عشق الشيخ نوح حصري على موقع لمحة بقلم اسراء ابراهيم
المحتويات
ولا حاجة تخوف الحمد لله يارب
نوح صوته بيرتعش من الفرحة
الحمد لله الحمد لله يا سليم
أنا كنت بدعيلك في كل سجدة والله العظيم يا أخي كنت كل ما أسجد أقول يا رب طمني عليه
سليم صوته بيتأثر
أنا حاسس حاسس يا نوح ودعواتك وصلتني والله
نوح بصوت مليان مشاعر
أنا كنت مرعوب عارف يعني إيه كنت بقول يا رب يبقوا غلطانين يا رب يطلع كل ده وهم
سليم يسكت لحظة وبعدين يرد بصوت مهزوز
إنت جدع قوي يا نوح وأكتر حد وقف في ضهري من غير ما أطلب أنا ما نسيتش ده
نوح بابتسامة
إنت أخويا من أيام الجامعة والحارة من واحنا عيال فاكر
سليم بعد ضحك
بص بقى أنا قلت أطمنك أول واحد و قررت حاجة
نوح بقلق
قول يا عم مانت اطمنت بقي
سليم بفرحة
عازمكوا إنت وليلي تيجوا تقضوا عندي يومين كده نغير جو ناكل ونرغي ونشرب شاي بالنعناع ونضحك
نوح بحماس
أنا مواااافق موافق وبقوة
ده أنا كمان هقولها انهاردة ونحدد معاد من دلوقتي
سليم بتنهيدة
ليلي عاملة إيه بقى طمني
نوح بهدوء
كويسة يعني في الأول كانت متحفظة شوية بس بدأت تفتح ليا قلبها و تهزر وتضحك وتبصلي من بعيد كده وتسرح
سليم بضحكة خبيثة
وسرحت إنت
نوح بصوت واطي
أنا من أول يوم يا سليم كنت حاسس إن قلبها مليان حاجات مش قادرة تقولها بس الأيام بتغير وإحنا مع بعض بنهدي بعض
وأنا بدأت أشوفها بعين تانية
سليم بفرحة
يعني قلبك مال ولا لسه بتكابر
نوح بيبتسم
أنا أصلا ماعرفتش أكابر بس كنت سايبها على راحتها لحد ما هي تبصلي البصة دي
سليم بتكشيرة
بصة إيه دي يا شيخ نوح اتكلم
نوح بتنهيدة
بصة اللي هي كأنها بتقولك أنا مرتاحة معاك حتى لو ما نطقتش
سليم بصوت راضي
فرحتك دي فرحت أنا بيها أكتر ما تتخيل
نوح بتلقائية
الحب مش طلب يا سليم الحب أمان وأنا عايز أكون ده ليها
سليم بتفاؤل
وهي حتكون ليك كدة قريب
نوح بامل
قول إن شاء الله المهم ان ليلي هتفرح اوي بموضوع العزومة دي
سليم بحماس
يبقى اتفقنا يوم الخميس تيجوا عندي يومين مش هنسيب بعض بقي رغي للصبح
نوح بحماس
وأجيب الكوتشينة عشان أعرفك يعني إيه خسارة
سليم
يلا مستنيكم
وخلي بالك من نفسك ومن ليلي
نوح بابتسامة
هي اللي بقت تاخد بالها مني من غير ما تحس سلا م يا صاحبي
قفل نوح وبص للتليفون وابتسم براحة لانه اطمن علي اعز صديق ليه
بليل دخل نوح من باب الشقه وكان باين عليه التعب بس ابتسم أول ما شاف ليلي
نوح بابتسامة
اتأخرت صح
ليلى واقفاله وهي مكتفة إيديها وردت بنبرة فيها عتاب وخوف
يعني مش بس اتأخرت ده انت فزعت قلبي يا نوح! التليفون مقفول والساعة بقت ١
نوح بيهزر وهو بيقفل الباب
طيب ما أنتي من أسبوعين كنتي بتخافي تبصيلي دلوقتي بقيتي تقلقي عليا
ليلى بصتله بتوتر وبعدين هربت بعينيها للأرض وردت بخجل
أنا أنا بس اطمنتلك مش أكتر
نوح بدفا
وإنتي متطمنة ليا كده على طول
ليلى بنفس الكسوف بس بصوت واطي
يعني غالبا
نوح بيضيق عينه وهو بيبصلها بتركيز
غالبا ولا أكيد
ليلى بترمش بسرعة وبعدين ترد وهي بتلف وشها
ما تضغطش عليا يا نوح
نوح ضحك بخفة وهو بيقعد قدامها على الكنبة
خلاص مش هضغط بس عندي خبر صغير كده
ليلى بترفع عينيها بسرعة وعينيها بتلمع فضول
خيرفي ايه
نوح بهدوء
بكره هنروح عند سليم تقعدي معاه يومين وتشوفيه على رواق
ليلى بتقف لحظة مصدومة من الفرحة وبعدين تتنطط بحماس
بجد!
قالت كدة ليلي
أنا مش مصدقة! انا فرحانه اوي
نوح صوت شبه الهمس
ليلى
أنا آسفة والله ما كنت قاصدة اتحمست بس
نوح بصلها وفي عينيه فيها لمعة غريبة
هو أنا اشتكيت
ليلى بتضحك بخجل وهي بتلف وشها ناحية المطبخ
بس مش لازم تفتكرني متهورة يعني
نوح وهو بيقرب منها
أنا شايفك صادقة وحقيقية وده مش حاجة تضايق
ليلى بلعت ريقها بصعوبة وحاولت ترد عليه بس مفيش كلام يطلع
نوح بصوت هادي وناعم
أنا مبسوط إنك بقيتي تقلقي عليا بس أوعدينيلو اتأخرت تاني متتخضيش بس استنيني كده زي دلوقتي
ليلى بهمس
هستناك بس متتأخرش
نوح وعنيه في عنيها
لو عرفتي اللي بشوفه في عينيكي دلوقتي هتعرفي ان عمري ما هتأخر
كانت في نظرات طويلة بينهم مليانة بحاجات مش بتتقال
بعد يومين في بيت سليم كان قاعد مع ليلي اخته في اوضتها القديمة وكان متردد انه يتكلم معاها بخصوص نوح او بالمعني
الادق خايف تقوله انها لسة كارهاه
سليم بحنان
كبرتي يا لولي وبقيتي ست بجد وبتطبخي وتغسلي وتروقي
ليلى بتبتسم وهي بتلمس صورة ليهم زمان
زمان كنت بفتكرك كبير أوي دلوقتي أنا اللي كبرت
سليم بضحكة خفيفة
كبرتي واتجوزتي كمان وبقيتي قمرين مش قمر واحد يا روحي
ليلى بابتسامة لما افتكرت نوح
آه اتجوزت وبقي ليا بيت انا اصلا مش مصدقة
سليم بنبرة حنينة بس فيها فضول
شيخ نوح عامل معاكي إيه طمنيني
ليلى عينها لمعت وهي بتبص في الأرض وبتبتسم
كويس قوي
يعني هو مختلف عن أي حد شفته قبل كده مش بيقول كلام كتير بس تصرفاته بتخليني أحس إني متشالة جوه قلبه من غير ما يقول
سليم بابتسامة كلها فرحة
يعني بيصونك يا ليلي وانتي مرتاحة معاه
ليلى بهمس وهي
ما يلمسني
فاهمني وجوده بس بيدفيني بنام وأنا مطمنة إنه جمبي
بقوم ألاقيه في المطبخ بيعمل فطار بيكلمني بصوته الواطي ده اللي بيهدي أي حاجة جوايا
سليم وهو بيتنهد براحة
كنت حاسس من أول يوم
نوح مش سهل يتفهم بس اللي يفهمهيعرف إنه من أحسن الناس اللي ممكن يتسند عليهم
ليلى بتبتسم وهي بتبص على صباعها اللي فيه دبلة دهب بسيطة
عارف لما حد يمسك إيدك من غير ما يوجعك بس في نفس الوقت ميسيبهاش
هو كدهما سبنيش ولا حتى وأنا كنت متلخبطةولا حتى وأنا كنت ببعد
سليم يبصلها بهدوء ويسألها بنبرة جد
بس قوليلي بصراحة
إنتي مبسوطة معاه
ولا لسة مش قادرة تحبيه
ولو مش عاوزاه أنا قادر أخليه يطلقك و دلوقتي حالا
ليلى طبتنتفض بسرعة وعنيها توسع بدهشة ولهفة
لا! لا متقولش كده تاني
أنا مبسوطة بجد
أنا أنا بقيت بستناه لما يتأخر
وأفرح لما يضحك واحزن لما يزعل أنا حاسة إن حياتي بدأت لما هو دخلها
سليم كان بيبصلها وهو بيرجع بضهره على الكنبة ويتنهد براحة
أهو ده الكلام اللي كنت عايز أسمعه أنا عارف نوح من سنين
أكتر واحد فيهم شفت فيه الرجولة اللي على أصولها اللي لما يقول كلمة يفضل شايلها على كتفه
كنت واثق إنه هيحبك بطريقته
بطريقته اللي يمكن هادية بس ثابتةوأكتر حاجة كنت واثق فيها إنه هيخليكي تحبيه
بطريقتك
ليلى بتبتسم وهي بتبص في الأرض
وانا مكنتش متخيلةبس هو دخل جوا قلبي من غير ما يخبط
سليم بحنان
وبإذن الله يفضل جواه
ويعيشك جوه قلبه طول العمر يا حبيبتي
ابتسمت ليلي بسعادة وسليم كان اكتر منها بعد ما اتأكد إن أخته في واهم حاجة انها حبته
كانو قاعدين سليم ونوح بيتكلمو وليلي بتعمل ليهم قهوة
سليم بابتسامة واسعة وهو يبص
تعرف إن أختي مبتعرفش تكدب
قالتلي إنها مبسوطة وكان في لمعة كده في عينيهاوانا عارف ان مش بتكدب اللمعة دي يا نوح
نوح بلهفة وفرحة
يعني يلي مبسوطة
بجد
سليم يهز راسه
متابعة القراءة
