تركت حبيبي لأجلها بقلمي اسراء ابراهيم حصريآ علي موقع لمحة

انام عندي محاضرات بكره بدري
احمد بيأس ماشي ياسلمي تصبحي علي خير
سلمي وانت من اهل الخير
قفلت سلمي مع احمد وكانت مخنوقة اوي حاسة انها كارهة نفسها لانها من جواها فرحانة بكلام احمد ليها وحبه ليها بس فاتن دايما قدامها
...................................
فتحي ابو فاتن كان قاعد مع حبيبة مراته وبيتكلمو مع بعض 
فتحي انا اتصلت باحمد يجي يقعد معانا شويه واكلمه في موضوع سلمي
انتبهت فاتن علي كلام ابوها ودخلت تجري علي اوضتها تلبس ووتزوق وتبقي في كامل زينتها
حبيبه بابتسامة ايوة جدع عشان يخلي باله من البنت البنت يتيمه ام وعايزين احنا نكون اهلها وانا عارفه ان ام احمد هتكون ونعمه الحما
فتحي بثقه ايوة أنا عارف نهي مرات اخويا الله يرحمه غلبانه وطيبه وهتشيل البت في عنيها بس انا هتكلم بردو مع احمد عشان يراعي ربنا في البت انا عارفو انه عمره ما هيظلمها بس خايف اجي بسببه اخسر صاحب عمري
قطع كلامهم خبط علي الباب فقال فتحي ده اكيد احمد هقوم افتحله
فتح فتحي الباب وسلم علي احمد واحمد سلم علي حبيبه مرات عمه وقعد فتحي واحمد في الصاله يتكلمو
ونادي فتحي علي فاتن بجدية  
اعمليلنا شاي يافاتن
خرجت فاتن من الاوضه هي لابسه ومتشيكه وحاطه ميك اب اوفر 
اول ما شافتها امها قال  
ايه اللي انتي عملاه في نفسك ده يا فاتن اوعي تقولي هتخرجي كده
فاتن بثقه وفيها ايه بس ياماما ما كل البنات بتخرج كده وبعدين ما سلمي خطيبة احمد بتخرج كده اهو بقلدها
بصلها احمد بستغراب وقال 
سلمي عمرها ماخرجت كده
بصت فاتن لاحمد بغيظ وقالت 
وانت ايه اللي عرفك بقالك اسبوعين تلاته خطيبها خلاص يبقي انت كده عرفتها كويس
اضايق احمد من طريقة كلامها وافتكر رد فعل سلمي اول ما جاب سيرة فاتن بطريقه مش كويسه واضايق اكتر
احمد بضيق  
علي فكره يافاتن انا اعرف سلمي مش من دلوقتي ومش عشان جيران لا انا بحب سلمي من سنين وكنت دايما امشي وراها عشان محدش يضايقها من غير هي ما تعرف وعمري ما شوفت عليها حاجه زي كده ابدا
اتغاظت فاتن من طريقة ودفاعه عن 
سلمي بالشكل ده وقالت 
لو انت فاكر ان هي دي سلمي اللي بتشوفها يبقي انت غلطان ومتعرفش حاجه عنها اسأل اللي مقربين ليها زي كده انا مش بقومك عليها ولا بسئ ليها بس انت ابن عمي بردو واقربلي منها
اشمئز احمد من طريقة كلام فاتن علي سلمي وبص الناحية التانيه 
وقام فتحي من مكانه وهو بيقول بصوت عالي ايه اللي انتي بتقولي ده دي صحبت عمرك وبنتنا زيك تمام ومتربيه معانا من صغرها وعمرنا ما شوفنا منها حاجه وحشه ولو فيها انتي اللي تداري مش تفضحيها بالشكل ده
قطع كلام فتحي احمد وهو بيقول لا ياعمي هي مفضحتهاش ولا حاجه سلمي مفهاش حاجه عشان تتفضح سلمي اشرف بنت علي وجه الارض ولا ايه يافاتن
بصت فاتن بغيظ وقامت دخلت المطبخ وهي جواها نار 
.....................................
احمد راح عند جامعه سلمي واتصل عليها 
احمد بحب سلمي انتي فين
سلمي بتلقائية لسه مخلصه محاضره اهو
احمد بسعادة طيب يلا اطلعي انا نستنيكي بره الجامعه تعالي نشرب حاجه ونروح سوي
سلمي بتردد تمام خارجه
خرجت سلمي وسلمت علي احمد وراحو مكان يشربو في حاجه ويدردشو شويه
احمد بتردد انا عايز اقولك علي حاجه
سلمي بقلق اتفضل قول انا سامعاك
احمد بتلقائية انا مش عارف هتفهمي كلامي ازاي بس يعني
سلمي بتفهم قول يا احمد علطول وانا هفهمك متقلقش
احمد براحة امبارح كنت عند عمي كان بيوصيني عليكي وكده
سلمي بغيرة غير مقصودة فاتن كانت موجوده 
احمد هز راسه باه وكمل كلامه وقال  
واحنا بنتكلم هي جابت سيرتك بس بطريقة مش احسن حاجه
ابسمت سلمي وقالت بهدوء 
تمام
احمد بانفعال هو ايه اللي تمام ياسلمي انتي مشوفتيش نفسك لما انا اتكلمت عن تصرفاتها وكلنا عارفين تصرفات فاتن عامله ازاي انتي مسكتيش لكن هي اول ما جت سيرتك مسكتتش
سلمي بهدوء وهي عارفه وحاسه باللي فاتن بتمر بيه كل اللي اقدر اقولهولك ان انا وفاتن شادين مع بعض شويه وجايز هي من الزعل بس لكن فاتن قلبها ابيض والله واول ما هنتصالح هتنسي كل اللي قالته عني ده دي صاحبة عمري وانا عارفاها
استغرب احمد من طريقه سلمي وده حببه فيها زياده انسانة بسيطه وقلبها ابيض مش بيشيل من حد
قطع كلامها احمد وقال بحبك
قلب سلمي اتنفض من مكانه اول ما سمعته واتكسفت وبصت في الارض 
احمد بغمزه  
وبحب كسوفك علي فكره
....................................
تليفون سلمي رن كانت الساعه حوالي واحده بالليل بصت سلمي لقت رقم غريب فمرديتش ترد الرقم اتصل مره واثنين وتلاته فقررت سلمي ترد
سلمي بهدوء السلام عليكم
فاتن بسخرية وعليكم السلام ياست الشيخه
سلمي بفرحه فاتن وحشتيني
فاتن بغل وانتي كمان وحشتيني وعرفت اني كنت ظلماكي
سلمي بفرحة اه والله يافاتن انا كلمت بابا وهو قالي هيفاتح احمد في موضوع الانفصال بس مستني لما ياخد اجازة عشان يطلعلهم فوق
فاتن لا ياحبيبتي عادي احمد خلاص مبقاش يلزمني انتي بس عشان صحبتي فقولت ننسي اللي فات ونرجع تاني هو احنا لينا غير بعض 
وقعدو يتكلمو طول الليل سلمي كانت وحشاها فاتن وقعدت تحكيلها تفاصيل الايام اللي فاتت وفي نفس الوقت احمد رن علي سلمي لاقاها مشغول فقفل ورن تاني لاقها مشغول فكان مستغرب بتكلم مين سلمي في الوقت ده وبردو الشيطان مكنش سايبه بسبب كلام فاتن قبل كده فكان بينفض الافكار الوحشه من دماغه وقال يكلمها للصبح يعرف ايه الحكايه بس فجأه لاقي فونه بيرن بيبص لاقي رقم فاتن فتخض ليكون عمه حصله حاجه فرد بسرعه
احمد بقلق ايه يافاتن عمي كويس فيكو حاجه
فاتن بخبث متتخضش كده يابني احنا الحمدلله كويسين دانا كنت عايزاك بس في كلمتين
استغرب احمد من كلام فاتن وقال  
ايه يافاتن خير في ايه
كملت فاتن كلامها وقالت 
انا هقولك علي حاجه بس مش عايزاك تضايق ولا تزعل انا والله اللي يهمني في الاول والاخر انت وانا نصحت سلمي كتير انها تبعد بس مفيش فايده وحاولت الايام اللي فاتت دي اعرفك بطريقه غير مباشرة بس انت مفهمتنيش وفهمت اني غيرانه من سلمي او حاجه بس يعلم ربنا اني خايفه عليك انت اقربلي منها
احمد اتضايق وقال  
في ايه يافاتن ياريت تقولي علي طول
فاتن بمسكنه سلمي كانت بتحب واحد من الجامعه وفضلو التلات سنين بيحبو في بعض وكان بيجهز نفسه عشان يخطبها بس انت سبقته وابوها وافق عليك غصب عنها فقولت اقولك عشان خاطر تبقي واخد بالك لاني كنت متوقعه انها هتسيبه ادام اتخطبتو وكده بس اللي عرفته انهم لسه بيتكلمو حتى كانو بيتكلمو من شويه بعد اتناشر زي ماكنت قيلالك واتخانقت معاها كذا مره وهي مش راضيه ترجع عن اللي في دماغها وحاولت افهمك وانت مفهمتنيش فبقولك بس حاول تنسيها الولد ده
احمد كان في صدمه كبيره وجمع كل الاحداث اللي قبل كده مع بعض وكلام سلمي عن ارتباطه بفاتن وكمان قلة الكلام اللي علطول فيه معاه
احمد بغضب اسمه ايه الولد ده
فاتن بتصنع الحزن اسمه ادم
احمد بزهول من الصدمه