تزوجته عقيم فاحببته بقلم اسراء ابراهيم

عليا بس انا غصب عني معلش
سما بابتسامة انا عارفة ان الجواز بينسي بس مش اوي كدة يا ابن عمتي
طارق ضحك لاول مرة من فترة كبيرة وكان حاسس انه مرتاح اوي وناسي كل حاجة
طارق بابتسامة طيب قوليلي بجد انتي فعلا مستنية ابن الحلال ولا في حد كدة معين
سما بخجل هو مش بالظبط كدة تقدر تقول حب من طرف واحد
طارق باستغراب طب وايه اللي جبرك علي كدة طالما مش شايفك يبقي ليه تظلمي نفسك معاه
سما بحزن عشان القلب مش بايدينا نختار مين يسكنه وانا بحبه ومش عارفة اتخطاه رغم انه حب واتجوز كمان
طارق بهدوء يبقي نصيحة مني ابعدي لازم تعودي قلبك علي حاجة مهمة وهي ان اللي ميحبوش من نفسه ميجريش وراه وانه يستاهل انه يتحب بنفس الطريقة اللي بتحبي الشخص ده بيها غير كده ده مسموش حب 
سما بتنهيدة ماهو خلاص طلق انا حاسة ان قدامي فرصة وانه ممكن يشوفني ويحس بيا
طارق باستغراب ايوة بس طالما مشفكيش في الاول مش هيشوفك في الاخر نصيحة مني انتي كدة بتوجعي قلبك عالفاضي
سما بحزن طب والحل ايه من وجهة نظرك 
طارق بجدية صارحيه لازم تصارحيه بمشاعرك ولو هو رفض يبقي خلاص انسيه وللابد وبعدين مش يمكن تلفتي نظره ليكي ويبدأ يشوفك يطريقة مختلفة
سما بتشجيع يعني انت شايف كدة 
طارق بثقة طبعا انا شايف ان ده الصح
سما باندفاع طب طارق انا بحبك وانت الشخص ده
.............................................
انت ايه اللي عملته ده 
كانت بتتكلم فاتن بغيظ هي واقفة قدام طارق اللي كان متعصب
طارق بعصبية عملت ايه يا امي انا عملت الصح هي مقالتش لحضرتك هي قالتلي ايه 
فاتن بغضب تقوم تزعق ليها وتخليها ماشية معيطة ليه كدة يا طارق بس
طارق بغضب ليه كدة ايه دي بتقولي بحبك الهانم بتحبني ومن زمان المفروض انا اقولها ايه ابقي فهميها اني منفعهاش واني لا يمكن هفكر فيها
فاتن باندفاع وليه ان شاء الله متنفعهاش ما انت راجل وزي القمر اهو وبعدين البت بتحبك ليه تكسر خاطرها وبعدين مش هتفكر فيها ليه دي زي القمر والف مين يتمناها
طارق بغضب مكتوم لانك عارفة اني معيوب يا ماما ومراتي اللي كانت بتحبني وبحبها سابتني عشان كدة اشمعني هي اللي هتوافق بيا وازاي هتظلم نفسها وترضي انها تعيش من غير اطفال عشاني 
فاتن بهدوء عشان بتحبك وبعدين ما سما عارفة كل حاجة يا طارق وراضيةيعني لا انت غاصبها عليك ولا هي عيلة صغيرة هي فاهمة وواعية وراضية يبقي بدل ما نشيلها فوق راسنا نزعقلها ونزعلها ونكسر قلبها لا يا طارق انت غلطان مراتك كان من حقها ترفض وتطلق وسما برضه من حقها توافق وتختار تكمل معاك
سكت طارق وسرح في كلام امه وهو بيتنهد بحيرة وبيقول لنفسه ان امه عندها حق في كل اللي قالته ومكنش متخيل ازاي سما لسة بتحبه بعد كل ده
......................................
تاني يوم كانت نازلة سما من العمارة بتاعتها وهي باين عليها التعب وعنيها منفخة من العياط وعشان كدة كانت لابسة نضارة تداري بيها عنيها واول ما خرجت من باب العمارة اتفاجأت بطارق قدامها فوقفت مكانها بصدمة ومش مصدقة انها شايفاه وهو اول ما شافها قرب عليها لحد ما وقف قدامها
طارق بهدوء انا اسف يا سما حقيقي مكنتش اقصد ازعقلك او اخليكي تزعلي مني
سما بجدية تمام يا طارق محصلش حاجة وانا مزعلتش منك انت مهما كان ابن عمتو
طارق بهدوء بجد مزعلتيش 
سما بتوتر لا مزعلتش انا بس كنت محتاجة ابقي لوحدي عشان كدة مشيت
طارق بشك طب شيلي النضارة دي ووريني عنيكي وانا اصدقك
سما برفض ها لا مش هينفع عشان عنيا تعباني شوية
اتفاجأت سما بطارق بيمد ايده وبيشيل النضارة من علي وشها وشاف عنيها الدبلانة وهي منفوخة من العياط فصعبت عليه اوي وحس بالذنب
طارق بندم انا حقيقي اسف يا سما لو سمحتي خليني اعوضك ونقعد في اي حتة نتكلم انا حقيقي محتاج اتكلم معاكي
كانت بتسمعه سما وقلبها الملعون ده بيحن ليه صعبان عليه يشوفه محتاجها ويسيبه فلقت نفسها بتتنهد بقلة حيلة
سما بتنهيدة تمام يا طارق اتفضل
................................... 
في كافيه عالنيل كان قاعد طارق وقدامه سما اللي كانت سرحانة شوية ومش مركزة معاه كانت بتفتكر حلمها دايما وهي صغيرة لما تكون مع طارق في مكان زي ده ويقولها كلام حلو يخطف قلبها فضلت ة سما لحد ما فاقت علي صوته طارق
طارق بحيرة بتفكري في ايه 
سما بهدوء ولا حاجة متاخدش في بالك ها قولي كنت عاوز تتكلم في ايه 
طارق باندفاع عاوز اعرف كل حاجة يا سما ازاي وامتي حبتيني وايه اللي مخليكي متأكدة انك لما تصارحيني دلوقتي ممكن افكر اننا نرتبط عشان انفصلت 
سما بصراحة من وانا لسة في ثانوي كنت باجي لعمتو كل يوم عشان اشوفك وهي علي فكرة عارفة اني بحبك من زمان ولما عرفت انك عاوز تخطب كانت عاوزة تقولك بس انا اللي رفضت رفضت عشان شوفتك قد ايه فرحان ومبسوط
طارق بصدمةانا مش عارفه ازاي مخدتش بالي من حاجة زي دي رغم اني قبل ما اتجوز كنت بشوفك كتير بس عمري ما خدت بالي انا مش عارف اقولك ايه بس صدقيني يا سما انا معنديش اي حاجة اقدمهالك ومش هكدب عليكي لو قولتلك اني ممكن احبك لاني لسة بحب ايمان
سما ابتسمت بمجاملة رغم انها من جواها كان قلبها مكسور
سما بتلقائية بص يا طارق انا يمكن اللي شجعني اعترفلك هو كلامك ليا يمكن لو مكنتش قولتلك كنت هفضل ندمانة اني مصارحتكش اما بقي بالنسبة لانك تحبني فانا عارفة انك لسة بتحب ايمان واكيد مش هتنساها زي ما انا عارفة ان وجودك معايا دلوقتي مش عشان في امل لعلاقتنا بعد اذنك
خلصت سما كلامها وقامت عشان تمشي بس لحقها طارق اما قام بسرعة من مكانه وهو بيتكلم
طارق بلهفة سما استني انا اسف لو كلامي ضايقك بس ارجوكي اسمعيني للاخر
سما بتنهيدة انا سمعتك يا طارق وعشان كدة همشي همشي عشان متفتكرش اني بضغط عليك
طارق بهدوء سما انا في الوقت الحالي منفعش حتي نفسي خايف اديكي امل وارجع اوجعك وكمان انتي تستاهلي تتجوزي راجل كويس مش معيوب ومن حقك تخلفي وتفرحي باطفالك وهكون اناني لو طلبت منك تتنازلي عن حقك ده عشاني
سما باندفاع وانا موافقة يا طارق وراضية وانا مش صغيرة عشان ماخدش قراراتي بنفسي اديني فرصة بس وانا متأكدة اني هخطف قلبك واخليك تحبني مش عاوزة اكتر من فرصة معاك يا طارق
طارق بابتسامة انتي مجنونة بجد موافقة تتجوزيني وانا مبخلفش يا سما 
سما بثقة طبعا موافقة بس توعدني انك تدي فرصة لقلبك يحبني
طارق بابتسامة ماشي يا سما وانا هكلم ماما ونيجي لخالي بليل نطلبك منه
سما بفرحة باينة عليها بجد يا طارق انا مش مصدقة طب يلا بقي روحني عشان الحق اجهز يلا بسرعة
طارق بضحك وهو بيقوم والله مجنونة يلا بينا يا ستي
بارك الله لكما وبارك عليكما وجمع بينكما في