زواجي المهدد بقلم اسراء ابراهيم حصري علي موقع ايام

اعوض ندي عن كل اللي شافته معايا لانها فعلا متستاهلش كدة ولاني معنديش استعداد اني اخسرها
مديحة بسعادة ربنا يسعدكم يا بني المهم انك عرفت غلطك قبل فوات الاوان
اتوتر فادي وبص بعيد وهو بيسرح وبيفكر وكانت متابعاه مديحة بقلق
في الشارع كان ماسك فادي ايد ندي وماشين بيتكلمو وبيفتكرو زكرياتهم سوا وندي كانت فرحانة اوي لانها ياما كانت بتحلم انهم يمشو مع بعض ويتكلمو زي ما بيحصل دلوقتي كدة
ندي بابتسامة تعرف يا فادي انا اوقات كنت بحس اني من كتر ما انت مش شايفني انك تعرف حد تاني التفكير كان هيموتني بس اللي كان مصبرني هو ثقتي فيك واني عارفة انك لا يمكن هتعمل فيا كدة
فادي اتنهد بوجع ومكنش عارف يقول اي حاجة
ندي بلهفة فادي انت زعلت انا اسفة انا مبشكش فيك صدقني انا بقولك عاللي كان جوايا
فادي بندم ندي انا اسف علي غلطة غلطتها في حقك ارجوكي سامحيني لاني كنت غبي كنت عارف اني غلطان في حقك وكنت مكمل بس الحمد لله اني فوقت لنفسي قبل ما تضيعي مني
ندي بحب وانا مسامحاك يا فادي وعارفة ان اهمالك ليا كان غصب عنك وصدقني عذراك لاني عارفة شغلك ده رخم ازاي
فادي بابتسامة اايه رأيك ندخل مطعم ناكل يلا بينا
ندي بهدوء طب وماما كدة هتاكل لوحدها لا خلينا لما نروح ناكل كلنا سوا ماشي
فادي باصرار لا هنتغدي ولما نروح برضه هيكون جوعنا وناكل معاها يلا بقي
مشيت ندي بفرحة مع فادي اللي دخلها مطعم وطلب اكل ليهم وبدأ يأكلها بايديه وهي كانت فرحانة اوي باليوم اللي قضوه سوا
فادي وهو بيقوم حبيبتي هروح اغسل ايدي وارجعلك عشان نحاسب
ندي بحب ماشي يا حبيبي
مشي فادي وندي كان

عقلها مشغول بنورهان وبحماتها لانهم لوحديهم فمسكت تليفون فادي وقالت ترن علي حماتها تطمن عليهم بس كان في رسالة عالشاشة من برة اول ما شافتها ندي ايديها اترعشت وكان التليفون هيقع من ايديها 
دموعها نزلت علي خدها بصمت وكانت مش مستوعبة فسابت الفون مكانه وحطت ايديها علي وشها وبقت تعيط بحرقة وفي نفس الوقت كان جه فادي وشافها فقرب منها بلهفة
فادي بلهفة مالك يا حبيبتي حد ضايقك هنا طمنيني مالك
رفعت ندي وشها وبصت لفادي بعتاب ومتكلمتش فاتوتر فادي لما شاف نظرة الخزلان في عنيها
ندي بدموع انا عاوزة اروح لو سمحت
فادي بلهفة طب قوليلي مالك يا ندي ما احنا كنا كويسين
ندي بانفعال انا عاوزة اروح دلوقتي هتروحني ولا اروح لوحدي 
فادي بسرعة لا خلاص يلا بينا طيب
اخد فادي تليفونه اللي شاشته نورت فجأة وشاف الرسالة فبلع ريقه بصدمة وفهم كل حاجة لكنه متكلمش وفضل يروح ندي البيت الاول وبعدين يتكلم معاها
دخلت ندي شقتها بسرعة وهي منهارة
من العياط وحتي معدتش علي حماتها وكان وراها فادي اللي كان متأكد انها شافت  دخل ورا ندي اوضتها وشافها بتحط هدومها في شنطة السفر فاتخض وقرب منها بلهفة وهو بيمنعها
فادي بخوف ندي ارجوكي اسمعيني انا عارف انك شوفتي  وليكي حق تزعلي وتعملي كل حاجة بس كله الا انك تسيبي البيت ارجوكي يا ندي اسمعيني
ندي بغضب وهي بتزق فادي بعيد عنها انا مش عاوزة اسمعك ولا عاوزة غير انك تبعد عني انا بكرهك يا فادي بكرهك ولا يمكن هقعد ثانية واحدة علي زمتك انت فاهم طلقني
قلب فادي اتقبض واتأكد فعلا انه بيخسر ندي للابد وهنا انهار وبدأ يبكي وهو بيتكلم وبيمنعها تلم هدومها ارجوكي اسمعيني بصي اكرهيني زي ما انتي عاوزة بس كله الا الطلاق انا مش هقدر اخسرك صدقيني انا بحبك وخوفي من اني اخسرك هو اللي فوقني وخلاني ابعد عن الطريق اللي كنت فيه ندي انا عارف اني غلطان بس عشان خاطر بنتنا متهديش اللي بينا
ندي بانهيار اللي بينا اللي بينا انت اللي هديته بمعاملتك الجافة ليا باهمالك ليا وبعدك عني بالايام والشهور ومع ذلك كنت مستحملة وساكتة وصابرة كنت حتي مبشوفش منك حاجة تصبرني علي اللي انا فيه ومع ذلك كنت بحبك ومكملة عشان خاطر مش عاوزة اهد البيت وفي الاخر اكتشف اني مجرد ام لبنتك وخدامة لامك وانت عايش حياتك عادي برة البيت  لكن انا ادفن بالحيا لمجرد اني بحبك بس خلاص الحب ده انا مش عاوزاه يا فادي 
فادي بتلقائية انا عارف ومتأكد من كل كلمة قولتيها يا ندي بس مفيش حد مبيغلطش  وانتي شوفتي بنفسك ولما عرفت غلطي وفوقت لنفسي وحسيت اني ممكن اخسرك  ورجعتلك فادي اللي انتي بتحبيه سامحيني يا ندي وانا اوعدك اني افضل مخلص ليكي العمر كله
ندي كانت باصة لفادي بحيرة وتوهان حاسة بنار في قلبها كل ما تتخيل 
فادي بلهفة انا كدة كدة ماشي بكرة خلاص وهسيبك تفكري كويس واوعدك لما ارجع هنتكلم واللي انتي عاوزاه هنفذهولك بس وحياة نورهان يا ندي ما تسيبي البيت
ندي بصت لفادي بغضب وسابته ومشيت ووقف هو مغمض عنيه بحيرة وندم وخوف من ان حياته تنتهي وندي تبعد عنه ويخسرها للابد
عدي عشر ايام كانو صاعبين اوي علي فادي وكل يوم فيهم كان عقله بيبقي هيتشتت من كتر التفكير والخوف احسن ندي تقرر تسيبه وخصوصا انه كل ما كان يرن عليها متردش ولما يكلم امه ويسال عليها امه كانت ترد باختصار ومش بترضي تديهاله وكأنها بتعاقبه وكان اصعب واطول عشر ايام عدو عليه وانهاردة رجع تاني البيت واول ما دخل اتفاجئ فادي بأهل ندي متجمعين فقلبه اتقبض وفهم انها كلمتهم وانها رفضت تسامحه وتديله فرصة تانية وانها هتنفصل عنه دخل وهو تايه بيدور بعنيه عليها وهو بيسلم عليهم لحد ما عنيه وقعت علي امه اللي بصتله بعتاب فقرب منه بلهفة
فادي بحزن خلاص يا امي ندي قررت تسيبني
مديحة بجمود ليها حق واي واحدة مكانها هتعمل كدة انت مكنتش امين عليها زي ما هي كانت امينة عليك وعلي بيتك
فادي بندم وندمت والله ندمت يا امي ارجوكي تحاولي تمنعيها انا مش هقدر اعيش من غيرها
مديحة بخبث والله مراتك فوق بتحضر حاجتها اطلع اتكلم معاها يمكن تقدر تقنعها
ساب فادي امه وطلع بسرعة لندي واول ما دخل من باب الشقة نادي بلهفة عليها فطلعت هي ليه وباين عليها الحزن
فادي بلهفة وهو بيقرب منها ندي ارجوكي وحيات بنتنا متسيبنيش انزلي قوليلهم انك هتديني فرصة وانا اوعدك اني اعيش مخلص ليكي وهعوضك عن كل جرح سببتهولك
ندي بهدوء اهلي ميعرفوش حاجة يا فادي دول جايين زيارة عادية انا مقولتش لاي حد حاجة
فادي ابتسم بتلقائية وهو مش مصدق انها فعلا هتديله فرصة
فادي بندم بحبك يا ندي واوعدك اني انسيكي كل حاجة وحشة شوفتيها معايا
ندي بابتسامة مصدقاك يا فادي وعارف انا بديلك فرصة ليه عشان لسة بحبك وعشان مصدقاك انك ندمان وانك لا يمكن هتوجعني تاني
فادي بفرحة
اوعدك احافظ عليكي بقلبي يا ندي لاني معنديش استعداد اني اخسرك لانك ببساطة روحي اللي متعلق بيها
تمت