عشقت ابن عمي بالاجبار بقلم اسراء ابراهيم حصري علي موقع ايام
وهي ماشية
وكان شايفهابس مش ك ليل بنت عمه اللي وافقت تراعي ابنه لا ك ليل اللي دخلت حياته فجأة غيرتها
بعد كام يوم كانت ليل واقفة في المطبخ بتحضر كوبايتين عصير وهي بتحاول تتماسك قدام أمها اللي بقالها نص ساعة بتسأل وتدقق وتفتح في المواضيع اللي هي مش عايزة تفتحها أصلا
فاتن بقلق
يعني يا ليل مافيش حاجة مافيش حتى لمحة كده بينكوا طمنييني يا بنتي
ليل بابتسامة
في احترام وهدوء وهو بيعاملني كويس يا ماما ده اهم حاجة
فاتن بغيظ
إنتي فاكرة إني ما بفهمش أنا شايفة بعيني يا بنتي وانتي صعبانة عليا عارفة إنك بتحبيه بس هو مش دريان كأنك مش موجودة أصلا
ليل بهدوء خارجي
هو بيحاول والله يسعدني وأنا مش طالبة أكتر من كده يمكن الأمور تتحسن
فاتن بشك
ولا يمكن إنتي اللي بتحاولي تقنعي نفسك إنك تمام قوليلي يا بت
قبل ما ليل ترد الباب اتفتح ودخل أسر ومعاه بنت جميلة شعرها نازل على كتافها لبسها شيك وعينيها فيها ثقة وماسكة لابتوب في إيد وشنطة في التانية
أسر بابتسامة
مساء الخير أهلا بحضرتك يا مرات منورانا
فاتن وعنيها عالبنت
اهلا بيك يا اسر
أسر بتوتر وهو بيبص لليل
دي ريم زميلتي في الشغل يا ليل كنا في المكتب بس عندنا تسليم ضروري النهاردة واحتجنا نكمل هنا شوية لو مفيش مانع طبعا
ليل بصوت واطي
طبعا لا اتفضلوا اهلا وسهلا بيها
بصت فاتن لبنتها بسرعة وعينيها كلها لوم وعتاب
دخل اسر وريم المكتب وليل دخلت وراهم بعد شوية وجابتلهم قهوة وبعدين جات بعصير وبعدها بطبق فاكهة كل حركة كانت فيها تقطيع من جواها بس وشها ثابت وبرود صوتها كان بيغطي على النار اللي جوا قلبها
زأسر كان بيبصلها كل شوية ويحاول يفهمها بس مش لاقي الطريقة
شكرا يا ليل مكنتيش تعبتي نفسك
ريم باحراج
ايوة بجد انتي تعبتي اوي معانا تسلم ايديكي
ليل بصوت هادي لريم واتجاهلت اسر
العفو يا انسة ريم ده مكانكلو أي حاجة ناقصة قوليلي
خرجت وسابتهم بس وهي ماشية حست بنظرة اسر ليها بس اتجاهلتها تماما
وبعد شوية أسر خرج وراها ولقاها في المطبخ واقفة قدام الحوض بتغسل المجات وهي سرحانة
أسر بهدوء وهو واقف وراها
احم ليل
ليل من غير ما تبصله
نعم يا اسر في حاجة ناقصة
أسر قرب شوية بتوتر
كنت عايز أقولك ريم زميلتي فعلا ومضغوطين في الشغل ومكانش قصدي أحرجك لما يعني جبتها هنا
ليل بهدوء بس صوتها مكسور
إنت مش قاصد تحرجني خالص دي حياتك وشغلك وقراراتك أنا مليش دخل فيها
أسر بتنهيدة
بس إنتي زعلتي صح
ليل بصتله بعتاب
أنا لا أنا اتعودت على كل حاجة
كلامها وجعه أكتر من أي صريخ حس إنه ضيع حاجة وهو مش واخد باله
أسر بصوت همس
أنا آسف لو كنت سببتلك أي وجع
ليل بهدوء
الوجع مش منك من نفسي والله لو سمحت امشي بقي روح لضيفتك
اتنهد اسر بضيق وسابها ورجع مكتبه ووقتها دخلت فاتن وهي كلها غيظ
فاتن بصوت عالي شوية
إزاي توافقي إزاي ترضي تدخلي واحدة عندك ومع جوزك كمان! فين كرامتك يا ليل
ليل بصوت مخنوق
أنا خلاص مش فارق معايا مش قادرة أدافع ولا أقاوم أنا خلصانة يا ماما لو سمحتي متضغطيش عليا اكتر من كدة
فاتن زعلت عليها
بس أنا شايفاكي شايفه حبك في عينيكي لسة ومتأكدة إنك موجوعة يا بنت بطني وده اللي حذرتك منه
ليل باندفاع
أيوه يا ماما موجوعة وعايشة وخلاص
فاتن بقلب موجوع
مينفعش تكتمي جواكي يا ليل الحزن والقهرة لو اتكتمو بيموتو القلب وبيموتو صاحبهم معاهم
قبل ما ترد ليل لقوا صوت الباب بيتفتح فخرجت ليل تشوف فس ايه واتفاجأت بريم واقفة لوحدها
ريم بابتسامة خفيفة
أنا آسفة لو ازعجتك بس أسر قالي إنك تعبتي وطلب مني أمشي ونكمل شغل اون لاين
ليل اتلخبطت
آه لا ولا يهمك وانا فعلا تعبت فجأة اتمني متزعليش
ريم بابتسامة
لا خالص على فكرة ولو تسمحي اقولك حاجة اسر كان بيبصلك طول الوقت وعقله مشغول ىيكي لما تعبتي وشكله بيحبك اوي خليكي جنبه شكله فعلا بيحبك
ليل بخحل واحراج
متشكرة لزوقك ونورتيني حقيقي
مشيت ريم ورجعت ليل للمطبخ لقت أسر واقف قدامها حاطط إيده على الترابيزة وعينه فيها ألف حاجة
أسر بندم
ليل أنا آسف ومش ناوي أكرر دا تاني انتي مراتي ومكنش يصح اني اجيب اي حد البيت بدون اذنك وعلمك
ليل بتبصله وهي مش مصدقة
إنت بتقول كده عشان حسيت اني اتضايقت
اسر بابتسامة اكيد زعلك فارق معايا واوعدك اني مش هقلل منك تاني بالشكل ده ده بيتك ولازم يكون عندك علم باللي هيجي فيه
ليل كانت فرحانة اوي لان اسر اهتم بزعلها وفرقت معاه ويمكن ده خلاها تحس ولو بأمل بسيط فابتسمت بتلقائية وهي بصاله وهو وقتها حس بحاجة غريبة وهي ان ابتسامتها خلته سعيد وراضي عن نفسه وقد ايه بتفرق معاه وكانت متابعاهم فاتن اللي كانت فاهمة اللي بين السطور وبقي عندها امل كبير انهم يتقابلو اخير في نقطة واحدة
كانت قاعدة قدامه على السفرة بتحرك المعلقة في فنجان القهوة وهي سرحانة وهو بيبصلها من فوق اللابتوب ملامحه فيها تركيز مش طبيعي بس مش على الشاشة عليها هي
أسر بجدية مصطنعة
ليل إنتي فاضية يوم الخميس اللي جاي
ليل باستغراب
الخميس آه عادي بس ليه
أسر بهدوء
عندنا حفلة نجاح للمشروع اللي كنت شغال عليه الفترة دي فالشركة دعتني أنا وكل التيم ففكرت إنك تيجي معايا
ليل اتلخبطت
يعني عاوزني أنا! طب ما تاخد حد من زمايلك
أسر باصرار
أنا قلت هاخدك إنتي وبعدين انتي مش بتحبي المناسبات ولا إيه
ليل بكسوف
لا بحبها بس مش متعودة بس عادي هبقى محتاجة أجهز لبسي وكده
أسر بتلقائية
متأكد إنك هتبقي مبهرة زي عادتك
ابتسمت ليل بخجل وقامت بهروب وهي بتقول
اانا
مشيت ليل وكان متابعها اسر بتنهيدة كلها حيرة
يوم الخميس في الحفلة كانت ليل داخلة جنبه فستانها بسيط مع مكياج ناعم و شعرها نازل على كتافها وعيونها كانت بتلمع
كل ما يعدو على مجموعة ناس أسر يحس بنظراتهم عليها وكل ما تبتسم مجاملة لأي حد يحس بنار في قلبه بس كان بيسكت لحد ما وقفوا قدام ترابيزة التيم بتاعه وأسر كان بيقدمها لزمايله
أسر
اقدملكم ليل زوجتي
الكلمة طلعت تقيلة منه مش لأنه مش مقتنع لا لأنه حاسس لأول مرة إنه عايز الناس تعرف إنها ليه
رحبو زمايله البنات بيها بس فجأة جه شاب من وراهم
الشاب بابتسامة اعجاب
دي أكيد مش أول مرة تيجي حفلات زي دي أنيقة جدا
ليل بكسوف
شكرا ودي أول مرة فعلا
الشاب بتلقائية
طب ممكن تشرفيني
وتشربي كوباية العصير دي
أسر كان واقف جمبهم وبص لزميله من فوق لتحت وصدره بيطلع وينزل بس ما اتكلمش لان ليل ردت عليه هي
ليل بابتسامة مهذبة
أنا مع جوزي بس شكرا لزوقك
الشاب باحراج
ما هو ما قالش حاجة ففكرت إن مفيش مانع
وقبل ما يكمل أسر اتكلم أخيرا وصوته كان فيه غل
أسر بحدة
لا فيه مانع وكبير كمان ولا ايه يا محترم
الناس كلها سكتت فجأة و الشاب اتلبش فقاله اسر بغضب
عشان لما تبقى مراتك واقفة جنبك ماينفعش حد يقرب منها بالشكل ده بس باين إنك متعرفش الحدود
الشاب باحراج
أنا آسف ماكنتش أقصد إهانة يعني يا اسر
أسر بصوت ناري
أنت
قصدت تبين اعجابك بيها قدامي وأنا مش هسمح بكده
فخلي بالك المرة الجاية هخلي شكلك اوحش من كدة
الشاب مشي بسرعة والناس حواليهم حاولوا يخففوا التوتر بس ليل كانت مصدومة
فبصت له لقيته بيحاول يتحكم في اعصابه
ليل بصوت واطي
أسر إنت كويس
أسر بصوت متلخبط
لا مش كويس أنا حاسس إني كنت هفقد أعصابي
ليل بتلقائية
ليه الموضوع بسيط ومش مستاهل كل ده
أسر بانفعال
بسيط لما حد يبصلك بالشكل ده ويكلمك قدامي ويضحك معاكي! كدة يبقي بسيط علي اساس انك مش مراتي ولا ايه
اتوترت ليل وسكتت بس اتفاجأت بكلام اسر اللي خلاها ترفع عنيها ليه بصدمة
أسر بحيرة
أنا عمري ما كنت كده ما كنتش بغير ولا بتوتر بس النهاردة غيرتي خضتني
ليل بصدمة
غيرتك
قرب منها اسر وصوته بدأ يهدا
كل تفصيلة فيكي النهاردة كانت بتوجعني من كتر ما أنا شايفك حلوة وشايف الناس بتبصلك وأنا أنا حاسس إني عايز اخدك وأمشي بيكي بعيد عن أي حد
عينيها دمعت لانها لأول مرة تسمع الكلام ده منه
ليل بصوت مهزوز
بس إحنا كنا متفقين حياتنا هابقي ازاي مع بعض واننا نعيش سوا بهدوء
أسر بهمس
أنا مبقاش عندي هدوء لما بشوفك قلبي بيتلخبط ولما حد يبصلك قلبي بيتجنن ولو حد فكر يقرب منك ممكن أكسر الدنيا
فضلوا واقفين كده لحظة وهي مش قادرة ترد وهو مش قادر
ليل بخجل وتوتر
طيب ممكن نمشي
أسر ابتسم
آه نمشي بس المرة دي مش علشان أهرب من اللي حسيت بيه علشان أعيش اللحظة معاكي
خرجوا من القاعة وفي العربية وهو سايق كان كل شوية يبصلها في المراية وهي باصه من الشباك بس قلبها بيدق لانها حاسة بنظراته اللي محاوطاها
أول ما وصلوا وليل نازلة من العربية لقاها بتقف لحظة
ليل بصوت متوتر
اسر انا كنت عاوزة اقولك علي حاجة غيرتك دي وجعتني بس وجعها حلو بالنسبالي
بصلها باستغراب وسألها
يعني إيه وجعها حلو مش فاهم يا ليل
ليل بابتسامة
يعني حسيت إني لسه ليا قيمة عندك
قالت كلامها وسابته ودخلت
وهو فضل واقف قلبه بيدق لأول مرة بصدق وحاجات كتير جواه بتتغير
بعد فترة كانت ليل قاعدة في أوضتها بعد أيام من الفتور اللي رجع بينها وبين اسر كانت قاعدة بتقلب في النوتة اللي كانت بتكتب فيها مشاعرها طول الوقت صفحة ورا صفحة فيها اسمه و فيها وجعها والاوقات اللي كان بيغير فيها عليها وحست وقتها انها مالكة الدنيا بس خافت تكون لحظة عابرة ويرجع يندم فقررت وقتها تبعد
انتبهت ليل لخبط باب اوضتهم
ليل من غير ما تبص
الباب مفتوح
دخل أسر وباين عليه ان شكله مرهق بس عينيه بتلمع
أسر بصوت هادي
كنت متردد أدخل بس ماقدرتش امنع نفسي اكتر من كدة
ليل بفتور من غير ما تبصله
عايز حاجة يا اسر
أسر بثقة
عايزك إنتي يا ليل
سكتت وبصتله لقته واقف فعلا وباين انه صادق لان ملامحه فيها حزن وندم وشوق
أسر بحيرة وتعب
جربتي تبعدي وانا معترضتش وانا جربت أعيش على الوضع الهادي اللي كنا ماشيين فيه بس من بعد اللي حصل في الحفلة قلبي ماعرفش يهدى لانه عرف انتي ايه بالنسباله يا ليل
قرب منها و قعد على طرف الكنبة قدامها
أسر بتنهيدة
كنت خايف أقولك إنك بقيتي كل حاجة حسيتك مستكترة عليا إن قلبي يدق تاني بس انا بقولك اهو انتي خلتيني أعيشه من جديد
ليل بصوت واطي وهي بتحاول ما تعيطش
طب ليه بعدت من الاول ليه سبتني اتحرق بنار البعد انت عارف من امتي وانا بتمني قربك سيبتني واتجوزت غيري ومع ذلك فضلت احبك وعشان كدة كان صعب عليا اني اصدق انك حبتني وكمان بتغير عليا
أسر بلهفة وهو بيقرب أكتر
انا بعدت في الاول عشان كنت غبي بس مش هكررها تاني أنا جيت النهاردة مش بس أعترف جيت أطلبك
ليل اتلخبطت
تطلبني
أسر طلع علبة خاتم من جيبه
جوازنا بدأ بطريقة غريبة بس خليني أنهيها بداية جديدة خاتم على إيدك مش بس جواز ده وعد إني هعيشلك وأحبك وأغير عليكي
ليل بدموع فرحة
يعني حبتني بجد يا اسر
أسر بص في عينيها وقال
أنا من زمان بحبك بس كنت بكابر لاني كنت غبي وفاهم اني بحبك بطريقة تانية
سكتت لحظة وبعدين مدت إيدها وحطت إيدها على قلبه
أنا قلبي تعب كتير اوي بس لسه بيحبك يا اسر
أسر بحب
وهتفضلي تحبيني
ابتسمت ليل بفرحة كنت مراهنة انك هتحبني يا اسر وفوزت بالرهان
ابتسم اسر وهي لأول مرة من غير مقاومة حقيقي فيه كل المشاعر اللي كانت مستخبية تمت
