اسكريبت عشق تاج الصعيد بقلم اسراء ابراهيم
مش انتي يا جمري
تاج قلبها دق بسرعة وحاولت تفهم هو يقصد إيه وكانت مستغربة نظراته ليها ولهجته معاها الجديدة عليها
تاج بتهرب
شكلي كنت دايخة جامد...
أدهم بقصد
ايوة ودوختيني معاكي ... والكلام ده من زمان يا جمر مش من دلوك
للحظة تسكت وعنيهم يتلاقوا بس كل واحد فيهم بيتراجع اما وصايف تدخل وتقف على الباب تبص للمشهد من بعيد وتلاحظ الهدوء اللي بينهم.
وصايف بابتسامة
حمد الله عالسلامة يا بتي خلعتينا عليكي يلا الشوربة جاهزة كلي شوية عشان تبجي زينة
أدهم و عينيه لسة متعلقة بتاج
أنا تحت... لو احتجتي حاجة... ناديلي انا تحت
تاج بابتسامة خطفت بيها قلب ادهم
شكرا يا ادهم تعبتك معايا
ادهم بابتسامة
تعبك راحة يا ست البنتة يلا سلام وكلي ماشي والا هطلع اوكلك بنفسي
قال ادهم كلامه ونزل ووقفت وصايف تبص لتاج وهي مبتسمة وتاج متنحة ومستغربة ادهم ومعاملته ليها الغريبة عليها
بعد كام يوم من اللي حصل كانت
تاج قاعدة في مكتب ابوها و هي باين عليها مشوشة كل اللي حصل بيدور في دماغها من أول ما بدأت تلاحظ نظرات أدهم وكلامه اللي كله تلميحات
تاج لنفسها بصوت واطي
هو قال كده فعلا ولا أنا بتهيألي
...يعني بدأ يشوفني فعلا ولا بيشفق عليا بعد ما عرف اني كنت بحبه
في اللحظة دي سمعت خبط خفيف على الباب... وصوت أدهم من ورا الباب هادي ومربك في نفس الوقت
أدهم بتوتر
تاج... فاضية شوية محتاج اتحدت معاكي انا خابر انك اهنه
تاج بتتجمد لحظة وقلبها بيدق وبعدين ترد بسرعة عشان تخبي توترها
تاج بسرعة
اه... ادخل
دخل أدهم و شكله متردد شوية
أدهم بهدوء
مرت عمي جالتلي إنك مكلتيش حاجة انهاردة قلت أجيبلك العصير ده يمكن نفسك تتفتح
تاج مدت إيدها واخدت العصير بس ادهم اتعمد يمسك اديها فسحبتها تاج بسرعة
تاج متوترة
شكرا... بس أنا خلاص تمام
أدهم قرب وقعد على الكرسي بس نظراته مش زي العادي... مركزة قوي وكأنه بيقرا ملامحها
أدهم وهو بيبصلها
أنتي كبرتي يا تاج...وأنا كنت غايب.
تاج بتشرب بسرعة عشان تهرب من نظرته
كلنا كبرنا واتغيرنا ... إنت كمان اتغيرت يا ادهم
أدهم بنبرة فيها دفء غريب
بس أنتي اتغيرتي أكتر...
بجيتي عروسة مش بس البنتة اللي شوفتها بتكبر قدامي
تاج بصتله باستغراب لانها مش متعودة يتكلم معاها بالطريقة دي.
تاج بهدوء
إنت بتتكلم اكده ليه لو لسة فاكر اني كبرت فزين انك اخدت بالك عشان تبطل تعاملني كاني طفلة
أدهم بصوته الجذاب
عندك حق انا بس يمكن علشان كنت شايفك بعين واحدة...
بس دلوقتي شايفك بعين التانية شايفك بنتة مش بس بتي لا حجي يا تاج
تاج بارتباك
مش فاهمة قصدك يعني ايه حجك مش فاهمة انا
قام وقف قدامها وعنيه مركزة في عنيها وبيتكلم ببطء كأنه بيختار كل كلمة
أدهم
يعني...ابتديت أشوف تاج اللي مش بتي...تاج بنت عمي... اللي بجت ست البنتة وحجي فيكي انك تكوني ليا عشان مش هتبجي لغيري يا تاج
تاج بتتجمد مكانها... وتحاول ترد بس مبتلاقيش كلام فترد بحدة تهرب بيها من توترها
تاج بحدة
إنت بتقول كده علشان عرفت اني كنت عاشجاك مش اكده وكنت فين من اربع سنين يا ادهم كنت فين لما
أدهم قرب منها وصوته كان فيه لهفة اكتر
عشان كنت غبي يا تاج... كنت فاكر اني مربيكي فمليش حج اني ابصلك بس صدجيني مكنتش فاهم اني بعشجك غير لما هملتيني وسافرتي وجتها كأن روحي راحت مني واللي متعرفهوش اني طلجت نرجس بسببك بسبب اني طول الوجت وانا بفكر فيكي لدرجة اني كنت بناديها باسمك ووجتها اتوكدت اني عاشجك بس كنت اغبي واجبن من اني اعترف بده لنفسي طلجتها عشان مظلمهاش وعشان كنت خابر ان جلبي ملك ليكي مش لحد تاني وبما رجعتي وشوفتك وجتها
حسيت بحاجة غريبة... ولما جولتيلي ان عندك صحاب شباب واتهيلت ان حد منهم بيتحدت بس معاكي والنار جادت في جلبي وجتها اتوكدت اني مش هقدر اعيش من غيرك ولا انك تكوني لغيري
تاج كانت مصدومة وقلبها بيدق وكذا احساس كانو محتلين كيانها وقتها ومكنتش عارفة هي حاسة بايه ناحية ادهم
تاج بخنقة وهروب
ادهم انا لازم امشي
أدهم قاطعها بهدوء وهو بيبص في عنيها
متهربيش مني يا تاج وجولي انك عاشجاني كيف ما انا عاشجك وجتها بس ههملك تهربي مني لحد ما اشيع اجيب المأذون
سكتت تاج و عنيها بتتحرك شمال ويمين وهي بتدور على مهرب بس صوته رجع سحبها بتأثيره
أدهم بابتسامة
جولي اللي في جلبك يا تاج وانا اوعدك اتحمله مهما كان
تاج بلعت ريقها وبصوت واطي جدا ردت
مش هقدر اسامحك علي اللي فات يا ادهم ولا هقدر اتعايش كأنه محصلش انت جرحتني ودوست علي جلبي خلتني اعيش اسعد لحظات
ادهم بلهفة وندم وهو بيمسح دموعها
حجك علي جلبي يا نبض جلبي خابر اني كنت غبي. يا تاج بس صدجيني انا مكنتش شايفك غير طفلتي اللي ربتها عشان كنت متوكد اني مش من حجي اني اكونلك اكتر من اكده وانك حتي لو كبرتي عمرك ما هتفكري فيا غير اخوكي كيف ما اتعودتي دايما
تاج بدموع وعنيها في عيون ادهم
عمري ما شوفتك اخوي يا ادهم ولا حتي فكرت انك هتبجي لغيريعشان كدة مستحملتش الصدمة ومشيت او بمعني ادق هربت
ادهم بعشق
سامحيني يا جمري واوعدك من اهنه ورايح مش هتكوني غير ست جلبي....انتي عمري يا تاج وانا مستحيل اتنازل عنه مهما حصل جوليلي بجي... موافجة تتجوزيني يا باشمهندسة تاج ولا ادهم مش جد المجام انا اه علامي علي قده بس اوعدك اني افضل وياكي احد ما تبجي احسن باشمهندسة في الصعيد كله
تاج قلبها كان بيدق بعنف وفجأة حركت راسها كذا مرة بموافقة
ادهم بسعادة
كان بودي اثبتلك اني اسعد راجل في الدنيا بس لازمن اكتب عليكي الاول عشان تبجي من حجي ووجتها اوعدك مخرجيش منه ابدا
تاج بخجل
وانا موافجة يا ادهم لاني عاشجاك يا واد عمي وجلبي مش مطاوعني اقسي وارفض ابجي جارك وانا اللي عشت عمري اتمني اللحظة دي
ادهم بلهفة وسعادة وهو بيمسك ايديها
اللحظة دي انا مكنتش احلم بيها
تمت
