زوجتي المريضة نفسيا بقلم اسراء ابراهيم حصري علي موقع ايام
المحتويات
كنت عاوزة اقوله علي حاجة كدة
نيرة بمكر بس نطمن عليه الاول ده انا بكلمه من الصبح مش بيرد وقلقانة اوي عليه
دانة باندفاع طيب كلمتي الشركة تسألي
نيرة وهي بتكتم ضحكتها احم اه بس للاسف بيقوله انه مشي من بدري اوي
دانة عنيها دمعت وطلعت بسرعة تجري علي اوضتها بقلق طب انا هلبس بسرعة واخرج اشوفه متقلقيش يا ماما
ابتسمت نيرة بحب وهي شايفة دانة وخوفها علي تميم واتأكدت انها لسة بتحبه وفي نفس الوقت كان داخل تميم بتعب
تميم بتعب مساء الخير يا خالتو انتي ايه اللي مصحيكي لدلوقتي
نيرة بابتسامة اتأخرت ليه انهاردة بس الاول
تميم بتنهيدة تعب مش عاوز اقولك كان يوم طويل اوووب
نيرة بسرعة طب بص قبل ما دانة تنزل هي كانت قلقانة عليك بس مش عاوزة تبين وانا بقي انتهزت الفرصة وقولتلها انك مش بترد علي فونك ومش في الشركة فطلعت تلبس عشان تنزل تخرج تشوفك وقال يعني تطمني عليك
ابتسم تميم بتلقائية وهو بيسمع كلام نيرة وكان حاسس وقتها ان تعبه كله راح لمجرد انه عرف بقلق دانة عليه
تميم بابتسامة انا هطلع ليها اطمنها بقي طيب
نيرة بابتسامة ماشي بس اوعي تضغط عليها دانة مجروحة منك فحاول داويها واحدة واحدة يا تميم
تميم بابتسامة حاضر يا خالتو اوعدك
طلع تميم لدانة وخبط عليها ففتحت بتلقائية وهي بتتكلم انا خلصت اهو يا خالتو وكنت نازلة ايه ده تميم انت جيت
تميم بابتسامة جذابة ايه مكنتيش عاوزاني اجي ولا قلقتي عليا
دانة بتوتر ها لا بس مش ماما كانت بتقول انك يعني اتأخرت
تميم بهمس وهو بيقرب من دانة وانتي يا دانة مكنتيش قلقانة عليا
دانة بكدب لا عادي وهقلق ليه يعني هو انت كنت بتحارب وبعدين ماما اللي كانت قلقانة
تميم بخبث اممم اومال كنتي لابسة ورايحة علي فين كدة
دانة بتفكير مفيش كنت زهقانة وعاوزة اتمشي شوية
تميم بابتسامة طيب ممكن اتمشي معاكي ولا هيبقي في اعتراض
دانة بتوتر لا منا خلاص رجعت في كلامي ومش عاوزه اخرج وهنام بقي
تميم بتلقائية تعرفي انك وحشتيني اوي
دانة وقلبها بيدق شكرا ممكن بقي تمشي عشان انام
تميم بندم طب تعرفي اني ندمان اوي واني لو رجع بيا الزمن هفكر الف مرة قبل ما اقول كلمة توجعك
دانة بدموع ملوش لزوم تندم انت قولت اللي كنت حاسة وقتها بس للاسف الكلام بيفضل تأثيره علي اللي قدامنا العمر كله وخصوصا لو بيوجع
تميم بلهفة بالعكس اوقات بيكون الوقت كفيل انه يداوي وخصوصا لو الشخص اللي جرح بيحاول يصلح اللي عمله وانا مش هيأس يا دانة وهفضل احاول
دانة بخنقة هطلقني امتي يا تميم
تميم بابتسامة لما اموت ووقتها برضه هتكوني علي اسمي يا دانة تصبحي علي خير
مشي تميم ووقتها دانة ابتسمت بهدوء وكانت حاسة انها قلبها هيخرج من مكانه بسبب ان تميم متمسك بيها واتمنت لو يكون فعلا كلامه صدق مش شفقة عليها
تاني يوم كانت نازلة دانة وهي لابسة وجاهزة عشان تخرج بس وقفت مكانها باستغراب لما شافت بنت جميلة اوي قاعدة لوحدها فقربت منها بفضول
دانة بابتسامة اهلا انتي مين.
كارما بابتسامة اهلا انا كارما
دانة بتفحص وتلقائية اه اهلا وسهلا وانتي جاية هنا ليه
كارما باستغراب تميم طلبني وانا جيت حضرتك تقدري تسأليه بقي هو ليه دي
دانة بتكشيرة وهي بتقعد تمام هقعد معاكي بقي عشان متقعديش لوحدك
كارما ببرود لا حضرتك تقدري تتفضلي انا كدة كدة مستنية تميم
دانة بضيق تميم هو انتي مش ملاحظة ان مفيش رسميات يعني ولا ايه
كارما بغرور عشان انا مش بس مديرة مكتبه انا صديقته فاحنا مفيش بينا رسميات اهو جه
اتغاظت دانة وكانت قاعدة مضايقة وهي شايفة تميم بيقرب من كارما وبيتكلم معاها
تميم بابتسامة اتفضلي يا ستي ادي الملف اوعي تنسي تبعتيه ضروري للشركة وشوفي ردهم ايه وبلغيني
كارما ردت علي تميم بخبث وهي بتبص لدانة بقصد ماشي يا سيدي بس انت هتدفع حق المرمطة دي ومتفتكرش انك هتضحك عليا بعزومة اخر مرة
تميم بابتسامة لا متقلقيش المرادي مش هخلع وبعدين المرة اللي فاتت انا دفعت اينعم مشيت بسرعة بس
دفعت
كارما بضحكة عالية عندك حق عموما ملحوقة وهيبان بقي المرة الجاية يلا همشي انا بقي
تميم بابتسامة وهو بيبص لدانة دانة انتي هنا من امتي صباح الخير الاول
دانة بانفعال لا متشغلش بالك وكمل اللي كنت بتعمله انا كدة كدة ماشية
تميم باستغراب رايحة فين وبعدين بتكلميني كدة ليه انا مش فاهم
دانة بغضب انا بيني وبينك ايه عشان اكلمك اصلا انت ولا حاجة وسع كدة
تميم انفعل لان دانة كلمته بالطريقة دي قدام كارما فمسك ايد دانة بغضب استني هنا انتي ازاي تكلميني
دانة بعصبية انا اكلمك زي ما انا عاوزة انا مش تحت امرك ولا السكرتيرة بتاعتك عشان اقعد امرقعلك
كارما بضيق طب انا همشي انا يا مستر تميم
تميم بجدية استني يا كارما دانة اعتذري لكارما علي اللي قولتيه ده حالا لانه ميصحش وعيب
كارما ابتسمت بخبث لدانة اللي انفجرت بغضب وهي بتعيط لو اخر يوم في عمري مش هعتذر لدي وبعدين انت ملكش اي حق عليا عشان تقولي اعتذر لحد انت فاهم انا بكرهك يا تميم اصلا وهتطلقني قريب ياما هرفع عليك قضية واخلعك ها
تميم بغضب اكبر وهو بيضغ علي ايد دانة وانا قولت هتعتذري يا دانة حالا والا انا هيكون ليا تصرف مش هيعجبك
دانة عيطت وردت بوجع انت بتوجعني سيب ايدي يا ماماااا
نيرة بسرعة وهي بتقرب منهم في ايه مالك يا دانة وانت ماسكها كدة ليه يا تميم
تميم بغضب الهانم مش عاوزة تعتذر لكارما مديرة مكتبي بعد ما هانتها هنا في بيتنا
دانة بغضب ودموع ده مش بيتي وانا مش هقعد فيه ثانية واحدة انت فاهم
طلعت دانة تجري علي فوق وكانت متابعهاها كارما بخبث وشماتة اما نيرة فبصت لتميم بعتاب ووقتها تميم نفخ بغضب فاتكلمت نيرة بقصد وهي بتبص لكارما انت غلطان يا تميم لازم تراعي مشاعر مراتك وتفهم انها بتغير عليك وليها حق بس هقول ايه بقي
قالت نيرة كلامها وطلعت لدانة وتميم وقتها انتبه للكلام وهو بيراجع اللي حصل وبص للسما وهو بيغمض عنيه بندم
كانت بتلم دانة هدومها وهي بتعيط بحرقة وكانت واقفة جمبها امها وبتحاول تهديها
نيرة بهدوء اهدي يا دانة ومتعمليش
متابعة القراءة
