بنات ناس بقلم اسراء ابراهيم حصري
هذا الاسكريبت حصري على موقع لمحة وغير مسموح بنقله إلى اي مدونة أخري بخلاف مواقع أيام.
اسكربت
بنات ناس
انتي هتسكتي عن اللي بيحصل معاكي ده يا نيرة هتسيبيها تستغلك
نيرة بسخرية وبايدي ايه اعمله يا مكة انتي عارفة اني مش هقدر اعمل لخلود حاجة هي واثقة اني مش هتكلم ولا هرفض عشان كدة بتضغط عليا
مكة بغيظ انتي بتقولي ايه انا ممكن اتصل ببابا علي فكرة وهو هيتصرف
نيرة بسخرية بابا اللي رامانا في مدرسة داخلية ومش سائل فينا تفتكري هيهمه الي بيحصل فينا دلوقتي انتي بتقولي ايه بس مكة شيلي الفكرة دي من دماغك عشان مش هيحصل
مكة بانفعال طب خلاص هسيب خلود تستغلك وتخليكي تكتبيلها الواجبات كلها وكمان تروقيلها اوضتها انا غلطانة اني خايفة عليكي
نيرة بحزن لا متخافيش انا كدة مرتاحة خليكي انتي في معتز اللي بيضايقك وانتي مش قادرة حتي تدافعي عن نفسك قصاده
مكة بصدمة وحزن انتي بتعايريني يا نيرة فاكرة ان كدة انتي احسن مني
نيرة بندم انا عمري ما اقصد كدة يا مكة بس انا تعبت كان نفسي ابقي زي بنت في سني اعيش مع بابا وماما واحس انهم بيحبوني لكن احنا الواقع بتاعنا غير احنا ابونا اتجوز بعد امنا ورمانا في مدرسة عشان يريحها ويريح نفسه من مسئوليتنا ومش مهم احنا عايشين ازاي وعاملين ايه
مكة اهم حاجة اننا مع بعض يا نيرة واننا مش هنسيب بعض ابدا انني فاهمة مهما حصل
نيرة بابتسامة عندك حق اهم حاجة اننا مع بعض مش مهم اي حاجة تانية
تاني يوم كانو قاعدين كلهم بياكلو في المكان اللي بيتجمع فيه كل الطلاب وكانت مكة قاعدة جمب نيرة وعنيها علي معتز اللي كان بيبصلها
مكة بقلق انا مش خايفة انا باكل اهو المهم بس انتي كلي ل ما انتي كل شوية بتدوخي
نيرة بابتسامة حاضر يا حبيبتي
قاطعتهم خلود وهي بتقف قدامهم مش كفاية اكل كدة يا نيرة وتقومي تشوفي اللي وراكي
نيرة بلعت ريقها بخوف وبصت لمكة ولسة هتقوم مسكتها مكة من ايديها وهي بتتكلم بغضب اختي مش هتروح في حتة ومش هتعمل حاجة انتي متشلتيش عشان تخدمي نفسك
خلود بسخرية وقصد والله وبقي للقطة صوت اهو امم ايه رأيك في الكلام ده يا نيرة اعتقد ليكي رأي تاني
نيرة بحزن ايوة انا هقوم اهو متقلقيش
مكة بصدمة وغضب انتي بتقولي ايه نيرة مش هتروحي في حتة انتي سامعة
نيرة بانفعال ملكيش دعوة انتي يا مكة فاهمة ولا لا انا رايحة
خلود بشماتة وانتصار اعتقد شكلك وحش اوي يا مكة ياااه معقولة اختك تكسفك كدة لا بجد حاجة صعبة
مكة بدموع انتي ملكيش دعوة ومتتدخليش بينا انتي فاهمة وانتي يا نيرة انتي فعلا هتروحي
نيرة بصوت مخنوق انا اسفة بس هروح كملي انتي اكلك
سباتها نيرة وقامت فابتسمت خلود بشماتة واستفزار وهي بتبص لمكة وقربت منها وقالتلها بهمس اعتقد انك تسيبي اختك تشوف شغلها ونصيحة ليكي خليكي انتي في معتز احسن باين عليه ناويلك علي نية
مكة بدموع وخوف انتي حقيرة
خلود بتوعد ماشي هتشوفي الحقيرة دي هتعمل فيكي ايه بس الصبر باي يا حلوة
مسيت خلود وكانت متابعاها مكة بغضب وهي بتمسح دموعها وسابت الاكل وقامت مشيت علي اوضتهم بس اتفاجأت بمعتز
معتز بابتسامة باردة سلامتك من الخضة يا حبيبتي بزمتك موحشتكيش من بعد اخر مرة
مكة بقرف وخوف انا بكرهك وبكره المدرسة دي وبتمني اموت عشان ارتاح منكم كلكم
معتز ببرود طب ليه كدة تصدقي زعلتيني عموما انتي اخر مرة عرفتي تهربي مني عشان بس المرور كان معدي بس اوعدك المرة الجاية مش هتعرفي تفلتي مني
مكة بخوف انت عاوز مني ايه انا بجد مش كدة لو سمحت سيبني في حالي
معتز باعجاب بصراحة كدة انتي عاجباني وانا متعودتش حاجة تعجبني وترفضني لما اجي اخدها ولو فضلتي مصممة تبعدي يبقي كأنك بتقوليلي اوعي تسيبني
مكة عيطت وبصت لايد معتز اللي ماسكة ايديها بخوف ووقتها سابها فجريت من قدامه بسرعة علي اوضتها وبقت تعيط بانهيار وهي حاسة بنار في قلبها
بعد وقت كانت داخلة نيرة بتعب اوضتها مع مكة واتخضت لما شافتها منهارة من العياط فجريت عليها بخوف
نيرة بقلق مكة انتي كويسة ايه اللي حصل معتز ضايقك تاني اتكلمي عملك حاجة
مكة بانهيار وبتسألي ليه وانتي اصلا مش همك هيفرق معاكي لو حكتلك كنتي ساعدتي نفسك اللي رامياها تحت رحمة خلود ومشغلاكي خدامة ليها ولصحابها انا خلاص هموت نفسي عشان ارتاح من اللي انا فيه عشان تعبت بقي من الذل والمرمطة دي
نيرة باندفاع وهي بتعيط بقي انتي مفطرة اني مش همي انتي فاكراني سايباكي انا اختك ازاي هسيبك ومش هيهمني حد غيرك انا اصلا بعمل كل ده عشانك ازاي تفتكري عني كدة
مكة بانتباه وصدمة انتي بتقولي ايه يعني ايه بتعملي كل ده عشاني فهميني
نيرة وش مكة بايديها يعني عملت نفسي مرمطون لنيرة عشان هي هددتني بيكي عشان قالتلي
مكة كانت مصدومة وهي بتسمع كل كلام نيرة وفجأة وهي بتعيط وبتتكلم بسرعة وندم انا اسفة يا نيرة حقك عليا انا متخيلتش كل ده انا كنت فاكراكي مستسلمة ليها انا بجد اسفة
نيرة بابتسامة وهي بتمسح دموع مكة خلاص بطلي عياط واوعي تفكري اني مش همي انتي انا مليش غيرك يا مكة انتي كل عيلتي وعشانك هعمل المستحيل فاهمة
مكة بدموع فاهمة انا بحبك اوي يا نيرة وانا كمان مليش غيرك بس احنا لحد امتي هنفضل كدة انا تعبت وكرهت المدرسة دي
نيرة بتفكير معلش استحملي صدقيني مهما عشنا هنا مش هيبقي زي برة برة اسوأ من هنا مليون مرة
مكة بدموع انا اوقات بحلم ان بابا اخدنا نعيش معاه وانه بيتأسف لينا عن كل اللي حصل وانه سابنا هنا انا عارفة انه حلم بس بدعي كل يوم انه يتحقق
نيرة يتنهيدة يا مكة بابا لو كنا فارقين معاه مكنش جاله قلب يرمينا هنا من الاول انسيه ومتحطيش امل يا مكة فاهمة انا خايفة عليكي من الوهم وانك تفوقي علي وجع اكبر
بعد كام يوم كانت نيرة ومكة بيحاولو يتجنبو خلود ومعتز بس هما كانو دايما بيستقصدو يضايقوهم لحد ما في مرة اتفاجأت نيرة بخلود داخلة عليها اوضتها
نيرة بصوت مهزوز نعم جاية ليه
خلود ببرود وهي بتقعد اممم مفيش بس قولت اجي اطمن عليكي ايه فيها حاجة
نيرة بقلق لا بس مش بعادتك يعني انك تيجي تطمني عليا قوليلي جاية ليه يا خلود
خلود بابتسامة وخبث امممم جدعة احبك و انتي فاهماني بصي بقي يا نونو في سبوبة حلوة فيها قرشين حلوين ايه رأيك
نيرة بتكشيرة
