زواجي المهدد بقلم اسراء ابراهيم حصري علي موقع ايام

اللي معظم وقته برة البيت بس البت متكلمتش ولا اشتكت تقوم تهملها كدة يبقي في إنة
فادي بتوتر إنة ايه بس يا ماما وبعدين مالها يعني ندي اشتكتلك مش كدة 
مديحة بغيظ االبت حد الله ما اشتكت ولا قالت كلمة من نفسها بس انا مش عامية وشايفة تصرفاتك معاها بقي في واحد يبقي غايب عن مراته عشر ايام مبيشوفهاش ويجي يسيبها وينام وكمان مقضيها فسح وخروجات وسايبها حتي مفيش كلمة حلوة تخليها تستحمل القرف اللي شايفاه معاك انت ايه يا اخي
فادي بعصبية واضح انها مشتكتش فعلا عموما هو ده انا بقي ومش هتغير وبعدين ما احنا بقالنا تلات سنين عايشين كدة ايه اللي جد 
مديحة بهدوء اللي جد انها بدأ يبان عليها الحزن وبدأ اليأس ياكل من عمرها وملامحها اللي بدأت تدبل انت مش عارف كلمة منك ممكن تعمل فيها ايه دي مستعدة تخليها تستحملك العمر كله لكن لما تسيبها كدة وتهملها وحتي متحسسهاش بكلامك انها غالية عندك هتفضل تدبل لما يجي عليها وقت وتحس انها خلاص مش هتقدر تستحملك ووقتها هتبيعك بالرخيص يا ابن بطني ولو عملت وقولت اللي مسمعتوش ولا شافته منك قبل كدة اسمعني كويس يا فادي الست لما بتحس انها متهانة ومالهاش لازمة ومش فارقة مع الراجل اللي معاه وقتها بتبيع وبتقسي ومش هتعرف ترجعها تاني الاوان مفاتش يابني وتقدر تصلح علاقتك بمراتك واوعاك تكون فاكر انك كدة ضامنها لان الست لما بتبيع مبتبصش وراها
فادي سرح في كلام امه والقلق بدأ يتسرسب لقلبه رغم انه متأكد ان ندي بتحبه وانها لا يمكن تفكر تسيبه مهما عمل بس كلام امه خلاه يفكر ويسأل نفسه هل ممكن فعلا ده

يحصل 
فادي بقلق بس ندي مش كدة يا امي انا متأكد انها بتحبني
مديحة بسخرية وايه اللي فيك ولا انت بتعمله معاها يخليك واثق انها فعلا مش ممكن تسيبك ولا تعمل كدة الحب هو فين الحب ده عشان هي تعمله حساب والله انا نصحتك يا فادي يا ابني وانت بايدك كل حاجة يلا اطلع لمراتك اللي انا متأكدة انها مستنياك وقلقانة عليك
اتنهد فادي بحيرة وساب امه وهو عقله مشغول بكل كلمة قالتها ليه بخصوص ندي
كانت واقفة ندي بتبص في الساعة بقلق وخايفة علي فادي اوي لان الوقت اتأخر لحد ما سمعت صوت المفتاح في الباب وفتح ودخل فادي واول ما شافته جريت عليه بخوف وهي بتعيط
فادي بلهفة مالك يا حبيبتي بتعيطي ليه كدة انتي فيكي حاجة قوليلي
ندي بعياط انا خوفت عليك ومكنتش عارفة اعمل ايه انت اتأخرت اوي يا فادي
فادي بندم حقك عليا يا حبيبتي انا غلطان فعلا اني مكلمتكيش بس غصب عني الفون فصل شحن ومعرفتش اشحنه
ندي بزعل وهي بتمسح دموعها تمام يا فادي تصبح علي خير
قالت ندي كلامها بزعل وكانت هتمشي بس وقفها فادي بصوته ومسكته لايديها
فادي بحنية مالك بس انتي لسة زعلانة مني حقك عليا انا اسف فعلا اسف علي كل حاجة يا ندي واني كنت مقصر معاكي طول المدة اللي فاتت عشان خاطري سامحيني ونفتح صفحة جديدة سوا
ندي بفرحة بجد يا فادي يعني انت هترجع تاني فادي اللي حبيته
فادي بهيام وهي بيبص في عيون ندي ااوعدك اني ارجع تاني فادي الي انتي عارفاه واني مش هتغير عليكي تاني ابدا بس استني هنا ايه التغير القمر ده كنتي حلوة وبقيتي احلي بلون شعرك اللي غيرتيه ده وخلاكي مميزة
ندي ابتسمت وكانت طايرة من الفرحة بسبب كلام فادي وهو شاف بنفسه تأثير كلامه عليها واتأكد ان امه كان عندها حق وانه كان غلطان وغبي عشان كان هيضيع ندي من ايديه
ندي بخجل هحضرلك العشا علطول
فادي بحب بس مش هاكل من غيرك ايه رأيك ناكل سوا ونتفرج علي فيلم حلو ونسهر للصبح
ندي بسعادة طبعا موافقة ديانهاردة احلي يوم في عمري يا فادي مكنتش اعرف ان الخروجة دي هتخليك تتغير خالص كدة
فادي اتوتر وهو بيبص لندي وااتنهد بحيرة وندم كانو باينين عليه 
فادي بندم اوعدك ان دي تبقي حياتنا علطول يا حبيبتي يلا هغير هدومي واجي اساعدك في غرف الاكل 
ندي بحماس ماشي يا حبيبي هحضره بسرعة
تاني يوم كانت قايمة ندي من النوم وهي في قمة سعادتها لاول مرة من فترة كبيرة فادي يصمم انه يسهر معاها ويعاملها بحب ويسمعها احلي كلام كمان وقتخا حست كأن الدنيا متغيرة وانها ليها نفس تعمل كل حاجة مطلوبة منها غيرت هدومها ونزلت لمديحة حماتها اللي اول ما شافتها بصتلها بقلق بس بادلتها ندي النظرة بابتسامة صافية 
مديحة بابتسامة لا ده احنا انهاردة الله اكبر قوليلي ايه سر التغير المفاجئ ده ولا في همكم مدعية وفي فرحكم منسية يا مرات ابني 
ضحكت ندي بصوت عالي وقعدت جمب مديحة وباست ايديها بحب
ندي بعتاب بقي كدة انتي تعرفي عني كدة ده انتي حبيبتي يا ديحا عموما يا ستي هقولك اصل بصراحة امبارح كان اسعد يوم في حياتي حاسة اني بجد حياتي بدأت امبارح بس يا ماما فادي اتغير خالص بيعاملني معاملة حلوة اوي حساه بتصرفاته ندمان انه زعلني قبل كدة وانه نفسه يعوضني عن كل اللي فات وانا والله سامحته وراضية وبحبه بس يفضل كدة علطول
ابتسمت مديحة بفرحة وعرفت ان كلامها جاب نتيجة مع فادي وانه كان محتاج اللي يفوقه لنفسه ولبيته
مديحة بفرحة طب الحمد لله فرحتيني يا ندي يا بنتي ربنا يسعدكم يا ولاد يارب
ندي وهي بترفع ايديها لفوق يارب يا ماما يااارب هقوم بقي اعمل احلي فطار واجيلك نفطر سوا ونكمل رغي
مديحة بسعادة ماسي يا ستي اما اشوف اخرة الحماس اللي عندك ده بقي كل ده من الواد فادي هو اللي كان مخليكي منكدة عليا اما اشوفه بقي هشكره
ندي ضحكت وقامت دخلت المطبخ ووقتها مديحة حمدت ربنا علي اللي حصل انها لحقت بيت ابنها في الوقت المناسب
عدي اليوم وكانت خارجة ندي من المطبخ بعد ما خلصت واتفاجأت بفادي داخل الشقة في نفس الوقت وهو لابس ومتشيك بس المرادي سلم علي امه وقرب من ندي خلاها ابتسمت بتلقائية ودقات قلبها بتعلي وبصت لمديحة بخجل وبادلتها مديحة النظرة بفرحة
فادي بحماس بعد اذنك يا ماما هخطف منك مراتي حبيبتي عشان خارجين سوا وهنخلي معاكي نورهان بقي ماشي
مديحة بهزار يا سلام ده يوم المني طبعا واهو تريحني من البت دي شوية
ندي ضحكت وبعدين بصت لفادي بفرحة هو بجد يا فادي هتخرجني 
فادي بحب ايوة يا قلب فادي هنخرج سوا المهم بقي قدامك يا ستي عسر دقايق والا هرجع في كلامي وانتي عارفة بقي
ندي بلهفة ايه لا متقلقش خنس دقايق وابقي قدامك بعد اذنك يا ماما
مديحة بفرحة روحي ابت والبسي علي مهلك انا همسكهولك ومش هخليه يتنقل من هنا
ضحكت ندي وسابتهم وطلعت شقتها تلبس ووقتها بصت مديحة لفادي بقصد وهو فهم نظرتها وابتسم بتلقائية
فادي بهدوء ايوة يا امي انا ندمت فعلا وعاوز