عشقت ابن عمي بالاجبار بقلم اسراء ابراهيم حصري علي موقع ايام
المحتويات
على أول خطوة مفيش داعي نبدأ كده
ليل بخيبة امل ودموع محبوسة أنا اخترتك بقلبي وانت اخترتني بعقلك أنا حبيت وانت رتبت
أنا صدقت وانت حسبتها يا اسر مش دي الحقيقة
أسر بتوتر وهو بيحاول يفهم أكتر
انتي سمعتي حاجة مش كدة
ليل بضحكة صغيرة باهتة وهي بتقعد على طرف السرير سمعت اللي كنت مستنية أسمعه من سنين بس مش بنفس الشكل يارتني ما سمعت
أسر بيقوم يقف قصادها ليل انتي سمعتي كلامي في التليفون! صح
ليل بترد ببساطة وهي بتبصله في عينه أخيرا آه سمعته وفهمته يا اسر
أسر بيرتبك وبيرد بتردد وسكتي غريبة ليه عملتي كدة
ليل بقهرة عشان دي كانت صفقة بيني وبين نفسي أنا اللي اخترت وكنت عارفة إن حبك مش موجود فمش من حقي أعاتبك لاني استاهل اللي بيحصلي
أسر بتنهيدة بس أنا ما قصدتش أوجعك اه كنت بخطط عشان نوح بس برضه كنت شايفك أقرب واحدة
ليل وهي بتقاطعه شايفني بس مش حاببني وده كفاية
وبعدين إحنا كتبنا الكتاب خلاص وده معناه إننا هنتعايش فمش لازم نعيش زي القصص
أسر وهو متلخبط مش ده اللي كنت متوقعه منك كنت فاكرك هتبقي ليل اللي بتحبني اللي هتحسسني إني في بيت حقيقي
ليل بنبرة مكسورة بس ماسكة نفسها بس اسمع انت مهما بعدت أنا هكون أم لنوح وهكون زوجة محترمة قدام الناس بس متطلبش مني اكتر من كدة انت فاهم
أسر اتسمر في مكانه ومش قادر يرد أول مرة في حياته يحس إنه خسر حاجة قبل حتى ما يكسبها اما ليل فدموعها نزلت بصمت
ليل بهدوء أنا مش هكون تقيلة عليك ومش هعاتبك ولا هفكرك بكلامك اللي كسرني بس كرامتي فوق قلبي يا اسر وطلع ان امي كان عندها حق عشان كدة
سكتت ليا و رجعت مكانها على السرير و دخلت تحت الغطا وحاولت تنام اما أسر فكان واقف في مكانه مش عارف يتحرك او يتكلم لان ليل عندها حق في كل كلمة قالتها
بعد كام يوم كان أسر فيهم بيرجع البيت متأخر زي كل يوم بيتعمد يتأخر في شغله ومشاويره عشان يهرب من البرود اللي شافه من ليل من أول يوم وهي قصاد ده بتقوم بدورها كزوجة مسؤولة عن البيت وأم لنوح ولرهف بس ولا لمسة حنان ولا نظرة اشتياق كل حاجة محسوبة كانت بتتعمد تعامل اسر برسمية وكأنها بتعاقب نفسها مش اسر
وفي يوم بيرجع أسر من الشغل يفتح الباب علي امل إنه يلاقي تغيير بس نفس المشهد بيتكرر
أسر وهو بيدخل السلام عليكم
ليل من المطبخ بصوت عادي وعليكم السلام
نوح بفرحة وهو بيجري علي اسر بابااااااااااااااااااااااااا!
أسر حبيبي وحشتني قوي
نوح بابتسامة طب تعال نلعب أنا وانت وماما!
أسر بيبص على ليل ماما مشغولة يا نوح سيبها دلوقتي
نوح بزعل طب ماهو انت لما تلاعبنا هي هتضحك عشان هي علطول بتعيط وزعلانة وانا خايف عليها
أسر بيركز مع الجملة ويبص على ليل اللي واقفة وبتقطع خضار بس إيدها بتتهز كأن الكلام لمسها من جوة فبتمسح دموعها وبتخرج
ليل بابتسامة كدابة ليه بتقول كدة يا نوح انا بس تعبانة شوية بس خلاص خفيت وعشان تصدق يلا نلعب
نوح بفرحة هيييه ماما وافقت يلا بقي يا بابا
ليل بابتسامة طب خليه يغير هدومه الاول وانا هطمن علي رهف اختك وبعدين نلعب ايه رأيك يا حبيبي
نوح بابتسامة ماشي بس بسرعة يا بابا
اسر وعنيه علي ليل ماشي يا حبيبي تعالي معايا يا ليل عاوزك جوة
دخل
أسر بجدية ممكن نتكلم
ليل جدية خير يا اسرانا مقصرة في حاجة مع الاولاد ولا حاجة
أسر بيقرب منها أنا مش جاي أتكلم في حاجة من دي أنا جاي أتكلم عننا
ليل باستفهام مش فاهمة قصدك عننا اللي هو ايه انا قصرت معاك في حاجة
أسر بضيق أه مقصرة يا ليل مقصرة في وجودك في إحساسك في نظرتك حتى انتي فين أنتي فين من اللي كنا فيه
ليل بضحكة خفيفة بس كلها وجع اللي كنا فيه تقصد زمان لما كنت بشوفك من بعيد وأفرح لو ابتسمتلي ولا تقصد لما كنت بحكيلك عن أي حاجة وأنت تقوللي انتي زي أختي يا ليل
أسر باحراج ليل أنا مش قولتلك قبل كتب الكتاب إن الظروف غيرتني وإن نوح كان محتاجك و
ليل بتقاطعه وإنت إنت يا تري كنت محتاجني يا اسر
أسر سكت ومعرفش يرد وهي قربت منه لأ عشان تبص في عينيه كويس
أنا وافقت بإرادتي يا اسر منكرش إني وافقت وانا عارفة انك اتجوزتني عشان ابنك بس مكنتش اعرف انك اضطريت تتجوزني عشان هو ميتاخدش منك يعني غير كدة مكنتش هتفكر حتي لو عشان ابنك وعموما انا مقولتش حاجة وسكت حتي بعد ما عرفت ومش عشان بحبك لأ عشان قررت أعيش بكرامتي حتى لو قلبي بيتكسر بسببك بس نوح ملوش ذنب في كل ده وهو ده اللي مخليني ساكتة وراضية
أسر بنظرة فيها ندم انتي مش عارفة إنتي غيرتي كل حاجة جوايا ازاي بس لازم تعرفي إن حتى سكوتك مؤلم ليا لاني قبل كل حاجة انتي قريبة مني وانا بعزك
ليل بهدوء يبقى ده إحساس جديد عليك تخيل ان ده الطبيعي بتاعي يا اسر اني بتألم دايما لانك مش شايفني عموما انا مش عاوزاك تحس بالذنب وصدقني انا تمام بعد اذنك بقي هخرج عشان
قالت ليل كلامها وسابت اسر وخرجت وكان متابعها هو بحيرة وضيق من نفسه لانه السبب في كل ده
بعد شوية كان نوح قاعد على الأرض وسط اللعب بيضحك بصوت عالي وأسر واقف وبيبتسم بخبث وهو ماسك عربية بلاستيك وبيقلد صوت مطاردة
أسر وهو بيجري بيها ناحية نوح
هوبااا العربية دي جاية تاكل الأطفال اللي بيضحكوا وضحكتهم حلوة زيك
نوح بيصرخ
لاااا! مش هتاكلني! يا بابااااااا!
ليل من وراهم
دي عربية جعانة بقالها يومين يا نوح شكلها مش هتسيبك!
ضحك أسر بصوت عالي وهو بيطارد نوح حوالين الركنة والولد بيجري ويستخبى اللي قعدت على الأرض وفتحت ايديها ليه
نوح بصوت طفولي وهو بيستخبى
ماما هتحميني وانت مش هتعرف توصلي
أسر واقف قدامهم
لا ده كدة نوح اتحبس رسمي ومامتك معاك كمان يبقى الاتنين هيتاكلوا!
ليل بضحكة حقيقية لأول مرة من جواها
طب استنى استنى يا اسر انا هافدي نوح بنفسي
قامت بسرعة وجريت بعيد وفضلت تبص وراها تضحك وهي بتقوله
يلا يا اسر أنا الطعم سيب الولد واطلع ورايا!
أسر ضحك وجري وراها ونوح بيصوت ويشجع وهو فرحان باللعبة وليل بتضحك من قلبها لحد ما اتزحلقت فجأة وهي بتجري وكانت هتقع بس إيد اسر كانت أسرع
اتمدت إيده بسرعة وسندها من ووقعت جوا قلبه فكانت
منها اوي
الضحك فجأة سكت ونوح واقف بيتفرج مش فاهم ليه الاتنين فجأة اتجمدوا
اما
انتي كويسة
أسر بصوت هادي
ليل
وقفت ثواني بس ملفتش ليهو قالت بسرعة
انا هحضر الأكل لنوح يلا يا حبيبي
وسحبت نوح من إيده ومشيت بس صوت خطواتها أسرع من العادي ونفسها
هربانة
اما أسر فكان واقف متسمر وعينيه متعلقة بيها
متابعة القراءة
