احببت خادمة بقلم اسراء ابراهيم حصري علي موقع لمحة

اسكربت 
احببت الخدامة
شهد اسر راجع كمان يومين
شهد بصدمة حاولت تداريها طب ما يجي يا عليا يعني انا مالي اصلا
عليا بغموض يا سلام بزمتك مش فرحانة ده عدي عشر سنين يا شهد معقولة موحشكيش
شهد بتهرب وطي صوتك احسن حد يسمعنا يا عليا واوعي تنسي اننا هنا خدامين يعني اللي بتقوليه ده مستحيل يحصل وانتي عارفة ولو حد سمعنا دلوقتي هتبقي مصيبة
عليا بثقة انتي بتتكلمي كدة ليه انتي بجد ممكن تكوني نسيتي اسر يا شهد ده حب طفولتك معقولة
شهد بمرارة اكيد منستش يا عليا بس انتي قولتيها حب طفولة مش اكتر ولا اقل يعني راح لحاله اكيد لما كنت صغيرة مكنتش مستوعبة اني بنت الخدامة وهو البيه ابن صاحب القصر يعني فرق السما من الارض وزي ما قولتلك ده كان هبل عيال مش اكتر
عليا بثقة كدابة يا شهد مكنتش عنيكي لمعت لما قولتلك انه جاي اخيرا انتي لسة بتحبيه بس اللي مستغرباه ليه لأ بس انتي اه خدامة هنا بس متنسيش ان ليكي غلاوة عند عصام بيه صاحب القصر وجد اسر بيه وانك يعتبر اتولدتي واتربيتي وسطيهم يعني مش بيعتبروكي شغالة
شهد بنفاد صبر اتكملت ودموعها بتنزل بمرارة عليا قولتلك قفلي عالموضوع اسر مش ليا وانا مش اكتر من شغالة هنا ومهما قولتي ده مش هيغير الحقيقة يا عليا مش هيغير اني كنت السبب في ان اسر يبعد عن هنا ويسافر وانتي عارفة واللي هنا كلهم عارفين عشان كدة في منهم بيكرهوني وبيلوموني اني السبب واولهم مدام ريهام ام اسر بيه حتي عصام بيه صدق اللي حصل زمان وبحد انهاردة بيلومني اخ مش بلسانه بس بعنيه يا عليا
عليا بشفقة وحزن حبيبتي اهدي انا مقصدش اضايقك او افكرك انا قولت هتفرحي لما تعرفي انه راجع
شهد وهي بتمسح دموعها واديكي شوفتي بعنيكي اني مش هفرح يا عليا وان مفيش حاجة هتتغير برجوع اسر غير معاملة امه الوحشة ليا واللي هتبقي اسوأ ومش بعيد كمان معاملة اسر ليا بسبب اللي حصل فهمتي
عليا بحزن فهمت يا شهد انا اسفة
عليا بهدوء ولا يهمك انا خلصت هنا قفلي الأوضة وحصليني عالمطبخ عشان العشا
حبيبي مش مصدقة اننا هنرجع اخيرا مصر حقيقي وحشتني اوي
اسر بابتسامة حبيبتي

انا كمان حاسس زيك اوي يا سيلا ونفسي اغمض عين وافتح الاقينا في مصر
سيلا بابتسامة عارف ايه اول حاجة هعملها لما ارجع انا هروح ازور تيتة احسن وحشتني اووووي وهتجنن واشوفها
اسر بابتسامة طبعا يا روحي وانا هبقي معاكي عشان اشوف رد فعلها لما تشوف ريم بنتنا
سيلا بتوتر اكيد طبعا يا روحي انا هروح اطمن علي ريم بقي احسن نايمة بقالها كتير
اسر بعتاب انا عاوزك تهتمي بريم اكتر من كدة انتي تقريبا متعرفيش عنها حاجة يا سيلا متنسيش انك امها يعني المفروض محدش يراعيها غيرك مش تسيبيها للبيبي سيتر علطول ده انا بحس انها بتحبها ومتعلقة بيها اكتر منك
سيلا بغيظ ماهو عشان كدة انا مش هاخد البيبي سيتر دي معايا مصر انا هبقي اشوفلها واحدة تانية وبعدين انت مين قالك اني مش مهتمية بيها يا اسر انا اعرف عنها كل حاجة ومش شرط يعني اني اعمل كل حاجة ليها بنفسي عشان تحبني
اسر بتنهيدة براحتك يا سيلا انا بقولك عشان شايف ان البنت بعيد عنك عموما انتي ادري
سيلا ببرود ايوة بالظبط انا ادري ببنتي يلا هقوم انا اشوف الحجات اللي ورايا في الشغل عشان ابقي ماشية كل حاجة مخلصاها
اسر بيأس تمام يا سيلا وانا هقوم اكلم جدي اشوف عمل ليا ايه في المكان بتاع المستشفي اللي قولتله عليه
عالسفرة كانت بتخدم شهد وعليا علي كل الموجودي وكانو سامعين كل الكلام اللي بيدور
ريهام بفرحة مش مصدقة ان اسر خلاص راجع يا عمي انا فرحانة اوي
عصام بابتسامة اخيرا يا ريهام يارب بس ميفكرش يرجع تاني بس مش غريبة شوية اللي يشوف فرحتك دلوقتي ميقولش انها كانت فكرتك من البداية ان اسر يبعد
ريهام كشرت بضيق وردت بقصد وهي بتبص بغضب لشهد الي بتغرف الاكل والله انا مبعدتوش بمزاجي انا كنت خايفة عليه واكيد مصلحته تهمك انت كمان يا عمي ولا ايه
عصام بهدوء مصلحته عمرها ما كانت بأنه يبعد عشر سنين عن بلده واهله يا ريهام مش بلومك انك السبب بس انتي اللي كنتي مكبرة الموضوع وادي النتيجة الموضوع مخلصش علي دراسة ابنك برة بس ده وصل انه قعد عشر سنين بحالهم يعني عمر تاني يا ريهام معتقدش انك هتقدري تعوضيهم
ريهام بغيظ وهي بتبص لشهد بكره والله انا كان همي مصلحة ابني يا عمي ولو رجع بيا الزمن هعمل اللي عملته تاني ومن ناحية هعوض فانا هعوض فعلا متقلقش بكرة لما ابني يرجع واجوزه البنت اللي تليق بيه ويعيش معايا هو ومراته اللي هتكون من مستواه وتليق بيه وتعيش تحت طوعي وقتها هعوض كل السنين دي
عصام بيأس يا خوفي يا ريهام يا خوفي من احلامك احسن تتهد فوق راسك
شهد كانت بتسمع بس كأنها مش سامعة وحاولت تتجاهل نظرات ريهام ليها واول ما خلصت سابتهم ودخلت المطبخ علطول وبدأت تعيط وهي بتفتكر كل اللي حصل زمان لما كانت عيلة بنت 15 سنة
بعد كام يوم كانت واقفة عليا وشهد بيجهزو الاكل عشان وصول اسر وكان البيت كله تجهيز وكلهم فرحانين برجوعه
شهد بتعب انا خلصت يا عليا هطلع انا اوضب اوضة اسر بيه وانتي كملي السلطات ماشي
عليا بخوف لا يا شهد متسيبنيش انتي عارفة ان انهاردة يوم الخميس وهشام جاي طبعا بطلبات المطبخ
شهد بغيظ انتي هتجننيني هشام ايه ده اللي تخافي منه طب يفكر يقربلك وشوفي انا هعمل ايه هو الجواز بالعافية متخافيش يا بت واجمدي كدة
عليا بقلق انتي متعرفيش اخر مرة قالي ايه ده هددني يا شهد لو موافقتش هيشوهني
شهد بقوة طب يفكر يعمل حاجة اومال لو مكنش حتة سواق يعني بصي انا من رأيي انك تكلمي عصام بيه وانا متأكدة انه مش هيرضيه اللي بيحصل من الزفت هشام ده
عليا بخوف بس انا خايقة ميصدقنيش اصلا متنسيش ان هشام معاهم من زمان برضه مش هيصدقه انه وحش اوي كدة
شهد بثقة لا هيصدقو لانك انتي كمان معانا من وقت كبير وعارفين انتي ايه بالظبط
عليا بابتسامة ربنا يخليكي ليا يا شهد متعرفيش طمنتيني ازاي
شهد بحب متخافيش يا عليا انا جمبك ومش هتأخر هطلع اوضب الاوضة وانزلك علطول قبل الزفت ده ما يجي
عليا بطمأنينة طيب يا حبيبتي ربنا معاكي
طلعت شهد اوضة اسر عشان تروقها واول ما فتحت الباب جه في بالها زكريات كتير اوي كانت بتتخيل اسر وهو بيجري وراها وهما بيلعبو ولا لما كان بيضايقها وبيتعمد يشدها من ضفايرها وبعدين يصالحها مسحت شهد دموعها وبدأت تروق وخلصت بعد وقت مش كبير وقبل ما تقفل باب الاوضة وقفت تبص لصورة اسر وهي علي وشها ابتسامة عريضة بس اتنفضت من مكانها علي صوت ريهام الغاضب
ريهام بحدة انتي بتعملي ايه هنا انطقي 
شهد بتهتهة كنت بروق اوضة اسر بيه يا هانم والله
ريهام بعصبية انا مش منبهة عليكي الاوضة دي متعتبيهاش انتي مبتفهميش
شهد بخوف عصام بيه اللي طلب مني انا اللي انضفها وانا نفذت اوامره مقصدش اعمل حاجة
ريهام بتحذير اسمعي يا شهد دي اول مرة واخر مرة هتكلم معاكي بهدوء اسر تبعدي عنه نهائي انتي فاهمة لاني مش هسمح للي حصل زمان انه يحصل تاني فلو باقية علي لقمة عيشك هنا تبعدي عن اسر وتتجنبيه نهائي فاهمة ولا
شهد بحزن فاهمة والله ومتقلقيش مني انا في حالي وعارفة كويس حدودي
ريهام ببرود جدعة وعلي فكرة انا مبخافش وبعرف كويس اتصرف فمتخلنيش اتصرف معاكي واكون السبب في طردك من هنا وانتي فاهماني كويس
شهد بحزن وخوف حاضر يا هانم حاجة تاني
ريهام بقرف غوري من وشي يلا ااا
نزلت شهد ودموعها بتنزل غصب عنها وكل كلام ريهام بيتردد في عقلها وكانت مقررة من جواها تحافظ فعلا علي اكل عيشها
عليا كانت خلاص بتشيك علي الاكل وكل حاجة بس اتفاجأت بحد بيسحبها من ايديها فشهقت بخوف ورعب فكانت هتصرخ بس لقت ايد هشام سابقاها وكاتمة بوقها
هشام بتحذير وهو بيبعد ايديه عشان تتنفس لو فتحتي بوقك هتزعلي يا حبيبتي ماشي
عليا بخوف انت لو مسبتنيش انا هصرخ انت فاهم ابعد عني بقي
هشام بأعجاب واسيبك لحد تاني تؤ تؤ انتي
عجبتيني وانا مبسبش اي حاجة بتعجبني وبعدين قولتلك نتجوز انتي اللي رافضة خلاص استحملي بقي
عليا بدموع مش بحبك يا اخي هو الحب بالعافية اذا كنت انا بخاف منك ازاي هقبل اني اتجوزك ارجوك سيبني في حالي
هشام بثقة مش فارقلي بعدين هتحبيني يا حلوة ولا متحبنيش المهم انك تكوني ليا اسمعي انا هكرر طلبي وهطلبك من ابوكي بس صدقيني لو رفضتي المرادي انا هاخد اللي عاوزه غصب عنك ووقتها انتي اللي هتتحايلي عليا عشان اتجوزك فاهمة
عليا بصدمة انت حيوان انت بتقول ايه اتجننت ولا ايه
هشام بتحذير اعتبريه زي ما تعتبريه المهم اني زي ما قولتلك انتي ليا مهما عملتي سلام يا قطة
سابها هشام ومشي بسرعة ووقعت