عشق طايع ولد الاكابر بقلم اسراء ابراهيم
اسكربت
عشج طايع ولد الاكابر
ماهو انتي هتتجوزيني يا صفا سواء برضاكي او غصب عنك
صفا بعند
لا يا طايع ولو انطبجت السما عالارض مش هكون ليك بجي علي اخر الزمن ابجي مرت جتال جتلة زيك ده بعنيك
طايع بثقة وغرور وهو بيغمز بعنيه
ماهو انتي هتبجي يا بت عمي وده مش بمزاجك اما بجي حتة جتال جتلة فعادي هبجي اتوب علي يدك يا جمري
صفا بغيظ
ده انت صحيح بجح وعينك يندب فيها رصاصة وكمان بتجول اكده عيني عينك
طايع بتحذير
انا بجول تلمي خشمك اللي بينجط عسل ده احسن تزعلي مني يا بت عمي ونصيحتي ليكي الحقي جهزي حالك عشان فرحنا جرب جوي
صفا بعصبية
موافجة بس وجتها هيبجي اخر يوم في عمري يا طايع فاتقي شري احسنلك عشان انا خلاص بت اخري من حديتك الماسخ
نوال من وراهم وهي بتحط الشاي
في ايه يا ولاد بتتناجرو لبه عالصبح
صفا بغضب
تعالي ياما شوفي طايع وحديته الماسخ قال فاكر نفسه حاكم البلد كلها وكلمته هي اللي هتمشي
نوال بابتسامة
مالك ومال صفا يا طايع مخليها زعلانة منك ليه
طايع بخبث
مخبرش يا مرت عمي مالها كل ده عشان جبتلها سيرة جوازنا
نوال بابتسامة
طيب وماله يا صفا ما البلد كلها خابرة من زمان انك لطايع من وانتو صغار
صفا بغيظ
انا مليش عاذة بحديت كان من سنين وانا لساتني طفلة وبعدين انتي رايداني اتجوز طايع ياما اللي مش بيعمل حاجة غير انه يخوف الناس كلها وشغلته بلطجي في الجبل
نوال بعتاب
وه عيب اكده يا بتي طايع سيد الرجالة وبعدين هو واخد كار عمك من زمان وببشتغل في الجبل من وهو صغير وهو اللي شايل شغل عمك وجدك وبيصرف علينا بعد ابوكي الله يرحمه
صفا بغضب
وعشان اكده ابجي مجبرة اتجوزه حتي لو مش رايداه كل ده عشان كلمة جدي وابوي الله يرحمهم الاتنين
نوال بتنهيدة
لا يا صفا عشان هو اللي هيجدر ياخد باله منك ويحافظ عليكي وبعدين ده بيتمنالك الرضا ترضي يا بتي يبجي ايه
طايع بهيام وهو بيبص لصفا باستفزاز
جوليلها والنبي يا مرت عمي احسن بتك مشيفانيش غير جتال جتلة مخبرش جابت الحديت ده منين اصلا
صفا بعصبية وهي بتبص لطايع بغضب
اانا متوكدة يا واد عمي ولا فاكرني هبلة ونايمة علي وداني اصلا كل البلد بتتحدت عنك وعن جبروتك اللي الناس طهجت وقرفت منه
طايع باستفزاز
خلاص وماله انا هتوب علي يدك بس تبجي مرتي يا صفا جلبي
صفا نفخت بغيظ وسابتهم وطلعت اوضتها وكان متابعها طايع بحيرة وهو بيتنهد
نوال بابتسامة
معلش يا ولدي انت اصبر عليها صفا لساتها صغيرة
طايع بحيرة
لو اعرف بس يا مرت عمي مين اللي مدخل في راسها الحديت ده
نوال بابتسامة
متاخدش في راسك بكرة تفهم كل حاجة لحالها يا حبيبي انت بس اصبر عليها
طايع بهمس
اديني صابر يا مرت عمي اما اشوف اخرتها معاكي يا صفا جلبي
صفا كانت واقفة في اوضتها رايحة جاية بعصبية وبعد كدة مسكت تليفونها ورنت علي مريم صحبتها المقربة ليها
صفا بضيق
ايه يا مريم كل ده عشان تردي عاد
مريم بتوتر
معلش يا صفا بس كنت بروج الدار انتي خابرة امي زين لو معملتش حاجة هتسم بدني بحديتها طمنيني عملتي ايه مع طايع
صفا بضيق
لسة سايباه وطالعة وبرضه بيجولي نفس الحديت واني مرته وملكه وانه هيتجوزني غصب عنه معندوش دم البعيد والله فاكرني بهيمة بيجرها وراه واد عمي
مريم بخبث
منا جولتلك يا صفا واد عمك ده ذئب بشري كيف ما بيجوله لو تسمعي حكاوي الناس عنه في البلد هتعرفي قد ايه هو شراني ومفتري وظالم بس لولا انتي مبتخرجيش من الدار ابدا وعلطول معاكي الغفر منين ما تروحي
صفا بخنقة
اانا لو اطول اجتله هعملها يا مريم انا اصلا مستحيل اتجوز واحد زي ده كيف يعني اتجوز جتال جتلة ده انا اموت نفسي ارحم
مريم بثقة
انتي بس لو صممتي علي رأيك هو هيزهج ويهملك لحالك هو يعني هيشتريكي اكمنه بيصرف عالدار وماسك كل حاجة
صفا بتفكير
انا
مريم بخبث
انا هجولك تقنعيها كيف بس ليا الحلاوة بجي
صفا بفضول
اممم جولي ولو حصل ليكي الحلاوة عاد
مريم بخبث
هجولك يا جمري
تاني يوم كان واقف طايع بهيبته قدام رجالة كتير مم البلد وكأنهم مستنين رد فعله
طايع بغموض
امممم يعني انت يا ابو شهاب اخدت حتة الارض غصبانية من الحج رضوان بحجة انها اوامر من الحكومة
ابو شهاب بتوتر وثقة مصطنعة
محصلش يا طايع بيه رصوان باعلي الارض برضاه وهو بنفسه جالي انه مش رايدها وانه عاوز الجرشنات
طايع بغموض
وانت ردك ايه يا حج رضوان عالحديت ده
رضوان بحزن
محصلش يا ولدي وكدب وافتري وربنا يعلم انه اخدها غصب ثم وأني هببع الارض اللي حيلتي واللي بوكل منها ولادي طب ازاي وبعدين ده انا لو هبيعها عمري ما ابيعها لابو شهاب لاني خابر زين ان شغله مش ولا بد وانا شيخ جامع وحد الله بيني وبين الحرام يا ولدي
طايع فضل باصص قدامه وكأنه عارف كل حاجة بس كان عاوز يسمع برضه وبعدين بص لابو شهاب ورد بجدية وهيبة لايقة عليه
طايع بثقة
الحكم ابو شهاب انت هتدي للحج رضوان ارضه ومش بس اكده الارض كمان بتاعتك اللي جمب ارضه وده عقاب ليك عشان انت افتريت وكدبت ثانيا بجي انت هتبيع كل اللي ليك وتهمل البلد وتمشي ولو حد من رجالتي لمح طيفك قريب من اهنه صدجني وجتها مش هرحمك يا ابو شهاب
ابو شهاب بضيق وتزمر
ايوة بس ده ظلم يا طايع بيه وبعدين انا مكنتش اجصد والله و
طايع بحدة وصوت قوي
اوعاك تجيب اسم ربنا علي لسانك الزفر ده انت اخرك معايا الليلادي وبكرة لو منفذتش حكمي يبجي انت اللي جبته لروحك
زمجر ابو شهاب بضيق بس مقدرش ينطق ومشي وبقي كل اهل البلد يشكره طايع علي موقفه اللي مش غريب عليهم
الحج رضوان بامتنان
ربنا يباركلب فيك يا طايع يا ولدي هو ده العشم يا كبير البلد
طايع
ربنا يخليك يا حج رضوان انا منطجتش غير بالحق ولما اتوكدت منه كمان المهم انت تبجي فرحان ومطمن ان محدش يجدر ياخد ارضك غصب
الحج رضوان بسعادة
تسلم وتعيش يا ولدي ونفرح بيك عن جريب
طايع بهمس وهو بيأمن ورا رضوان
يارب يا شيخ رضوان يارب ترضي عني السفيرة عزيزة بتاعتي
كانت واقفة صفا بتردد قدام امها اللي بتعمل الاكل في المطبخ
صفا بتردد
اما بجولك ايه انا فكرت زين في موضوع طايع ده
نوال من غير ما تبص
خير يا بت بطني هتجولي حاجة جديدة غير اسطوانة كل يوم وانك مش رايدة طايع برضك ولا في حاجة جديدة
صفا بكدب
لا خالص مكونتش هجولك اكده ابدا انا كنت هجولك اني نويت ايديله فرصة يمكن فعلا يطلع زين كيف ما يتجولي
نوال بابتسامة وهي بتلف وشها
بجد يا صفا ربنا يهديكي يا بتي والله عين العجل اللي هتعمليه وانتي هتشوفي بنفسك ان طايع واد عمك راجل تتمناه كل بنتة البلد
صفا ابتسمت بسخرية بس رجعت تاني للجدية
طيب هنشوف بس عرفيه اننا هنعمل خطوبة بس لحد ما اتوكد بنفسي وارتحله واشوف كدة وجتها
نوال بثقة
وانا متوكدة انك هتحبي طايع ده زينة شباب النجع كله يا بتي صدجيني واسمعي حديت امك تربحي انا مش هطمن عليكي غير وانتي معاه والله
صفا باستغراب
للدرجادي يما
نوال بابتسامة راحة
طبعا اصلك صغيرة لسة مش فاهمة حاجة طايع واد عمك ده راجل بجد يا صفا كفايا انه شال عننا من وجت ما ابوكي الله يرحمه هملنا وراح للي خلقه تعب وشجي عشانا وعشان ميخلناش نحتاج لحد مع انه كان ممكن يهملنا وصدجيني ولاه كان زمان بدرية امه واكلانا هي وجوزها لولا ولدهم اللي واجف في ضهرنا كانو زمانهم نهبو نصيب ابوكي
صفا بقصد
عشان اكده رايدة تجوزيني ليه رد جميل يعني
نوال بصتلها باستغراب وغموض ومردتش وسابتها وكملت اللي بتعمله
صفا بزهق
طيب انا هطلع اشوف ورايا ايه بجي احسن عندي جامعة بكرة الصبح
نوال بجدية
روحي
صفا بكدب
انتي زعلتي مني ياما خلاص متزعليش جولتلك انا موافجة اتخطب
