اسكريبت عشقت رحيم كامل بقلم اسراء ابراهيم حصري علي موقع ايام
المحتويات
كنت غبي زمان واصدق
إنما دلوقتي لا..
أنا شايف وعارف..
أنتي سيبتيني عشان حد تاني..
وعادي سبتيني أضيع.
ملك بدموع محبوسة
والله ما في حد.. ولا عمري عرفت حد..
رحيم يقرب منها أكتر صوته واطي بس حاد
أنا مابقتش أصدقك..
حتى لو اقسمتيلي ..
أنا خلاص.. انتهيت من جواكي..
ملك بتحاول تتكلم وتمسك إيده تترجاه يفهم بس هو يبعد إيده بسرعة كأنه لمس نار
متحاوليش..
النهاردة يومي..وأنا رايح أخطب..
رايح للي شايفاني راجل.. واللي عمرها ما فكرت تبيعني..
ملك بتنهار ودموعها بتنزل أخيرا بس بتحاول تمسك نفسها
أنا ما بعتكش..والله
رحيم بوجع قاتل
لا يا ملكبعتيني.. وكسرتيني..بس خلاص..
أنا هكون سعيد.. غصب عنك..
وغصب عن كل اللي خلاني أوصل لليوم ده.
سابها واقفة وكمل نزوله.. وهي انهارت على السلم ودموعها نازلة قلبها بيتكسر حرفيا..
ملك لنفسها
أنا بحبك.. والله بحبك..
........................
يوم خطوبة رحيم كانت ملك قاعدة على طرف السرير عينيها فاضية.. بتقلب في الفستان اللي جابته من سنين وحلمت تلبسه يوم فرحها على رحيم..و روضة دخلت عليها والدموع مالية عنيها..
روضة بصوت مخنوق
ملك.. بالله عليكي.. بالله عليكي متروحيش..أنا عرفاكي.. قلبك ضعيف.. وانتي مش هتقدري..
هتقفي قدامه وهتتكسري أكتر..
أنا خايفة عليكي يا ملك.. اسمعيني المرة دي.
ملك بتبتسم بوجع
أنا مكسورة يا روضة.. انتي خايفة عليا من إيه
فيه أكتر من اللي حصلي
كل يوم بموت فيه ألف مرة..
كل يوم بفتكر نظرة عينيه.. وافتكر إني سيبته بإيدي..وانه شايفني مش كويسة
روضة تدمع أكتر
ملك.. انتي فاكرة إنك لما تروحي هترتاحي خلاص.. رحيم بقى لغيرك ليه تعملي في قلبك كده
ملك بتبص على الفستان وتلمسه بحنية
لإن قلبي خلاص مات يا روضة..
أنا مش رايحة أرجعه..
ولا رايحة أستنى منه نظرة..
أنا رايحة أودع الحلم اللي عشت عليه سنين..عاوزة أشوفه للمرة الأخيرة.
روضة بتنهار وتوقع على الأرض قدامها
ملك.. بترجاكي..
لو بتحبيني.. متروحيش..
أنا مش قادرة أشوفك وانتي بتتكسري كده قدامي..
أنا اللي عايشة معاكي كل ليلة..
أنا اللي بصحي على صوت بكاكي كل يوم..حرام عليكي يا ملك.. حرام عليكي نفسك..
ملك تمسك وش روضة بكل حنية وتمسح دموعها
أنا تعبت يا روضة..
بقيت كل يوم أصحى وأدعي ألاقيه حلم وعدى..
بس مش بيعدي..
أنا لو مرحتش.. هفضل عايشة على أمل كداب إنه هيرجع..
إنه لسه مستنيني..
عاوزة أقطع الأمل ده بإيديا..
عاوزة أبصله وهو بيخطب وأقول لنفسي انتهى.
روضة تهز راسها بالرفض وهي بتبكي بحرقة
ارجوكي متروحيش
ملك بشك مالك يا روضة هو في حاجة انتي مخبياها عليا
روضة بتعيط ومش قادرة تقولها الحقيقة
لا مفيش بس مش عاوزاكي تتوجعي
ملك بابتسامة باهتة
متقلقيش مش هموت يعني انا بس عاوزة اشوفه
روضة هزت راسها والدموع مغرقاها وهي عارفه إن ملك مش هترجع بعدها زي ما هي.. وإن اللي جاي أصعب بكتير..
.................................
ملك بتدخل القاعة وسط الزينة والناس قلبها بيرتعش وهي بتبص بعنيها وبتدور عليه لحد ما شافته قاعد قدام المأذون.. بيكتبوا الكتاب..
رحيم حاطط إيده في إيد جوز خالته.. ملامحه ميتة.. عينيه مطفية.. بيكتب وهو كأنه بيعدم نفسه
ملك اتجمدت مكانها..وهي بتفتح عينيها على آخرها.. بتحاول تصدق إن ده بيحصل فعلا.. تتصدم بالحقيقة اللي روضة كانت بتحاول تخبيها عنها..
ملك بصوت مخنوق بينها وبين نفسها
مش خطوبة.. كتب كتاب.. كانوا مخبيين عليا.. روضة كانت عارفة وخافت عليا.. عشان كدة كانت مش عاوزاني اروح
عينيها بتدمع وبتحاول تمسك دموعها وهي بتبص عليه بعتاب وكأن قلبها بينزف وكل الذكريات بتمر قدامها زي شريط طويل..
اما رحيم كان بيبص بعينه بعيد بيهرب من اللي هو فيه لحد ما يشوفها
نظراتهم بتتلاقي.. هو قلبه يدق بعنف.. عينيه تلمع للحظة.. بس هي بسرعة تلف وتبعد وتجري برة القاعة وتتفاجئ بعفاف واقفة مستنياها.. واقفة بشماتة وعنيها مليانة انتصار.
ملك بانهيار
دلوقتي ارتحتي ارتحتي يا مرات عمي لما فرقتي بيني وبينه.. لما كسرتيني وهددتيني بسعادة أخويا وأخته..دلوقتي بقيتي مبسوطة وأنا بتفرج عليه وهو بيكتب كتابه على غيري
أنا مش مسامحاكي..
مش مسامحاكي يا مرات عمي على كسرة قلبي دي..
ولا على اللي عملتيه فيا..
لإنك كنتي واثقة إني مش هتكلم..
كنت عارفة إني هبعد عشان صورتك قدامه..
عشان أمي اللي ماتت وسابتني لوحدي
عفاف بتضحك بشماتة وتقرب منها
أيوة.. فرحانة..
فرحانة إن ابني سابك.. وبعد عنك..أنا كنت هرضى أجوزه واحدة مريضة زيك
كل يوم تقرفه بعياطها ومرضها.. تخليه ميتهناش لا يا حبيبتي..
ودلوقتي.. زي ما شوفتي بعنيكي.. كتب كتابه خلاص..ابعدي عنه بقى.. وشوفي حالك بعيد عننا..
ملك بتدمع عنيها وتهز راسها بقهر
حاضر.. حاضر يا مرات عمي..
بس أنا مش مسامحاكي..
مش مسامحاكي.. لا على كسرتي.. ولا على ضياعه مني..
حست ملك بزغللة فظيعة.. والدنيا بتلف بيها.. وتحاول تمسك نفسها بس جسمها مايسندهاش.. فتقع
في ايد رحيم اللي كان جاي وراها لما شافها وسمع كل كلامهم.. ويلحق ملك قبل ما تقع في الأرضو يمسكها بسرعة بلهفة وصوت مبحوح
ملك!! ملك!! فوقي.. أنا هنا..
اما عفاف بتتجمد مكانها وهي بتشوفه وبيشيلها بحنية الدنيا كلها
عفاف بتوتر
رحيم!! سيبها..
رحيم يبصلها بعيون كلها غضب وقهر
إنتي اللي عملتي كده.. إنتي اللي كسرتيها..أنا سمعت كل حاجة ولينا كلام تاني بس مش دلوقتي
قال كدة رحيم وهو بيشيل ملك وعفاف متابعاه بصدمة
عفاف بصدمة انت رايح بيها فين وهتسيب عروستك انت اتجننت يا رحيم
رحيم بلا مبالاه
مشي رحيم بملك اللي شايلها وكانت متابعاه عفاف بصدمة وغضب وهي بتلعن ملك
........................
كانت عفاف داخلة البيت زي القنبلة الموقوتة عينيها مليانة شرار ووشها محمر من الغضب وبتتكلم بصوت عالي مبحوح من كتر الزعيق.
عفاف بصوت عالي
والله ما هاسيبها تعدي! وعمري ما هقبل يهين اسمي كده! يسيب كتب كتابه ويجري كده! فين الرجالة! فين الكرامة!
محاسن واقفة مكانها ملامحها جامدة بتحاول تلم أعصابها بس صوت عفاف كان بيعلى أكتر.
عفاف بغضب
عشان واحدة زي دي! عشان ملك! لا والله لو على جتتي ترجع حياته تاني!
روضة واقفة بعيد عنهم بتبص لأمها بصدمة بس لسانها غصب عنها نطق صوتها متقطع من العصبية
روضة بحدة
وإنتي فاكرة يعني اللي عملتيه كان قليل! فاكرة لما روحتي لملك وهددتيها! فاكرة لما خلتيها تمشي وهي مكسورة! إنتي اللي خربتي كل حاجة!
عفاف اتجمدت مكانها قلبها بيضرب بسرعة لكن عينيها مفيهاش ندم
عفاف بغرور
عملت اللي أي أم تحلم تعمله! خلصت ابني من واحدة ما تستاهلوش... وأنا واقفة على كلمتي... ملك دي ما تلزمناش.
محاسن فجأة صوتها جاب آخر الشارع نظرة الغضب في عينيها تخوف
محاسن بصوت قوي
بس كفاية! اسكتي... اسكتي يا عفاف... متجيبيش سيرة البنت تاني لو فيكي نقطة دم... لو فيكي ذرة قلب... كان زمانك عرفتي إنك خسرتي ابنك بايدك... أحمدي ربنا بقي لو رحيم فكر يبص في وشك تاني... انتي ضيعتيه... ضيعتي قلبه وعقله... وهو لو عقل... عمره ما يرجعلك.
عفاف بابتسامة باردة
لا يا حبيبتي... رحيم خلاص كتب كتابه... وبقى لغيرها... ملك مالهاش مطرح ف حياته... خلاص راحت عليها.
روضة بصتلها بصدمة عينيها دمعت من القهر وصرخت بانفعال
لا يا ماما! لا! انتي اللي انتهيتي! لو كان كتب كتابه بجد... يبقى ظلم نفسه... بس أنا واثقة إن القلب
ملك عمره ما هيعرف يحب غيرها... واللي زيك مستحيل يعرف يعني إيه حب...! زي لما مفرقش معاكي كلام جدتي لما قالتلك انك
متابعة القراءة
