عشقت ميكانيكية حصري على موقع لمحة بقلمي اسراء ابراهيم
اسكربت
عشقت ميكانيكية
كانت ماشيه نور بليل في وقت متاخر والدموع مالية عينيها مش عارفه تعمل ايه وقفت تبص للسما وتدعي ربنا
من خوفها على اخواتها الاتنين لانها المسؤله عنهم وكانت مش عارفة تعمل ايه في ايجار الشقة اللي قاعدة فيها هي وهما وخصوصا ان الراجل صاحب الشقة اداها مهلة قريبة لدفع للايجار ومش عارفة تعمل ايه وهي بتفكر انتبهت لصوت بنت واقفة جمب عربيتها وبتتكلم في التليفون
نرمين بارتباك يا نوح العربية عطلت وانا مش عارفه اعمل ايه دلوقتي الحقني
نوح بعصبية انتي بتعملي ايه ياهانم في الشارع دلوقتي انتي عارفه الساعه كام وايه اللي مخرجك بره لحد دلوقتي وازاي من غير ما تقوليلي
نرمين بخوف مفيش يا نوح بس انا واحدة صحبتي كلمتني وقالتلي انها تعبانة اوي و ودوها المستشفي فقلقت عليها وروحت اشوفها وخوفت اقولك بصراحة
نوح بغضب ابعتيلي اللوكيشن انا جاي حالا وبعدين نتحاسب يا نرمين يلااا
نرمين بلهفة حاضر يا حبيبي هبعتهولك حالا
نور من وراها في حاجه يا انسه تحبي اساعدك
نرمين بقلق لا مفيش حاجة انا حد زمانه جاي وهمشي مش هفضل واقفه كتير
نور بجدية عربيتك فيها حاجه اساعدك
نرمين برفض لا متشكرة قولتلك حد جايلي كمان شوية
نور بتنهيدة طيب ارفعي الكبوت كده متخفيش مش هسرقك
نرمين كانت مترددة وخصوصا لانها فاكرة ان نور شاب مش بنت وده بسبب شعرها القصير ولبسها اللي متعمدة تخليه يبين انها ولد وبعد تفكير نرمين وافقت
نور بجدية هااا جربي كدة
نرمين باندهاش اه تمام اشتغلت ميرسي
نور بصتلها وبصت للفلوس اللي في ايديها وسابتها ومشيت ففتحت نرمين باب العربية ونزلت وهي بتنادي علي نور
نرمين بجدية استنا يا كابتن
نور مردتش وفي نفس الوقت كان وصل نوح فنزل من عربيته وجري علي نرمين بقلق
نوح بسرعة في حاجه ضايقتك الواد ده عملك حاجة
ومن غير ما يفكر نوح وقبل ما نرمين ترد راح ناحية نور
نوح بحدة هي مش بتقولك اقف مش بتسمع ولا ايه انت
سكت نوح مرة واحدة وسرح في عيون نور العسلية اللي شدته وكانت مفاجاة ليه انها بنت مش ولد
نور بغضب اولا سيب ايدي يا حيوان انت ثانيا بقي انا مش.... ولا مش مهم ثالثا بقا خير تعمل شر تلقي صحيح
نرمين بلهفة يا نوح ده ساعدني وصلح عربيتي ازاي تعمل كدة فيه بس
نوح اتعصب لما نور شتمته وقالها بغضب مكتوم انا ممكن ارد عليكي بس مش هعمل كدة عشان اللي عملتيه معاها
نور بسخرية تصدق خوفتني اووف ده انت انسان مستفز
مشيت نور اول ما قالت كدة وكان متابعها نوح بغضب لحد ما انتبه لصوت نرمين
نرمين بصدمة يا نهاري يعني دي بنت مش ولد وانا اللي عمالة اعك في الكلام اكيد اتحرجت بجد من كلامي اووف بقي
نوح بعصبية ماهو كله منك انتي شوفتي اخرة قلة سمعانك الكلام ايه اتفضلي بقي قدامي
نرمين بتزمر وهي بتمشي انا كنت عارفة اني لازم هسمعلي كلمتين مينفعش يعدي اليوم كدة من غير خناق ياربي
ملك بلهفة اتاخرتي ليه كدة يا نور احنا خوفنا عليكي اوي
نور بتعب وهي بتقعد متخافوش يا بنات انا كنت بتمشي بس بعد الشغل شوية وبعدين اديني جيت اهو ها هتأكلوني ايه
چني بابتسامة هحطلك
نور بحب تسلم ايديكي يا روحي يلا انا مستنية اهو
مشيت چني عالمطبخ وقعدت مكانها ملك اخت نور التانية وكانت بتبصلها بحزن
ملك بحزن قوليلي يا نور هتعملي ايه في فلوس الايجار كلها كام يوم وتلاقي صاحب الشقة بيخبط علينا
نور بتنهيدة متقلقيش يا ملك ان شاء الله ربنا هيدبرها من عنده انا شايلة جزء من ايراد الورشة وهدبر الباقي متشيليش انتي هم
ملك بهدوء انا عارفة انك بتطمنيني بس لاني عارفة ان الورشة اه بتاعتنا بس مش بتجيب ايراد اصلا بسبب الشغل القليل
نور بحنية يا حبيبتي متشليش هم والله هتدبر متقلقيش
ملك بتوتر طب انا كنت عاوزة اقولك علي حاجة حصلت معايا بس والنبي متتعصبيش عليا
نور بقلق في ايه يا ملك قلقتيني في حاجة حصلت في الشغل معاكي
ملك بتردد بصي انا هقولك بس والنبي ما تعملي حاجة انا برضه مسكتش
نور بقلة صبر ملللك متخبريش صبري انتي عارفة انطقي ايه اللي حصل
نور بصدمة وغضب وانتي صممتي وقولتي ان الشركة دي كويسة وانها فرصة لسيادتك ادي اخرتها يا ست ملك
ملك باندفاع والله يا نور انا قررت اشتغل عشانك عشان انتي صعبانة عليا وانتي متمرمطة بسببنا وبسبب انك علطول بتشتغلي عشان توفريلنا حياه كويسة
نور بانفعال وحزن وهو انا اشتكيت ليكم انتو الصغيرين يعني ملزومين مني وانا هنا الام والاب انتو ليه مش قادرين تفهمو ان ده مش عقاب وانكم مش حمل عليا بالعكس انتو كل اللي ليا في الدنيا والسبب اللي مخليني متبتة في الدنيا
ملك بدموع انا
نور بغضب متشليش هم واعتبري الموضوع منتهي بس اعملي حسابك انك هتروحي معايا بكرة وتوريني فين ده
ملك بخوف حاضر يا نور حاضر
تاني يوم كانت داخلة نور مع ملك الشركة اللي بتشتغل فيها وكان الكل عنيه علي ملك وبيتكلم بهمس لاحظته نور فبان عليها الغضب اكتر ومسكت ايد ملك بقوة وتشجيع وخدتها وطلعو الدور بتاعها اللي بتشتغل فيه وقفت ملك مرة واحدة وشاورت لنور علي سيف المدير بتاعها اللي حكتلها عنه كان واقف مع شوية بنات بيتكمل وبيضحك
نور بجدية هو ده مكان المكتب بتاعك
ملك بقلق اه هو بس والنبي متعمليش شوشرة هاتي حقي
نور بسخرية الفضايح كدة كدة حصلت انتي مشوفتيش الناس كانو بيبصولك ازاي تحت اسكتي انتي
ملك بخوف حاضر يا نور
نور زعقت بصوت عالي جدا كان تقريبا مسمع الشكرة كلها بقي انت بقي ه
سيف بغضب ايه ده انتي مين
نور
سيف بتوتر وغضب انتي كدابة واختك كمان كدابة بقي انا هعمل كدة وبعدين وطي صوتك وانتي بتتكلمي
نور بغضب وصوت قوي لا مش هوطي صوتي وهعرف الناس كلها حقيقتك اللي انا متأكدة مليون في الميه انهم عارفينها بس خايفين يتكلمو
سيف بانفعال اخرجي برة واختك مرفودة
نور بصوت عالي لا وانت مفكر اني هخليها تشتغل مع واحد زيك انا جيت عشان اعرف اللي في الشركة كلها اللي حصل عشان محدش يستجرا ويجيب سيرتها في حاجة ويعرفو انها عملت اللي مفيش بنت هنا عملته
كل ده كان واقف نوح اللي نزل بسرعة علي صوت نور اللي كان مسمع
