ابن عمي المتشرد

سفيان ابن غريب اخوك ومراته اللي هي تبقي بنت اخوك التاني يروحو يرفعو قضية ونقدم فيها وصية جدك اللي عليها امضته وختمه وياخدو هما كل حاجة مترجعش تزعل

صابر بصدمة وصية جدي انت خونتني واتفقت معاهم يا حلمي

حلمي بثقة لا مسمحلكش انا لا يمكن هخون ضميري المهني يا صابر وانت عارف كدة كويس زي ما انت عارف اني كنت بدور علي غريب اخوك بقالي سنين عشان انفذ وصية جدك بعد ما كتبله نص املاكه عشان يعوضه عن كل حاجة والنص التاني قسمه بينك وبين ابنه التاني اللي هو ابو مليكة

صابر كان عارف ومتأكد انه لو محاولش يتفاهم معاهم كل حاجة هتروح منه فغصب عنه قرر انه يتفق

صابر بضيق والمطلوب مني ايه 

سفيان بجدية لايقة بيه انك تعترف بيا يا عمي وقدام الدنيا كلها عشان حتي ميطلعش شكلك وحش وثانيا بقي بما اني النصيب الاكبر في الشركة وباقي الاملاك بتضمين نصيب مراتي ليا يبقي حضرتك تتنازل عن رئاسة الشركة وهبقي انا رئيس مجلس ادارة شركة الرفاعي والمدير العام ليها

صابر بغضب وماله واكلع انا من المولد بلا حمص

سفيان بثقة والله ده مكانك الطبيعي بحكم نصيبك في الشركة والا عادي اشتري نصيبك وتقدر تفتح اي شركة تانية ليك وهاخدها بالسعر اللي تقول عليه

صابر بغيظ ماشي يا سفيان موافق اتنازلك عن نصيبي بس تسيبلي الڤيلا دي تديني مبلغ مالي يخليني افتح شركة تانية

مليكة بلهفة لا يا سفيان اوعي توافق انا الفيلا دي زكرياتي كلها فيها

سفيان بابتسامة متقلقيش يا حبيبتي انا مش هبيعها بأي تمن

ابتسمت مليكة سفيان بحركة تلقائية منها تعبيرا منها علي امتنانها ليه وسفيان اتوترت لكنه حاول ميبينش

صابر بسخرية والله ده اللي عندي والقرار ليكم

سفيان

بثقة هديك تمنها وتمن نصيبك في الشركة والقرار في ايدك انت بس وقتها مش عاوز اشوفك هنا غير بصفتك عمي وبس وهقابلك برضه كويس عشان صلة الرحم وبس

صابر بقلة حيلة موافق وخليلك انت صلة الرحم مش عاوزها

حلمي بابتسامة تمام اتفقنا بكرة تحضرو كلكم في مكتبي عشان نخلص الاجراءات وكل واحد ياخد نصيبه

مشي صابر بغضب اما نهال فمكنش عاجبها الاتفاق وحاسة انهم اخدو منها كل حاجة فبصتلهم بغضب وتوعد وسابتهم وطلعت اوضتها ووقتها جميلة و مليكة بعض بفرحة وكان متابعهم سفيان بابتسامة

........................................

بعد اسبوعين كان واقف سفيان في شركته اللي اخدها من صابر وكانت جمبه مليكة اللي كانت فرحانة اوي وبتبص لسفيان باعجاب وهو واقف وبيتكلم مع الناس وبيعرفهم بنفسه وانه غير عمه تماما والناس كانت فرحانة بيه اوي وبتسقفله بتشجيع وبعدين فجأة انتبت مليكة لاسمها اللي نطقه سفيان وهو بيعرف الناس بيها وانها شريكته وبنت عمه فرجعت كشرت تاني لما مذكرش انها مراته وتوقعت انه عمل كدة عشان عارف ان علاقتهم مش هتستمر

مليكة بتوتر ان شاء الله تلاقو معاملتنا غير اي حد شوفتوه قبل كدة واتمني تقفو معانا لحد كا نخلي الشركة اكبر شركة في مصر يلا اتفضلو علي شغلكم

سفيان بابتسامة لا تنفعي شريكة تصدقي 

مليكة بغرور مصطنع ايوة طبعا اومال ايه انت لسة شوفت حاجة يابني

قطع كلام مليكة صوت بنت جميلة وهي بتقرب منهم وبتوجه كلامها لسفيان وهي بتديله بوكيه ورد

شهد بابتسامة اهلا بحضرتك يا مستر سفيان حضرتك نورت شركتنا وانا متأكدة انها هتتغير للاحسن بقيادة حضرتك

سفيان بابتسامة جذابة متشكر جدا يا انسة ...

شهد باعجاب اسمي شهد وانا

السكرتيرة الخاصة لمكتب حضرتك ان شاء الله 

 

سفيان بسرعة طب كويس اوي بصي يا شهد بقي انا هعتمد عليكي عاوزك تعرفيني الشغل ماشي ازاي وايه اللي المفروض يحصل ويتعمل في الفترة دي انا هحتاجك جدا اتمني تساعديني وياريت محدش يعرف انك هتعلميني يعني 

شهد بفرحة طبعا يافندم شرف ليا اني اساعد حضرتك متقلقش هقولك كل حاجة تخص الشغل ومتقلقش سرك في بير

ضحك سفيان بتلقائية وشهد كمان ضحكت معاه وكانت متابعاهم مليكة بغضب وكانت مخنوقة اوي من كلام سفيان مع شهد وضحكهم مع بعض بالطريقة دي فسابتهم ومشيت من غير ما تقول اي حاجة وسفيان استغرب و نادي عليها بس هي مردتش عليه وكانت حابسة دموعها عشان متنزلش وتكشف مشاعرها وركبت الاسانسير ونزلت فيه وبقت تمسح دموعها بسرعة بس اول ما الاسانسير اتفتح اتفاجأت بسفيان قدامها وهو بينهج فاتخضت

سفيان بنهجان ممكن اعرف بقي مش بتردي عليا ليه وليه مشيتي اصلا وسبتيني احنا مش اتفقنا هنروح سوا

مليكة بغضب وصوت مخنوق معتقدش انك محتاجني يا سفيان عندك الانسة شهد هتعلمك كل حاجة انت مش محتاجني

سفيان باستغراب وايه علاقة شهد بالموضوع وبعدين هي هتعملنا احنا الاتنين مش انا لوحدي

مليكة بعند لا متشكرة انا مش محتاجة حد يعلمني ولو انت ناسي فانا خريجة ادارة اعمال يعني فاهمة وعارفة كل حاجة بس عمي اللي مكنش مديني فرصة ورافض اني اشتغل

سفيان بهدوء طب خلاص متزعليش انا مش قصدي حاجة انا يعني افتكرتك زيي طب ايه رأيك انتي بقي اللي تعلميني

مليكة بغضب لا انا مبعلمش حد عندك ست شهد انا ماشية

سفيان بضيق انا مش هسيبك تمشي لوحدك انتي جاسة معايا وهتروحي معايا اتفضلي قدامي

نفخت مليكة بغضب

ومشيت مع سفيان وهو كان متابعها بضيق وهو مش عارف ايه سبب زعلها منه

...............................

 اخر اليوم كان سفيان خلص كل شغله مع شهد اللي عرفته كل حاجة و مليكة مكنتش معاه كانت قاعدة في مكتبها اللي صممت انها تفضل فيه بعيد عن شهد السكرتيرة واللي هون عليها الوقت هو مدير مكتبها عمرو اللي كان قاعد معاها وبيفهمها كل حاجة تخص الشغل وحساباته فكانو مندمجين اوي وخصوصا ان عمرو دمه خفيف وكان بيخلي مليكة تضحك اوي في نفس الوقت اللي كان جاي سفيان وشافهم وهما قاعدين مع بعض بيضحكو والنار قادت فيه واتحولت ملامحه للغضب

سفيان بحدة ممكن افهم ايه اللي بيحصل هنا 

عمرو بتوتر اهلا سفيان بيه انا كنت بفهم الانسة مليكة تقاصيل الشغل

مليكة بغضب استني يا عمرو هو انت بتتكلم كدة ليه يا سفيان وايه قصدك مش فاهمة 

سفيان بانفعال انا قصدي واضح وصريح انتي ازاي تقعدي مع شاب لوحديكم وكمان بتضحو وتهزرو كدة مش فاهم 

مليكة بانفعال زي ما انت اديت الحق لنفسك وكنت قاعدة مع سكرتيرة مكتبك طول اليوم وبتتكلمو في الشغل مش كان شغل برضه ولا حاجة تانية 

سفيان بحدة انتي تقصدي ايه واصلا ازاي صوتك يعلي عليا 

مليكة بفضب قصدي واضح وصريح انا كنت بشوف شغلي زي ما انت كنت بتشوف شغلك واظن كل واحد وليه تخصصه فياريت تخليك في شغلك ومتدخلش في شغلي

سفيان بعصبية وصوت قوي صوتك ميعلاش انتي فاااهمة اتفضلي قدامي

مليكة خافت من صوت سفيان العالي واحراجه ليها قدام عمرو بالطريقة دي فدموعها نزلت ومشيت مع سفيان من غير ما تنطق بحرف

.............................................

عدي كام يوم من وقت اللي حصل ومليكة

مش بتكلم سفيان ولا حتي عاتبته عاللي عمله وبتعامله كأنه مش موجود بتروح الشركة لوحدها وبترجع لوحدها