اسكريبت عشقت رحيم كامل بقلم اسراء ابراهيم حصري علي موقع ايام
المحتويات
وانتي واقفة
ملك
المهم انتو تعيشو مبسوطين
روضة سابت إيدها ببطء وطلعت من الأوضة وقبل ما تقفل الباب بصتلها بنظرة وجع وقالت
انا اسفة يا ملك بس مش هقدر اسكت واسيبك تدمري حياتك انا هحكي لرحيم علي كل حاجة
ملك وقعت على السرير وهي بتعيط بصوت مخنوق وقلبها بيتقطع لانها خايفة من رد فعل مرات عمها عفاف لما رحيم يعرف الحقيقة
..........................
تاني يوم كان الكل قاعد على السفرة تحت عند الجدة محاسن وملك كانت قاعدة في جنب ووشها شاحب وعيونها منفخة من كتر العياط طول الليلاما روضة فكانت قاعدة جنب هشام خطيبها وقلبها بيخبط في صدرها ناوية تتكلم مهما حصلبس متنية رحيم اخوها ينزل
وشوية و نزل رحيم وآخر واحد دخل على السفرة بص على الكل ببرود بس أول ما عينه جت على ملك قلبه وجعه فرجع بسرعة يبص في الأرض وراح قعد جنب عفاف امه
محاسن بنبرة هادية
تعالوا يا ولاد كلو لقمة حلوة الدنيا مش مستاهلة خصام وزعل.
روضة بصت لرحيم بنية إنها تتكلم فاخدت نفسها بالعافية
بس قبل ما تفتح بوقها فجأة رحيم رفع عينه وبص عليهم كلهم وصوته خرج بحدة وقصد
رحيم ببرود
على فكرة أنا قررت حاجة وأول مرة أخد قرار صح في حياتي ومش هارجع فيه
الجدة محاسن باستغراب
خير يا ابني
رحيم وهو عينه في عين ملك
أنا ناوي أخطب منار بنت خالتي الأسبوع الجاي هروح أنا وأمي ونطلبها رسمي.
اللي حصل بعدها كان صدمة الكل سكت حرفيا والدنيا وقفت حتى صوت النفس اتقطع.
ملك عينيها اتزغللت ودموعها كانت واقفة على طرف رموشها بتحاول بكل قوتها تمسك نفسها فعضت على شفايفها ومنعت شهقة كانت هتطلع
اما روضة اتسمرت مكانها أول ما سمعت عن ارتباطه بمنار اتخضت وبصتله بصدمة
روضة بصوت مبحوح
إيه رحيم بتقول إيه انت بجد هتعمل كدة
عفاف ضحكت ضحكة كلها شماتة
أيوه يا حبيبي عين العقل بنت خالتك بنت ناس ومتربية وأهلها ناسنا واللي زيها تشيلك فوق راسها
ملك دموعها نزلت وحاولت تهدي نفسها ولما سمعت روضة بتتكلم وكانت هتقول كل حاجة مدت إيدها ومسكت إيد روضة تحت السفرة وشدتها جامد فروضة بصتلها بصدمة وعنيها بتدمع
روضة بصوت مخنوق وهي بتقرب منها بهمس
ملك سيبيني أتكلم ماينفعش كدهرحيم لازم يعرف
ملك شدت إيد روضة أكتر وبنظرة كلها قهر ودموع هزت راسها ب لا.... بلاش بالله عليكي اسكتي
روضة عضت على شفايفها وهي بتحاول تمنع نفسها بالعافية قلبها بيتقطع وهي شايفة ملك بتموت قدامها حرفيا
رحيم لاحظ حركة روضة وملك فقلبه وجعه للحظة بس رجع شد نفسه وبص قدامه ببرود
رحيم
أنا خلاص مابقتش مستنى حد اللي باعني يبعد وميرجعش واللي هونت عليه هيهون عليا.
ملك دموعها نزلت غصب عنها راحت مسكت منديل من جيبها ومسحت دموعها بسرعة
الجدة بحزن
طب استنى يا ابني وفكر
رحيم وهو بيضحك بمرارة
فكرت يا تيتة فكرت كتير بس خلاص منار كويسة وأمي بتحبها وأهو اللي فات مات.
عفاف ابتسمت بارتياح وبصت لملك بشماتة
أيوه يا حبيبياهو كده الكلام ربنا يتمملك على خير
ملك بصت لعفاف بنظرة كلها وجع وبعدين بصت لروضة بنظرة رجاء
ملك بهمس وهي بتعض شفايفها
بلاش بلاش تحكي لو بتحبيني اسكتي
روضة دموعها نزلت وهي مكسورة فبصت لرحيم وقلبها بيتقطع
روضة في سرها
إزاي إزاي هتتجوز غيرها وهي هنا قدامك وانت مش شايف غير قهرك
رحيم وقف فجأة وقال بحدة
أنا شبعان هطلع فوق عندي شغل.
مشي رحيم وملك فضلت قاعدة مكانها ماسكة دموعهاو عفاف فرحانة وبتبص ليها بقرف وشماتة
اما روضة فقاعدة مشلولة مكانها والدموع نازلة من غير ما تحس
روضة في سرها
قسيت يا رحيم قسيت أوي وجعتنا كلنا بس أنا مش هسكت
..............................
في شقة رحيم كان واقف بيدخن سيجارة وعنيه فاضية.. سرحان بعيد لحد ما سمع صوت خطوات بتقرب.. فبيلف يلاقي روضة واقفة قدامه مترددة ماسكة إيديها في بعض وبتبصله بحيرة
رحيم ببرود
ايه اللي جابك يا روضة لو جاية توصلي كلام من ملك فمفيش داعي.. اللي بيني وبينها خلص ومش محتاج حد يصلحه
روضة بتردد وحزن
لا.. لا أنا.. مش جاية عشان كده.
رحيم بنبرة قاسية
يبقى جاية ليه! ولا جاسة تقنعيني وعاوزاني أرجع للي باعت قلبي بإيديها!
روضة بصوت مبحوح
رحيم.. انت مش فاهم.. انت فاهم كل حاجة غلط..ارجوك افهم
رحيم يضحك بسخريه
أنا فاكر كويس.. هي سابتني ودورت على مصلحتها.. وانتي جاية تزودي وجيعتي تانيبس انا مش هتنازل عن قراري وهتجوز يا روضة
روضة بتقرب خطوة ودموعها بتلمع في عنيها
ملك مظلومة.. والله العظيم غصب عنها
رحيم اتجمد مكانه.. صوتها كإنه نبهه.. فلف وبصلها بحدة
رحيم بشك
انتي تعرفي حاجة أنا معرفهاش! انطقييا روضة
روضة ارتبكت.. واخدت نفس ولسة هتتكلم بس فجأة صوت عفاف امها قطع اللحظة وهي طالعة من وراهم
عفاف بصوت عالي كله تهديد
روووضة!!
رحيم لف بسرعة وهو و روضة
اللي وشها شحب ولقت عفاف بتقرب منها بسرعة وتمسك دراعها وبتشدها بعيد عنه
عفاف بعصبية
ايه الهبل اللي كنتي هتقوليه عليه ده! جايبة آخرك وعاوزة اخوكي يتذل لبنتي! البت رمته يا روضة.. رمته ومبصتش وراها حتي.... وانتي جاية تلمي وراها!
روضة بصوت واطي وهي بتبص لرحيم بتترجاه بعنيها
يا رحيم ..صدقني مش كده
عفاف بتشدها أكتر
لا.. كده.. واسمعيها مني يا بت.. لو فتحتي بقك بكلمة تانية.. والله لأوريكي.. هتبقي خسرتي كل حاجة.. رحيم ابني عنده كرامة
رحيم واقف مكانه.. عنيه بتتنقل بين عفاف وروضة.. قلبه بيوجعه من اللي سمعه وفي نفس اللحظة شاكك إن في حاجة أكبر من كلامهم كله.. بس مش قادر يطلعها
رحيم ببرود يخبي قهره
روحي يا روضة خلاص انا وملك قصتنا انتهت من بدري
عفاف بتضحك بسخرية وتشد روضة غصب عنها وبتمشي.. وروضة تبص لرحيم والدموع بتغرق خدودها.. بس تسكت.. تسكت وهي قلبها بيتقطع
.....................................
يوم قراية فاتحة رحيم علي منار بنت خالته كان رحيم نازل ببدلته شكله مكابر بس عينه فيها وجع قلبه بيصرخ بس ملامحه حجر.. فجأة يقابل ملك طالعة قدامه.. بتقف مكانها مصدومة لما تشوفه بالبدلة وكأن دخل قلبها بتبصله بنظرة وجع وندم.. وهو يقف لحظة وعينه تتسمر عليها بس بسرعة يرجع يمسك نفسه ويكمل طريقه بس هي توقفه بصوتها الناعم الحزين
ملك بصوت مبحوح
مبروك يا رحيم..
رحيم بيقف مكانه عينه في الأرض ثواني كأنه بيحارب نفسه بعدها يرفعها ليها
رحيم بجمود
الله يبارك فيكي.. عقبالك.
ملك بتحاول تبتسم بس شفايفها بترتعش
أنا.. بتمنالك السعادة يا رحيم.. بجد.
رحيم يضحك ضحكة مالهاش صوت ضحكة كلها وجع و يهز راسه بقهر
سعادتي.. كنت زمان بحلف إن سعادتي مستحيل تكون مع حد غيرك..
بس طلعت غلطان..
غلطان أوي..
لاني اكتشفت إن القلب ممكن يدق تاني..
وأهو.. دق.
ملك بتحاول تمسك نفسها وتنزل دمعة صغيرة بس بسرعة تمسحها كأنها بتتحدى نفسها وتحاول تتكلم بس صوتها يطلع مكسور
أنا.. فرحانة علشانك.. عشان انت تستاهل حد يحبك ويصونك.
رحيم يضحك بس في عنيه دموع ويقرب خطوة صغيرة كأنه عاوز يحط كل وجعه في وشها
وأنا كمان بتمنالك السعادة..
وياريت نسمع خبر ليكي قريب..
مع اللي سبتيني عشانه.
ملك بتتجمد وعينيها توسع وهي بتبصله بصدمة
أنا!
مع حد!.. أنا معرفش حد يا رحيم..
رحيم يضحك ضحكة موجوعة زيهز راسه بعصبية
متضحكيش عليا.. أنا يمكن
متابعة القراءة
