غزل الصعيد بقلم اسراء ابراهيم
المحتويات
حاجة.
رائد بجدية
انتي بتشغلي عندي من كام سنة يا بدور
بدور بحذر
داخلين على تامن سنة يا بيه
رائد بثقة
وعمري زعلت منك او ضايقتيني في حاجة وعلقت علي شغلك
بدور بثقة
أبدا يا بيه دي شهادة أحلف بيها ما شغلتش عند حد وكان زين كيف حضرتك كدة
رائد بابتسامة خفيفة
عشان كده وافقت ادي صاحبتك فرصة وكمان عشان انتي صاحبة جدعة رغم كل الظروف اللي صاحبتك فيها بس انتي واقفة حمبها وواثقة فيها و أكيد البنت دي كويسة
بدور بتاخد نفس براحة
ربنا يكرمك يا بيه دي غلبانة أوي ومكسورة من اللي حصلها صدجني مظلومة مش. كيف ما الناس بيتحدتو عليها
رائد بجدية
مكدبش عليكي اللي سمعته عنها غريب رغم اني مش عايش هنا في البلد بس كأن حد قاصد يخلي البلد كلها تتكلم عنها
بدور بسرعة
فعلا يا بيه ده كله كب وافترى. أم جوزها هي اللي دبرت ليها مصيبة وشوهت سمعتها وولدها صغير مالوش ذنب خالص
رائد باستغراب
يعني كمان معاها عيل
بدور بتردد
أيوه والواد كيف الجمر بس عايشة في ضنك ومش لاجية تاكل بسببهم
رائد بهدوء
تمام يا بدور انا هخليها تشتغل عندي رغم اني مبخليش حد يدخل البيت ده غريب
بدور برجاء
وانا ضامناها يا بيه أقسم بالله لو غلطت حتى بنص كلمة أنا اللي أسيب الشغل. بس أديها فرصة الناس كلها قفلت ابوابهم في وشها.
رائد بعد تفكير
هي صحيح بتعرف تعمل إيه
بدور بلهفة
شاطرة في الطبيخ والنضافة وبتفهم في اللبس وتكوي زي الفل وجربها يا بيه أسبوع بس ولو ما عجبتكش تبجى تمشيها.
رائد بعد لحظة صمت
طيب يا بدور خليها تيجي بكرة
بدور بفرحة
والله يعني خلاص هتوافق ربنا يخليك ليا يا بيه صدجني مش هتندم وهي هتدعيلك طول عمرها
رائد وهو بيشاور بإيده
خلاص يا بدور بس خلي بالك لو طلع كلام الناس صح أنا مش هرحمها ولا هرحمك
بدور بجدية
حقك عليا بس صدقني هتشوف منها كل خير.
رائد وهو بيقوم
امشي دلوقتي وبكرة تكون موجودة الساعة سبعة.
بدور باحترام
حاضر ربنا يجازيك خير ويريح قلبك كيف ما ريحت جلوبنا
.................................
تاني يوم كانت واقفة غزل متوترة وهي مستنية رائد ينزل ليها وكانت ملاحظة توترها بدور اللي كانت واقفة جمبها
بدور بابتسامة
استهدي بالله يا بت
غزل بصوت واطي
خايفة يا بدور خايفة انه يكلمني بطريقة باين فيها إنه سامع اللي الناس بتقوله عني مش هجدر
بدور بهدوء
بوصيلي كدة انا لو مش واثقة انه راجل زين مكنتش جبتك تشتغلي عنده وصدجيني الراجل مش من النوع اللي بيبص في كلام الحريم بس... يعني هو سمع شوية حاجات
غزل برجاء
يا ريتك ما طلبتي منه اشتغل كان أحسن ما يبصلي البصة دي
بدور بتنهيدة
لا اانا شايفة انه عادي وبعدين يعني وفيها ايه ماهو كدة كدة عرف من برة وانا قولتله إني ضامناكي وعارفة انك بريئة من كل اللي اتقال.
قطع كلامهم نزول رائد بملامحه الجامدة وهي باينة علي وشه
رائد بجدية
دي هي البنت
بدور بسرعة
أيوه يا بيه هي دي غزل... صحبتي اللي جولتلك عليها.
غزل و عينيها في الارض
تحت امرك يا بيه
رائد بنبرة جامدة
ارفعي راسك
غزل ببطء بترفع وشها بس لسه مش قادرة تبصله في عينه
رائد بجدية
أنتي عارفة إنك جاية تشتغلي في بيتي يعني لازم أبقى عارف انتي مين ودنيتك ايه
غزل بتوتر واحراج
عارفة يا بيه... وعارفة كمان إن سمعتي مش كويسة في عيون الناس... بس والله العظيم ما غلطت وكل كلمة اتقالت عليا كانت كدب.
رائد واقف مكانه وساكت شوية ورد بنبرة محسوبة
انتي عارفة ان بدور ضامناكي مش كدة يعني الغلطة بطردك انتي وهي
غزل بسرعة
أيوه... وخابرة انها مالهاش ذنب وجولتلها بلاش بس هي صممت وأنا والله مش طالبة غير لقمة حلال
رائد بجدية
وأنا معنديش مانع بس شغلي مفيهوش لعب ولا تهاون ولا عطف
غزل بصوت متقطع من التوتر
حاضر... وأنا مش هقصر ولا هأخرك في حاجة وعد... حتى لو نمت في المطبخ مش هشتكي.
رائد ببصة سريعة ناحيتها
انتي هتشتغلي في المطبخ وطول ما في حد هنا في البيت جايلي زيارة او اجتماع انتي مش هتظهري نهائي فاهمة انا مش عاوز كلام ملوش لازمة ومش عشان انا بيفرق معايا كلام الناس لاني لو بيفرق مكنتش وافقت وشغلتك عندي من الاول بس انا صدقت بدور انك مظلومة فخليكي قد الثقه اللي ادتهالك
غزل بعد لحظة سكوت
حاضر يا بيه هعمل اللي جولت عليهربنا يكرمك يارب
رائد بنظرة طويلة
انا كلام الناس ما بيهزنيش... بس الفعل هو اللي بيهمني ومع أول
غزل بخوف
ماشي يا بيه... لو حصل مني غلط مشيني بس إديني فرصة أثبتلك إني ست بميت راجل في الشغل.
رائد بعد لحظة
هتبدأي من انهاردة و المطبخ والتنضيف مسؤوليتك. وبدور هتشرحلك كل حاجة
غزل بحذر
حاضر... وشكرا عشان حتى لو مطولتش في الشغل شكرا على الفرصة.
رائد وهو بيروح ناحيه الباب
بس خلي بالك... الفرصة دي ممكن تكون الوحيدة فإما تكسبيها... يا إما تضيعي كل حاجة من ايديكي
رائد دخل مكتبه وساب غزل تبص لبدور وهي بتتنفس بصعوبة
بدور بهمس
شوفتي مش وحش زي ما كنتي متصورة... بس هو جد و كلامه جد زيه
غزل بحزن
هو نظرته كانت تقيلة... بس صريحة يا بدور وقريت فيهم انه شاكك فيا وفي اخلاقي
بدور وهي بتغير الموضوع
يلا يا بت انتيهو انتي غاوية نكدالمهم عندنا اننا هنبدأ من جديد... وربنا ان شاء الله هيعوضك يا حبيبتي
...................
بعد كام يوم كانت واقفة غزل في المطبخ بتنضف الرخامة وبدور داخلة بسرعة عليها
بدور بسرعو وقلق
بت يا غزل رائد بيه بينادي عليكي.
غزل بتتوتر
بيناديلي ليه أنا عملت حاجة
بدور بقلق
مش خابرة بس بصراحة شكله مش مبسوط. تعالي يلا وما تتهزيش انتي فاهمة خليكي جوية
غزل مسحت إيديها في طرف الطرحة ودخلت مكتب رائد اللي كان واقف متعصب
غزل بخوف
خير يا بيه حا ة حصلت مني
رائد بحدة
اكيد اومال هناديكي ليه هو انا مش منبه عليكي انك متخرجيش من المطبخ طول ما في حد عندي انتي ازاي تخرجي وكمان اسمعك بتتكلمي معاهم وبترحبي بيهم
غزل بخضة
أنا...... انا عملت كدة
رائد يقاطعها بانفعال
ايوة انتي هو انا هتبلي عليكي مثلا وبعدين انتي المفروض تحافظي علي اكل عيشك لكن انتي شكلك كدة كنتي بتكدبي والكلام اللي اتقال عليكي مظبوط عشان كدة اتعمدتي تبيني نفسك لضيوفي كنتي
غزل بحدة وصوت عالي لاول مرة
اخرررس انا مسمحلكش تتهمني في شرفي انت فاهم انت اصلا فاكر نفسك مين عشان تتحكم فيا وتظلمني كدة واسكتلكطب انا بجولك ان اللي بتجوله ده محصلش انت بجي مش رايد تصدق براحتك
رائد اتصدم من انفعالها وكلامها اللي بتقوله بسرعة وهي بتعيط بانهيار عشان مظلومة وهو كان بيبصلها بحيرة وصدمة لحد ما دخلت عليهم بدور
بدور بسرعة وحزن
يا بيه غزل مكدبتش عليك هي فعلا مخرجتش برة المطبخ وانا اللي خرجت ورحبت بضيوفك كيف العادة واللي سمعته ده كان صوتي انا والله مش صوتها هي
رائد باندهاش
إيه! انا عارف صوتك ازاي اتلغبطت فيه مش فاهم
غزل بحزن وغضب
عشان انت لساتك شاكك فيا ...شايفني كيف ما الناس بتجول فبتحاول تلاجيلي حاجة تطردني عشانها بس أنا والله مش كيف ما الناس بتجول انا واحدة غلبانة اداس عليها عشان حماتها ست مفترية وبتكرها فطلعت عليها سمعة بطالة وجوزي كان راجل عفش فصدجها وانا اللي بدفع التمن لحد انهاردة
رائد بندم وسرعة
طب إهدي... مين بس جاب سيرة الكلام ده
غزل بتبصله في عينه لأول مرة
كل البلد بتجوله... وإنت كمان عارفه وبدور قالتلي إنك سامع عني بس الكلام ده كدب! كدب يا بيه... أنا اتظلمت... وجوزي اللي ما اعترفش هو اللي ظلمني مش أنا
رائد بصوت هادي
أنا ما حكمتش... بس لازم أعرف كل حاجة عن اي حد في بيتي ولو انا كنت مصدق مكنتش وافقت انك تشتغلي عندي
غزل بهدوء وهي بتمسح دموعها
اظن دلوقتي عرفت اني مظلومة
ولو حضرتك شايف إني مش نافعه اطردني من دلوجتي بس ما ترمينيش بكلمة ما استاهلهاش
رائد بعد لحظة سكوت
انا بعترف اني غلطت وظلمتك انا اسف يا غزل
غزل بصدمة وتردد
العفو يا بيه حضرتك فوج راسي
رائد بهدوء
طيب....يعني خلاص كدة اعتقد انك مش زعلانة صح.
غزل وشبح ابتسامة علي شفايفها
حصل
خير يا رائد بيه
.. انا صدجني مش هخلف اتفاجي معاك لاني محتاجة الشغل ونفسي في حسطة تسترني انا وولدي
رائد بابتسامة
خلاص من بكرة هتشوفي شغل البيت كله مش بس المطبخ اظن كدة اتأكدتي اني مش شاكك فيكي ولا شايفك وحشة
غزل وهي بتتنفس براحة
شكرا يا بيه اوعدك هتشوف مني اللي يرضيك..
رائد بابتسامة خفيفة لأول مرة
هنشوف يا غزل... هنشوف.
........................
غزل كانت راجعة من السوق بعد ما طلبت منها بدور تتسوق فكانت خلاص داخلة البيت بس اتجمدت في مكانها لما شافت سليم نازل من عربيته لما لمحها
غزل بصدمة بصوت واطي
يا مري... إنت
سليم برفعة حاجب
أيوه أنا... بس إنا اللي لازم اسألك ... بتعملي إيه هنا
غزل بضيق
بشتغل...
سليم بحدة
استني هنا...انتي بتشتغلي! وفي دار راجل عازب فين العيبة يا ست غزل
غزل بعين قوية
ماهو طلع حديت أمي صح... اللي تروح
متابعة القراءة
