عشق بنت العمدة بقلم اسراء ابراهيم حصري

 

شورة عاد
سالم بابتسامة 
ليه بس بتجولي اكده يا ام سالم ده بدل ما تفرحيلي يعني رايدة تنكدي عليا 
زينة بضيق 
هي اما علطول اكده مخبراش ليه فيها ايه يعني لما يتجوز بسرعة اكده وبعدين دي بت العمدة برضك يعني مهياش جوازة والسلام
وهيبة بشك
بس تعالا اهنه وجولي الاول من ميتي وانت عينك علي بت العمدة ده انت علطول تجول اني مبصش لفوج واللي هاخدها هتبجي من توبي وابصر ايه ايه اللي غير رأيك اكده فجأة
سالم بهروب
منصور من وراهم 
عين العجل اللي عملته يا ولدي جمر دي زينة البنتة وتستاهل راجل جدع زيك يا ولدي وانتي يا وهيبة خلاص عاد جفلي عالحديت ده عندك كلمة حلوة جوليها معندكيش يبجي اسكتي خالص
وهيبة بغيظ 
ماشي يا منصور ما اني خلاص مبجاش ليا عازة بس جولي صحيح يا سالم بت العمدة وافجت انها تعيش اهنه بعيد عن عز ابوها 
سالم بتنهيدة
ايوة ياما اني هشيع اجيب محمد صاحبي يوضب الشجة اللي فوج بتاعتي ويديها وش نضافة اكده وانت يا ابوي حضر حالك عشان هنروح عشية نتفج علي المهر وكتب الكتاب والذي منه
منصور بفرحة
ماشي يا ولدي ربنا يكملك علي خير
وهيبة ببرطمة
مش حساك يا ولد بطني فرحان كيف ما بتجول اني جلبي بيجولي ان في حاجة تاني انت مخبيها عليا واني هعرفها يعني هعرفها
عدي الكام يوم بسرعة وانهاردة فرح سالم علي قمر فكانت قمر قاعدة في اوضتها وهي مرعوبة ومستنية امها عشان تقولها ايه الاخبار وفعلا شوية ودخلت رئيسة
رئيسة بفرحة
مبروك يا بتي خلاص كتبو الكتاب وبجيتي مرت سالم
قمر بخوف 
طب في حد غريب تحت ياما انا خايفة احسن يكون اللي اسمه حازم ده مستخبي اهنه ولا اهنه ويعمل حاجة عفشة في اخوي ولا

ابوي ولا سالم كمان 
رئيسة بحنان
متخافيش يا جمر هو الجدع ده مش هيفكر يضايجك تاني لما يعرف انك اتجوزتي وكمان سالم بالذات انتي بس يلا حضري حالك اكده ويلا ننزل عشان وهيبة ام سالم تحت وكل شوية تسأل عليكي
قمر بحزن
اني خايفة ياما ياريتك كنت جولتي لابوي ولسالم عالحجيجة احسن هما لساتهم شايفيني عفشة وبعدين خايفة اكتر احسن سالم يعاملني وحش
رئيسة بتفكير 
والله يا بتي سالم ده راجل زين وانا متوكدة انه مش هيظلمك بس انتي حاولي جربي منه واحكيله كل حاچة وهو هيصدجك ولو عليا اني مطمنة وانتي معاه بس اللي مخوفي حاجة تانية خالص
قمر باستغراب 
وه ايه تاني ياما اللي مخوفك جوليلي الله يرضي عنك اني جتتي مش خالصة وخايفة لوحدي
رئيسة بتنهيدة
حماتك يا بتي وهيبة باين عليها ست جوية ومش ساهلة انتي متعرفيش الحريم تحت بيبصولها كيف ولا بيجوله عنها ايه عشان اكده اني مش رايداكي تبجي طرية ولا لجمة سهلة انتي بت العمدة ولازمن تتعاملي معاهم عالاساس ده اوعي يا جم لرجليها انتي عامليها زين يا بتي لكن لو لجيتي معاملة عفشة منها وريها الوش التاني فاهمة ولاه 
قمر بتردد
حاضر ياما ربنا يستر اني كنت ناجصاها دي كمان يلا اني هلبس الطرحة وننزل علطول
تحت كانت قاعدة وهيبة وبتبص حواليها بغموض وهي متابعة كل اللي بيحصل ومش عاجبها كل اللي بيتقدم من البنات اللي بيخدمو لحد ما قربت من زينة اللي كانت فرحانة وبتسقف
وهيبة بغضب
ما تجومي يا بت لفيلك شوية في الدار يمكن تطلعي بعريس ولا اجولك يمكن يشوفك ولد العمدة ونبجي خدنا الواد والبت
زينة بضيق
ايه اللي بتجوليه ده بس ياما هو اني سلعة بتعرضيها وبعدين مين اللي جالك اني رايدة ولد العمدة اني معرفوش ولا عمري شوفته ومش عاوزة اشوفه
وهيبة بسخرية
طول عمرك خايبة زي امك خليكي ياختي جاعدة جمبي لما تعنسي اكده
زينة بدموع محبوسة
بجي اكده ياما بتجولي لبتك اكده وتفولي عليها ده انا بت 18 سنة لسة يعني لساتني صغيرة عموما شكرا واني هسيبهالك اهي مخدرة عشان تبجي تجولي عليا اكده تاني
قامت زينة وخرجت من قاعة الحريم وهي بتجري وبتمسح دموعها اللي خانتها بس فجأة خبطت في حد وكانت هتقع بس مسكت نفسها
زينة بكسوف لما لقته راجل 
وه اني اسفة جوي مخدتش بالي منك اني بعتذر لحضرتك
رؤوف بغضب 
مش تاخدي بالك ايه بتجري كيف الجطر اكده ليه
زينة بدموع
ما جولتلك اني اسفة هو تحجيج ولا ايه يا افندي انت اما انك ضيف سجيل صحيح
رؤوف بصدمة
انتي بتشتميني اني يا بت انتي اما عنديكي لسان عاوز جطعه صحيح
كانت زينة هترد بس وهي بتمسح دموعها ورؤوف اخد باله فكمل كلامه
رؤوف باستغراب
وه انتي كنت بتعيطي ولا ايه عاد
زينة بتهرب 
وانت مالك انت اوعي اكده من وشي اني مش ناجصة كفايا اللي حصلي 
مشيت زينة وخرجت من البيت وكان متابعها رؤوف بغضب وبعدين كمل طريقه وفي نفس الوقت كانت داخلة قمر مع رئيسة قاعة الحريم بس اتفجأو بوهيبة بتمنعهم وهي بتحط ايديها عالباب
وهيبة بسخرية
يلا يا عروسة عدي من تحت يدي عشان تبجي تحت طوعي انتي خابرة ده سلو بلدنا
بصت قمر لامها اللي كان باين عليها الغضب فنزلت ايد وهيبة وهي بتبتسم بسخرية
رئيسة ببرود
الموضوع ده انها تعدي من تحت يدك هناك في دارك لكن اهنه دار العمدة يا وهيبة اوعاكي تنسي ده ولا تنسي ان بتي تبجي ست البلد كلياتها ادخلي يا جمر يا بتي زغرطو يا نسوان انتي وهي زينة البلد كلها حضرت
وهيبة بغيظ لنفسها 
ماشي يا رئيسة كلها ساعة وتبجي عندي في داري ووجتها هوريكي هعمل ايه فيها
كانت قمر بتبص لوهيبة بتوتر وهي خايفة اوي

و من جواها متأكدة ان اللي مستنيها هناك مش هين ابدا
كانت واقفة قمر في شقة وهيبة حماتها بعد ما طلب منها سالم تستناه لحد ما يسلم عالرجالة صحابه فكانت بتبص حواليها بخوف
زينة بفرحة 
وه مش مصدجة حالي اني هيبجالي صاحبة واخت اهنه في الدار
قمر بتوتر 
انتي اخت سالم صوح 
زينة بغرور مصطنع 
ايوة يا جمر انتي ومتخافيش اني مش هبجي عمتو الحرباية كيف ما بيجولو دي اني طيبة خالص
قمر بابتسامة 
انتي فعلا شكلك طيبة خالص واني حبيتك واكيد هنبجي صحاب
وهيبة من وراهم بغضب 
ايه اللي بيحصل اهنه واجفين تتسايرو بدل ما تشوفو ايه اللي متعملش في الدار تعملوه 
وهيبة بغضب
اخرسي انتي يا بت وبعدين فيها ايه يعني اهنه مهياش بت العمدة اهنه هي مرت
ولدي تبجي تعمل
افتكرت قمر كلام امها ليها وتحذيرها من وهيبة حماتها واتأكدت ان امها كان عندها حق وانها مش لازم تطاوعها من الاول عشان متفتكرش انها ضعيفة ولازم تبقي قوية
وهيبة بحدة 
انتي لسة واجفة همي شوفيلك حاجة اعمليها اجولك ادخلي هاتيلي شوية مية سخنة انقع فيهم رجلي حاكم تعبت من الوجفة
قمر ببرود
الحديت ده ليا اني يا حماتي حاكم مش واخدة بالي 
وهيبة بغضب 
ايوة طبعا ليكي يا محروسة ايه علي رجليكي نأش الحنة ولا ايه يلا روحي انجري اعملي اللي جولتلك عليه
قمر بقوة
اني ميتجاليش امشي انجري يا حماتي واني اهنه بت العمدة وفي اي مكان ومش رايداكي تفرحي جوي اكده وتفتكري اني هطاوعك لا اني لحمي مر وانتي لساتك متعرفنيش عشان

اكده خليكي بعيدة عني احسن حاكم اني معايا شهادة معاملة اطفال يعني ممكن اجتل وماخدش