تركت حبيبي لأجلها بقلمي اسراء ابراهيم حصريآ علي موقع لمحة

احمد لانها خايفة ومش عارفة رد فعلها هيكون ايه
.................................................
كانت واقفة فاتن بتدور بعنيها علي احمد وهي لابسة لبس ضيق وحاطة مكياج اوفر وكانت امها بتبصلها بعدم رضي عن شكلها ورفضها للي هي عاملاه بس فاتت اصرت تعمل اللي في راسها وفجأة كشرت اما شافت سلمي وابوها بيقربو عليهم
عمر بود السلام عليكم يا صديق العمر
فتحي بفرحة عليكم السلااام فينك يا راجل بدور عليك من بدري مش شايفك
عمر بضحك منا قعدت ساعة بقنع سلمي تيجي اصلها مكنتش عاوزة خالص وبالعافية علي ما وافقت
فاتن استغلت كلام ابوها مع ابو سلمي وقربت منها وعملت نفسها بتسلم عليها
فاتن بشماتة معلش يا حبيبتي تعيشي وتاخدي غيرها تبقي في بوقك وتقسم لغيرك
سلمي بهدوء اانتي مفكرة ان كلامك اللي قولتيه لاحمد هو اللي خلاه يبعد عني غلطانة يا فاتن لان اللي خلاه يبعد اني اكدت علي كلامك رغم اني كان ممكن ابرأ نفسي بس عملت كدة عشانك انا بس صدمتي فيكي كانت كبيرة اوي افتكرتك لما كلمتيني كان فعلا عشان انا واحشاكي وعشان نفسك نرجع زي الاول بس للاسف طلعت مكيدة منك عشان تظبطي لعبتك اتمني بس تكوني مبسوطة دلوقتي ومش شايفاني خاينة زي ما كنتي بتقولي
فاتن ببرود تصدقي اتأثرت من كلامك عموما انا مش هتخدع تاني فيكي ويا سلمي انا مش عاوزة اعرفك تاني
سلمي كانت بتبص لفاتن ومش متخيلة ان الانسانة دي كانت صاحبة عمرها وانها كانت بتعاملها زي اختها وكانت بتسأل نفسها ازاي قدرت تتخدع فيها طول الوقت ده انتبهت سلمي لصوت احمد من وراه فقلبها دق وهي شايفاه بيسلم علي باباها وفتحي ابو فاتن لحد ما عنيها اتقابلت مع عيون احمد اللي بصلها شوية وبعدين اتجاهلها وبص للباقي واتكلم
احمد بابتسامة انا استأذنكم اني استغل التجمع ده انهاردة واطلب منك يا عم فتحي ايد فاتن
عمر بص لاحمد بعتاب وفتحي كمان لانه كان صعبان عليه سلمي ومراعي مشاعرها اما فاتن فكانت في قمة سعادتها اول ما سمعت احمد
فتحي بتوتر يعني ده وقته يا احمد المفروض تراعي الوقت والمكان وبعدين ازاي وانت كنت لسة خاطب مكملتش شهرين
احمد بثقة يا عمي كل شيئ نصيب وانا دلوقتي متأكد ان سعادتي مع فاتن
سلمي كانت عارفة ان احمد متعمد يقول كدة بس مقدرتش تستحمل فانسحبت من وسطيهم بهدوء وخرجت برة القاعة وكان متابعها احمد بعنيه وفاتن كانت واقفة جمبه ومش حاسة بحاجة غير ان خلاص احمد بقي ليها 
............................................
القمر واقف لوحده ليه 
اتخضت سلمي من صوت الشاب اللي كان واقف وراها فبصتله باستغراب
سلمي باستغراب هو في حاجة مين حضرتك 
محمد بابتسامة انا اسمي محمد مهندس معماري وبصراحة واخد بالي منك من بدري ومعجب بيكي جدا وبعدين شوفتك خارجة برة لوحدك فقولت اتشجع واكلمك
سلمي بجدية طب ممكن تمشي بقي اعتقد عيب كدة ومينفعش تفضل واقف معايا كدة
محمد باعجاب اكبر طب حتي ادينا فرصة نتعرف علي بعض صدقيني هعجبك بس انتي ادي نغسك فرصة تعرفيني بجد
سلمي بضيق تمام خلاص انا اللي همشي وانا مبتعرفش علي حد يا باشمهندس بعد اذنك كانت سلمي داخلة تاتي القاعة لما قابلها احمد اللي كان متابعها من بدري وقلق عليها فراح وراها وبعدين لقته بيبصلها بنظرات احتقار وبينقل عنيه لمحمد
احمد بغضب هو ده حبيبك مش كدة 
سلمي بحيرة احمد لو سمحد بلاش تقول كلام تندم عليه بعدين
احمد بكسرة انا لو ندمان فعشان فكرت ارتبط بيكي وانا فاكر اني اول حد في حياتك وانك بريئة بس للاسف
سلمي بدموع خلاص قولت اللي عاوز تقوله ااتفضل سيبني بقي في حالي ولا اقولك انا اللي همشي
جريت سلمي علي جوة القاعة وبعدين استأذنت ابوها وهو اخدها ومشي فعلا ووقف احمد يبص لمحمد بغضب بس فجأة انتبه لصوت سارة اللي واقفة وراه بعد ما عرفت من فاتن انه هيخطبها وانها عملت اللي عملته عشان ترجع احمد ليها
................................................
تاني يوم كانت واقفة سلمي بتنشر الغسيل وهي سرحانة كانت بتفكر وبتسأل نفسها امتي حبت احمد وازاي وهي عمرها ما فكرت فيه وازاي قدرت تسيبه وتتخلي عنه لمجرد انها ترضي فاتن اللي عمرها ما فكرت غير في نفسها قطع سرحانها صوت ابوها وهو بيتكلم
عمر بفرحة اهلا اهلا يا احمد يابني اتفضل
احمد بابتسامة ازيك يا عم عمر انا اسف اني جيت من غير معاد بس كنت عاوز اتكلم مع سلمي بعد اذنك
عمر بابتسامة ماشي يا حبيبي بس لو انت جاي بخصوص اللي حصل امبارح وانك خطبت فاتن فعادي يابني كل شئ قسمة ونصيب
احمد بهدوء يا عمي انا وسلمي كنا ضحية لعبة قذرة من فاتن وللاسف انا لسة عارف ده امبارح
عمر بصدمة لعبة معقولة فاتن تعمل كدة دي بتحب سلمي وبتعتبرها اختها
احمد بضيق ده الظاهر يا عمي لكن من جواها بتكرها فاتن للاسف اتضايقت لما عرفت اني بحب سلمي واتقدمتلها وراحت كلمتني وقالتلي ان سلمي بتحب زميلها من ايام الجامعة وانها كل يوم بتكلمه في التليفون ولما كلمت سلمي للاسف اكدتلي ان كلام فاتن صح وده اللي خلاني فسخت الخطوبة لاني حسيت ان سلمي بايعاني وفي حياتها حد تاني
عمر بصدمة سلمي بنتي لا يمكن تعمل كدة حد تاني مين بس دي متربية كويس
احمد بتلقائية وانا متأكد من ده يا عمي بس حط نفسك مكاني سلمي بنفسها اكدت كلام فاتن وعشان كدة انسحبت بس امبارح بس عرفت الحقيقة وان سلمي عملت كدة عشان فاتن واحساس الذنب ناحيتها لانها كانت عارفة ان فاتن بتحبني سارة قالتلي كل حاجة
سلمي بتوتر وهي بتدخل عليهم بس دي الحقيقة يا احمد سارة مكنتش تعرف عن اللي بحبه ده فاتن بس اللي كانت تعرف فملوش لزوم انك تيجي هنا
عمر بصدمة انتي بتقولي ايه يعني عشان كدة كنتي رافضة احمد في الاول انتي فعلا تعرفي حد 
سلمي بدموع ايوة يا بابا انا اسفة
كان عمر هيتكلم بغضب بس احمد وقفه بصوته
احمد بتلقائية لو سمحتي يا عمي ممكن تسيبني انا ارد علي سلمي
عمر بغضب مكتوم اتفضل يابني انا الظاهر معرفتش اربي للاسف
احمد بخبث سلمي ايه هو اسم الشخص اللي بتحبيه زي ما قالتلي فاتن
سلمي اتوترت وبصت لابوها ولاحمد بتوتر وهي مش عارفة تجاوب فابتسم احمد بتلقائية لانه كان متأكد انها مش هتعرف تجاوي
عمر باستغراب ما تنطقي يا سلمي سكتي ليه مش بتقولي تعرفي حد ما تقولي اسمه ولا كلام سارة صاحبتك صح
سلمي بانهيار يا بابا انا اسفة بس غصب عني مقدرش ابقي عارفة ان فاتن بتحب احمد وفجأة اخده منها حتي لو انا فعلا حبيته
احمد ابتسامته وسعت لما سلمي وقعت بلسانها واعترفت انها حبته وسلمي اتكسفت لما اخدت بالها من اللي قالته وسكتت فجأة وهي بتبص للارض
عمر براحة يعني تغامري بسمعتك عشان خاطر فاتن صاحبتك اللي مهماش غير نفسها وقالت عليكي كلام ميحصش ليه تعملي في نفسك كدة يا بنتي
سلمي بحزن احساس الذنب كان مخليني مش قادرة افكر يابابا انا اسفة
عمر بابتسامة
ودلوقتي لسة برضه مصممة تضيعي احمد من ايديكي عشان خاطرها حتي بعد ما عرفتي اللي عملته واللي قالته عليكي 
سلمي رفعت عنيها وبصت لاحمد اللي ابتسم ليها بتشجيع فابتسمت هي بخجل وحركت راسها يمين وشمال برفض
احمد بفرحة انا بقول يا عمي عمر نجيب المأذون عشان لو فكرت بنتك تقل عقلها وتسيبني وقتها اقدر امنعها
عمر بفرحة انا بقول كدة برضه يا احمد يابني هروح اجيبلكم شربات من جوة بالمناسبة الحلوة دي
احمد بعشق وهو بيقرب من سلمي قولتي بقي انك بتحبيني من شوية مش كدة 
سلمي بخجل قولت اني كنت غبية لما بعدتك عني يا احمد بس صدقني كان غصب عني
احمد بهيام انا متأكد يا سلمي ومقدر مشاعرك الجميلة دي وعشان كدة انا بحبك
تمت