بنات ناس بقلم اسراء ابراهيم حصري
كلها
خلود بثقة لا ما اهو انتي هتشاركيني فيها وبرضه مش هتاخدي حاجة انتي هتساعديني مقابل انك اضمنلك حماية اختك اصل انا مقولتلكيش معتز هيتجنن ومستني مني بس الاذن وانا اللي مانعاه عنها
نيرة بغضب مكتوم انتي احقر انسانة شوفتها في حياتي عشان عارفة انك لما تضغطي عليا باختي انا هوافق
خلود بجدية بقولك ايه مش وقته ولولة دلوقتي هتسمعيني كويس وتنفذي اللي هقولك عليه البت مريم طبعا عارفاها اللي في الاوضة اللي جمبك وانتي عاملة فيها شهيدة ومصاحباها
نيرة بخوف مالها مريم عاوزة منها ايه
نيرة بابتسامة مش عاوزاها هي بس عاوزة السلسلة اللي في رقبتها اصلها تعمل كتير اوي وتلزمني شوفتي بقي طلباتي بسيطة ازاي
نيرة بصدمة وهي بتبرق بعنيها انتي اتجننتي عاوزاني اسرقها انتي بجد اتجننتي لا يمكن ده يحصل
خلود بانفعال وغضب بت انتي لمي لسانك احسنلك وياريت قبل ما تعملي فيها شجاعة فكري في اختك ولا انتي ناسية معتز
نيرة بدموع مريم يتيمة وعمها جابها هنا زيها زينا لو سمحتي سسيبيها في حالها اصلا السلسلة دي من ريحة امها والحاجة الوحيدة اللي بتفكرها بيها
خلود بملل يا حرام تصدقي صعبت عليا عموما انا ولا كأني سمعت حاجة ومعاكي لحد بكرة يا نيرة لو السلسلة مجتش عندي قولي علي اختك يا رحمن يا رحيم واعتقد انتي عارفة اني مبهددتش يا حلوة ولما نشوف بقي مسن اغلي عندك اختك ولا صحبتك اليتيمة
قالت خلود كلامها بسخرية وخرجت ووقفت نيرة تضغط علي شعرها بحيرة وهي بتعيط وكانت مش عارفة تعمل ايه وتتصرف ازاي وخصوصا انها عارفة خلود وانها هتنفذ تهديدها لو مسمعتش كلامها
قبل الفجر كانت المدرسة كلها نايمة بس نيرة واقفة
نيرة بهمس مكة قومي يلا يا مكة اصحي
مكة بنوم في ايه يا نيرة انتي ايه اللي مصحيكي دلوقتي وايه الشنطة دي
نيرة بهمس يلا هنمشي من هنا يلا قبل ما يصحي حد ويشوفنا
مكة بسرعة وهي بتتعدل انتي بتقولي ايه هنهرب من هنا طب ليه قررتي كدة فجأة فهميني
نيرة بضيق مش وقته اسأله يا مكة بعدين نتكلم المهم نمشي دلوقتي يلا زمان الامن بيتوضو عشان الصلاه يعني مفيش قدامنا غير دقايق
مكة بخوف بس انتي قولتي ان برة اسوأ من هنا انا خايفة
نيرة بدموع متخافيش طول منا جمبك مش هخلي اي حد يأذيكي فاهمة
مكة بخوف فاهمة
نيرة بابتسامة كدابة يلا يا حبيبتي يلا بسرعة
كانت مكة ماسكة ايد نيرة وبيجرو هما الاتنين بسرعة بعد ما قدرو انهم يهربو من المدرسة لحد ما بعدو خالص ووقتها وقفو ياخدو نفسهم وكانت نيرة عقلها مشغول وبتبص حواليها بقلق وبتفكر هيروحو فين
مكة بخوف نيرة احنا هنروح فين هنفضل في الشارع
نيرة بدموع لا متخافيش هنشوف اي مكان نبات فيه
مكة بقلق بس احنا مش معانا فلوس ولا اي حاجة
نيرة وهي بتطلع فلوس من جيبها لا معانا يا مكة متخافيش
مكة بصدمة انتي جبتي الفلوس دي منين فهميني دلوقتي وليه صممتي اننا نهرب بعد ما كنتي رافضة الفكرة
نيرة بدموع كانت عاوزاني اسرق سلسلة مريم يا مكة ومقدرتش اعمل كدة فكان لازم نمشي بس لازم برضه يكون معانا فلوس عشان في الشارع محدش هيرحمنا
مكة بصدمة انتي سرقتي الفلوس دي من خلود
نيرة بسرعة لا يا مكة مسرقتهاش دي اجري علي تعبي طول الشهور اللي كانت بتخليني اشتغل بيها عندها خدامة انا اخدت حقي يا مكة
مكة بحزن اختها
نيرة بخوف وهي بتبص حواليها هنقعد في اي مكان للصبح كلها ساعتين والنهار يطلع بصي في هناك تحت الكوبري ده مكان تعالي نقعد هناك
راحت مكة ونيرة تحت الكوبري بس اتفاجأو بكذا حد نايم هناك ولما شافوهم كانو بيبصولهم بنظرات غريبة فخافت نيرة ومسكت ايد مكة وخدتها ومشيت كتير اوي
مكة بتعب نيرة انا تعبت اوي خلاص مش قادرة وجعانة وعاوزة انام كمان
نيرة بحزن معلش استحملي شوية بصي تعالي نروح في فندق هناك اهو يلا هنأجر اوضة للصبح
كانو لسة هيروحو بس سمعو صوت راجل من وراهم يا انسات معلش بس انا سمعتكم بالصدفة يعني فقولت افيدكم واضح انكم مش لقين مكان تباتو فيه فحبيت اقولكم ان الفندق ده الليلة فيه بالف جنيه ومعتقدش انكم معاكم المبلغ ده
نيرة بتردد انت متأكد طب هنروح نسأل ونشوف
الراجل بثقة والله براحتكم انا كنت معدي وسمعتكم بالصدفة ومش هفضل واقف كتير لو محتاجين مكان ويكون سعره حنين عندي مكان كويس ومش بعيد عن هنا
مكية بصت لنيرة بقلق وحيرة ونيرة هي كمان كانت محتارة اوي فاتكلمت بثقة مزيفة طيب واليوم بكام
الراجل بتفكير مش هنختلف ممكن اخد منكم 200 جنيه لليلة
نيرة بشك طيب ماشي فين المكان
الراجل بابتسامة تعالو ورايا يلا متقلقوش انا زي اخوكم
نيرة كانت قلقانة اوي بس مش بايديها حاجة تعملها فاخدت مكة ومشيت وراه وهو كان ماشي قدامهم وعلي وشه ابتسامة غريبة
..........................
كانت واقفة نيرة ومكة ماسكين ايد بعض والراجل واقف قدام بيت قديم شوية وبيخبط وشوية وفتحلته واحدة بس لبسها غريب
الراجل بابتسامة اهلا يا ست جواهر جبتلك بقي زبونتين
جواهر وعنيها علي مكة ونيرة مش بطال خد عمولتك اهي يلا ورينا عرض كتافك
الراجل بابتسامة وطمع من يد منعدمهاش يلا تعالو يا حلوين اتفضلو ده انتو هترتاحو هنا اوي دي لوكاندة اخر منجهة
نيرة بتردد متشكرين بس قولتلها علي سعر الليلة اللي اتفقنا عليها معاك
جواهر بمقاطعة تعالو يا قمرات مش هنختلف المهم انكم ترتاحو هنا
دخلت نيرة ومكة بتردد البيت واتفاجأو ببنات كتير اوي جوة بس كان لبسهم غريب
جواهر بابتسامة تعالو هوريكم اوضتكم ترتاحو والصباح رباح بس لمؤاخذة انتو من منين
نيرة بتردد من بلد بعيدة ولسة جايين هنا جداد يعني
جواهر بخبث وماله ده عز الطلب احب انا المقطوعين من شجرة دول حاكم دول اللي بينفعو يا منال وريهم اوضتهم
اخدتهم منال لقوضة في الدور التاني وقفلت نيرة الباب كويس عليهم
مكة بسرعة نيرة انا قلقانة اوي الست دي باين عليها غريبة وكمان المكان غريب اوي
نيرة بتفكير انا كمان حسيت كدة بس هنعمل ايه احنا مجبرين نفضل هنا للصبح احسن ما ننام في الشارع
مكة بخوف عندك حق بس هنعمل ايه بعد كدة هنفضل كدة من مكان لمكان
نيرة بتفكير ان شاء الله بكرة ربنا يحلها من عنده اهم حاجة ارتاحي يلا شوية بصي انا هنزل اجيب اي حاجة ناكلها ماشي انتي اكيد جعانة
مكة بسرعة اه والله انا جعانة اوي
نيرة بحب خلاص نامي انتي شوية وانا مش هتأخر بس اهم حاجة اقفلي علي نفسك بعد ما اخرج عشان ابقي مطمنة فاهمة
مكة بابتسامة حاضر يا حبيبتي متخافيش
ابتسمت نيرة بحب وخرجت من الأوضة وهي بتحسب هتجيب اكل ايه وهيتبقي معاها فلوس ايه بس فجأة وقفت مكانها عالسلم بصدمة بعد ما سمعت كلام جواهر مع بنت من البنات
جواهر
