خطفني فاحببته بقلم اسراء ابراهيم

عنك يا حبيبي
ريان بعصبية وانتي كنتي عايزاني اسكت يا تيتة عايواني اشوفه بيتجوز ويفرح وانا دم مراد معلم في ايديه
جليلة بدموع اللي حصل حصل يا ريان ومراد اخوك الله يرحمه هو اللي راح بارادته في سكة اللي اسمه باهر ده وشغله المشبوه وادي اخرته انه مات غدر منهم انا مش مستغنية عنك يا ريان عشان خاطري يا حبيبي مشي البنت دي وسيبها لحالها
ريان بعيون محمرة من الغضب مش قبل ما احسره عليها واخليه يجي لحد عندي هنا ووقتها هسيبهاله بس بمزاجي لما اشفي غليلي منه
جليلة بقلة حيلة انت طول عمرك عندي يا ريان ومش هتجيبها البر بعندك ده يا ريان انت لو جرالك حاجة انا هموت ومش هستحمل
ريان وهو بيبوس ايد جليلة بعد الشر عنك يا تيتة متقلقيش انا بس اجيب حق مراد وبعد كدة اوعدك اني هنسي الموضوع ده للابد
زهرة رجعت اوضتها بسرعة بعد ما سمعت كل حاجة وفهمت ان ريان ضحية لباهر زيها بالظبط وللحظة حست بالشفقة عليه بسبب اللي عمله باهر في اخوه وكرهت باهر اضعاف ما بتكرهه لانه طلع فعلا انسان حقير
..............................
تاني يوم كانت قاعدة زهرة في الاوضة وهي سرحانة وبتفكر هتعمل ايه عشان تهرب من باهر بعد ما تمشي من هنا بس انتبهت فجأة لصوت عربيات البوليس اللي دخلو الڤيلا فجريت علي الڤراندا وشافت عربية باهر ومعاه عربيات بوليس فقلبها اتقبض ودخلت بسرعة تاني .
............................
دخل باهر والبوليس وراه الڤيلا بتاعة ريان فكان باين علي ملامح باهر الغضب وهو بيدور بعنيه علي زهرة وقابله ريان اللي كان بيبصله ببرود وهو نازل من عالسلم
باهر بحدة بقي انت اللي خطفتها يا ريان فاكر انك كدة بتنتقم لاخوك بس انت لسة متعرفش باهر الشريف
ريان كان باصص لباهر وفاهم لعبته وخصوصا لما شاف صحفين جايين وراه ففهم انه عايز يدمر سمعته ويفضحه في الصحف والمجلات 
ريان ببرود عصب باهر اكتر خير يا حضرة الظابط ايه السبب القوي اللي خلاكم تقتحمو منزلي بقلة الزوق دي
الظابط بجدية باهر بيه مقدم بلاغ في حضرتك انك خطفت خطيبته زهرة رؤوف
ريان بلا مبالاه واي حد ملوش لازمة يتهم الناس بالباطل تصدقوه بالبساطة دي 
الظابط بجدية اسمحلنا نفتش الڤيلا يا فندم ده شغلنا
ريان بحدة لما اشوف امر نيابة غير كدة محدش هيخطي خطوة تاني جوة بيتي
الظابط بخبثامر النيابة اهو اتفضل يلا شوفو شغلكم
ريان اتعصب لانه متوقعش انهم يكونو محضرين كل حاجة حتي اذن النيابة و فكر ان زهرة اكيد هتتهمه بخطفها والموضوع هيتقلب ضده بس اللي حصل كان عكس كدة لانه اتفاجئ بيها نازلة عالسلم وبتكلمه بهدوء قبل ما اي حد من العساكر يتحرك من مكانه
زهرة بهدوء في ايه يا ريان ايه الدوشة دي 
ريان اتصدم وبص وراه واتفاجئ بزهرة لابسة فستان سواريه كانت زي القمر فيه فضل متابعها بعنيه وهي بتقرب منه وبحركة تلقائية منه مد ايديه ليها وهي كمان ووقفو يبصو لباهر اللي كان في قمة غضبه
باهر بغضب اعمي انت اتجننت شيل ايدك من عليها واوعي تفكر تلمسها
ريان ببرود وانت مالك اصلا مراتي واعمل اللي انا عايزه
قال ريان كلامه وهو زهرة فقلبها دق بعنف وهي بتحاول تبان طبيعية
باهر بصدمة وغضب انت كدااب زهرة متجوزتكش انت بتقول كدة وخلاص اقبض عليه يا حضرة الظابط هي دي خطيبتي اللي خطفها يوم فرحنا
زهرة بغضب خطيبتك مين دي انت مجنون انا محدش خطفني انا كنت خطيبة ريان لحد امبارح كان كتب كتابنا يعني مراته دلوقتي
الظابط باحراج تمام يا فندم احنا اسفين عالازعاج بعد اذنكم
خرج الظابط ومعاه العساكر ومشيو وفضل باهر اللي كان بيبص لزهرة بغضب وتوعد فخافت منه ولقت نفسها بتبت في ايد ريان بخوف وبتقرب منه ففهم هو خوفها ليه وخباها في ضهره فمسكت في هدومه باهر
ريان بحدة انت عارف اني ممكن البسك قضية دلوقتي واحبسك بس انا مش هعمل كدة انا هخليك تتمني الموت ومطولهوش يا باهر
باهر بص لريان بغضب وبعدين فجأة ابتسم بسخرية
باهر ببرود انا همشي وانتي اللي هتجيلي لحد عندي تترجيني يا زهرة اه هبقي اسلملك علي ابوكي اصلي رايح اطمنه عليكي يا عروسة
مشي باهر بعد ما قال كلامه وزهرة قلبها اتقبض وفهمت انه بيهددها بابوها فعيطت وهي بتبعد عن ريان اللي كان مستغرب رد فعلها ومش فاهم ليه عملت كدة
ريان بهدوء اهدي وفهميني ليه عملتي كدة ليه ساعدتيني وانتي كان ممكن تهربي معاه
زهرة بدموع ساعدتك عشان انت انقذتني منه فكان لازم اردلك الجميل بس الظاهر اني مكتوب عليا التعاسة طول عمري و فعلا هروحله برجليا لحد عنده بعد اذنك 
ريان وقفها بصوته استني ممكن تفهميني كل حاجه يمكن اقدر اساعدك وكمان يعني ايه انقذتك منه 
زهرة بتنهيدة باهر ده اقذر انسان شوفته في حياتي كان هيتجوزني غصب بعد ما هدد ابويا انه يأذيني ويطرده من شغله كل ده عشان رفضته انسان حقير
ريان بصدمة يعني انتي مكنتيش موافقة بيه اصلا وانا اللي كنت مفكر انك هتموتي وترجعيله
زهرة بصدق انا لما عرفت انك خطفتني عشان تنتقم منه فرحت اوي وعشان كدة قررت اساعدك زي ما ساعدتني بس انا لازم ارجعله هو مش هيسيب بابا وهيأذيه
زهرة خلصت كلامها وكانت هتخرج وتسيب ريان بس هو لحقها بصوته قبل ما تخرج من باب الڤيلا
ريان بسرعة تتجوزيني يا زهرة 
زهرة وهي بتلف بصدمة انت قولت ايه 
ريان بثقة بقولك تتجوزيني واوعدك اني احميكي من الشخص ده انتي ووالدك خليكي واثقة فيا
زهرة قلبها كان بيدق كأن ريان بيتقدملها عن حب متعرفش ليه كانت فرحانه والاهم انها مطمنة فعلا ورغم انها عارفه انه عرض عليها الجواز عشان يحميها بس هي مش فارق معاها المهم تفضل حاسة بالامان اللي حست بيه لحظة ما كانت واقفة جمبه
زهرة بهمس موافقة
ريان بابتسامة انا هكلم المأذون بس تعالي اعرفك علي جدتي الاول انا متأكد انها هتحبك اوي
جليلة بحب من غير ما اعرفها يا ريان كفاية اللي شوفته بعيني من شوية انتي بنت بميت راجل يا زهرة وانا مكنتش اتمني لحفيدي بنت احسن منك
زهرة ابتسمت بتلقائية وهي بتبص لجليلة بخجل واحراج ومن جواها فرحانة اوي وفي نفس الوقت خايفة من اللي جاي لانها عارفة ان باهر مش هيسكت
......................
بارك الله لكما وبارك عليكما وجمع بينكما في خير
ريان اول ما المأذون قال كدة قام وقرب من زهرة ومد ايديه ليها فمسكت ايديه وقامت وقفت قصاده وهي بصاله بخجل وتوتر وهو كان بيبصلها بنظرات غريبة مقدرتش تفهمها
ريان بهمس مبارك عليا يا زهرة
زهرة بخجل شكرا انا خايفة علي بابا يا ريان
ريان حاول يسيطر علي مشاعره بعد ما سمع اسمه منها فابتسم ليها
ريان بثقة طول ما انا معاكي متخافيش ابدا وباباكي هنروح نجيبه دلوقتي وهيعيش معانا هنا
زهرة ابتسمت بفرحة وهي بتمسك ايد ريان بتلقائية بجد يا ريان
ريان وعنيه علي ايد زهرة اللي ماسكة ايديه
بجد يا زهرة يلا بينا
زهرة بخجل وهي بتبعد ايديها يلا بينا
اخدها ريان وركبو عربيته وراحو بيت