احببت خادمة بقلم اسراء ابراهيم حصري علي موقع لمحة

انت طمني عامل ايه 
مراد كان بيتكلم وبيرد علي اسر وعنيه مركزة علي عليا اللي كانت داخلة بصنية العصير وبتبصله بتوتر
اسر باستغراب يابني روحت فين بكلمك
مراد بابتسامة احم معاك بس سرحت شوية شكرا يا انسة عالعصير الحلو اوي ده
عليا بخجل العفو بعد اذنكم
دخلت عليا بسرعة ومراد كان متابعها بابتسامة وكل ده واسر مركز معاه
اسر باستغراب قولي ان اللي شوفته ده مش صح انت معجب بعليا يا مراد انت اتجننت يا حضرة الرائد
مراد بقصد وليه لا طالما حبتها مش هيهمني هي مين ولا حتي هيفرق معايا المهم اني عارف ان قلبي اختارها 
اسر اتنهد بحيرة عندك حق بس اهم حاجة اتأ من مشاعرها قبل ما تتخدع يا صاحبي
مراد بثقة ولو هصدق قلبي برضه مهما شوفت بعيني منها
سرح اسر في كلام مراد وكان من جواه حاسس انه هيتجنن ومش عارف يصدق مين وليه
بعد كام يوم كانت واقفة عليا وحاضنة تليفونها بايديها وكانت اول مرة تحس انها مطمنة رغم انها بتترعب من هشام بس لمجرد ان رقم مراد معاها وسجلته عالفون بتاعها وانها بمكالمة منها هيجي يحميها ده مخليها في قمة سعادتها بس للاسف مكملتش لما هشام سحب الفون منها بسرعة من غير ما تاخد بالها فقلبها اتقبض
عليا بخوف انت مجنون هات تليفوني
هشام بغضب مش قبل ما نصفي حسابنا يا عليا وتقوليلي ابه اللي بينك وبين مراد ده عشان كل يوم والتاني ينط هنا وتقضوها نظرات
عليا بتوتر وقلق انت مجنون ايه اللي هيكون بينه وبيني انت عارف انا فين وهو فين
هشام بحدة يعني هو ده المانع عشان بس انتي خدامة وهو ظابط مش كدة
عليا بقوة مزيفة وانت مالك حتي لو فعلا في اعجاب مني ليه انت بتتدخل في حياتي ليه اصلا 
هشام بانفعال يبقي عليا وعلي اعدائي يا عليا وانتي اللي جبتيه لروحك وحظك الحلو ان مفيش حد في الفيلا يعني لوحدينا يا قلبي
مراد بلهفة اهدي متخافيش هو مش كدة 
عليا بانهيار ايوة ههو
مراد بغضب مكتوم طب اهدي وروحي استنيني في عربيتي يلا
جريت عليا علي عربية مراد وكانت قاعدة تعيط بخوف لحد ما شوية وجه مراد وركب هو كمان بس كان بينهج وباين عليه كأنه بيحارب
مراد وهو بينهج اهدي اوعدي انه مش هيتعرضلك تاني ومش هتشوفي وشه تاني اصلا
عليا بخوف انت عملت ايه

فيه اوعي تكون قتلته
مراد بانفعال وانتي خايفة عليه مثلا يعني ولا ايه مش فاهم
عليا بدموع انا خايفة عليك انت خايفة تدخل في مشكلة بسببي
ابتسم مراد بتلقائية وكأنه كان مستني يسمع اي حاجة من عليا تطمن روحه لا متخافيش انا علمته الادب بس انتي اهم حاجة تنسي اللي فات وتعملي حسابك انك مش هتشتغلي هنا تاني
عليا بخوف لا ازاي انا مليش حد ومش هقدر امشي و
مراد بتلقائية ماهو انا مش هوافق ان مراتي تشتغل في بيوت يا عليا انا لازم احميها واسعدها مش اشقيها
عليا بتهتهة وقلبها بيدق انت قولت مراتي انت بتتكلم بجد 
مراد بتكشيرة ايه مش موافقة يعني ولا ايه
عليا بابتسامة انا مكنتش احلم باللي بتقوله ده يا مراد بيه
مراد بصدمة من غير بيه دي ها وبعدين انا اللي مكنتش احلم اني اتجوز بنت في رقتك انا مكنتش مصدق اصلا اني اتعلق بيكي بعد مرتين بس شوفتك فيهم انتي متخيلة
عليا بابتسامة رقيقة انا بجد مش مصدقة متشكرة اوي انك ظهرت في حياتي يا مراد
مراد بسعادة وانا متشكر انك ادتيني فرصة اقرب منك واثبتلك اني بحبك من اول نظرة يا عليا
في الفيلا كانت واقفة ريهام هتتجنن ورايحة جاية بغضب ومستنية سيلا لحد ما لقتها
بتخبط عليها ففتحت ليها بسرعة وخلتها دخلت وقفلت الباب
سيلا ببرود خير يا طنط ريهام اديني جيت عاوزاني في ايه
ريهام بحدة انتي هتستعبطي يا بت فاكرة نفسك هتفلتي بعملتك انا بس كنت مستنية الوقت المناسب عشان اعرف اتكلم معاكي واصفي حسابي
ريهام بلا مبالاه حساب ايه اللي تصفيه انا معملتلكيش حاجة ايه يعني اتجوزت ابنك
ريهام بانفعال اتجوزتي ابني من ورايا كنتي زي الحية بتلفي حواليه وانتهزتي فرصة انه سافر وروحتي وراه عشان توقعيه صحيح حرباية
سيلا بغضب وانتي بقي الملاك البريئ مش كدة انتي كمان نسيتي عملتي ايه ولا تحبي افكرك نسيتي ايام ما كنتي بتكلميني وتترجيني افكر معاكي في حل عشان اسر ابنك يبعد عن شهد بنت الشغالة اللي كان متعلق بيها ورايح جاي وراها 
ريهام بسخرية اديكي قولتي بلسانك ان انتي اللي فكرتي وخططتي وبعدين تخيلي لو اسر عرف بعلاقاتك القذرة اللي كانت قبل جوازكم ولا تحبي اقوله انتي كنتي فين من شوية ايه اتصدمتي فاكراني هبلة يا حبيبتي انا بس عاوزاكي تفكري كويس في رد فعل اسر بما يعرف ان مفيش تيتة من اصله وانك بتروحي تقابلي عشيقك
سيلا بتوتر كدب هقوله انك كدابة ووقتها شوفي هيصدق مين فينا وخصوصا لما انا كمان اقوله انك هددتي شهد عشان تكدب وتقول ان اسر بيضايقها 
ريهام بحدة اخرسي ووطي صوتك ما كانت فكرتك وعشان كدة ما صدقتي انه سافر وجريتي وراه عشان تكملي لعبتك ويبقي ليكي بس بعينك انا هخليه يطلقك ويرميكي لما اعرفه حقيقتك
سيلا ببرود وريني شطارتك باي يا حماتي
قالت سيلا كلامها وفتحت الباب عشان تخرج بس شهقت بصدمة لما شافت اسر قدامها وباين عليه الغضب وفهمت انه سمع كل حاجة
سيلا بتهتهة اسر حبيبي انا هقولك وهفهمك والله انا
مكملتش سيلا كلامها لما ضربها اسر بالقلم علي وشها جامد فوقعت علي الارض من قوته
ريهام بتوتر اهدا يا اسر دي متستاهلش صدقني يابني
اسر بصوت قوي انتي طالق يا ريهام ولو شوفتك في اي مكان ولا فكرتي تقربي من البنت
صدقيني هخليكي تتمني لو مكنتيش شوفتيني في حياتك فااااهمة
سيلا برعب فاهمة فاهمة خلاص يا اسر ارجوك سيبني امشي
اسر بغضب غوري من هنا واياكي تفكري تقربي من اوضة ريم يلااااا
قامت سيلا بخوف وسابتهم وجريت وفي نفس الوقت بص اسر لامه بخزلان وضعف وهو مش مصدق اللي سمعه واللي قالته بلسانها انا كنت جاي عشان افهم منك ليه مفكرتيش فيا وحاولتي تقربي مني طول السنين دي بس للاسف اكتشفت انك متصلحيش تكوني ام اصلا مفيش ام هتخدع ابنها وتخليه يبعد عنها وعن بلده كلها عشان بتكره البنت اللي بيحبها انتي كنتي عارفة اني بحب شهد وعشان خوفك من اني اتجوزها عملتي كدة وظلمتيها وظلمتيني معاها خلتيني سنين كنت هتجنن واسأل نفسي ليه كدبت عليا وليه قالت اني عملت فيها كدة وهي عارفة ومتأكدة اني بحبها وعمري ما جه في بالي انك السبب ابدا انتي كنتي عاوزة الغني واسم العيلة تقدري تتمتعي بيهم لوحدك لاني همشي يا امي وابقي اقدري اتعايشي مع فكرة انك خسرتيني للابد 
ريهام بدموع اسر عشان خاطري يا حبيبي انا خفت عليك منها وعشان مصلحتك عملت كدة
اسر بغضب مكتوم لا متقوليش كدة انتي خوفتي علي شكلك واسم العيلة بتاعتك لكن عليا انا معتقدش وعاوزك تعرفي ان شهد بالنسبالي دلوقتي اقرب من الاول
مشي اسر وساب امه الندم ياكل فيها واتأكدت انها خسرت ابنها للابد بسبب طمعها وجحودها

بعد كام يوم كانت واقفة شهد وهي مبتسمة وعنيها علي عليا اللي قاعدة جمب مراد وهو بيطلب ايديها من عصام البيه الكبير وكانت فرحانة اوي عشان صاحبتها
عصام بابتسامة طبعا انا مش هسألك عن رأيك يا عليا لانه واضح عموما ربنا يسعدكم يا حبايبي وانت يا مراد تاخد بالك منها
مراد بابتسامة عليا في قلبي قبل عيني يا عمي واكيد هحميها بعمري
عليا ابتسمت بخجل وهي باصة لمراد بفخر وكانت سعادتها باينة علي وشها
اسر وهو نازل من فوق طب وانا يا جدي مش عاوز تفرح بيا
عصام بابتسامة والله ده يوم المني يا اسر بس انت متأكد ده انت لسة مطلق ليك كام يوم
اسر بابتسامة وهو باصص لشهد انا عمري ما كنت متأكد من قرار قد المرادي بس اتمني هي توافق
عصام بابتسامة لا من الناحية دي انا متأكد انها هتوافق ولا ايه يا شهد
شهد بصدمة ايه انا حضرتك بتكلمني انا يا عصام بيه
عصام بابتسامة طبعا بكلمك انتي مش انتي العروسة اللي طلبها اسر حفيدي
شهد بصت لاسر بصدمة واستفهام وهي مش فاهمة حاجة ازاي بيطلب ايديها وهو لحد من يومين كان بيتهمها وشايفها وحشة اكيد عاوز ينتقم
اسر بابتسامة بعد اذنك يا جدي هاخد شهد اتكلم معاها شويه وبعدين تقرر
اخد اسر شهد وطلعو برة الجنينة وكانت شهد هتتكلم بس اسر سبقها وقالها بتنهيدة ايوة يا شهد عرفت كل حاجة بس ليه ليه خبيتي عليا ليه مجتيش تعرفيني ان امي هددتك صدقيني كان هيفرق اوي
شهد بحزن خفت كان عندي امي اخاف عليها يا اسر لو طرودنا كنت هحس بالذنب وريهام هانم هددتني بقطع عيش امي ده غير الفضيحة مكنش هينفع اقف قصادها
اسر بحزن عارف وعاذرك واسف يا شهد علي كل حاجة واسف اني بعدت وسيبتك بس كنت مجروح منك علي قد حبي وتعلقي بيكي علي قد جرحي منك لما قولتي عليا كدة وقتها حسيت ان مليش مكان هنا
شهد بخجل
وانا مسامحاك وعذراك انا كمان يا اسر لاني لو مكانك اكيد مكنتش هطيق ابص في وشك وعشان كدة انا مصدقاك
اسر بابتسامة يعني افهم من كدة انك موافقة تتجوزيني
شهد بفرحة وخجل ايوة موافقة
ابتسم اسر بتلقائية ومسك ايد شهد وهو من جواه اسعد راجل في الدنيا وكانت متابعاهم من فوق ريهام بندم لانها حصدت نتيجة تدخلها في حياه ابنها وانها هي الوحيدة الخسرانة
تمت