بنت عمي اليتيمة حصري على موقع لمحة بقلمي اسراء ابراهيم
سامع صوتها سليم اللي كان بيتقلب مكانه ومش عارف يعمل ايه وشوية وحس ان فجر راحت في النوم وكان بباصص لملامحها وهي نايمة كانت شبه الملاك لدرجة انها مخلياه مش عارف يبعد نظره عنها ولما انتبه لوشها المحمر من العياط نفخ بضيق من نفسه وقرر انه يصلح العلاقات تاني معاها وبرر السبب لنفسه بأنه عشان احساسه بالذنب بس مش اكتر
...........................................
تاني يوم صحيت فجر بخضة علي صوت سليم فبصت حواليها لقت نفسها في السرير فقامت بهدوء ودخلت الحمام وفي نفس الوقت كان دخل سليم بصنية عليها فطار واستني فجر اما تخرج وفعلا شوية وخرجت واتفاجأت بسليم واقف مستنيها وعلي وشه ابتسامة غريبة وبيقولها صباح الخير انا قولتلهم اننا هنفطر فوق مع بعض وجبت الفطار عشان نفطر سوا
كانت فجر مستغربة تغير سليم بس ردت بجمود متشكرة انا مش جعانة
سليم باصرار بس الفطار كدة هيبرد وانا مفطرتش يرضيكي اروح شغلي من غير فطار
فجر بغضب اه يرضيني ويرضيني كمان انك تترفد هه سيبني في حالي بقي
سليم قرب من فجر بعد ما قالت كدة فخافت هي ورجع لورا بخوف والله يا سليم لو فكرت تمد ايدك عليا تاني هقول المرادي لعمو فتحي واخليك ينفخك هه
سليم بابتسامة ماهو انتي اللي مش راضيه تجيبيها البر وتفطري بالزوق ولو مفطرتيش دلوقتي هشيلك زي شوال البطاطس وهخليكي تفطري بالعافية
فجر بسخرية يا سلام ده علي اساس انك
سليم ببرودقولي خلاص هفطر معاك يا سليم يا حبيبي
فجر بصدمة ايه انا مش هقول كدة اعااااا هقع
سليم بخبث خلاص براحتك خليكي كدة لما ايدي توجعني وتقعي بجد بقي
فجر بسرعة خلاص هفطر معاك يا سليم يا حبيبي نزلني بقيييي
ابتسم سليم وبلع ريقع بتوتر اول ما فجر قالت كلمة حبيبي ونزلها بين ايديه وهو مركز في عينيها وهو بايديه بيبعد خصلات شعرها اللي علي وشها فاتوترت فجر وبصتله بخجل فقال سليم بهمس سامحيني يا فجر انا اسف وصدقيني انا عمري ما اعتذرت لحد ابدا مهما كان هو مين
فجر بخجل و توتر خلاص حصل خير رغم انك ايدك كانت تقيلة اوي بس تعرف لو فكرت تعملها تاني
سليم برفعة حاجب
فجر بسرعة هروح اشتكيك لعمي بقي وهو يتصرف معاك
سليم بابتسامة ايوة كدة اتعدلي يلا عشان نفطر واوعدك اني عمري ما هعمل كدة تاني ومش خوف من بابا علي فكرة
ابتسمت فجر علي تغير معاملة سليم معاها وقررت تفتح صفحة جديدة معاه
.............................
عدي فترة كانت فجر بدأت تتعود علي سليم وتتعامل معاه بطبيعتها اللي اتفاجأ سليم بيها وهو ان فجر شخصية مرحة تحب الضحك والهزار وكمان شخصية مثقفة جدا لانه اكتشف انها تعرف لغات ومعاها شهادة عاليا كان قاعد سليم في مكتبه وباين عليه الضيق
فجر وهي بتفتح باب المكتب يا مساااء الانوار عالناس اللي مش سألة فيا ومجبتش ليا الشيكولاتة بتاعتي الحلةة ديااا انا قولت بس اصبح وامسي مش بطالبكم يعني
ضحك سليم بتلقائية وهو بيقول كل اللي قولتيه ده ومش بتطالبيني انتي ناقص تمسكي ميكروفون وتذيعي في الشارع اني ضحكت عليكي وانك ليكي عندي شيكولاتاية
فجر بغرور مصطنع انا مش محتاجة علي فكرة انا اصلا جوزي يقدر يجيبلي اللي انا عاوزاه بس انا بحب صديقي الصدوق هو اللي يجبلي
سليم بتنهيدة حاضر يا ستي حالا وتكون عندك
فجر بقلق مالك يا سليم حساك متغير انت كويس
سليم بتفكير مفيش مشاكل كدة في الشغل خسرت مناقصة وطلع عليا عجز يخليني ابيع كل ما املك عشان اسدده معرفش لسة هعمل ايه بس ان شاء الله تتحل ممكن اعمل قرض
فجر بشهقة لا يا سليم اوعي قرض ايه ده ربا انت هتقبل علي نفسك فلوس حرام بص بلاش قروض ممكن تستلف من عمو فتحي اوعدني انك مش هتعمل قروض صدقني لو استغنيت عنه وقولت يارب انا فوضت امري ليك هو هيحلهالك من عنده
سليم بابتسامة وهو بيبص لفجر باعجاب انتي جميلة اوي يا فجر
فجر بخجل احم اخجلتم تواضعنا يا سيدي وبعدين استني متفتكرش انك كدة هتصعب عليا وهتفلت من الشيكولاتة بتاعتي
ضحك سليم بصوت عالي وكانت متابعاه فجر بابتسامة هادية وهي بتفكر تقدر تساعده ازاي
..............................................
تاني يوم كان قاعد سليم علي كرسي مكتبه و باصص لشاشة تليفونه اللي بيرن بأسم حبيبة بس هو مبيردش كعادته
حبيبة بغضب انت مش بترد عليا ليه يا سليم هه انت خلاص نسيتني عشان البت دي صح
سليم بضيق بقولك ايه يا حبيبة انا مش فاضي خالص لوجع الدماغ ده انا في مشكلة كبيرة في شغلي مخلياني مش طايق نفسي
حبيبة بسخرية ودي بقي حجة جديدة بتبرر بيها عدم اتصالك يا سليم
سليم بنفاد صبر بقولك ايه يا حبيبة انتي عارفاني كويس وعارفة كويس اوي اني مبخافش من حد ولو فعلا مش عاوز ارد عليكي هقولك عادي
حبيبة بزعل مصطنع اخس عليكيا سليم انت نسيت اني حبيبتك انا بس خفت البنت دي تأثر عليك وتاخدك مني بس
سليم بتفكير لا متخافيش بس انا كنت عاوز اطلب منك طلب يا حبيبة واتمني متفهمنيش غلط
حبيبة باستغراب اتفضل بيبي قول براحتك واطلب اللي انت عاوزه
سليم بجدية اانا عندي مشكلة مالية في شركتي وواقع والمفروض اسدد مبلغ كبير اوي ممكن تديني كل المجوهرات اللي كنت جايبهالك ابيعها واسدد ديوني وهعوضهالك الضعف اول ما اخرج من ازمتي
حبيبة بتوتر ها والله يا سليم مش عارفة اقولك ايه انا كان بودي اساعدك بس للاسف كل المجوهرات عند مامي في لندن اصلها برضه حصلتلها مشكلة وطلبتهم وانا اديتهوملها
سليم مكنش متفاجئ وكأنه كان عارف ان حبيبة هتقول كدة بس هو اللي كان متعمد يغمي عينه عن حقيقتها ومكنش متقبل انه يعرف ده من حد اتنهد سليم ورد بثقة قبل ما يقفل الخط انا كنت عارف يا حبيبة من غير ما تقولي عموما اللي بينا انتهي واعتقد انك اخدتي اللي يكفيكي مني وذيادة فمش عاوز اشوف وشك تاني
قفل سليم الخط وقام اخد تليفونه ومفاتيحه وهو علي وشه ابتسامة غريبة مش مناسبة للي حصل من شوية
............................................
كانت واقفة فجر بتبص للشيك اللي اداهولها فتحي عمها بعد ما راحتله بناء علي رغبته فقالتله بصدمة ايه ده يا عمو هو الرقم ده حقيقي
فتحي بحب وهو بيحرك راسه بايجابية ايوة يا حبيبي ده حقك في ورث ابوكي حد الله بيني وبينك وده شرع الله ولازم يتنفذ
ابتسمت فجر بحب وحضنت عمها وهي بتقوله بسعادة ربنا يخليك ليا يا عمو انا بجد
فتحي بحنان وهو بيطبطب علي فجر ده انتي بنت الغالي يا فجر وانا لا يمكن هظلمك ابدا ده انتي بنتي مش بنت اخويا الله يرحمه
سليم من وراهم بابتسامة ايه كمية الحب دي بقي انا كدة هغير علي فكرة
فتحي كان بيبص لسليم براحة من معاملته لفجر اللي اتغيرت اهلا يا حبيبي تعالي ايه
هتغير من ابوك يا واد ولا ايه
ابتسمت فجر بخجل ومسكت ايد سليم لاول مرة واتفاجأ بيها سليم وابتسم بتلقائية ولاقاها بتقوله سليم تعالي معايا بسرعة عاوزاك في موضوع مهم بعد اذنك يا عمو
فتحي شاورلهم بحب فسحبت فجر سليم من ايده وراها لحد اوضتهم وهو كان مطاوعها باستمتاع لحد ما دخلو وقفلت فجر الباب وبعدين بصت لسليم بفرحة وهي بتمد ايديها بالشيك فاخده منها سليم بصدمة وبص فيه وبعدين رفع عنيه ليها واتفاجئ بيها بتمد ايديها بالشبكة الالماظ بتاعتها وهي بتقوله بفرحة
سليم اخيرا لقيت الحل انت هتبيع الشبكة دي علي الفلوس بتاعة ورثي اللي ادهاني عمو دي وهتسدد الدين اللي عليك وهتبدأ من جديد وربنا هيكرمك والله متخافش
سليم كان فعلا مصدوم من اللي عملته فجر واللي بتقوله وفجأة سحبها لحضنه وتبت فيها جامد وفجر اتكسفت اوي بس كانت فرحانة اوي اوي وقالتله بخجل علي فكرة انا محترمة اوي وست متجوزة وجوزي لو شافنا هيقتلك علي فكرة
ضحك سليم وبص في عيونها وقالها بفخر اانتي عملتي كل ده عشاني عاوزة تديني ورثك وشبكتك يا فجر عشان تساعديني
فجر بابتسامة وهي بتبص لسلسيم بخجل ده واجبي علي فكرة ناحيتك انت جوزي وانا لو بايدي اساعدك ومعملتش كدة ابقي مستحقش اكون مراتك
سليم بتلقائية انتي مش بس مراتي يا فجر انتي مراتي وحبيبتي وبنتي وروحي اللي رجعتلي لما دخلتي حياتي يا فجر
فجر بسعادة وقلبها بيدق بجد يا سليم انا كل ده عندك انت بجد بتحبني
سليم بهيام وهو بيركز في عيون فجر انا بعشقك يا فجر مش بس بحبك ومعاكي اكتشفت ان الحب مش بس كلام ده افعال وانتي مش بس عملتي انتي دخلتي غيرتي حياتي كلها
ابتسمت فجر بتلقائية وهي بتبص لسليم
تمت
