غزل الصعيد بقلم اسراء ابراهيم
ليك حج تعمل اكتر من اكده مالعيب عليا اني رجعتلك بولدك.. كان لازمن ابعد عنك ومخليكش تلمح طيفنا بعد ما شككت في شرفي
سليم بجمود
انتي فاكرة ان الكلمتين دول هيخلوني اعدي اللي عملتيه انتي واحدة واحمدي ربنا اني مجتلتكيش وده عشان ابوي بس اتدخل فغوري من اهنه واياكي تيجي اهنه تاني انتي فاهمة
غزل بدموع
طب يا سليم حتي اتكفل بولدك انت خابر اني مليش حد ومكنش في غير امي الله يرحمها وماتت من زعلها عليا انا بترجاك ترحم ولدك وتبعتلي بحتي مصاريفه
سليم بكره
ولا ربع جنيه انا اصلا مليش ولاد والواد ده مش ولدي عشان اصرف عليه روحي شوفي اللي كنتي خليه يصرف هو عليه
غزل بانهيار وانفعال
وردة ببرود من وراها
انتي كمان ليكي عين تيجي لحد اهنه صحيح بجحة وعينك يندب فيها رصاصة امشي خدي ولدك وغوري من اهنه انا ولدي راجل ولا يمكن هيصدج واحدة فاجرة زيك
غزل بكره
انتي ظلمتيني وافتريتي عليا ودبرتيلي مكيدة وخليتي ولدك يشك فيا ويرميني وصدجيني ربنا هيردهالك يا وردة وانا مش هزل نفسي اكتر من اكده وليا رب هو هيراعيلي ولدي هو احن عليه منكم
قالت كدة غزل ومشيت بسرعة من قدامهم ووقفت وردة متابعاها بغضب
وردة بغيظ
شوف جليلة الرباية بتجولي وردة اكده حاف صحيح بت عايبة اوعي تكون صدجتها يا سليم
سليم بغضب وانفعال
اصدج مين ياما انا شوفت بعيني كيف اصدج انا لو بس ابوي يهملني عليها كنت جتلتها وشربت من دمها
وردة بلهفة مصطنعة
وه رايد تدخل نفسك السجن في واحدة زي دي متسواش وبعدين انت خابر انها بت صاحب ابوك اللي مات ووصاه عليها عشان كدة مرضاش ليها اذية فهملها للدنيا هي كفيلة تحط راسها في التراب المهم سيبك منها وخلينا احنا في
فرحك اللي كمان سبوع
سليم بهدوء
عنديكي حج انا لازمن اتجوز وانسي اللي حصل من اساسه
.................................
كانت قاعدة غزل مع بدور جارتها وصحبتها الوحيدة وكانت منهارة من العياط وبدور جمبها بتواسيها
غزل بحرقة
انا مش عارفة أعمل إيه ولا عارفة أصرف على ولدي كيف .. سليم رفض بيه ولا حتى بص في وشه .. والناس كلها بتتكلم وتقول عني كلام ما ينقالش انا تعبت يا بدور والابواب كلها
بدور وهي بتطبطب على إيد غزل
يا حبيبتي انتي اصبري بس و ربنا كبير وما بينسى حد.. وإنتي قوية وكل اللي شايفينك وحشة دول ميستاهلوش حتي تشيلي همهم المهم إنك تقاومي عشان ولدك..
غزل بعيون مليانة دموع
كل الناس بتبعد عني.. ما حدش رايد يشغلني عنده ولا حتى يقرب مني عشان سمعتي اللي وردة نشرتها في البلد كلها.... انا كأني ميتة وسط الناس..
بدور بنبرة حنينة
متعيطيش يا غزل انا جارك .. وأنا أول واحدة معاكي .. اوعي تشيلي هم حاجة ويلا كلي بجي إنتي تعبانه من يوم ما ولدتي ومكلتيش لقمة عدلة....
غزل بامتنان
شكرا يا بدور والله ما خابرة أجولك إيه.. بس أنا خايفة الناس تتكلم عليكي انتي كمان وإنتي بتتكلمي معايا...
بدور بتحدي
يا غزل انا مايهمنيش حديت الناس.. وإنتي مش لوحدك وأنا اه صحبتك الوحيدة.. بس هجف لاي حد يجي عليكي ومش هخلي حد يجرحك..
غزل بابتسامة باهتة
ربنا يخليكي ليا يا بدور انا لو ليا اختك مكنتش هتعمل معايا اللي انتي عملتيه
بدور بتفكير
بس بس بطلي حديت ملوش عاذة وكلي يلا بجولك ايه صحيح انا جاتلي فكرة ايه رأيك تشتغلي معايا في دار المهندس رائد ده راجل زين جوي وداره كبيرة ورايد بنتة تشتغل فيها وكان جايلي اشوف حد
غزل بلهفة
بجد يا بدور انا سمعت فعلا إنه راجل محترم ومهم بس خايفة يرفض عشان سمعتي.. انتي خابرة حديت الناس مش بينداري
بدور بثقة
ما تقلقيش الراجل ده مش ساكن هنا.. هو بس بييجي من مصر على فترات وبيته كبير هنا وأنا بخدم فيه.. ومش هيسمع من حد لانه مفيش حد شغال جوة القصر غيري وغير خالة نعمات ودي ست طيبة جوي
غزل بفضول
هو عايش فين بالظبط ومتوكدة انه مش هيعرف حاجة عني
بدور بابتسامة
هو عايش في مصر وبيجي زيارة هنا من وجت للتاني.. ما يعرفش عن الناس هنا ولا عن قصصهم.. هو بس بيدير مشاريعه وشوية ويعاود مصر تاني
غزل بتردد
يا رب يا بدور ربنا يفرجها.. مش عارفة كيف هعيش من غير شغل وولدي محتاج أكل ولبس..
بدور وهي بتشجعها
أنا معاكي يا غزل وهحاول أساعدك على قد ما أقدر.. وأنتي خليكي ست جوية ومتتهزيش ابدا
غزل بحزن
بس الكلام اللي الناس بتقوله مؤذي.. أنا حسيت إني مش إنسانة.. صدجو سليم اكمنه راجل وانا
بدور بحنان
ده كله حديت فارغ وملوش عاذة .. وأنتي مش لوحدك.. أنا هنا معاكي ومش رايداكي تزعلي ابدا ولا تشيلي هم الناس دي
غزل بنبرة حزينة
انتي اللي مهونة عليا اللي انا فيه يا بدور لولاكي مكنتش عشت دجيجة اهنه بعد اللي حصلي
بدور بابتسامة
وانا جارك مهما حصل .. وإنتي قوية.. فاوعي تخلي حد يكسرك..
غزل وهي بتعيط
يا رب حل مشكلتي.. رايدة بس أعيش بكرامة.. واكفي احتياجات ولدي
بدور بامل
هتعيشي وتبجي سعيدة كمان .. عشان ربنا معاكي ومش هيهملك لظلم الناس ابدا
غزل بابتسامة ضعيفة
شكرا يا بدور.. فعلا وجودك جنبي بيديني أمل..
بدور بحب
دي الصحبة الزينة وانتي من زمان وانتي معايا كيف اهملك انا دلوك .. أنا هنا متقلقيش
غزل بتنهيدة
لو ربنا كتبلي أشتغل مع الراجل ده.. يمكن أقدر أبدأ حياة جديدة.. ووجتهامش هيهمني حد واكون بس قرشين وامشي من البلد كلها وابدأ مع ولدي من جديد
بدور بابتسامة
أكيد يا حبيبتي.... ربنا هييسرها ان شاء الله ومهما حصل إحنا مع بعض..
غزل بتفاؤل
إن شاء الله يا بدور..انا عندي امل في ربنا
بدور بقصد
وما تخليش حديت الناس يحطمك.. أنتي أغلى من الحديت ده كله..
غزل بتنهيدة
أنا بس نفسي أعيش عشان ولدي.. ونفسي يهملوني لحالي وميعايروش ولدي بيا لما يكبر
بدور بلهفة
طبعا وده مش هيحصل ان شاء الله يا خيتي ربنا يهدي بالك يارب
غزل وهي بترفع ايديها للسما
يارب يا بدور يااارب
.....................................
كانت واقفة بدور قدام مكتب رائد صاحب البيت اللي بتشتغل فيه وهي مترددة لحد ما قررت تتكلم
بدور بتشجيع
يا حضرة البيه... أنا كنت عاوزة أطلب طلب صغير اكده لو حضرتك تسمحلي يعني.
رائد باستغراب وهو بيبصلها
اتفضلي يا بدور قولي اللي عندك في حاجة مضايقاكي في الشغل ولا إيه
بدور محرجة وبتتكلم بتردد
لا لا الشغل زي الفل ونعمة ربنا... بس هو... هو في بنتة جارتي وصاحبت عمري يعني... كانت طلبت مني أتكلم مع حضرتك تشوفلها شغلانة هنا.
رائد بجدية
بنت وجارتك وتيجي تشتغل هنا طيب بتعرف تعمل إيه يعني
بدور بسرعة
هي غزل اسمها
رائد بغموض
اسمها غزل وصاحبتك ... مش هي دي اللي سمعتها مش ولابد والبلد كلها بتتكلم عنها.
بدور بتبلع ريقها بصعوبة واتفجأت ان هو عارف
أنا عارفة عارفة إن الكلام ده منتشر بس والله العظيم دي مظلومة... اللي حصل معاها ده كله غصب عنها وسليم منه لله هو اللي رماها وماعترفش بولده والناس صدقوا الكدب اللي اتقال عليها بس هو افترا
سكت رائد وكان بيبصلها بتركيز
يعني إنتي ضامناها تشتغل في بيتي وسيرتها كده
بدور بنبرة قوية رغم التردد
أيوه أضمنها برقبة أمي... دي أكتر واحدة اتظلمت في حياتها وكل اللي عملته إنها حمت نفسها وولدها... ومحتاجة تشتغل يا بيه عشان محتاجة تأكل ابنها
رائد بغموض
طيب افرضي واحدة من الحريم اللي بييجوا هنا سمعت عنها أو جابوا سيرتها أنا مش ناقص وجع دماغ.
بدور بلهفة
هي مش هتتكلم مع حد ومش هتظهر قدام ضيوف حضرتك ممكن تنظف بس ورا في المطبخ أو تساعدني أنا أي حاجة... المهم تشتغل والله ما هتحس بيها.
رائد بتنهيدة
وليه كل ده يا بدور إيه اللي يخليكي تدافعي عنها بالشكل ده
بدور عينيها بتدمع
عشان ماحدش واقف في ضهرها غيري وهي مالهاش حد ... وأنا ماينفعش أسيب صحبت عمري تغرج لو كل الناس سبوها أنا مجقدرش... دي عشرة سنين وكانت سندي في يوم من الايام يا بيه
رائد بهدوء
طيب خليني أفكر وأشوف أقدر اعمل ايه من غير ما يحصل مشكلة
بدور بفرحة ممزوجة بالخوف
والله يعني ممكن حضرتك توافق ربنا يجازيك خير يا بيه انت هتشوفها وهتعرف إنها طيبة ومالهاش ذنب.
رائد بجدية
بس على شرط... أول غلطة هتمشي من هنا وانتي معاها مفهوم
بدور بثقة
مفهوم وحضرتك اطمن... دي هتشتغل وتحافظ علي دارك كأنه
دارها وهتشكرني علي امانتها
رائد بهدوء وهو بيبص لبدور
قوليلها تيجي بكرة بدري وخلي بالك منها برضه وتابعيها
بدور بابتسامة وامتنان
ربنا يخليك لينا يا بيه والله ما هتندم
رائد بتحذير
بس اهم حاجة زي ما قولتلك هي غلطة وهتمشي من هنا انتي فاهمة انا اديتها فرصة عشانك وعشان انتي هنا من بدري
بدور وهي واقفة قدامه بتردد
انا واثقة في صاحبتي يا بيه لكن يعني لو حضرتك شايف غير كده خلاص اعتبرني ماجولتش
