تركتها لأجله بقلم اسراء ابراهيم
ازاي تدخلي كدة من غير اذن ابوكي فعلا متربتيش يا بنت نادية
مريم عيطت وردت لاول مرة بغضب لا انا متربية يا مرات ابويا ومش هسيبك تتحكمي فيا تاني انا سمعتك وانتي بتقنعيه ان الجوازة متمش وخلتيه غير رأيه ليه بتكرهيني كدة ومش عاوزاني افرح انا عملتلك ايه كل ده عشان تخليني خدامة عندك
حسن بغضب مرررريم ازاي تكلمي مرات ابوكي كدة قدامي
سكتت مريم وبصت في الارض بحزن وكل ده كان متابعه فارس بغموض لحد ما سكتت مريم ووقتها اتكلم هو
فارس بهدوء اعتقد كدة انك كنت فاهم غلط يا عم حسن وادي مريم موافقة ولا ايه
حسن بتوتر وهو بيبص لقمر بص بابني بصراحة كدة انا مش عاوز بنتي تعيش مع حماتها في شقة واحدة اديك بتسمع عن المشاكل اللي بتحصل في بيت العيلة وكدة
اتحرجت الهام وبصت لشهد اللي كان مش عاجبها الكلام وبتص لقمر بغضب لانها متأكدة ان ده كلامها هي اللي اقنعت حسن بيه بس قمر كانت بتبصلها ببرود وهي بتبتسم بسخرية وكأنها متأكدة ان الجوازة مش هتم بس اتفاجأت برد مريم فملامحها اتغيرت للغضب
مريم باندفاع بس انا موافقة يا بابا ومش هلاقي ام احسن من طنط الهام
حسن بغضب وهو مين اللي قالك تقولي رأيك انتي فعلا شكلك متربتيش وعاوزة تتربي من اول وجديد
قال حسن كلامه وهو بيقوم من مكانه وبيقرب من مريم بس لحقه فارس اللي وقف بينه وبينها فمسكت مريم بتلقائية وخوف في فارس وهي بتعيط
مريم بخوف انا اسفة
فارس بجدية عالاقل احترم وجودي يا عم حسن ولا ايه اسمعني بس لو عالشقة فانا الحمد لله عندي شقة ملكي ودي كنت محضرها لجوازي وجاهزة من كله ولو تحب نروح نشوفها دلوقتي
حسن بفرحة بجد طب كويس اوي حيث كدة بقي علي بركة الله
اتنهدت شهد براحة ومريم اللي كانت مش مصدقة ان ابوها وافق وكانت لسة متبتة في فارس اللي لاحظ ولف وبصلها وبعدين بص علي ايديها ففهمت مريم وبعدت عنه باحراج وهي بتبص للارض فابتسم فارس بتلقائية وكانت متابعة اللي بيحصل قمر بغضب وخصوصا اما شهد زغرطت وهي بتبصلها بشماتة
فارس بجدية انا بقول خير البر عاجله ايه رأيك نكتب الكتاب بعد يومين والفرح اخر الاسبوع الجاي
حسن بحماس طبعا مفيش مانع خالص علي بركة الله
كان فارس هيتكلم بس اتفاجئ بمريم وهي بتمسك هدومه تاني بخوف فبصلها فهمست ليه بخوف خدوني معاكم متسيبونيش ليها لو سمحت يا فارس
فارس بهدوء متخافيش يا مريم انا معاكي
فارس بجدية لحسن مريم يعتبر خلاص مراتي يا عم حسن فاتمني انكم تحافظو عالامانة لحد ما اجي اخدها
حسن بتكشيرة طبعا يا فارس وهو حد قالك انها هنا مش في امان ولا ايه ده بيت ابوها
بصت مريم بخوف لقمر اللي كانت بتبصلها بتوعد ووقتها اتأكدت مريم انها مش هتسكت علي اللي حصل
...........................
بليل كان قاعد فارس وهو محتار وبيفكر لحد ما قربت منه الهام اللي حست بيه وبحيرته
الهام بحنية شوفت يا فارس اللي حصل انهاردة البنية صعبت عليا اوي كانت مرعوبة من ابوها ومراته
فارس بتفكير والله يا امي انا في الاول مكنش عاجبني الموضوع خالص وبصراحة كدة كنت مجبور علي الجوازة دي بس لما روحت وشوفت مريم ومعاملة اهلها ليها صعبت عليا وقررت اني فعلا اتجوزها عشان اساعدها بس برضه كل ما بفكر في مستقبلي وحياتي اللي راسمها بحس اني هاخد
الهام بابتسامة يا حبيبي مريم كدة كدة هتعيش معانا هنا وانت مع الوقت هتتعود وكدة كدة حياتك وي ما هي مش هتتغير في حاجة وبرضه لو حبيت تتجوز اكيد البنية مش هتمانع خصوصا لما تعرف انك عملت كدة عشانها
فارس بحيرة وده هيحصل ازاي وهي فاكرة اني خطبتها عشان معجب بيها زي ما شهد قالتلها انا بس مش عاوز اجرحها برضه بس لو يمكن يا ماما انتي تفهميها الموضوع ده قبل كتب الكتاب عشان محسش اني ظلمتها ارجوكي يا ماما ريحيني واعملي كدة ووقتها القرار يبقي قرارها هي يا تكمل يا ترفض
الهام بحيرة حاضر يا حبيبي اللي انت تشوفه بس قولي هتعمل ايه في موضوع الشقة
فارس بجدية الموضوع ده هتكلم فيه بس بعد ما تبقي مريم مراتي وقتها اللي هي عاوزاه هعمله ليها عشان مكونش بظلمها
الهام بحب وهي بطبطب علي فارس ربنا يكملك بعقلك يا حبيبي ويبارك فيك هو ده عين العقل انا كنت خايفة عشان مغصوب عليها تعاملها وحش لكن انت شوفت بعينك ومريم بصراحة متستاهلش اللي هي فيه
............................................
كانت واقفة مريم قدام المراية وهي لابسة الفستان اللي هتحضر بيه كتب كتابها وكانت بتبتسم لنفسها وبتتخيل فارس لما يشوفها متعرفش ليه جت في بالها الفكرة دي بس هي فرحانة متعرفش ليه يمكن مكنتش فرحانة كدة لما كانت مع عمر لدرجة انها طول اليومين اللي فاتو كانت كل شوية تفتكر نظراتهم لبعض لما كانت واقفة بتتحامي فيه فجأة مريم اتوجعت لما رفعت ايديها لفوق وهي بتعدل طرحتها وده بسبب ضرب قمر ليها بس كل ده مكنش فارق لمريم قد كلام قمر اللي وجعها لما
شهد بصدمة وهي بتبعد يا نهار اسود انتي مالك فيكي ايه اوعي يكون اللي في بالي والله اقول لفارس واخليه
مريم بلهفة لا يا شهد والنبي متقوليش لفارس حاجة عشان خاطري انا مش عاوزة مشاكل صدقيني انا كويسة وبعدين انا كنت عارفة ان ده هيحصل بس عادي مش فارق المهم امشي من هنا
شهد بشفقة منها لله الولية المفترية دي يلا يا حبيبتي عشان نطلع لفارس برة عشان المأذون جه وهيكتب الكتاب
مريم بسرعة طب يلا بينا انا خلصت خلاص
شهد بصدمة انتي هبلة يا مريم مش هتحطي ميكب ولا ايه حاجه انتي اه حلوة بس برضه
مريم بحزن لا انا مبعرفش احط حاجة وبعدين عادي يعني مش مهم بس تعرفي يا مريم انا مش عارفة ليه فرحانة اوي انهاردة انا مش مصدقة ان ممكن يكون فارس بيحبني حاسة اني محبتش قبل كدة ومعرفش ازاي وامتي بس اللي اعرفه اني فرحانة
مريم بتهرب اه طبعا فارس ده يتحب يا بنتي مش اخويا يلا تعالي بقي وانا هحطلك حجات بسيطة كدة متقلقيش هتبقي قمرين ولا بلاش الكلمة دي احسن بقيت بكرها بسبب اللي ما تتسمي
ابتسمت مريم علي كلام شهد وطاوعتها وهي من جواها بتشجع نفسها انها خلاص هانت وكلها كام يوم وتمشي خالص وشوية و الباب خبط ودخلت الهام اللي ابتسمت بانبهار وهي باصة لمريم
الهام بحب ما شاء الله زي القمر يا حبيبتي مريم انا ممكن اتكلم معاكي شوية في موضوع مهم
مريم بقلق طبعا يا
شهد
