تركتها لأجله بقلم اسراء ابراهيم

انتي شكلك اتجننتي وانا مش ناقص جنان
شهد بلهفة استني بس يا فارس انا بقولك يعني ان مريم دماغها ناشفة وهي مش هتبقي عاوزة تبوظلك حياتك عشان كدة انا بقول يعني ان انا اقولها انك شوفتها مرة وهي عندي او لما كنت ببقي معاها في الشارع وانك اعجبت بيها وعاوز تتجوزها وبعد الجواز بقي يبقي يحلها ربنا ونعرفها الحقيقة
فارس بغضب مكتوم انتي عاجبك اللي بتقوله بنتك دي يا ماما 
الهام باقناع عين العقل يا فارس وبعدين انت بتعمل خير كمله للاخر ولا ايه 
فارس وهو بينفخ بغيظ ماااشي اما اشوف اخرتها معاكم ايه
شهد بفرحة انا من الصبح هروح لمريم واقولها ان اخويا القمر عاوز يتقدملها
فارس بغيظ انا داخل انام عشان عندي شغل الصبح 
شهد بفرحة نام يا باشمهندس نوم الهنا يارب
...............................................
مريم بصدمة عريس عريس ايه ده ومين وفين 
شهد بسرعة وطي صوتك بس احسن امنا الغولة تسمعنا ودي انتي عارفاها ودانها زي ودان الفيل ايوة عريس ايه غريبة ده عريس ايه يا بت يا مريم قمررررر
مريم باستغراب مين ده ويعرفني منين يا شهد وبعدين انتي ناسية اني لسة فاسخة خطوبتي ابويا مش هيرضي انه اتخطب تاني علطول ده سمعني مرشح قد كدة بسبب عمر واني انا السبب واني نحس هقول ايه ما عنده حق
شهد بحماس يابنتي ده انتي ربنا بيحبك انه نجدك من عمر ده صدقيني ربنا عمل كدة عشان يرزقك بالاحسن منه وبرقبته مين مرة
مريم بفضول مين ده يا شهد انتي تعرفيه قريبكم يعني
شهد بخبث فارس اخويا ايوة متتخضيش هو بحلاوته وكاريزمته يا بت كلمني وقالي انه معجب بيكي وانه عاوز

يتقدملك ها ايه رأيك عروستنا
مريم وهي بتسرح بخيالها فارس طب ازاي ده انا وانتي كنا بنشوفه من بعيد واحنا ماشين في الشارعازاي شافني
شهد بكدب ااه ماهو اكيد اخد باله منك ما انتي عارفة الشباب عنيهم في قفاهم
مريم بحزن طب وهو ازاي هيتقدملي واحنا بينا فروق كتير ده فرق السما من الارض يا شهد هو مهندس وانا حتي معيش دبلوم يدوب بفك الخط هو معروف وليه اسمه وكيانه وانا انا حتي مش متجهزة جهاز عدل ازاي فكر فيا 
شهد بحنية يا حبييتي الحب مفيهوش اللي بتقولي عليه ده خالص هو لما شافك اعجب بيكي ومبصش لكل اللي انتي بتقوليه ده وبعدين تعالي هنا وانتي مالك يعني ده انتي زي القمر كفايا عنيكي الزرقا دي اللي تسحر متقلليش من نفسك كدة انتي ست البنات
مريم  ربنا يخليكي ليا يا شهد انتي الوحيدة اللي بتهون عليا كل حاجة
كانت شهد هترد بس سمعت صوت قمر من برا الاوضة وهي بتتكلم بغضب مش هنخلص السهراية دي ولا ايه يا ست مريم ناسية اللي وراكي ولا صاحبتك هتخليكي تتعوجي عليا
مريم بسرعة لا يا مرات ابويا انا جاية اهو 
شهد بغيظ اووف ولية حيزبون معرفش ابوكي اتجوزها ازاي المهم اقول لفارس يكلم ابوكي 
مريم بابتسامة حزينة خايفة امسك في الامل ده وفي الاخر يروح هو كمان وخايفة اطاوعك واوافق علي فارس يندم هو في يوم من الايام يا شهد
شهد بتحفيز بلاش التفكير ده يا مريم فارس مش صغير وعارف كويس اوي كل اللي قولتيه ده ومع ذلك هو اللي اختار يبقي خلاص بقي وافقي وخليكي تيجي تعيشي معايا ولا انتي بقي هتعملي زي البنات التانية وتقولي لا انا عاوزة شقة لوحدي مش هقعد مع امك واختك
مريم بلهفة يا خبر ده هيبقي اسعد يوم في حياتي يوم ما امشي من هنا واعيش معاكم يا شهد ده انتي اختي وطنط الهام امي وربنا يعلم غلاوتكم في قلبي وان ربتا بيحبني عشان هيخليني اعيش معاكم
شهد بحب حبيبتي يا مريومة لن شاء الله تتجوزي الواد اخويا وتيجي تنوري بيتنا يا حبييتي
كانت سامعة كلامهم قمر بغيظ وهي بتتوعد لمريم وخصوصا انها بتكره الهام اوي وشهد كمان وعشان كدة قررت متخليش الجوازة دي تتم مهما حصل
.........................................
كان قاعد فارس وشهد اخته والهام امهم قدام حسن ابو مريم اللي كان بيبصلهم باستغراب
حسن باحراج نورتو يا استاذ فارس انت والست الوالدة بس خير هو في حاجة 
فارس بجدية انا جاي انهاردة يا عم حسن عشان اطلب منك ايد مريم ليا واتمني انك توافق وتكون من نصيبي
حسن بفرحة وهو احنا نطول يا ابني نناسبك ده انت شاب مقتدر وزي الفل هو بس الفكرة ان البت لسة سايبة خطيبها ومعتقدش انها هتوافق
شهد باندفاع طب ليه نقدم الوحشة يا عم حسن ما تسأل مريم مش يمكن ليها رأي تاني
حسن بشك وماله نسألها معلش استنوني شوية
سابهم حسن ودحل لمريم بس لحقته قمر قبل ما يدخل ليها الاوضة ومسكته بسرعة
قمر بغضب استني هنا يا راجل انت فعلا مصدق ان البت متعرفش اي حاجة عن انهم جايين انهاردة اقطع ايديا ان مكنش عندها علم ومستنياهم جوة
حسن باستغراب قصدك ان صحبتها قالتلها طب وفيها ايه اهي جوازة احسن من الاولانية والبت هترتاح معاهم ليه نمانع يا قمر
قمر بغيظ عشان الجوازة الاولانية كانت البت هتعيش في شقة لوحدها لكن المرادي عاوزينها تعيش مع امه وانا زي امها برضه يا حسن وهخاف عليها وبصراحة كدة مش عاوزاها تتجوز في شقة ام الواد عشان كدة بقول بلاها الجوازة دي اهي قاعدة لحد ما يجي عدل كويس
حسن بتفكير ايوة بس الست الهام تتحط عالجرح يطيب دي عمرها ما جرحت حد بكلمة يعني اكيد هتعامل مريم كويس اوي
قمر بغضب مكتوم بقولك ايه انا قولت اللي عندي انا مش موافقة عالواد ده لو عاوز بقي تجوزهولها وتخسرني براحتك يا حسن هه
خلصت قمر كلامها وسابت حسن ودخلت للضيوف اما مريم فكانت سامعة كل حاجة من ورا باب اوضتها ودموعها نازلة بحزن لانها متأكدة ان ابوها هيخاف علي زعل قمر مراته وحتي مش هيدخل يسألها رأيها وفعلا سمعت خطواته بتبعد ووقتها مسحت دموعها بقوة وهي مقررة تعمل اي حاجة بس تمشي من البيت ده 
.................................
في الصالون كانت قاعدة قم وهي راسمة علي وشها البراءة والخبث وكأنها معملتش حاجة وشوية ودخل حسن هو كمان بس كان باين علي وشه الضيق
الهام بابتسامة خير يا عم حسن مريم قالت ايه 
حسن بكدب والله يا ست الهام انا كان بودي اني اناسبكم بس انتي عارفة ده رأي البت في الاول وفي الاخر
فارس بتكشيرة حضرتك تقصد ايه 
حسن بجدية بعني البت مش موافقة واكيد مش هغصبها يابني
فارس بص لشهد لغضب وكان مصدوم فاتكلمت هي باندفاع ازاي ده معقولة رفضت اكيد في حاجة غلط مريم ازاي هترفض
حسن بغضب هو ايه اللي غلط انتي عارفة حاجة انا مش عارفها عن بنتي ولا ايه ما قولنا رفضت وخلاص
كانت هتتكلم شهد بس قاطعتها مريم اللي دخلت عليهم فجأة واتكلمت بلهفة بس انا موافقة يا بابا حضرتك مسمعتش كويس مني وحصل سوء تفاهم
قمر بغضب ايه قلة الحيا دي