زوجتي المريضة نفسيا بقلم اسراء ابراهيم حصري علي موقع ايام
اسكربت
زوجتي المريضة نفسيا
يعني وافقت اتجوز طفلة وقولت ماشي لكن تطلع هبلة كمان ده اللي مش مصدقه بصراحة انا مش هستحمل كدة
نيرة باقناع براحة عليها بس يا تميم وبعدين منا قولتلك ان اللي عندها ده حالة نفسية من اللي شافته
تميم بعصبية وانا مالي انا ايه ذنبي اربط نفسي بطفلة عندها حالة نفسية مش فاهم
نيرة بضيق والله بقي انا اخدت رأيك في الاول وانت واققت متجيش بقي دلوقتي تفضل تبرطم
تميم بانفعال انتي قاصدة تجننيني بقولك ايه يا نيرة ده مكنش اتفاقنا انتي قولتيلي البنت صغيرة وانا شوفت عمها بيعاملها ازاي هو ومراته وانها مالهاش حد وانت اتجوزها وسيبهالي انا هربيها وقولت ماشي خالتي وزي امي ولازم اسمع كلامك لكن البت تطلع هبلة واصحي الاقيها قاعدة عالسرير بتاعي بتبرقلي لا كدة كتير بقي
نيرة كتمت ضحكتها وردت بجدية مصطنعة وفيها ايه يعني هي قالتلي هطلع اصحي انكل تميم قولتلها روحي انت اتخضيت بقي هي ذنبها
تميم بص لنيرة بغيظ انا همشي احسن ما اتجلط منك وانتي خليكي هنا مع البت دي متخليهاش تغيب عن عنيكي ولو دخلت اوضتي تاني يا نيرة صدقيني هزعلك
نيرة بصدمة ولد انت بتكلمني ازاي كدة
تميم بقصد لا بجد صدقيني لو لقيتها تاني في اوضتي مضمنش رد فعلي سلام
مشي تميم وقعدت نيرة عالكرسي وهي بتفكر في تميم لو عرف الحقيقة هيبقي رد فعله ايه وهنا انتبهت لصوت دانة اللي قعدت جمبها بعد ما شافتها سرحانة
دانة بطفولة مالك يا طنط نيرة انتي تعبانة
نيرة بابتسامة لا يا قلبي انا كويسة بس قوليلي انتي عملتي ايه امبارح في اوضة تميم
دانة بتذكر اه ده انا كنت عاوزة اخض انكل تميم فاستنيته عالسرير بتاعه وهو نايم
نيرة بضحك
دانة بضيق انا معرفش اصلا ليه علطول بيتعصب كدة انا بحب العب معاه وهو لا
نيرة بتنهيدة دانة حبيبتي لازم تفهمي ان تميم كبير وعنده شغل ومضغوط فانتي حاولي ابعدي عنه وسيبيه
دانة بتفكير طيب بس انني هتلعبي معايا مش كدة
نيرة بابتسامة طبعا بس اهم حاجة انك تسمعي الكلام ماشي
دانة بطفولة حاضر وعد هسمع كلامك
نيرة بتردد طيب ايه رإيك اﻧتي تحكيلي علي اكتر حاجة بتخافي منها وانا كمان هقولك علي اكتر حاجة بخاف منها
دانة كشرت وهي بتفتكر بس فجأة قامت وفضلت تلف حوالين نفسها وتلعب وكأنها بتهرب من الاجابة وكانت متابعاها نيرة بتفكير
كانت قاعد تميم في مكتبه وباين عليه انه مضايق لحد ما دخلت عليه السكرتيرة بتاعته اسمها مني
مني بهدوء في حد عاوز يقابل حضرتك يا فندم بيقول ان اسمه وليد الشهاوي
تميم بغموض تمام خليه يدخل ومتدخليش حد علينا
مني برسمية حاضر يا فندم بعد اذنك
خرجت مني وشوية ودخل وليد اللي كان باين عليه الغضب
وليد بعصبية ممكن افهم بقي ايه اللي بيحصل مكنش ده اتفاقنا اصلا
تميم ببرود اومال كان ايه اتفاقنا
وليد بانفعال انك تتجوز دانة لكن انك تكتب عليها وتخليها عندك عايشة معاكم كدة ده اسمه ايه
تميم بغضب اسمه انها مراتي ومحدش ليه انه يتدخل بينا يبقي تنساها
وليد بتوتر بس انا عمها وليا حق فيها وكمان يهمني اطمن عليها برضه
تميم بسخرية تطمن عليها وكانت فين حنيتك وهي مرمية لمراتك تعذب فيها اسمع يا وليد دانة تنساها خالص انت فاهم واوعي تفتكر انك لما جوزتهالي تبقي طاقة القدر اتفتحتلك وانها هتعود عليك بفايدة لا مش انا وانت عارف
وليد بتوتر انا كلمتها في التليفون واستدرجتها في الكلام وفهمت يعني انك
تميم بعصبية الموضوع ده لو اتفتح تاني صدقني هزعلك ويلا من غير مطرود ومشوفش وشك هنا تاني
قام وليد بعصبية ماشي يا تميم بس انت هتشوفني كتير ومتفتكرش انها كدة خلصت
مشي وليد من مكتب تميم اللي كان متابعه بغموض وبيفكر هيعمل ايه في المشكلة دي
.........................................
دخل تميم الفيلا بليل وكانت نيرة قاعدة مستنياه وباين عليها القلق واول ما شافت تميم قربت منه بسرعة
تميم باستغراب في ايه مالك يا نيرة شكلك قلقان ليه كدة
نيرة بلهفة ايوة يا تميم انا مرضيتش اكلمك بس دانة مختفية من الصبح ومعرفش عنها حاجة ودورت عليها كتير معرفش هي فين
تميم باستغراب يعني ايه مختفية هي هتروح فين يعني مش فاهم تلاقيها نايمة ولا حاجة
نيرة بتردد لا يا تميم اصل الصبح انا بصراحة حاولت افكرها باي حاجة قولت يمكن تتكلم معايا بس هي توهت وعملت نفسها مش سامعاني وبعدين سابتني وطلت فقلقت بعدها بشويه وطلعت اشوفها مالقتهاش انا خايفة اوي يا تميم
تميم بجدية اهدي طيب ان شاء الله هنلاقيها طالما هي مخرجتش يبقي هنلاقيها انا هطلع ادور وانتي دوري تحت وفي الجنينة
طلع تميم وبدأ يدور في كل الاوض ومكنش لاقي دانة واخر حاجة دخل اوضته وبرضه مالقهاش فقلق اوي احسن تكون مشيت ففكر يخرج يدور بالعربية بس قبل ما يخرج من الاوضة سمع نكش تحت سريره فكشر باستغراب وراح رفع الملاية واتفاجأ بدانة نايمة تحت السرير بتاعه وضامة رجليها وضع الطفل فاتنهد براحة وحال يصحيها
تميم بهدوء دانة فوقي انتي ايه اللي نيمك
دانة صحيت وبصت لتميم وبعدين ردت بعفوية اصلي كنت خايفة اوي يا انكل تميم
تميم بهدوء طب واشمعني نمتي هنا يعني منمتيش عند نيرة ليه او في اوضتها
دانة بتلقائية مش بحس بالامان غير هنا ممكن انام هنا انا لسة عاوزة انام
تميم اتوتر ورد بتردد طب اطلعي من هنا الاول وبعدين نشوف الموضوع ده
دانة خرجت من تحت السرير وفجأة قربت من تميم وهي بتتكلم متشكرة يا انكل انك هتخليني انام هنا بجد شكرا انا بحبك
تميم قلبه دق واتوتر اوي وبعد دانة عنه وهو بيرد باختصار احم نامي انتي هنا انهاردة زي ما انتي عاوزة تمام
دانة بتكشيرة هو انت مش هتنام جمبي انا عاوزاك جمبي مليش دعوة
تميم بهدوء مش هينفع انا مبحبش انام جمب حد انتي نامي مكاني وانا هنام في اوضة تانية تمام
دانة بتكشيرة حاضر
تاني يوم كانت واقفة دانة قدام تميم وهي مكشرة ومربعة ايديها وبتبصله بضيق وهو قاعد مع نيرة
نيرة باستغراب مالك يا دانة مكشرة كدة ليه طب حتي قولي صباح الخير
اتجاهلت دانة كلام نيرة وقربت من تميم وقالتله بغضب انت كنت هتمشي من غير ما تقولي وتسلم عليا وكمان سبتني نايمة ومصحتنيش انا زعلانة منك
تميم بهدوء انا مرضيتش اقلقك يا دانة فقولت اسيبك تنامي براحتك عموما ملحوقةصباح الخير
دانة بابتسامة واسعة صباح النور يا تميم
تميم باستغراب ايه ده اول مرة متقوليش يا انكل تميم زي. ما متعودة
دانة بتلقائية عشان انا شوفت الاميرة في الفيلم مش بتقول للامير بتاعها يا انكل يبقي انا مش هقولك يا انكل.
ابتسمت نيرة بفرحة وبصت لتميم اللي كشر ورد باندفاع لا لازم تقوليلي يا انكل عشان انا اكبر منك فمتمليش دماغك بالكلام ده فاهمة
دانة بحزن حاضر يا
مشيت دانة بعد ما قالت كلامها
