بنت عمي اليتيمة حصري على موقع لمحة بقلمي اسراء ابراهيم

بزعل مصطنع اممم ماشي يا سليم انا عشان واثقة فيك هصدقك بس لو خليت باتفاقنا صدقني هقتلك واقتلها عشان انت ملكي وبس
سليم بابتسامة متقلقيش يا حبيبتي لاني اصلا مش بطيقها وانا متأكد انها هتزهق بسرعة من اللي هعمله فيها
حبيبة بانتصار ماشي يا روحي اذا كان كدة انا موافقة لاني عارفة انك بتحبني زي ما انا بحبك
..........................................
بارك الله لكما وبارك عليكما وجمع بينكما في خير
سليم بهمس مبروك دخلتي بايدك سجني واوعدك اني اخليكي تخرجي منه علي مستشفي المجنانين
فجر بقوة مصطنعة ده علي اساس انك سجان ده انت اخرك تمثل في كرتون اطفال وبرضه العيال مش هيخافو منك دول هيضحكو عليك
بصلها سليم بغضب وتوعد فاتوترت وقامت راحت لعمها فتحي اللي ابتسم بفرحة واخدها في حضنه
فتحي بابتسامة زي القمر يا فجر يا بنتي الف مبروك يا حبيبتي
فجر بتوتر الله يبارك فيك يا عمو بس هو انا ينفع ابات معاكم انهاردة 
فتحي بضحك انتي تنوري اوضتنا والله بس ناسية ان فرحك انهاردة 
فجر بخوف ماهو اصل بصراحة كدة يا عمو ابنك عامل زي البعبع وعمال يبرقلي وانا بخاف اوي ومعنديش استعداد روحي تطلع بسببه
فتحي بابتسامة لا متخافيش بصي سليم ده ابني وانا عارفه كويس هو بس يبان جامد وصعب لكن من جواه قلبه ابيض وعمره ما هيجي عليكي ابدا او علي اي بنت
فجر بابتسامة خبيثة يعني متأكد يا عمي من كلامك اقصد يعني ادوس بقلب اوي 
فتحي بخبث دوسي يا قلب عمك وانا في ضهرك
ابتسمت فجر براحة وهي بتبص لسليم بخبث بعد ما اطمنت انه مش ممكن يأذيها وقررت توريه النجون في عز الضهر وكانت متابعة اللي حصل غالية اللي كانت بتبص لفجر بخوف وهي بتدعي ان رينا يسترها ومتحصلش مصيبة
فتحي بجدية يلا يا سليم خد عروستك واطلع اوضتكم
سليم قام بغموض وقرب من فجر ولبسها الطقم الالماظ اللي يعتبر شبكتها واللي اتفاجأت فجر بيه واتفاجأت اكتر لما مسك ايديها فقلبها دق واتوترت وهي بتبصله بس هو نظرته ليها كانت توعد شافته في عنيه فخافت وبصتله بخوف وهي ماشية معاه وبتفكر هتهرب منه ازاي
..........................................
هبد سليم الباب بتاع اوضته هو وفجر اللي اتنفضت وبصتله برعب وقابلها هو بابتسامة خبيثة وكأنها وقعت في مصيدته
سليم بسخرية اعتقد هنا بقي محدش هيقدر ينجدك مني
فجر بخوف هصوا والم عليك الناس والمعازيم اللي تحت ويطلع شكلك وحش
سليم بغموض مش انتي اللي عملتي فيها شبح وقولتي موافقة تتجوزيني قابلي بقي
فجر بقوة مصطنعة وهو انت كنت تطول تتجوز واحدة زيي ده انا اللي زيي يابني انت متحلمش بيهم
سليم بسخرية ده علي اساس انك حلوة شكلك مكنش في مرايات في بيتكم الكحيان ده
فجر بدموع محبوسة عالاقل البيت الكحيان ده طلع واحدة في اخلاقي لكن انت اهو عايش في العز طول عمرك بس للاسف طلعت بدون اخلاق
سليم قبض علي ايديه بغضب وقرب من فجر باندفاع وضربها بالقلم علي وشها فوقعت عالارض من قوته ووقتها فجر شفايفها نزفت وهي بتبص لسليم بكره
فجر بحرقة انت فاكر لما تضربني كدة هتبقي راجل انت اخرك تمد ايدك وحتي ده مش هيخليك في نظري حاجة لانك قليل اوي يا سليم
سليم بص لشفايفها اللي بتنزف ودموعها وصعبت عليه وحس بالذنب بس قرر يكمل وميبانش انه ضعف فرمي المخدة عالارض وهو بيبص لفجر بغضب
سليم بغضب وهو بيبصلها بقرف انتي هتنامي عالارض لان هو ده مكان اللي زيك
فجر بصتله ومردتش فمشي سليم دخل الحمام وسابها فقامت هي تجري وفتحت باب الاوضة وجريت علي اوضة غالية اللي كانت يدوب غيرت هدومها وهتنام واتفاجأت بفجر داخلة عليها وشكلها منهار
غالية بخضة يا نهار اسود ايه اللي عمل فيكي كدة سليم اللي ضربك كدة 
فجر كانت بتعيك بانهيار وحرقة وكان صعبان عليها نفسها انا ليه بيحصل فيا كدة انا معملتش حاجة وحشة عشان اتعاقب بالشكل ده مش ذنبي اني اتربيت لوحدي واني يتيمة ام واب ارجوكي طلقيني منه انا بكرهه
غالية بحنية حقك عليا يا نور عيني ما عاش ولا كان اللي يمد ايده عليكي وانا ليا صرفة مع سليم بس عشلن خاطري يا حبيبتي متقوليش حاجة لعمك فتحي لانه لو عرف في اللي سليم عمله مش هتعدي علي خير وممكن الموضوع يكبر بينه وبين سليم لو انا غالية عندك يا فجر متقوليش حاجة وانا حقك هجبهولك من عنيه
فجر بانهيار طب هو بيكرهني ليه انا كل ذنبي اني مجبرة اتجوز عشان اعرف اعيش معاكم لو كنت اعرف كدة مكنتش جيت هنا وكان اهون عليا اعيش في الشارع لوحدي من اني اعيش مع الانسان ده انا بكرهه يا مرات عمري بكرهه
كان سامع سليم كلام فجر وهو واقف قدام الباب قبل ما يدخل للحظة صعبت عليه وفكر انها فعلا مالهاش حد واتمرمطت كتير في حياتها وبدل ما يكون عوضها كان هو سجانها فعلا وكان بيعاقبها علي جوازها منه اللي هو متأكد انه كان غصب عنها وعنه فتح سليم الباب وهو بيبص لفجر اللي اترعبت اول ما شافته وتبتت في غالية مرات عمها الي طبطبت عليها بحنية وهي بتبص لسليم بغضب وبعدين سابت فجر وقربت من سليم وفجأة ضربته بالقلم علي وشه لدرجة ان فجر شهقت بخوف
غالية بغضب وهي بتبص لسليم الظاهر اني معرفتش اربي عشان ترفع ايدك علي بنت وكمان تبقي مراتك اللي المفروض بدل ما تحميها وتكون سندها تيجي عليها يا خسارة تربيتي فيك
سليم كان ساكت وبيبص لامه بندم بس متكلمش فكملت غالية كلامها بتحذير اوعي يا سليم تفكر تقرب من فجر مرة تانية انا اللي هقفلك انت فاهم 
فتحي من وراهم ايه اللي بيحصل هنا 
غالية اتوترت من وجود فتحي وبصت لسليم بقلة حيلة لانها مضطرة تشرحله اللي حصل وكانت عارفة ان الموضوع مش هيعدي كدة فكانت لسة هتتكلم لما سبقتها فجر واتكلمت
فجر بدموع وهي بتداري شفايفها اللي متعورة مفيش يا عمو بس انا بصراحة خايفة اوي من سليم وهو كان جاي وعمال يطمني عشان امشي معاه
فتحي بشك وهو بيقرب من فجر طب وانتي بتعيطي ليه يا حبيبتي بس مش انا قولتلك اطمني سلسم عمره ما هيفكر يأذيكي
فجر بصت لسليم ودموعها نزلت ونظرتها ليه حسسته انه ندل اوي فبصلها بندم ووقتها اتكلمت فجر منا خلاص يا عمو قولت هروح معاه تصبحو علي خير
مشيت فجر بعد ما قالت جملتها وراحت ناحية الباب ووقتها سمعت صوت فتحي وهو بيحذر سليم من انه يفكر يأذيها او يجرحها ودموعها وقتها نزلت لوحدها بصمت وخوف وهي راجعة مع سليم تاني
..........................................
دخلت فجر اوضتها وراحت نامت علي الارض زي ما سليم كان امرها وفي نفس الوقت دخل سليم ورا فجر ولما شافها كدة حس بالذنب اكتر فقرب منها بتردد انتي ممكن تنامي عالسرير
فجر بغضب وهي بتتجنب تبص لسليم لا انا هنام هنا ممكن انام ولا ممنوع برضه
سليم بندم ممكن
نامت فجر وهي بتعيط بصوت واطي وكان