عشق بنت العمدة بقلم اسراء ابراهيم حصري
عفشة كيف ده انتي كيف الجمر
زينة بابتسامة
والله انتي اللي جمر اسم علي ما يسمي فعلا يا بخته سالم بيكي
قمر بهدوء
جرس الباب هجوم اشوف مين اكيد سالم
زينة بسرعة
لا استني خليكي انتي اجهزي عشان اهلك اللي علي وصول وانا هفتح الباب لسالم وانزل احسن امي تزعجلي
جريت زينة تفتح الباب بسرعة وهي مفكرة انه سالم اخوها بس اتفاجأت برؤوف قدامها وهو اول ما شافها اتفاجأ
رؤوف بصدمة
انتي برضك هو انتي اخت سالم
زينة بخجل
ايوة احم جمر جوة هخش اجولها بعد اذنك واتفضل
زينة بخجل وهي بتدخل اوضة قمر
الحجي يا جمر اخوكي برة واني اتكسفت جوي كنت فاكراه سالم
قمر بخبث
طب ده رؤوف امي دعياله يارب يا بت زينة يحصل اللي بفكر فيه اقصد يعني انه صعبان عليا جوي من حواه يا حبة عيني رافض يتجوز عشان اكمنه بيعرج هبابة
زينة باندفاع
وه وده شئ يعيبه برضك الراجل باخلاجه يا جمر والبنتة الزينة اللي يهمها في الراجل اللي هتتجوزه انه يكون حنين وراجل يحميها مش اكده ابدا
قمر بفرحة
عنديكي حج يا زينة يسلم لسانك يلا تعالي نخرج بجي عشان اسلم علي رؤوف
...........................................
كانت واقفة رئيسة قدام سالم وعبد القادر جوزها ومعاهم منصور ووهيبة اللي صممت رئيسة ان الكلام يبقي قدامها
رئيسة بهدوء
اسمع يا سالم اني صممت يبجي الحديت جدام امك عشان ترحم بتي من التلسين عليها وانت يا عبد القادر عشان تبجي خابر ان بتك مظلومة
سالم باستغراب
هو
يعني جمر كانت واجفة معاه
وه انتي فعلا عملتي اكده يا ولية انتي
وهيبة بتهتهة
اني يا حاج منصور ليا اللي سمعته وده ولدي يعني ههمله علي عماه اكده
عبد القادر بسرعة
ليه كدة بس يا منصور بالهداوة مش اكده هي برضك مش صغيرة عالطلاج والحجات دي
منصور بغضب
انا جولت اللي عندي وخلاص مهرجعش في كلمتي
وهيبة بحزن
ماشي يا منصور بتطلجني اني بعد العشرة دي كلها
رئيسة بشماتة
دي اخرت اللي يخرب البيوت يا وهيبة بيدوج من نفس الكاس
سالم بجدية
لو سمحت يابا امي مش هتهمل الدار لانها مالهاش حد غيرنا
منصور بضيق
خلاص خليها واني اللي همشي ولما تبجي تتعلم الادب ابجي افكر اردها
سالم بهدوء
اني هطلع اجيب مرتي بعد اذنكم
....................................
رؤوف بفرحة
كيفك يا خيتي و الف مبروك
قمر بابتسامة
الله يبارك فيك يا اخوي ربنا يخليك ليا اومال فين ابوي وامي
رؤوف بابتسامة
امي وابوي واجفين مع سالم تحت وامي جالتلي اخد الزيارة اني واطلع
زينة بخجل
بعد اذنكم بجي هنزل اني عشان امي
رؤوف بلهفة
استني يا زينة مش زينة برضك
زينة بخجل
ايوة في حاچة
رؤوف بتشجيع
احم لو يعني اتجدمتلك هتوافجي
زينة بخجل
احم اللي رايده ربنا هيكون بالاذن اني
رؤوف بحيرة وحزن
اكيد هترفض عشان اكده مردتش عليا اني غبي اني اتحدت اصلا اكيد مش هتوافج بيا واني اكده
رؤوف بلهفة
بجد يا جمر
قمر بتشجيع
طبعا زينة دي بنتة تتاجل بالدهب يا اخوي وهتبجي محظوظ لو بجت من نصيبك
رؤوف براحة
يسمع منك ربنا يا خيتي طمنيني بجي سالم عامل معاكي ايه
قمر بابتسامة مزيفة
سالم ده زينة الرجال يا اخوي مشوفتش في حنيته وخوفه عليا
سالم من وراها
واني محظوظ انك بجيتي ليا يا بت العمدة
قمر بخجل
سالم انت اهنه من ميتي
سالم بابتسامة
من وجت ما سألك رؤوف عني وجولتي الحديت الحلو ده
رؤوف بابتسامة
اومال مدامي وابوي فين يا سالم مطلعوش وراك ليه
سالم بجدية
هما تحت يا رؤف جاعدين مع ابوي وامي انزلهم واني هجيب جمر واحصلك
مشي فعلا رؤوف ووقتها سالم قرب من قمر اللي اتوترت
سالم بتنهيدة
اسف يا جمر حجك علي راسي اني خابر انك زعلانة منك وليكي حج بس اعزريني وحطي نفسك مكاني البنتة اللي كنت بحلم تكون ليا الاجيها واجفة مع راجل تاني في وجت متأخر وفي مكان مداري
قمر بحزن
رغم انك ظلمتني بس اني مسامحاك يا سالم اني خابرة ان امي جالتلك
سالم بثقة وهو بيمسك ايد قمر
انا ميهمنيش حديت حد وانا واثق فيكي يا جمر
قمر بخجل
انا بجول ننزل لامي وابوي اصلهم وحشوني جوي
سالم براحة
ماشي يا جمري ننزل طبعا وكمان عشان اردلك كرامتك جدام الكل يلا بينا
..................................
تحت كانت قاعدة وهيبة حزينة بعد ما رؤوف قال ان سالم نازل مع قمر وعرفت وهيبة انهم كويسين مع بعض وان كلامها مجبش نتيجة مع سالم وانها هي
قمر
وهي بتجري علي امها
اما اتوحشتك جوي وانت كمان يا ابوي
عبد القادر بندم
حجك عليا يا بتي خابر اني ظلمتك وجيت عليكي
قمر بابتسامة
لا يا ابوي متجولش اكده اني زينة وسعيدة مع سالم وبحمد ربنا اني بجيت نصيبه
سالم بتلقائية
لا اكده هغير بجي بكفايا يا جمر انتي وحمايا واعملو حساب اني واجف
عبد القادر بفرحة
بتغير من ابوها وابوك يا سالم الله يحظك يا ولدي اني دلوك اطمنت عليكي يا جمر ومتوكد ان سالم هيشيلك في عنيه
سالم بجدية
بتك في عيني وجلبي وعلي راسي يا حج عبد الجادر جمر دي زينة البنتة واشرفهم
رؤوف بابتسامة
اني هستغل الجمع الحلو ده واطلب منك يا سالم يد خيتك زينة
سالم بفرحة
ده يوم المني يا رؤوف بس الرأي رأيها ايه رأيك يا زينة
زينة بخجل ممزوج بفرحة
اللي تشوفه يا اخوي
منصور بسعادة
علي بركة الله يا ولاد
رؤوف كان باصص لزينة بفرحة وسالم كانت عنيه علي قمر اللي كانت بتبصله بسعادة وخجل من ليها قدامهم كلهم اما رئيسة فقربت من وهيبة
رئيسة بشماتة
اظن اكده العروسة للعريس والجري للمتاعيس يا حماة بتي ياريت بجي تعامليها زين وبلاش شغل الحماوات ده ماشي واهو في الاخر رسيت علي طلاجك مين عالم لو فضلتي تعملي اكده هترسي ايه تاني
حركت وهيبة راسها بندم لان فعلا محدش خسران غيرها وكانت من جواها متأكدة ان اللي
تمت
بقلمي اسراء ابراهيم
