسه جديد عليكي بس انا زي ابو..
قطع كلامه فجر اللي دخلت في حضنه فجأه فابتسم وهو بيطبطب علي كتفها بحنان حبيبتي يافجر يابنت الغالي
قطع كلامهم دخول غاليه مرات فتحي ولما شافتهم قالت بغضب مصطنع
بتعمل ايه يا فتحي
...................................
سليم بجدية ايوة ياشهاب كنت عايز منك خدمه
شهاب صاحب سليم ويبقي محامي شاطر اوي في مجاله
شهاب بابتسامه طيب ياعم قول عامل ايه الاول متبقاش مصلحجي
سليم بنرفزة بقولك ايه ياشهاب مش وقت هزار خالص
شهاب باستغراب خلاص ياعم قول مش ههزر ده شكل الموضوع كبير
سليم بجديه اسمعني كويس واعمل اللي هقولك ايه عايزك تكلم حد حبيبك بس بعيد عني خااالص عشان مش عايز بابا يعرف حاجه
شهاب بتعجب مش بقولك شكل الموضوع كبير
سليم بقلة صبر سبني يابني اكمل كلامي ومتقاطعنيش
شهاب بزهق اتفضل اما اشوف اخرتها معاك كمل
كمل سليم كلامه بتنهيدة
عايزك تسألي علي
شهاب بتعجب ده مين ده حد اتعرضلك يعني قولي
سليم بتفسير لا يابني وبعدين دي بنت مش راجل
شهاب بهزار ايه ده انت نويت تتجوز غير حبيبه ولا ايه احسن كان دمها تقيل
سليم بنرفزة بقولك ايه بطل هزارك البايخ ده عشان مش وقته خاالص
دي واحده جت من كان ساعه وقالت إنها بنت عمي ومعاها شهادة ميلاد وابويا مصدقها وطاير بيها وانا شاكك فيها وعايز اتاكد
شهاب بتفهم ااااه طيب ياعم ما تقول كده من بدري
سليم بعصبيه هو انت بتدي لنفسك فرصه تفهم
شهاب بضحك خلاص ياعم ده شكلك شايل ومعبي بس متقلقش هجبلك قرارها بس اديني اسمها بالكامل او العنوان اللي كانت قاعده فيه و٢٤ساعه وكل حاجه عنها تبقي بين ايدك
.....................................
فجر انتفضت من صوت غاليه وخرجت بسرعه من حضن عمها فتحي االلي قال بحنية متخفيش ياحبيبتي دي مرات عمك
غاليه بتريقه وكمان بتطمنها
وتبقي مين حضرتها اللي كانت متشعلقه في حضنك وهي أصغر من ابنك
فتحي كان بيحاول يلحق مراته لانها في الغيره مبتهزرش قال
دي تبقي بنت اخويا وبنت ناديه
غاليه بتفكير ناديه ناديه مرات علاء اخوك
فتحي بابتسامه ايوة هي يا ستي
غاليه بدون تفكير اخدت فجر في حضنها ياحبيبتي يابنتي ماشاء الله عليكي كبرتي وبقيتي عروسه قمر ياغاليه يابنت الغاليه
اتخضت فجر من مفجأه غاليه ليها ومبقتش عارفه تقول ايه غير
ربنا يخليكي
غالية باستغراب هي ناديه فين صحيح مش شايفاها
بصت فجر لغاليه وقالت بأسي ماما توفت من شهرين
غاليه ودموعها بدأت تنزل ناديه ماتت
وعيطت غاليه ومعاها فجر
وبدأ فتحي يهديهم ويقول
ياجماعه مش كده ادعولها بدل ما تعيطو كده متضايقوهاش في
فضلت فجر تعيط هي وغالية
فجر بحزن خلاص ياطنط غاليه بطلي عياط ادعلها احسن
فتحي بتلقائيه ينكد عليكي ياغاليه زي ما منكده علينا
غاليه بشحتفه خلاص يا فتحي هسكت اهو
وبصت غالية لفجر وقالت بأصرار
انتي مفيش رجوع اسكندرية تاني انتي هتقعدي معايا هنا فاهمه ولا لاء
هزت راسها فجر بموافقه
وكملت غاليه كلامها وقالت بحنيه
وانا من هنا ورايح امك واي حد يضايقك حطي صوباعك في عينه وقوليلي وانا احط صوباعي في عينه التانية انتي فاهمه
ابتسمت فجر علي طريقه وحنية مرات عمها وهزت راسها وقالت
حاضر
ابتسمت غالية واخدت فجر تاني في حضنها وكملت عياط............
...................................
خرج سليم من اوضته وكان نازل عالسل بس لقي فجر بتغني وهي نازله من علي السلم قدامه
سليم بصوت عالي
اوعي من هنا عايز اعدي
بصتله فجر ببرود وكملت نزول لحد تحت
سليم وهو بينفخ بضيق
قليلة الذوق
بصت فجر بجمود وقالت
والله مافي حد قليل الذوق غيرك
بصلها سليم وبقوة وقال
احترمي نفسك وانتي بتتكلمي معايا
خافت فجر من جواها من نظرة سليم ليها واستدعت القوة وقالت بتريقه
وانت كمان تحترم نفسك وانت بتتكلم معايا
نفخ سليم بقلة صبر اتدخلت غاليه وهي بتقرب عليهم
سلليم هو في ايه
قال سليم بقلة صبر
دي واحده مش
قاطعته غاليه وهي بتقول
ملكش دعوة بيها ياسليم ماتتعاملش معاها احسن وفجر هنا تحترمها زي ما بتحترمني
بص سليم لامه باستغراب علي كلامها وقال هو انتي بتقولي ايه ياماما انا مش عارف هي عملتلكم ايه اذا كان انتي ولا بابا
بصت فجر بابتسامه نصر لسليم ورفعتله حواجبها من ورا غاليه
فاتضايق سليم وكمل كلامه وقال بعصبية
انا
حست فجر بنغزه في قلبها من كلام سليم وسابتهم وطلعت
