تزوجته عقيم فاحببته بقلم اسراء ابراهيم
اسكربت
تزوجته عقيم فاحببته
انا عقيم يا امي اعمل ايه الحلم اللي عشت اتمناه من ايمان انتهي كنت بحلم يكونلي طفل من الانسانة اللي حبتها بس للاسف
فاتن بحزن متعملش في نفسك كدة يا طارق يا حبيبي ده نصيب وربنا رايد انك متخلفش يبقي ليه نتعرض نقول الحمد لله وربنا اكيد هيفرحك علي صبرك ورضاك بقضاءه
طارق بكسرة انا لو عليا راضي والله بس صعبان عليا ايمان ذنبها ايه تتحرم من انها تبقي ام انا حتي مليش عين اقولها الحقيقة واني هكون السبب في حرمانها من الخلفة
فاتن بحنان اسمعني كويس يا طارق الست الجدعة هي اللي تقف جمب جوزها في ظروفه ومراتك جدعة متجوز بقالك تلات سنين اهو ومشوفناش منها حاجة وحشة يبقي خلاص روح قولها واتكلم معاها وهي اكيد هتقدر ولو مقدرتش يابني يبقي حقها وملومش عليها هي من حقها تكون ام روح يا طارق اتكلم معاها وانا متأكدة انها بتبحك وهترضي بقضاء ربنا
طارق بقلق طب ولو مرضيتش اعمل ايه معقولة ممكن تسيبني يا امي معقولة بعد الحب اللي حبتهولها ممكن تتخلي عني وتطلب الطلاق
فاتن بابتسامة وليه تفرض الوحش بس خليك متفائل وان شاء الله تلاقيها صابرة وراضية ووقتها فكرو في حجات كتير زي انكم تتبنو طفل مثلا بتحصل يعني يابني
طارق بتفكير ان شاء الله متسيبنيش يا امي انا مش متخيل حياتي من غيرها
فاتن وهي بطبطب علي طارق قوم يا طارق روحلها واتكلم معاها وان شاء الله تعدي علي خير
..........................................
دخل طارق من باب الشقة وهو باين عليه الحزن والكسرة اوي وكان في عقله الف سيناريو وحوار ومش عارف هترسي علي ايه وخرج من
ايمان بلهفة ايه يا طارق كل ده قلقتني عليك في ايه يا حبيبي مالك كدة
قعد طارق بحزن عالكرسي وهو بيبص لايمان ومش عارف ينطق فقعدت هي قدامه بقلق اكبر
ايمان بخوف هي نتيجة التحاليل طلعت طارق اتكلم انا خايفة اوي
طارق بجدية وهو بيحاول يرتب كلامه ايوة يا ايمان النتيجة طلعت وانا للاسف مبخلفش عاقم
ايمان بصدمة مبتخلفش طارق انت بتهزر صح قول انك بتهزر
طارق بعصبية لا يا ايمان مبهزرش قولتلك اني مبخلفش ولو عاوزة تطلقي انا معنديش مانع انا عارف ان ده حقك وانا مش هاجي عليكي واطلب منك تقبلي بعيبي
ايمان بصدمة نطلق طارق ازاي ده حصل انا مش مستوعبة ابدا اللي بتقوله ارجوك يا طارق قولي ان في حل تاني نعمل عملية مثلا اول اقولك نعمل حقن مجهري
طارق بجمود حاجة زي دي مش هتفوتني يا ايمان وانا سألت الدكتور وقالي انه مفيش امل وان ده قضاء ربنا
ايمان باندفاع يعني ايه يعني مش هبقي ام هعيش محرومة من الاطفال طول عمري بسببك
بصلها طارق يصدمة اول ما ايمان قالت كدة ووقتها اتوترت هي وسابته ودخلت اوضتها بغضب وغمض عنيه هو بحيرة وهو بيستغفر ربنا
.............................................
عدي فترة كانت ايمان بتتعامل مع طارق دايما بغضب وكانت دايما بتتخانق علي اتفه الاسباب وهو كان بيحاول دايما يديها عذرها وفي يوم كان راجع من شغله واول ما دخل الشقة سمع ايمان يتتكلم في التليفون
ايمان بضيق اوف انا زهقت يا ماما مش قادرة اتقبل فكرة اني اعيش طول عمري من غير خلفة حاولت اتأقلم بس معرفتش حاسة اني طول
طارق من وراها بكسرة وانا مجبرتكيش تقبلي بالوضع ده يا ايمان انا خيرتك وقولتلك لو حابة تطلقي انا هنفذلك رغبتك
ايمان بصدمة وهي بتلف وشها طارق انا اسفة بس حقيقي انا حاولت كتير اوي اتأقلم بس معرفتش
طارق ببهتان كان عندي امل انك تقفي جمبي انا كنت مواعد نفسي لو كان طلع العيب منك مكنتش هتجوز ابدا او افكر اني اطلقك وحياه حبي ليكي يا ايمان انا كنت مقرر ده
ايمان بسخرية ازاي اي راجل في الدنيا حلمه انه يكون اب واكيد كنت هتجري تتجوز وتسيبني او تطلقني مفيش راجل مخلص للدرجادي يا طارق انت بس بتقول كدة عشان انت اللي في الموقف ده انا اسفة بس انا بقي مش حابة اعيش كدة
طارق بهدوء عكس اللي جواه ده اخر كلام عندك
ايمان بتوتر ايوة يا طارق انا مش هقدر اتحمل اني مخلفش او يكون عندي طفل انا من حقي اعيش حياه طبيعية زي اي واحدة
طارق بكسرة انتي طالق يا ايمان بقيتي حرة وتقدري تتجوزي وتخلفي والشقة دي خليهالك انا مش عاوزها
ايمان اتنهدت براحة اول ما طارق سابها ومشي ووقفت تشجع نفسها ان اللي عملته ده هو عين العقل والصح
كان داخل طارق شقة امه وهو باين عليه انه تايه ووقتها كانت قاعدة فاتن مع سما بنت اخوها واتفاجأت بشكل طارق فقامت بلهفة
فاتن بقلق مالك يا طارق فيك ايه يا حبيبي
طارق بتعب خلاص يا ماما كل حاجة انتهت خسرت كل حاجة حلوة في حياتي
فاتن بلهفة ليه بتقول كدة يا طارق بس ايهاللي حصل فهمني وايه ده اللي انتهي
طارق بكسرة اايمان طلبت الطلاق وانا طلقتها
فاتن بصدمة يا خبر ليه كدة اخس عليها طب حتي كانت تختار الوقت هي عارفه انك مش
طارق بحزن حقها يا امي احنا منلومش عليها انا اسف مخدتش بالي ازيك يا سما
سما بحزن علي شكل طارق الحمد لله يا طارق متزعلش نفسك ده نصيب وانت بكرة تلاقي بنت الحلال اللي ترتاح معاها
طارق بهدوء اللي كنت برتاح معاها خلاص سابتني بعد اذنكم
دخل طارق فقعدت فاتن بحزن علي ابنها شوفتي يا سما طارق مقهور يا قلبي انا خايفة عليه اوي احسن يجراله حاجة
سما بحزن عندك حق يا عمتو شكله تعبان اوي انا كمان خايفة عليه
فاتن بابتسامة انتي لسة يا سما معقول بعد السنين دي ومنسيتيش
سما بخجل طارق ميتنسيش يا عمتو ومش عشان هو مكنش شايفني ومحبنيش واختارني يبقي انساه
فاتن بحنية ربنا ينولك مرادك واللي بتتمنيه يا حبيبتي
سما بتنهيدة يارب يا عمتو يارب
..............................................
عدت فترة كبيرة كان طارق بيحاول ينسي اللي حصل بس للاسف مش عارف ودايما علطول غصب عنه بيفكر في ايمان بس كان بيحاول يلهي نفسه بشغله كان قاعد عالاب توب في اوضته شغال لحد ما خبط الباب
طارق بجدية اتفضلي يا ماما ادخلي
سما بتردد ده انا يا طارق ممكن ادخل اتكلم معاك
طارق بسرعة تعالي يا سما اتفضلي
دخلت سما وهي علي وشها ابتسامة هادية
سما بتلقائية انا بصراحة اتشجعت وقولت بما اني هنا اجي ارخم عليك واقعد معاك شوية ولا انا ضيفة تقيلة علي قلبك
طارق بابتسامة لا طبعا متقوليش كدة انتي تيجي اي وقت ها قوليلي عاملة ايه في مذاكرتك في الجامعة
سما بضحكة رقيقة جامعة ده واضح انك مش متابع خالص انا خلصت من سنة يا استاذ يا محترم وحاليا بشتغل في شركة مديرة حسابات ومستنية العريس بقي
طارق بضحك
