احببت خادمة بقلم اسراء ابراهيم حصري علي موقع لمحة
بعمله
هشام من وراها اهلا بالبرنسيسة ايه البادي جارد بتاعك مش معاكي انهاردة يعني عشان يدافع عنك
عليا بقوة مصطنعة ايوة شهد البادي جارد بتاعتي ملكش فيه وابقي فكر بقي راذيني تاني عشان اسيبها عليك وانت عارف بقي هي هتعمل ايه
هشام بسخرية فكرك اني خفت من البوقين دول اللي قالتهم ليا تؤ تؤ انا لو عاوز فعلا اعمل حاجة محدش هيقدر يمنعني ولا حتي شهد بتاعتك ومن رأيي بقي تخافي عليها ده لو بتحبيها يعني بدل ما تلاقيها في مرة كدة اختفت وانتي عارفاني اعملها عادي
عليا بخوف وتهتهة كداب انت متقدرش تعمل حاجة انت فاهم انت اجبن من انك تعمل حاجة وعارف انا لو فكرت بس تتعرضلي هبلغ عصام بيه وهو يتصرف معاك وانا متأكدة انه هيصدقني لانه عارف انك مش راجل
اتجنن هشام من كلام عليا واهانته ليها وقرب منها بغضب بس هي جريت بخوف منه لدرجة لنها مخدتش بالها ان في حد وراها فخبطت فيه ومش بس كدة ده مسكت فيه بخوف وهي بتعيط وكأنه طوق نجاه
عليا برعب وتهتهة الحقني والنبي ابعده عني هيأذيني
مراد بهدوء اهدي يا انسة بس مين ده وبيجري وراكي ليه
هشام اما شاف عليا كدة اتجنن وقالها بغضب انتي بتعملي ايه ابعدي عنه والا
مراد بصوت قوي والا ايه انت مين اصلا وبتشتغل ايه هنا انطق
هشام بتوتر انا تبع البيه الكبير وخطيب عليا انت بقي مين
عليا برعب وهي بتبت في مراد اكتر لا والله مش خطيبي يا بيه صدقني ده بيضايقني وبيخوفني انه هيأذيني
مراد بهدوء طب اهدي ومتخافيش وانت اعتبر نفسك ضعت انت فاهم انا هوريك عاللي عملته
هشام بغضب وغيظ وانت مين اصلا عشان تقولي كدة وبعدين انت اصلا مين وداخل هنا كدة ازاي
مراد بسخرية انا النقيب مراد الالفي والبيه الكبير يبقي عمي واحب اقولك اني هخليك تتمني الموت ومش هتطوله
هشام بخوف انا اسف يا بيه والله انا انا كنت يعني
مراد بغضب اخرس وامشي من هنا وانا ليا كلام مع اللي مشغلك
هشام بص بضيق لمراد ولعليا بتوعد فهمته هي ولما سابهم ومشي عليا كانت بصاله بخوف
مراد برفعة حاجب ممكن تسيبيني بقي ده مشي خلاص ولا انتي عاجباكي البدلة ولازقة
بعدت عليا بخجل واحراج انا اسفة يا بيه محستش بنفسي من الخوف حقيقي اسفة
مراد وهو مركز في عيون عليا انتي مين بقي وايه حكايتك
عليا بسخرية انا مليش حكاية يا بيه انا يدوب حتة شغالة هنا لا راحت ولا جت بس الدنيا مش سايباني في حالي وبرضه بتبعتلي اللي يرازي فيا
مراد بهدوء ومين ده اصلا وتعرفيه منين
عليا بخوف ده سواق البيه الكبير ودايما بيضايقني و بس خلاص حصل خير
قالت كدة عليا بسبب خوفها من
هشام وتوعده ليها
مراد باستفهام وايه اتكلمي سكتي ليه مش بتقولي بيضايقك يعني ايه بقي خلاص
عليا بتهرب ولا حاجة بيضايقني وخلاص يعني مش هيكررها تاني عموما متشكرة لحضرتك بعد اذنك
مراد بسرعة استني انا حاسس ان في حاجة غلط لان خوفك مكنش طبيعي بس انتي ساكتة وانا مش هضغط عليكي خدي ده الكارت بتاعي في رقمي لو الواد ده عملك حاجة تاني قوليلي وانا هتصرف
عليا اخدت عليا الكارت بتردد شكرا يا بيه بس هو مش هيعمل حاجة تاني ولا هيضايقني تاني بعد اذنك
مشيت عليا وكان متابعها مراد باستغراب لان كلامها عكس خوفها اللي باين في عينيها وكمان ليه اخدت الكارت لو هي فعلا مش خايفة اتنهد مراد بحيرة وكمل طريقه لجوة الفيلا
شهد كانت واقفة بصنية الفطار و بتبتسم لريم اللي كانت بتلعب في اوضتها
ريم بطفولة ممكن تلعبي معايا
شهد بابتسامة طبعا انا عندي لعبة حلوة اوي هتعجبك تيجي نلعبها
ريم بفرحة اوك يلا
فضلت تلعب ريم مع شهد اللي كانت فرحانه اوي بيها ومخدتش بالها من اسر اللي كان واقف بيتفرج عليهم لحد ما انتبهت شهد لريم ل وهي بتناديله بابا
اسر بابتسامة حبيبتي بتعملي ايه مش نفطر الاول
ريم ببراءة انا اتعرفت علي شهد وكانت بتلعب معايا وحبيتها اوي تعالي العب معانا
شهد بتوتر بعد اذنكم هنزل اشوف انا اللي ورايا لو احتجتي حاجة يا ريم نادي عليا علطول
مشيت شهد بتتهرب من اسر وخرجت بسرعة من الاوضة بس وقفت مكانها لما سمعت صوته وهو بيخرج وراها
شهد بتردد افندم يا اسر بيه تؤمر بحاجة
اسر بسخرية بتهربي مني مش كدة خايفة تواجهيني يا شهد بعد اللي عملتيه معايا زمان
شهد بحزن انا
اسر اتعصب ومسكها من دراعها وهو بيكلمها بصوت حاد انتي كمان بتتعاملي معايا علي انك الضحية من الجانية ازاي قادرة تكوني بوشين كدة انتي حقيقي غريبة
شهد بمرارة حضرتك عاوز تقولي حاجة تاني يا اسر بيهولا امشي
اسر كان مستغرب برود شهد فاتعصب اكتر وشدها من ايديها وسحبها وراه اوضته وقفل الباب ووقفها وراه وحبسها بين ايديه وهو بيبصلها بغضب اتحول لاشتياق وهو مركز في عنيها
اسر برجاء قوليلي ليه عملتي كدة يا شهد اتكلمي
شهد بصدمة وحزن لو سمحت سيبني اخرج لو شافوني هنا معاك هتبقي مصيبة وهيبقي فيها قطع عيشي
اسر بسخرية خايفة علي قطع عيشك دلوقتي طب مش هتخرجي من هنا يا شهد الا لما تقوليلي ليه عملتي كدة زمان ليه كدبتي انطقي
شهد دموعها نزلت بحزن وهي بتبص في عيون اسر بندم انا اسفة والله اسفة وندمانة صدقني لو سمحت سيبني امشي
شهقت شهد بصدمة لما سمعت صوت ريهام ام اسر وهي بتقرب من الباب وبتخبط وهي بتتكلم بصوت عالي انت هنا يا اسر جدك قالي انك مخرجتش وكنت عاوزة اتكلم معاك
شهد حطت ايديها علي بوقها بخوف وهي بتعيط وبتترجي اسر بعنيها انه ميتكلمش وميعرفهاش انها معاه في الاوضة
اسر بسخريةايه خايفة اعرفها انك معايا في اوضة واحدة ومكنتيش خايفة زمان ليه لما قولتي انك كنتي معايا ومهمكيش
شهد برجاء ودموع عشان خاطر ربنا بلاش يا اسر ارجوك
اسر بهمس يمكن دموعك دي زمان كانت بالنسبالي حاجة لكن دلوقتي ولا تفرق معايا ايوة يا ماما ثواني وهفتحلك
قلب شهد اتقبض لما بعدها اسر من ورا الباب وفتح الباب لامه اللي شهقت بصدمة لما شافت شهد معاه في الاوضة
ريهام بحدة انتي بتعملي ايه هنا انطقي يا زبالة
اسر بجدية كنت بتكلم معاها يا ماما ها كنتي عاوزة ايه
ريهام بعصبية غوري علي تحت وحسابي معاكي بعدين يلاااا
جريت شهد بسرعة وخوف وهي بتعيط ووقف اسر متابعها بحيرة
ريهام بقلق اسر انا مش عاوزاك تختلط بالبنت دي نهائي ولا انت محرمتش من المرة اللي فاتت اديك سوفت كانت اخرتها ايه سافرت واتغربت
اسر بسخرية قصدك ايه يا امي علي اللي حصل زمان مش كدة لية برضه مصدقين اني عملت كدة مش كدة
ريهام بلهفة لا طبعا انا مصدقة ان البت دي تعبانة حية وكلنت بتلف عليك
عشان توقعك وترفعها من لقب خدامة عشان كدة لعبت عليك كانت فاكرة انها لما تقول كدة احنا هنصدقها بس علي مين انا عشان عارفة خليتك تبعد عنها وسفرتك برة فهمت بقي اني فاهمة كل حاجة
اسر بتفكير فعلا شكلك كان عندك حق وانا اللي كنت غبي ومش فاهمها صح
ابتسمت ريهام بفرحة وهي شايفة تأثير كلامها علي اسر ووقتها جه في بالها سيلا وانها لازم تتكلم معاها
شهد كانت واقفة بتعيط بخوف في اوضتها وكانت من جواها متأكدة ان ريهام مش هتعدي اللي حصل وهتخليها تمشي من الفيلا وهي للاسف مالهاش حد تروحله او تلجأله بس مكنش كل ده مهم بالنسبالها قد نظرات الاتهام في عيون اسر اللي كانت محاوطاها كانت بتتمني لو تقدر تتكلم بس للاسف قامت شهد ومسحت دموعها بسرعة لما سمعت صوت مراد بينادي فخرجت بسرعة
شهد بابتسامة اهلا مراد بيه اتفضل
مراد بابتسامة طيب كويس انك لسة فاكراني يا شهد انا قولت نسيتوني
شهد بابتسامة لا طبعا ازاي حضرتك متتنسيش اكيد بس انت طولت الغيبة اوي المرادي لعله خير
مراد بضحك طب والله فيكي الخير يا شهد مش زي الواطي ابن عمي هو فين صحيح
شهد بتوتر هطلع ابلغه ان حضرتك عاوزه استأذنك ثواني
مراد بزعل يا بنتي ايه الرسميات مش عاوز اسمع كلمة بيه دي تاني هزعل منك يا شهد بجد
شهد كانت هترد بس سبقها اسر اللي رد بانفعال شهد بتعملي ايه عندك مش وراكي شغل ولا ايه واقفة بتهزري وتضحكي
شهد بحزن انا اسفة بعد اذنكم
مراد برفعة حاجب وده من امتي ده ان شاء الله جاي سانن سكاكينك عالبت ليه يا اسر ده اللي اتفقنا عليه انا مش قولتلك لو ده اللي في دماغك متجيش احسن
اسر وهو بيسلم علي مراد غصب عني يا مراد ما انت كنت معايا لحظة بلحظة عموما سيبك وحشتني اوي يا راجل
مراد بعتاب كان نفسي اقولك انت اكتر بس انا زعلان منك يا اسر انت مش شايف اي حاجة غير انك تداوي جرحك مهما كان التمن ايه
اسر بتهرب بقولك ايه سيبك مني يا مراد وخلينا فيك
