عشقت ميكانيكية حصري على موقع لمحة بقلمي اسراء ابراهيم

وانه بعتك ليا عشان تساعدني
نوح ابتسم بتلقائية متشيليش هم اي حاجة وأنا اوعدك اني مخلكيش انتي واخواتك تحتاجو حاجة
نور باستغراب ممكن اعرف انت بتعمل معانا كدة ليه انت مش مجبر تعمل ده
نوح بثقة انا عمري ما استقل بحد وقف جمبي وساعدني وم بنسي الجميل ابدا وانتي ساعدتي نرمين وهي واقفة اوحدها في نص الليل وكمان رفضتي تاخدي منها حساب وده خلاني ابقي عاوز اردلك الجميل اضعاف
نور متعرفش ليه اضايقت من جواها لما حست ان نرمين غالية اوي عنده كدة بس حاولت متبينش
نور بابتسامة متشكرة اوي ليك ممكن نمشي 
نوح بتلقائية طبعا بس امسحي دموعك واوعديني انك متعيطيش تاني ولو احتجتي اي حاجة تكلميني علطول فاهمة 
نور بابتسامة اوعدك
نوح ابتسم بتلقائية الشغل هيبدأ من بكرة والمرتب مقدم وده لاني واثق فيكي وعشان انتي غير اي حد هتجيلي بس الشركة بكرة عشان نمضي العقد وتقبضي وتبدأي شغلك علطول تمام 
نور براحة حاضر طبعا اللي حضرتك تؤمر بيه
عدي حوالي شهرين علي الاحداث اللي حصلت كانت فيهم حياة نور واخواتها اتغيرت خالص بعد ما سددت نور الايجار وكل الديون اللي عليهم وبدأت ترتاح وخصوصا ان الشغل في الورشة الكبيرة بتاعة نوح كان بالنسبالها مش متعب لانها شغالة علي عربياته هو فقط بس كانت دايما بتحاول تمنع مشاعرها ناحيته وخصوصا انها عارفة انه مرتبط بنرمين وكمان لانه من وقت اخر مقابلة مشفتهوش غير مرة فكانت عارفة انه اكيد نسيها تماما فكانت بتحاول تمنع نفسها انها تفكر فيه وتنتبه لشغلها بس كانت واقفة نور بتصلح عربية متعطلة وهي مركزة اوي ومش واخدة بالها من نوح اللي واقف وراها
نوح بابتسامة الله ينور
نور قلبها دق ولقت بسرعة وابتسمت بتلقائية لما شافته قدامها
نوح بابتسامة انا قولت اجي اطمن واشوفك لو محتاجة حاجة
نور كانت هترد بلهفة بس افتكرت قرارها وانها لازم متوهمش نفسها فردت بعملية
نور بجدية مصطنعة لا تمام يا باشمهندس لو في اي مشكلة قولي وانا احلهالك يعني
نوح باستغراب لا انا قولت اجي اسلم عليكي واطمن علي الشغل
نور بجدية متشكرة لسؤالك بس انا تمام والشغل الحمد لله عال اوي
كان نوح هيتكلم بس قاطتعته نرمين اللي دخلت عليهم بفرحة
نرمين بسعادة نووور انا مصدقتش لما نوح قالي انك بتشتغلي معاه وعشان كدة جيتلك مخصوص
نور بابتسامة ازيك يا انسة نرمين متشكرة انك جيتي عشاني
نرمين بحماس بتقولي ايه بس احنا اصلا خلاص بقينا صحاب ولا ايه 
نور بتلقائية طبعا ده شيئ يشرفني اتفضلو اقدملكم حاجة
نرمين بسعادة لا ميرسي نوح انت قولتلها عالخطوبة ولا لسة
نوح بابتسامة لا يا حبيبتي لسة انتي جيتي قطعتي الكلام كنت لسة هقولها اصلا
نور بتوتر احم مبروك ربنا يتمم بخير
نرمين بفرحة حبيبتي تسلميلي هستناكي بكرة بليل نور انا مليش صحاب كتير بليز هاتي اخواتك اللي حكالي عنهم نوح وتعالي اقفو معايا هستناكي اوك 
نور بابتسامة اكيد طبعا هجيبهم بكرة ان شاء الله واجيلك من اول النهار وهساعدك تلبسي كمان ايه رأيك
نرمين بفرحة بجد ميرسي اوي يا نور يلا باااي يلا يا نوح
مشيت نرمين ونوح بص لنور باستغراب وكان عاوز يسألها متغيرة ليه من ناحيته لكن هي اتهربت وسابته وراحت تشوف شغلها وهو مشي بهدوء وعقله مشغول
تاني يوم كانت واقفة نور هي وملك وجني اخواتها في اوضة نرمين وبيساعدوها تلبس وكانو فرحانين ليها اوي ونرمين كانت سعيدة بيهم وحاسة انهم من عيلتها
ملك بابتسامة زي القمر يا نرمين يا بخته بيكي يا حبيبتي
نرمين بفرحة ربنا يخليكم ليا انا لو كان ليا اخوات بنات مكنوش عملو معايا اللي انتو عملتوه ده
نور بابتسامة متقوليش كدة احنا اهو اخواتك ومعاكي اي وقت يا حبيبتي
نرمين بفضول وانتي يا نور مش هتلبسي 
نور بابتسامة لا منا كدة لابسة اهو عادي يعني
نرمين برفض لا طبعااااا خدي البسي الفستان ده متخافيش ده جديد والله
نور بصدمة يا خبر لا طبعا انا مبعرفش البس فساتين
ملك برجاء لا والنبي يا نور البسيه ما اهو احتا لابسين فساتين عشان خاطرنا
نور برفض لا مش هعرف صدقوني انا كدة مرتاحة
نرمين بزعل مصطنع ماهو انتي لو ملبستيهوش انا مش هنزل والخطوبة هتبوظ وبراحتك بقي
نور بقلة حيلة لا خلاص هلبسه وامري لله
نرمين بحماس يلا وانا هعملك شعرك بنفسي
خلصت نور ولبست الفستان وكانت قمر اوي وخصوصا ان نرمين عملتلها ميكب رقيق مع شعرها القصير فكانت جميلة جدا
جني بانبهار ما شاء الله زي القمر يا نور
نور بخجل انا مش هعرف انزل كدة ابدا
نرمين بضحك اعتقد نوح مش هيعرفك يا نور
نور افتكرت نوح واتنهدت بحزن لانها فعلا كانت بدأت مشاعرها تنجذب ليه لكن هي وقفت ده عشان متعشمش نفسها وخصوصا انه هيخطب نرمين اللي من وجهة نظرها زي القمر وتستاهل فعلا نوح 
كانت نازلة نرمين عالسلم ووراها نور وكان مستني نوح في اخر السلم تحت وعنيه متثبتة علي نور اللي اتفاجئ بشكلها اللي خلاه يتوتر ويتخطف اما نور فاتكسفت واتوترت لما عنيها جت في عيون نوح ونزلت وشها في الارض واول ما نزلت مشيت بعيد عنه ونرمين وقتها قربت من نوح اللي  واخدها من ايديها وسلمها لعريسها اللي كان مبهور بيها
نور كانت واقفة بعيد وبتدور علي اخواتها لانها مش شايفاهم بس اتفاجأت لما سمعت صوت نوح من وراها
نوح بتلقائية ممكن اعرف بتهربي مني ليه 
نور وهي بتلف بخجل وههرب منك ليه انا عارفة ان ده يومك واكيد مشغول
نوح باستغراب يومي ازاي بقي
نور بتلقائية طبعا مش خطوبتك علي نرمين 
نوح بصدمة خطوبتي نرمين اختي يا نور
نور بصدمة ايه بجد انا كنت فاكراكم يعني اسفة انا معرفش
نوح بخبث افهم بقي من كدة ان هو ده سبب انك متغيرة عليا 
نور بتوتر ها لا طبعا انا اصلا مش متغيرة ولا حاجة حضرتك اللي فهمت كدة
نوح بثقة بس انا بعرف اقرأ اللي قدامي كويس اوي وانا متأكد انك متغيرة من امبارح انا بصراحة افتكرت انك مضايقة عشان جيتلك يعني اطمن عليكي
نور باندفاع لا خالص اصلا انا كنت افتكرتك نسيتني لانك قعدت شهر مبتجيش
نوح ابتسم بتلقائية فاتوترت نور وبصت في الارض بخجل وهي بتلعن غباءها
نور بتهرب انا هروح اشوف ملك وجني فين
نوح بتلقائية نور
نور رفعت عنيها وبصتله فسرح هو في عنيها
نوح ببحة مميزة انا مكنتش باجي عشان متفتكريش اني بستغل شعلك معايا عشان حاجة تانية لكن انتي مغبتيش عن بالي لحظة
نور قلبها كان بيدق جامد وكانت مكسوفة اوي ومش عارفة تقول ايه
نور بتهتهة اانا مقصدش انا يعني افتكرتك زعلان مني و بص انا هروح اشوف نرمين
جريت نور وهربت من عيون نوح اللي محاوطاها وهو ابتسم بتلقائية عليها وفضل متابعها بعنيه طول الحفلة
بعد يومين كانت واقفة نور في مطبخها وهي متوترة اوي
ملك بابتسامة انا مش عارفة انتي متورتة اوي كدة ليه انتي عملتي الاكل كله والحلو كمان اهو فاضل بس تروحي تغيري هدومك عشان زمانهم علي وصول
نور بتنهيدة عندك حق يا ملك انا