زوجتي المريضة نفسيا بقلم اسراء ابراهيم حصري علي موقع ايام

دانة بانفعال غلطانة انتي كمان بتغلطيني يا ماما انتي مشوفتيش كانت بتقولي ايه ولا بتستفزني ازاي. بس الحق مش عليها الحق علي تميم اللي خلاها تشمت فيا بس انا بقي مش هقعد هنا ثانية واحدة والمرادي مش هرجع في قراري
نيرة بقصد وانتي اصلا مالك ومالها هي سكرتيرته في الشغل وبيتكلمو انتي ليه تضايقي
دانة بانفعال انتي قصدك ايه يا ماما هو مش
نيرة بابتسامة ايوة كملي بقي انا عاوزة اسمع 
دانة بتنهيدة مفيش عموما انا خلاص مش عاوزة اكمل هنا. عشان خاطري يا ماما متضغطيش عليا انا عاوزة امشي
نيرة بهدوء حاضر يا دانة هعملك اللي انتي عاوزاه بس اسمعي مني الهروب
مش حل وتميم خلاص عرف واتأكد انه بيحبك فبلاش تنشفي راسك وتضيعو عمركم كدة
دانة بخنقة صح والمفروض اني اجري عليه واقوله اني فرحانة انه حن عليا وبقي يحبني بعد ما كان رافضني في حياته وقال بلسانه انه شايفني طفلة لا يا ماما كرامتي متسمحليش اني اقلل من نفسي كدة انا لو بحب تميم فده حاجة غصب عني بس كرامتي تهمني اكتر وانا خلاص مش عاوزاه ولا حتي محتاجاه في حياتي ها هتمشي معايا ولا لا
نيرة بيأس طبعا يعني هسيبك تمشي لوحدك هروح اجهز شنطتي
خرجت نيرة واتفاجأت دانة بتميم بيدخل وبيقفل الباب وراه
دانة بانفعال انت ايه اللي جابك هنا اتفضل اطلع برة وروح للسنيورة بتاعتك واوعي تفكر تتكلم معايا حتي
تميم بهدوء اهدي يا دانة وخلينا نتكلم ممكن
دانة بانفعال انا مش عاوزة اتكلم انت اصلا مش تعنيني بشئ لو سمحت اطلع برة 
تميم بتنهيدة يا دانة افهمي انا كان لازم اجي عليكي عشان هي ضيفة لكن انتي مراتي و ده بيتك
دانة بغضب لا والله لا انت قصدك انها حبيبتك عشان تظافع عنهت بس تعرف ميهمنيش انا كرامتي اهم منك ومنها وانا لو مش محترمة كنت رديت عليها وهزقتها و
تميم بمقاطعة بس انا مليش حبيبة غيرك يا دانة علي فكرة
دانة سكتت فكمل تميم كلامه بصدق وهو بيمسك ايديها دانة كفايا بقي انا عارف انك بتحبيني وانا كمان بحبك وعارف اني كنت غبي بس صدقيني انا اتأكدت اني بحبك لما جربت احساس اني ممكن اخسرك دانة انا بح
دانة باندفاع لو سمحت كفايا انت ممكن تكون بتشفق عليا متعود لكن حب لا عارف ليه عشان الحب مش كدة واكبر اثبات اني لما حبيتك مكنتش بعقلي ومع ذلك حبيتك يا تميم فلو سمحت متقولش انك بتحبني ولو سمحت اخرج برة
تميم زعل اوي من كلام دانة وكان هيتكلم بس قطع كلامهم صوت نيرة العالي وهي بتزعق فنزلو بسرعة يشوفه في ايه ووقتها اتفاجأ تميم بوليد وهو واقف مع نيرة وفي نفس الوقت دانة مسكت فيه بخوف وهي بتستخبي وراه فمسك ايديها عشان يطمنها وهو بيبص لوليد بغضب
وليد ببرود اهلا بجوز بنتي ايه مش هتيجي تسلم علي حماك ولا ايه 
تميم بسخرية طبعا خرجت بكفالة مش كدة متقلقش هترجعله تاني ومش هتخرج منه
وليد ببرود متقلقش هعرف اخرج منها المهم دلوقتي انك تحافظ علي املاك بنتي ماهي هتبقي الوريثة الوحيدة ليك
دانة بخوف تميم هو قصده ايه تميم هو ممكن يأذيك
وليد بقصد طبعا يا حبيبتي ايه معقولة خايفة عليه لحق ياخد عقلك يعني عموما ده في مصلحتنا ومتقلقيش هخليكي تنسيه خالص
دانة بخوف وعياط حرام عليك انت عاوز مننا ايه انا سيبت كل حاجة ومش عاوزة اي حاجة بس متأذيش تميم
تميم بلهفة اهدي يا حبيبتي هو ميقدر يعمل حاجة هو اخره يتكلم بس
وليد بخبث لا مش بتكلم كدة وخلاص واسمعي يا دانة اقنعي حبيب القلب انه يبعت لحسابي مليون جنيه والا مش هتشوفيه تاني انتي فاهمة لو خايفة عليه اقنعيه والا انتي عارفاني كويس وعارفة انا اقدر اعمل ايه
نيرة باحتقار هتفصل طول عمرك حقير دي بنتك ازاي تعمل فيها كدة حرمتني منها كل السنين دي وكمان كنت راميها لمراتك تعذبها ودلوقتي بتهددها انت ايه يا اخي قلبك ده حجر اعمل حساب انها بنتك الوحيدة
وليد كان هيتأثر يكلام نيرة لكنه اتمالك نفسه عشان ميضعفش وبص لتميم بغضب بس تميم ابتسم بسخرية
تميم ببرود انت قدامك فرصة انك تنجي بحياتك دلوقتي وصدقني انا لو كنت عاوز اذيك كنت عملت كدة بس دانة وخالتو اللي منعتني بس قضيتك كدة انا هتصرف فيها واوعدك انك مش هتخرج منها غير علي قبرك
اتوتر وليد وبص لدانة ونيرة بقلق وسابهم ومشي وخصوصا انه عارف ان تميم بيتكمل بثقة لانه اكيد معاه دليل يدينه بيه فمشي بخيبة امل وهو بيبرطم بتوعد ووقتها دانة كانت منهارة 
تميم بهمس اهدي يا دانة انا جمبك اوعي تخافي من اي حاجة واي حد انتي فاهمه
دانة بخوف وهي بتمسك جامد في هدوم تميم انا مش خايفة غير عليك مش عاوزاك تروح مني زي ماما زمان خايفة تبعدو عني. تميم انا بحبك متسيبنيش
تميم بابتسامة وهو بيرفع وش دانة ليه انا عمري ما هسيبك يا دانة مهما حصل ومهما قولتي كلام من الكلام الخايب اللي قولتيه فوق ده انتي روحي وانا لا يمكن هخليكي تفارقيني 
كانت متابعاهم نيرة بفرحة وسعادة ولاول مرة تحس انها خلاص بقت مطمنة ومش قلقانة علي دانة لانها مع تميم حبها الحقيقي
نيرة بسعادة يعني افهم من كدة اني هفضي الشنط تاني يا دانة 
دانة ابتسمت بخجل وهي بتبص لتميم ايوة يا ماما انا بحب تميم وهعيش معاه بس انا خايفة عليه
نيرة بحنية متقلقيش يا دانة وليد مش هيقدر يعمل حاجة لانه عارف ان تميم مش هيسكت فهيبعد لانه ملوش مصلحة خلاص هو كدة دايما بيجري ورا مصلحته وبس
تميم بحب مش قولتلك متخافيش. انتي متجوزة راجل علي فكرة..
دانة بابتسامة انا عارفة بس خوفي عليك ملوش علاقة انا هفضل دايما اخاف عليك لانك كل حاجة ليا
تميم بحب وانا كفايا عليا اسمع الكلام ده منك يا دانة وعشان كدة هسيبك تقلقي عليا براحتك يا طفلتي البريئة
ابتسمت دانة بحب وكانت وقتها اسعد انسانة علي وجه الارض وهي مع تميم حبيبها
تمت