عشق الشيخ نوح حصري على موقع لمحة بقلم اسراء ابراهيم
المحتويات
كلمة منك بتوزن ذهب وهي تستاهل راجل زيك يطمن قلبها ويحميها من الدنيا
نوح وهو بيبص قدامه بثقة
وأنا وعدتك وهفضل على وعدي أنا هتجوزها وهشيلها في عيني وبرضه هكون ليها أمان وسند
سليم بتنهيدة طويلة
يبقى نخلص ونكتب الكتاب في أسرع وقت قبل أي حاجة ما تحصل عاوز أطمن عليها بعيني
نوح وهو بيهز راسه بحزم
يبقى بكره هبلغ اهلي ونحدد معاد كتب الكتاب وكل حاجة هتمشي على خير بإذن الله
سليم بصوت واطي
أنا بدعيلك كل ليلة وربنا يعلم إني مش شايل في قلبي غير الدعوة إنك تبقى نصيبها عشان هي تستاهل راجل زيك
نوح وهو بيبتسم بهدوء
ولو مكنتش نصيبها هافضل ليها دعوة خير بس أنا حاسس إن ربنا رتب كل ده لحكمة يمكن تكون هي بدايتي من جديد
يوم كتب الكتاب والفرح كانت ليلي واقفة في مكانها متصلبة بعد ما المأذون اعلن انهم خلاص زوج وزوجة بس كأن اللحظة دي مش حقيقية كانت تبص لنفسها لفستانها الجديد وبعدين لنوح وهو بيقرب منها بهدوء
نوح بصوت واطي جدا جنب ودنها
مبارك علينا يا ست الكل
اتوترت ليلي و اتفاجئت من طريقته بس مردتش بس عنيها توسعت كأنها بتشوف شخص جديد
نوح بهدوء
لو عايزة تفضلي هنا انهاردة مفيش أي مشكلة أنا مش مستعجل على حاجة ومعنديش مانع
ليلي بترد لأول مرة وهي بتبص لسليم اخوها اللي فرحته باينة في عينه
لا نكمل
مشيو سوا بعد الفرح وراحو شقة نوح اللي فتح الباب وخلاها تدخل فدخلت بتردد وهي تبص حواليها وهو واقف مستني رد فعلها
نوح بابتسامة وهو بيشاور
عجبتك الشقة
ليلي بتوتر
ااه حلوة
نوح بهدوء
طيب اللي هناك دي أوضتك
ليلي بتبصله باستغراب
أوضتي
نوح بتوتر
آه جهزتها بطريقتك شوفت اللون اللي بتحبيه في الملايات
اتفاجأت ليلي بكلامه وراحت فعلا فتحت الاوضة ولقت كل حاجة فعلا زي ما هي بتحب وكأنها شبهها
ليلي بانبهار
حلوة اوي بجد
نوح بابتسامة
كويس انها عجبتك انا اوضتي اهي جمبك هنا لو احتجتي حاجة متتردديش وخبطي عليا
ليلي بصدمة
يعني إنت ناوي تنام في أوضة لوحدك!
نوح بنبرة هادية جدا
أنا ناوي أبدأ معاكي بداية من غير ضغط ومن غير فرض
ليلي بتتوتر
بس أنا مراتك
نوح بيبتسم
وأنا جوزك بس الجواز مش ورقة وبس الجواز عشرة ومودة ودي عايزها تيجي منك مش من الظروف
ليلي وهي بتبصله بصدمة و مكانتش متخيلة ده كانت فاكرة إنه عنيد وانه هيحاول يفرض نفسه ويخليها تعيش تحت رحمة العند لكنها لقت راجل بيعاملها كإنسانة مش كغنيمة
ليلي بصوت مخنوق
ليه بتعمل كده بتعاملني كأنك خايف تزعلني وإحنا مش في قصة حب بينا ولا جواز عن رضا
نوح بصوت واثق
أنا مش خايف أزعلك بس بحترمك وإحنا مش في قصة حب فعلا بس ممكن نكتبها لو حبينا
ليلي سكتت وبعدين ردت بنبرة حادة بتخبي ضعفها
بس أنا مش ناوية أحبك
نوح بيهز راسه بابتسامة خفيفة
براحتك بس خلي بالك ساعات القلوب بتتبدل من غير إذن وساعتها اللي بيكون ضدنا بيبقى جوانا
لحظة صمت تقيلة بينهمو ليلي بتدخل أوضتها وتقفل الباب وتفضل واقفة وراه وهي بتبص حواليها ودموعها تنزل بدون صوت وكأنها بتحارب احساسها جواها ناحية نوح
تاني يوم كان خارج نوح من اوضته بعد ما صحي وشاف ليلي قاعدة عالكنبة وسرحانة
نوح بصوت ناعم وهو بيعدل التيشيرت
صباح الخير يا ليلي
ليلي بصوت واطي
احم صباح النور
سكتو لحظة و كل واحد فيهم مش عارف يبدأ منين و نوح كان بيبصلها وبيحاول يقرأ ملامحها وهي بتحاول تبين إنها
نوح بيقرب منها شوية
نمتي كويس ولا معرفتيش زيي كدة مش باين عليا
ليلي اابتسمت علي كلامه
لو زيك هبقي كدة نمت كتير اوي اصلا باين علي شكلك
نوح بابتسامة
تحبي أشربك قهوة ولا بتحبي الشاي الصبح
ليلي بتتفاجئ
انت بتعرف تعمل قهوة
نوح بيضحك
على قدي بس ممكن تبقيي تحكمي عليا بعد ما تدوقي
ابتسمت غصب عنها علي كلامه
ليلي بهدوء
ماشي أجرب
نوح سابها ودخل المطبخ وليلي بتبص لاثره وهي مستغربة طريقته الهادية اللي مش شبه أي حاجة كانت متوقعاها
بعد شويةرجع نوح وهو شايل كوبايتين على صينية
نوح وهو بيقرب منها
بكل فخر أول قهوة اعملها لمراتي
ليلي بصوت واطي وهي تاخد الكوباية
شكرا
ليلي بابتسامة
هي مرة شوية بس مقبولة
نوح بضحك
مرة زي الأيام يا بنتي والله
ليلي بتضحك
يا ساتر يارب ان شاء الله لا
ضحك هو كمان وكانت لحظة بينهم فيها راحة غريبة بس فجأة وهو بيقوم تقع الصينية من على طرف الترابيزة والكوبايات تتكسر
ليلي بتقوم بسرعة
ياااه القهوة حرقت رجلك
نوح بسرعة
لا لا بس هدومي اتبلت
ليلي بقلق
استنى هجيبلك فوطة من المطبخ بسرعة
سابته وراحت تجيب فوطة من أوضتها ورجعت لقته بيحاول ينضف فنزلت جنبه على الأرض وبدأت تمسح هي القهوة من علي هدومه
ليلي بصوت هادي
كنت تسيبهالي أنا قولتلك هجيب فوطة واجي
نوح بصوت أقرب للهمس
أنا مش عايزك تعملي حاجة مش مرتاحة فيها يا ليلي
ليلي بتبصله بصدمة
يعني إيه
نوح وهو بيبص في عينيها
يعني مش هضغط عليكي ومش هقرب منك ومش هخليكي تحسي إنك في قيد أنا عملتلك أوضة لوحدك مش علشان أقول إننا غرب بس علشان تاخدي وقتك
ليلي اتوترت و قلبها دق
بس انت بتعمل كدة ليه طيب
نوح بصوت ناعم
مافيش أنا بس مش
سكتت ليلي وهي مش قادرة تبعد عنيها من عينيه وكانت في حاجة جواها بتتحرك أول مرة تحس بإنه بيحتويها من غير ما يطلب من غير ما يقول أنا هنا بس هو فعلا هنا
بتقوم ليلي بسرعة وتاخد الفوطة وتمشي للمطبخ وهي بتحاول تهرب من إحساس بدأ يتسرسب ل قلبها
نوح وهو بصوت ناعم
ليلي
وقفت عند باب المطبخ وبصتله
ليلي بصوت متوتر
أنا اسفة بس مش متعودة على كده وبتوتر بسرعة
نوح ابتسم وهو بيقرب منها
ولا أنا عشان كدة عادي
سكتو شوية وحست ليلي وقتها إنها عايزة تقرب بس خايفة ونوح حس بنفس الشيء
اتوترت ليلي اكتر وكانت هتمشي بس فجأة رجليها اتزحلقت وكانت هتقع فصرخت بخوف بس نوح اتحرك بسرعة ومسكها من وسطها
ليلي بتهتهة وقلبها بيدق من قرب نوح منها
انا كنت هقع
نوح بابتسامة
بس انا لحقتك
ليلي اتوترت اكترمن نظراته
أنا هدخل أوضتي
مستنتش نوح يرد وسابته وجريت علي اوضتها وقفلت الباب وحطت إيدها على صدرها وهي مش مصدقة اللي بتحسه ناحية نوح
ليلي لنفسها
ليه قلبي بيدق كده وليه عينيه ملينين أمان! وبحس اني مبسوطة وهو قريب مني معقول اكون حبيته لا مستحيل
بعد اسبوعين من الجواز كان نوح قاعد في شغله وفجأة بيجيله اتصال من سليم فبيبتسم ويفتح المكالمة على طول
نوح بلهفة وابتسامة
السلام عليكم يا عم سليم! أخيرا نورت الموبايل
سليم وهو بيضحك
قول نورت الدنيا يا صاحبي انا اسعد واحد في الدنيا يا نوح انهاردة
نوح قلق بسيط في صوته
طب طمني بقى معاك روحت للدكتور والتحاليل والأشعة كل حاجة تمام
سليم بنبرة فيها انتصار
طلعت كلها الحمد لله زي الفل الدكتور قالي ده كان اجهاد وتعب
نوح بيقف فجأة ووشه بينور
بجد!
بجد
سليم وهو بيضحك
منا بقولك اهو الدكتور قالي كل اللي حصل ده كان إرهاق شديد بسو شوية ضغط على شوية سهر على شغل مالوش آخر
ومفيش لا ورم
متابعة القراءة
