زواجي المهدد بقلم اسراء ابراهيم حصري علي موقع ايام

اسكربت 
زواجي المهدد
يوووه انا زهقت بقي يا فادي من كتر القاعدة لوحدي انا بقيت اوقات احسن اني مش متجوزة
فادي بضيق طب وانا ذنبي ايه يا ندي يعني ابطل انزل الشغل عشان حضرتك ترتاحي ولا اعمل اجازة واقولهم عشان مراتي زهقانة وهقعد اسليها
ندي بصدمة بقي كدة يا فادي انت بتستقل بمشاعري صح ما انت علطول برة البيت ليل نهار لكن انا مبعملش حاجة غير اني اشوف طلبات مامتك تحت واطلع اكمل قاعدة بين اربع حيطان
فادي بحنية وهو بيقرب من ندي حبيبتي حقك عليا انا مقصدش اني اتريق عليكي بس حطي نفسك مكاني يا ندي انا بشتغل عشر ايام وانزل اجازة اسبوع يعني بقعد في شغلي اكتر من جوة البيت ولما باجي بيتنكد عليا منك وبصراحة بقيت احس اني مش برتاح في البيت بسبب النكد ده
ندي بلهفة لا خلاص حقك عليا يا فادي انا والله عشان بحبك فبتبقي واحشني ونفسي اشبع منك عموما خلاص انا مش زعلانة يلا بقي عشان ناكل يا حبيبي انا عاملالك اكل حلو اوي هيعجبك
فادي بحماس تسلم ايديكي يا روح قلبي هاخد دش كدة سريع علي ما تحضري السفرة صحيح نورهان نامت ولا ايه 
ندي بابتسامة ايوة نامت من بدري اسكت دي مغلباني طول النهار وطلعت عيني انا وماما
فادي بحب دي قلب ابوها دي هشوفها قبل ما اخد الشاور يلا جهزي انتي بقي
ساب فاي ندي ودخل اوضة بنتهم نورهان ووقفت ندي تبص لاثره بحزن لانها كل مرة مش بتاخد معاه حق ولا باطل ودايما بتنتهي المشكلة بانها هي اللي تتأسف وتعتذر اتنهدت بحزن وهي بتتخيله بيقولها كلام حلو زي ما كان بيعمل وهما مخطوبين ويمكن لو كان بيعمل

كدة حتي بعد يومه الطويل مكنتش هتزعل وتضايق بس للاسف هو حتي دي مش واخد باله منها
ندي بابتاسمة صباح الخير يا ماما صاحية بدري اوي يعني انهاردة
مديحة بحنية مفيش يا بنتي صليت الفجر ومجاليش نوم فقولت خليني صاحية بقي انتي ايه اللي نزلك بدري كدة انهاردة دي الساعة يدوب جت تسعة يا بت ده جوزك عندك يعني المفروض متنزليش اصلا لحد ما يسافر
ندي بحزن مفيش يا ماما بس عشان كدة كدة فادي نايم وبعدين سمعت صوتك وانتي بتنادي علي بتاع الفول فقولت انزل اتونس بيكي
مديحة بشك مالك يا بت انتي متخانقة مع فادي اتكلمي قوليلي مش انا زي امك برضه ولا بتعتبريني حماتك 
ندي بلهفة لا طبعا والله يا ماما ربنا يعلم غلاوتك في قلبي عاملة ازاي بس بصراحة كدة انا زهقت من شغل فادي حاسة ان البعد مخليه بقي بعيد عني تخيلي امبارح بدل ما يقعد معايا سابني وفضل قاعد عالتليفون بتاعه حتي مبصش في وشي
مديحة بخزلان اخس عليه لا طبعا ليكي حق تزعلي وانا ليا كلام معاه البأف ده
ندي بلهفة لا يا ماما والنبي اوعي تقوليله حاجة عشان بيزعل زيادة وبيفضل بقولي انتي بتشتكيني انا بس بفضفض معاكي عشان انتي قريبة مني وبعتبرك امي اللي مش هنا
مديحة بشفقة حقك عليا انا يا ندي يا بنتي والله الواد فادي ده بيحبك هو بس شغله ده اللي مخليه ملهي عنك لكن هو بيموت فيكي ده انتي زي القمر هو كان يطول ياخد واحدة زيك ولا ايه يلا سيبك انتي روحي يلا انا غسلت الطبقين بتوع العشا ادخلي انتي حضريلنا الفطار ليا انا وانتي مع كوبايتين شاي يظبطو الدماغ كدة
ندي بعتاب ليه كدة بس يا ماما منا كنت هعملهم
مديحة بحنية يا هبلة انا وانتي واحد يلا بس روحي وامسي اي حاجة بكرة الحال يتعدل ويفضل قاعد جمبك ويرجع احسن من الاول
ندي بتنهيدة يارب يا ماما
العصر كان داخل فادي شقة امه وهو لابس ومتشيك وباين عليه انه خارج وفي نفس الوقت كانت قاعدة مديحة وشافته بهيئته وهو داخل عليها
مديحة بسخرية انت صحيت يا قلب امك وعلي فين العزم كدة يعني وانت لابس ومتشيك
فادي باستعجال انا قولت اقولكم اني خارج مع صحابي كدة يعني هنشم هوا وهتغدي معاهم كلو انتو بقي متستنونيش
مديحة بسخرية طب والله كويس انك فاكرنا اصلا طب انا ومش مهم مراتك الغلبانة اللي من صباحية ربنا في المطبخ بتطبخلك الاكل اللي بتحبه تيجي في الاخر ومتاكلش معاها لقمة عدلة 
فادي بضيق يوه يا ماما ما انتي معاها اهو يعني مش هتاكل لوحدها هي فين صحيح
ندي بحزن وهي خارجة من المطبخ بعد ما سمعت الحوار كله انا هنا يا فادي هو انت هتتأخر برة 
فادي باستعجال مش عارف انا وظروفي ابقي اطلعي شقري عالبت عشان نايمة لوحديها فوق انا همشي بقي عاوزة حاجة
ندي بحزن عاوزة سلامتك
كان فادي هيخرج بس وقفته امه بصوتها استني يا فادي طالما هتخرج يبقي استي وخد مراتك في ايدك دي مبتخرجش ومبتروحش في حتة طول ما انت مسافر حتي اهلها هما اللي بيجو يزوروها كل شهر اكمنهم في محافظة تانية
فادي برفض لا طبعا يا امي مش هينفع دي خروحة كلها رجالة صحابي بعدين هبقي اخرجها ان شاء الله يلا سلام بقي عشان صحابي بيرنو عليا
مشي فادي ووقف ندي تبص لاثره بحزن وكانت حاسة مديحة بيها ومضايقة اوي عشانها وعشان تصرفات ابنها اللي مش راضيه عنها
مديحة بابتسامة متزعليش يا ندي كل الرجالة كدة يا بنتي بس انتي اعملي اللي عليكي جايز هو زهقان من الروتين ولا حاجة
ندي بحيرة يعني اعمل ايه يا ماما وبعدين هو اصلا بيبص في وشي عشان يزهق فادي اتغير خالص وانا مش عارفة انا قصرت معاه في ايه
مديحة بحماس بت يا ندي ايه رأيك نروح الكوافير سوا انا هشجعك ونروح نعمل نيولوك سوا
ندي بابتسامة بجد طب ماسي بس انتي هتعملي ايه يا ماما هناك 
مديحة بضحك ليه مفكراني عجزت يا بت ولا ايه وبعدين ياختي خليكي في حالك انا حابة اعمل نيولولك ده من اللي بيعملوه يلا اطلعي حصري نفسك وانزلي عشان نروح سوا يلا
ندي بطاعة حاضر يا ماما مش هتأخر علطول
مشيت ندي وكانت متابعاها مديحة وملامحها بتتبدل من الابتسانة للحزن والشفقة عليها وقررت انها تتكلم مع فادي وتاخد حد معاه
بليل كانت واقفة مديحة بتبص في الساعة بغضب لانها عدت 12 بليل وكل ده وفادي مجاش فكانت بتتوعدله لحد ما سمعت صوته طالع عالسلم ففتحت باب الشقة بغضب 
مديحة بغيظ اتفضل ادخلي هنا
فادي بقلة حيلة خير يا ماما في ايه طبعا عشان التأخير
مديحة بغضب انت كمان ليك عين ترد انت ازاي كدة هو ده اللي ربيتك عليه فهمني حالا في ايه يا فادي والا لا انت حر بقي ومتجيش تتحايل عليا
فادي بضيق في ايه ازاي يعني يا ماما انا مش فاهم
مديحة بقصد في ايه بينك وبين مراتك يا فادي متغير عليها ليه واحدة غيرها مش هتستحمل العيشة دي ابدا وكانت سابتك من زمان لكن هي مستحملة وساكتة وصابرة مفيش واحدة هتستحملك كدة ولا تستحمل شغلك