ابن عمي المتشرد

ومش بتاكل معاه كمان عشان متشوفهوش كان داخل سفيان من باب الڤيلا وهو بيدور بعنيه علي مليكة بس كالعادة مكنتش موجودة وكانت قاعدة جميلة بتشرب قهوتها

سفيان بابتسامة ازيك يا مرات عمي 

و قاعدة لوحدك ليه كدة 

جميلة بعتاب الحمد لله يا حبيبي هعمل ايه يعني ما انت مزعل مليكة ومش مخليها حتي تقعد معايا علطول حابسة نفسخا في اوضتها

سفيان بتنهيدة انا والله مزعلتهاش انا بس اضايقت عليها وده كان غصب عني لانها مهما كان دي مراتي وطبيعي لما اشوفها قاعدة مع راجل وبتضحك وتهزر معاه اكيد هضايق وطلعت غضبي عليها

جميلة بهدوء يبقي مش قدام حد يا سفيان يا حبيبي مش بقولك كدة عشان جميلة بنتي بس معلش انتو ظروفكم غير وكمان مليكة طول عمرها مش بتختلط بحد فلو هي عملت تصرف ضايقك عاتبها بس بينك وبينها صدقني هتقدر هي ده وهتتقبل كمان كلامك لكن كدة انت جرحتها واحرجتها قدام الغريب فليها حق تزعل منك

سفيان بتفهم عندك حق يا مرات عمي اوعدك اني اصالحها حالا واطيب خاطرها

جميلة بابتسامة ياريت يا حبيبي وتحاول تأكلها احسن مكلتش حاجة بقالها كام يوم

سفيان بندم لا انتي ابعتيلنا بس غدا حلو وانا هخليها تاكل متقلقيش يلا انا طالع

.................................................

في اوضة مليكة كانت قاعدة بتقىأ روايتها المفضلة لما الباب خبط ووقتها استغربت مليكة وردت بصوت عالي نسبيا

مليكة بهدوء اتفضلي يا ماما

سفيان بجدية ده انا يا مليكة ممكن ادخل

مليكة بغضب لا انا هنام ممكن تمشي بقي 

دخل سفيان ومليكة اول ما شافته قامت بغضب وهو وقتها اتصدم من شكلها بالبيجاما الحرير اللي كانت لابساها وشعرها اللي عاملاه كحكة عشوائية نازل منها خصل فكانت قمر اوووي

مليكة بغضب انا مسمحتش ليك انك تدخل اتفضل اطلع برة انا مش عاوزة اشوفك

سفيان ببرود والله انتي مراتي يعني من حقي ادخل زي ما انا عاوز

مليكة بغضب وانا مش هفضل مربوطة بيك اكتر من كدة فطلقني بهدوء وكدة كدة خلاص انت اخدت حقك ياريت بقي تسيبني في حالي وتبعد عني

سفيان بندم انا اسف يا مليكة صدقيني انا مقدرتش اشوفك وانتي بتضحكي وبتهزري مع راجل تاني انتي مهما كان حتي لو جوازنا صوري فلازم تحترمي انك متجوزة وتراعي

مليكة بغضب ودموعها بتنزل وهي بتشاور بايديها في صدر سفيان انا اللي عملت كل ده انت عاوزني اراعي شكلك قدام الناس وانت حتي معملتش ابسط حاجة هو انك تعرفهم اني مراتك قولت قدام الشركة كلها اني بنت عمك بنت عمك وبس يا سفيان كنت مستنية اسمع باقي الكلام وتقولهم اني مراتك لكنك سكت عاوزني احفظ شكلك وكرامتك وانت واقف ومراتك اللي بتقول عليها واقفة جمبك وحتي مراعتش شعورها وكنت بتضحك وتهزر مع السكرتيرة بتاعتك وجاي تلومني انا لا يا سفيان انت اناني عشان مش قابل عليا اللي قبلته علي نفسك

كان سفيان بيسمع مليكة وهو مش متخيل انه جرحها بالشكل ده وانها عندها حق في كل كلمة قالتها لانه هو اللي عمل كدة كان بيفكر ازاي كان غبي وفاته كل ده من غير ما يقصد هو من جواه مقصدش انه يخفي جوازهم خالص عشان كدة مسك ايد مليكة وتبت فيها رغم انها كانت بتحاول تبعده

سفيان بندم هشش اهدي ان ااسف والله اسف انا فعلا كنت غبي مش عارف ازاي فاتني كل ده حقيقي اسف يا مليكة

مليكة بشحتفة لو سمحت طلقني انا من انهاردة مش هقدر اكمل كدة من انهاردة كل واحد حر في حياته وتصرفاته بس طلقني

سفيان قلبه اتقبض من كلام مليكة وكأن عقله رافض تماما الفكرة دي

سفيان بتهرب طب هعملك اللي انتي عاوزاه بس اهدي يا مليكة صدقيني انا ماخدتش بالي من كل ده انا كنت بتصرف بتلقائية معرفش اني كان لازم اخد بالي من حجات كتير اوي زي دي اعذريني جايز اللي انا مريت بيه هو السبب واوعدك اني اصلح كل حاجة بس انتي انسي فكرة الطلاق دي عالاقل دلوقتي لحد ما كل واحد فينا يحقق طموحه في الشركة ونثبت نفسنا فيها

مليكة وهي بتبعد وبتسمح دموعها تمام يا سفيان لو سمحت سيبني لوحدي وياريت بعد كدة تعاملنا يكون في حدود الشغل اللي بينا وانا اوعدك اني مش هتدخل في تصرفاتك وانت كمان كدة

سفيان بتكشيرة يعني ايه يا مليكة انتي عاوزانا نتعامل مع بعض علي اننا اغراب 

مليكة بحزن احنا فعلا اغراب يا سفيان انت متعرفش عني حاجة غير اني مراتك علي الورق و بنت عمك بس وانا كذلك فاظن خلينا كدة احسن

سفيان بندم تمام يا مليكة بس ممكن تاكلي عشان خاطري لو فعلا ليا غلاوة عندك

مليكة بجمود متشغلش بالك يا ابن عمي انا

سفيان ببص لمليكة بندم وسابها وخرج ووقتها هي مسحت دموعها اللي نزلت غصب عنها بحزن

.........................................

تاني يوم نزلت مليكة كالعادة في معادها قبل سفيان بس اتفاجأت بيه واقف مستنيها بعربيته قدام الفيلا فاتوترت وهي لابسة نضارتها اللي علي عنيها

سفيان بابتسامة صباح الخير يا مليكة اتأخرتي عشر دقايق بحالهم

مليكة بتوتر انا علي فكرة هروح لوحدي مش محتاجة انك توصلني فهاخد عربيتي

سفيان باصرار لا طبعا انتي هتروحي معايا في عربيتي والا مفيش مرواح اصلا في حتة ها تحبي تقرري ايه براحتك انا مستعد افضل هنا لبكرة

مليكة بضيق اوووف ماشي يا سفيان اتفضل يلا عشان هتأخر

ابتسمت سفيان بانتصار وركب عربيته وركبت جمبه مليكة وساق بسرعة وفضل يتكلم طول الطريق معاها وهي بترد عليه ببرود ولما وصلو اخيرا الشركة نزلت مليكة من العربية بسرعة بس قبل ما تدخل اتفاجأت بسفيان بيشبك ايديه في ايديها فبصتله بصدمة وقلبها دق فابتسم ليها ابتسامته اللي بتحرك قلبها

مليكة بضيق وخجل سفيان لو سمحت سيب ايدي حد يشوفنا

سفيان بغمزة وماله فيها ايه واحد ومراته

مليكة بخجل ايه اللي بتقوله ده وبعدين انت ليه بتعمل كدة

سفيان بهمس وهو بيقرب من مليكة  

مش دلوقتي هرد عليكي لما نبقي لوحدينا يلا بينا بقي

شبح ابتسامة ظهرت علي وش مليكة ومشيت مع سفيان وهي من جواها بتدعي ان احساسها يكون صح

.........................................

في المكتب كانت واقفة مليكة جمب سفيان اللي لسة متبت في ايديها وبعدين طلب شهد السكرتيرة بالتليفون فحاولت مليكة تبعد لكن اتفاجأت بسفيان 

شهد باستغراب نعم يا سفيان بيه حضرتك تؤمر بحاجة

سفيان بابتسامة وهو بيضم مليكة ليه اه يا شهد ياريت تجيبيلي ملف شركة الشرقاوي واطلبيلنا انا قهوة ومراتي عصير

شهد بصدمة هي مليكة هانم تبقي مرات حضرتك

سفيان بحب وهو باصص لمليكة طبعا دي مراتي وحبيبتي وشريكة عمري

مليكة قلبها كان بيدق وهي باصة لسفيان ومركزة في عنيه لدرجة انها محستش بشهد اللي خرجت

سفيان بهمس اسف يا مليكة قوليلي انك سامحتيني

مليكة بخوف انت ليه عملت كل ده يا سفيان اوعي يكون عشان

سفيان كان هيرد بس قطع كلامه دخول صابر عمه

سفيان بجدية اهلا عمي اتفضل

صابر بجدية كلامي معاك

يا سفيان مهم جدا انا جاي انهاردة عشان صفقة لو تمت صدقني هتنقلنا في حتة تانية 

سفيان باستغراب ايه العرض يا عمي ده اللي هيعجبني

صابر بابتسامة انك تطلق مليكة وانا اوعدك اني اديكي زيادة عن ورثك الطاق طاقين يعني ضعف اللي معاك دلوقتي

سفيان بغموض والسبب ايه تنتقم يعني مش كدة

صابر بتمثيل انا اعمل كدة في بنت اخويا لا طبعا انا هجوزها واحد ملياردير هيخليها ويخلينا في حتة تانية خالص ايه رأيكم دي صفقة العمر لينا احنا التلاتة

مليكة بصت لسفيان بخوف من انه يتأثر بكلام عمها ويطلقها فعلا بس هي اتفاجأت بيه بيقوم من مكانه وبيقرب منها وبيمسك ايديها كأنه بيطمنها لما شاف الخوف في عنيها وقرب منها وهمس

سفيان بهمس متخافيش انا جمبك

صابر بقلق ها قولت ايه يا سفيان 

سفيان بغضب مكتوم قولت انك لو مكنتش عمي كنت حاسبتك علي الكلام اللي قولته ده

صابر بسخرية ما بلاش الكلام الكبير ده انا عرفت ان جوازكم صوري يعني علي ورق وكان عشان بس تاخدو حقكم مني خلاص اعملو تمثلية كمان ونقب كلنا علي وش الدنيا

سفيان بغضب اطلع برررة حالا والا هتصرف معاك تصرف مش هيعجبك

بصلهم صابر بغضب وخرج بيأس ووقتها مليكة بصت لسفيان ودموعها محبوسة

مليكة بخوف انا خفت تسمع كلامه وتطلقني

سفيان بحنية اطلقك ايه بس انتي عبيطة انا لا يمكن هعمل كدة عشان انتي روحي يا مليكة ومحدش بيفارق روحه غير بالموت

مليكة بصدمة انت قولت ايه سفيان انت بتتكلم جد 

سفيان بتنهيدة طبعا بتكلم جد انا اصلا معرفتش اتكلم في حياتي كلها مع بنت واقولها الكلام اللي بقولهولك ده انتي الوحيدة اللي خلتيني انسان تاني حسيت معاكي اللي محستوش مع اي حد تاني غيرتي عليكي لمجرد اني شوفتك بتضحكي لراجل غيري كل ده خلاني اتأكد اني بحبك يا مليكة

مليكة بابتسامة خجل انا مش مصدقه ان الكلام ده كله ليا انا حاسة اني بحلم وانا صاحية سفيان انت بجد بتحبني يعني مش بتقولس كدة عشان صعبانة عليك

سفيان بابتسامة جذابة انا عمري ما كنت صادق اوي في مرة زي انهاردة بكلامي ليكي وبتمني تكوني انتي كمان بتبادليني

مليكة من فرحتها مردتش سفيان اللي دخل حياتها وخلي بقي ليها طعم ولون وده كان اكبر رد منها لسفيان اللي فهم و ابتسم بسعادة وهو ليه

تمت