عشقت ميكانيكية حصري على موقع لمحة بقلمي اسراء ابراهيم
هروح اغير ولو جم ابقي افتحي الباب ها
دخلت نور تغير هدومها وهي مش قادرة تمنع فرحتها انها هتشوف نوح وفرحتها لما قبل عزومتها هو ونرمين لبست وخلصت وكانت واقفة قدام المراية بتبص لنفسها لاول مرة بسعادة وهي مش شايلة هم ورددت براحة الحمد لله انتبهت نور لجرس الباب فخرجت تستقبلهم بس لما قربت من باب الشقة اتصدمت لما شافت معاذ ابن عمها قدامها
معاذ باعجاب ازيك يا نور انا قولت اسأل انا طالما مش بتسألي
نور بجدية اهلا يا معاذ معلش الشغل بقي واخد وقتيى
معاذ باستغراب شغل ايه ده وانا عرفت انك مش بتفتحي الورشة
نور بجدية والله انا بشتغل في مكان تاني عشان الورشة مش جايبة همها واعتقد دي حاجة متخصكش
معاذ بتلقائية طيب مش هتقوليلي ادخل ولا هنفضل نتكلم من عالباب
نور بجمود لا معلش عشان احنا لوحدينا زي ما انت عارف لو في حاجة عاوز تقولها اتفضل
معاذ بضيق بقي كدة ماشي يا نور بس انا بجدد طلبي وبطلب ايديكي واهو انا اولي من اي غريب يتقدملك
كانت نور هترد بس نوح قاطعها ورد هو بغضب مكتوم من ورا معاذ طلبك مرفوض يا استاذ لان الانسة مخطوبة
معاذ بغضب انت مين ويعني ايه مخطوبة ومن امتي يا نور هانم ومن غير ما حد يعرف كدة طب بالنسبة لعمك ايه
نور كانت مصدومة من اللي قاله نوح لكنها اكدت كلامه وده فرحو اوي
نور بجدية ايوة اتخطبت وانتو ملكوش عندي حاجة وعمي ده تللي بتقول عليه معرفناش لما لجأتله في الديون اللي علينا وموقفش جمبنا احنا بنات اخوه وعشان كدة هو ميخصناش واتفضل بقي يا معاذ امشي لو سمحت
معاذ بتلقائية طب يا نور وانا قصرت في ايه منا بحاول دايما اقربلك وانتي بتصديني
نوح قبض علي
نوح بجدية لنور نور ادخلي جوة حالا
نور اتوترت وردت بطاعة حاضر يلا يا نرمين
فعلا نور اخدت نرمين والبنات ودخلو المطبخ يحضرو الاكل لحد ما شوية ودخل ليهم نوح
نور بلهفة ايه اللي حصل مع معاذ اتخانقتو
نوح بغيرة عامية ايه خايفة عليه مني عشان كدة بتسألي عليه
نور اتحرجت من طريقة كلام نوح معاها قدامهم فبصتله بعتاب
نور بحزن مقصدش بس كنت خايفة احسن تتخانق معاه يلتدا يا ملك نحط الاكل
فعلا نور بدأت تخرج الاكل ونرمين والبنات كانو بيساعدوها ونوح حس انه زودها واحرجها قدامهم فكان طول ماهما عالسفرة بيحاول يتكلم مع نور بس هي كانت بترد بزعل ومش بتبصله حتي بعد الاكل كلهم بدأو يشيلو وبعدين قعدو كلهم سوا يتكلمو وسابتهم نور ودخلت تصب عصير واتفاجأت بصوت نوح من وراها
نوح بندم انا اسف مقصدش اني ازعق ليكي يا نور بس كنت مخنوق من كلامه معاكي
نور بهدوء دي مش اول مرة معاذ يجي وانا كل مرة بصده واخليه يمشي لاني مش عاوزة ارتبط بيه اصلا وده لاني مش شايفاه غير انه ابن عمي ولما سألتك كان عشان بس خايفة تمونو اتخانقت معاه بسببي
نوح باسف طب يعني لسة زعلانة مني خلاص قولتلك اني اسف ولا انتي بقي عاوزاني اصالحك قدامهم
نور بسرعة لا خلاص حصل خير انا مش زعلانة اصلا
نوح بابتسامة جذابة يعني افهم من كدة انك هتعوضيني وتأكليني حلو من ايدك
نور بابتسامة طبعا انا اصلا كنت عاملاه وشايلاه في التلاجة حتي شوف
كانت بتقول نور كلامها وهي بتجري من قدام نوح فاتكعبلت وكانت هتقع ولحقها هو فكانت قريبة منه اوي وفضلو باصين لبعض شوية لحد ما انتبهت نور لنفسها فزقت نوح
عدي فترة بعد اللي حصلت كانت نور فرحانه اوي بحياتها الجديدة واللي اتغيرت بدخول نوح كانت ماشية في الشركة بتاعة نوح وهي مبتسمة وبتدور بعنيها عليه لحد ما وصلت مكتبه ووقفت قدام السكرتيرة
نور بابتسامة لو سمحتي ممكن ادخل لنوح بيه
السكرتيرة بغرور اقوله مين ولا استني انتي اللي جت هنا وعملت عشان تلفت انتباه نوح بيه وبيقوله انك علقتيه وخلتيه جابلك شغل واداكي فلوس واضح فعلا ان كلامهم صح اصل شكلك فعلا اتغير كتير عن المرة اللي فاتت
نور عنيها دمعت ومقدرتش ترد علي البنت او تقولها اي حاجة وفي نفس الوقت خرج نوح من مكتبه واتفاجأ ببها واقفة
نوح بابتسامة نور انتي هنا ده ايه المفاجأة الحلوة دي ايه ده مالك انتي بتعيطي
نور بدموع وغضب اتفضل فلوسك اللي اخدتها منك مقدم في اول شهر اشتغلته عندك وانا مستقيلة
قالت نور كلامها ومشيت بسرعة من قدام نوح وفضل هو ينادي عليها بس هي مكنتش بترد عليه
نوح بغضب اناي قولتلها ايه
السكرتيرة بتصنع ابدا يا مستر نوح دي هي كانت جاية بتعيط كدة وبتقولي انها عاوزة حضرتك
نوح سابها وطلع يجري ورا نور بسرعة واول ما نزل فضل يدور بعنيه عليها لحد ما لمحها بجري فراح وراها ووقفها بسرعة
نوح وهو بينهج استني يا نور ممكن افهم في ايه انا مش عارف انا زعلتك في ايه
نور بانهيار في انهم عندهم حق انا اللي كنت غبية وفرحت بالشغل الجديد والحياه الحلوة اللي كنت بتمناها واتغاضيت عن الاصول وكلام الناس اللي عندك عني واني ضحكت عليك وعملت شو عشان اخليك تساعدني
نوح بغضب حد من الموظفين اللي قالك كدة
نور بدموع كل اللي عندك بيقوله عني كدة وانا
نوح مردش علي نور بس سحبها من ايديها رغم اعتراضها لكنه مهتمش واخدها ورجعو تاني الشركة ووقف في نص الشركة وقدام كل الموظفين وقال بصوت عالي يا جماعة احب افرحكم معايا واعلن خبر خطوبتي من الانسة نور واعتقد انكم هتفرحولي مش كدة واحب اعرفكم اني لو سمعت حد بيقول كلمة واحدة عنها انا هطرده ومش هخليه بس عبرة لزمايله لا للبلد كلها
نور كانت مصدومة وباصة لنوح
نور بغضب وصدمة اانت ازاي تقولهم اننا اتخطبنا وليه تعمل كدة انت فاكر كدة انهم هيسكتو دول هيتكلمو اكتر
نوح وهو بيقرب طب منا عارف عشان كدة حبيت اثبتلهم اللي هما فاهمينو انتي يهمك كلامهم في ايه
نور بضيق يعني ايه يهمني في ايه اكيد كلام الناس بيفرق ومينفعش تعمل كدة وتثبتلهم بالكدب ان في حاجة بينا
نوح بهيام ومين قالي اني كنت بكدب انا قولت اللي هيحصل
نور بصدمة وتوتر انا مش فاهمة
نوح بابتسامة جذابة لا فاهمة انا بحبك يا نور وانتي دخلتي حياتي خليتي ليها طعم وحياه وافقي تتجوزيني واوعدك اني افضل احبك طول العمر
نور بتردد وخجل انت متأكد من كلامك ده انت عارف انا فين وانت فين نوح انت فوق اوي وانا تحت اوي اوي
نوح بثقة انا فوق وانتي اعلي مني بكتير يا نور انتي فوق راسي وفوق الدنيا كلها قوليها يا نور نفسي اسمعها منك
نور بخجل موافقة
يا نوح لاني انا كمان بحبك بس خايفة
نوح بسعادة بس خلاص انا مكنتش عاوز اسمع غير الكلمة دي اي حاجة تانية مش مهم وبعدين هتخافي برضه وانا جمبك
نور بصدق بصراحة من وقت ما دخلت حياتي وانا
تمت
