احببت عاجز بقلم اسراء ابراهيم
ما قعدت معاهم وكل يوم قصي بيروح الشغل وهي بتقعد مستنياه بفارغ الصبر
و في اللحظة دي الباب اتفتح فابتسمت زهرة بس رجعت كسرت لما شافت نور و خالد داخلين وباين عليهم الغضب
نور بحدة زهرة لازم تمشي انتي فاهمة قصي ميستاهلش منك كدة ابدا
خالد بغضب أيوه مش معقول تفضلي هنا أكتر من كده الناس خلاص بقت بتتكلم علينا وده مش كويس لا ليكي ولا لقصي
زهرة بحيرة وحزن أنا أنا اسفة والله انا مش عايزة أسبب أي مشاكل ليكم بس أنا مش مفيش مكان أروحه
منال بتتدخل وهي بتخرج من اوضتها علي صوتهم
إيه اللي بتقولوه ده زهرة دي ضيفتنا ولازم نتعامل معاها باحترام مش كده وبعدين جاين بعد الغيبة دي كلها بدل ما تسألو علي امكم تقولو كدة
نور بصدمة مش معقول بجد انتي ده كل اللي همك بقولك سيرتنا علب كل لسان الناس مش فاهمين اللي بيحصل هنا وكلهم بيقوله مايصحش إن حد هي تقعد عندنا كده فيه سمعة لازم نراعيها يا ماما وهي مش فارقلها سمعتنا اصلا
خالد بتأكيد احنا لازم نحافظ على شكل العيلة يا ماما وده مش طبيعي يعني لو كانت ضيفتنا لمدة يومين تلاتة ماشي بس أكتر من كده دول ست شهور
زهرة بهدوء وحزن عندكم حق انا اسفة والله و لو وجودي هيعمل مشكلة بينكم أنا همشي
منال بسرعةوهي بتبص لولادها بغضب انتو هو ده اللي همكم كلام الناس يعني الناس مكنتش بتتكلم وبنتي بتقعد بالشهور مبتطلش علي امها ولا ابنها اللي مصدق مراته قالتله يلا نبعد وخدها وجري اسمعو زهرة دي بنتي ومش هسمح لأي حد فيكم يحسسها إنها غريبة انتو فاهمين
في اللحظة دي قصي دخل فجأة و شاف اللي بيحصل وشه كان باين عليه الغضب لما شاف نور و خالد بيضغطوا على زهرة وسمع اللي امه قالته
قصي بصوت عالي وهو بيقف قدامهم
إيه اللي بيحصل هنا
نور بتتتكلم بتوتر
إحنا بنقولها تمشي يا قصي الناس بدأت تتكلم عننا
خالد بغضب
إزاي تفضل هنا كل الشهور دي ده مش طبيعي والناس ليها حق تتكلم
قصي بغضب زهرة هنا معانا عشان هي ضيفتنا
نور تنحت ومكنتش قادرة تصدق
إيه ده! يعني مش همك سمعتنا وبتضحي بيها عشانها
قصي بجدية
أيوه هدافع عنها! ومش هسمح لأحد يتكلم عنها بالشكل ده لو في مشكلة مع وجودها أنا المسؤول عنها ومش هسمح لأي حد يتدخل
زهرة بحزن قصي لو سمحت ملوش لزوم هما عنهم حق انا لازم امشي وكفايا اللي عملتوه معايا حقيقي مش هنساه ابدا
قصي بقوة
زهرة انتي هتفضلي هنا وانتو
لو عندكم أي اعتراضات الكلام معايا مش مع زهرة فهمتوا
منال بشفقة
وانا مش هسمح لأي حد فيكم يضايق زهرة انتو قلوبكم دي ايه حجر
قصي بجدية يانور انتي وخالد لازم تفهموا إن كلامكم مش هيفيد ويا تيجو هنا بصفتكم اخواتي اللي بيزوروني انا وماما ياما متتعبوش نفسكم وتسألو
زهرة باحساس بالذنب قصي أنا مش عايزة أكون سبب مشاكل ليك مع اخواتك لو سمحت خليني امشي
قصي باندفاع يبقي توافقي تتجوزيني أيوه أنا عايز أتجوزك يا زهرة
زهرة بصدمة انت بتقول ايه!
تم كتب الكتاب بعد موافقة زهرة اللي مترددتش لحظة ووافقت تتجوز قصي وكانت حاسة انها لاول مرة مش خايفة ولا مجبرة علي شئ بعد كام يوم في قاعة أفراح و الناس في كامل أناقتهم كانت واقفة زهرة جمب قصي بعد ما اقنعها انها تيجي معاه فرح صاحبه رغم خوفها من انها تشوف حد او حد يشوفها
قصي بابتسامة هتفضلي متوترة كدة كتير يعني قولتلك متخافيش انا جمبك
زهرة بتوتر مش عارفه بس لو حد شافني هنا خصوصا طليقي أو حد من أهلي حيكون فيه كلام كتير وهتبقي مصيبة يا قصي
قصي بنبرة تملك خلت قلب زهرة يدق زهرة انتي مراتب فمفيش داعي للقلق ولا حد هيقدر يقرب منك او يجي جمبك انتي فاهمة الا بقي لو انتي مستقلية بيا اكمني يعني بعرج شوية
زهرة بلهفة قصي اوعي تقول كدة تاني والله هزعل منك اصلا انا معرفتش يعني ايه امان الا لما شوفتك واتعرفت عليك صدقني انت نعمة كبيرة في حياتي
اتكسفت زهرة من كلامها
قصي بابتسامة يعني افهم من كدة ان يعني لو انتي مكان اي بنت تانية وكما في ظروف تانية كنتي هتوافقي تتجوزيني
زهرة بخجل اكيد طبعا هوافق انت اصلا لقطة واللي متشوفكش كدة تبقي غبية
قصي وهو بيحاول يخلي زهرة تهدا اكتر طب ايه رأيك نرقص مع بعض سلو ولا هتتحرجي اكمني بعصاية وكدة
زهرة بعند طب ايه رأيك موافقة بقي وبالعند فيك ها
قصي بابتسامة هو ده المطلوب يلا بينا
فعلا راحو هما الاتنين وسط القاعة وبدأو يرقصو سوا بهدوء ووقتها قصي كان مركز في عيون زهرة اللي كانت بتبصله بخجل ووقتها قرب قصي منها اكتر وهمس ليها بخجل
مفيش حاجة تخافي منها زهرة أنا معاكي وعمري ما هسمح لحد انه يأذيكي
زهرة وقتها قلبها دق وكانت حاسة بأمان غريب محاوطها وهي معاه وكأن الوقت وقف بس اللحظة مكملتش لما اتفاجأت بهاني طليقها داخل من باب القاعة
زهرة بصدمة قصي طليقي هو هنا
قصي بهدوء
طب اهدي مفيش حاجة تخافي منها قولتلك زهرة إنتي مراتي ومعايا اوعي تنسي
زهرة حركت راسها بايجابية ووقتها مسكت ايد قصي بتلقائية عشان تطمن وقصي وقتها قلبه دق بعنف من حركتها المفاجئة
قصي بهمس ما فيش حد يقدر يأخذك مني متخافيش
قصي كانت عنيه بتراقب طليق زهرة الذي بدأ يقرب ناحيتهم وعنيه علي زهرة بس هي وقتها خلت قصي يبتسم باستمتاع
قصي بهمس انا كدة هتوتر ومش هعرف اقول كلمتين اقولك تعالي نخرج وهو هيجي ورانا واهو اعرف اتكلم براحتي بس وانتي مش لازقة فيا كدة ماشي
زهرة بخجل قصي انت بتهزر بجد ده وقته
قصي بثقة وهو بيسحبها من ايديها طبعا وقته انتي مفكراني هخاف منه ولا ايه انتي شكلك متعرفنيش كويس او يعني فاكراني عاجز بجد
زهرة بلهفة لا طبعا متقولش كدة انت ليه مصمم تكرر الجملة دي صدقني انا مش مستقلية بيك ابدا يا قصي بس يعني خايفة عليك
قصي بابتسامة ععلي فكرة انا كنت ظابط في الجيش ده اولا بعني متخافي عليا انا اه سبت الجيش
زهرة بخجل مراتك
قصي بقصد اايوة مراتي ويلا بقي بطلي رغي وتعالي معايا لما نشوف اخرة الزفت ده ايه
برة الفيلا كانت زهرة ماسكة في ايد قصي و طليقها بيقرب منهم ببطء وهو فاكر انهم بيهربو منه
هاني بغضب أنتي كنتي فين كل ده ومين دهفاكرة انك كنتي هتعرفي تهربي مني
قصي ببرود من غير ما يسيب ايد زهرة
كلامك معايا انا مش مع مراتي
هاني بصدمة مراتك مستحيل انت كداب انت بتداري بس علي اللي حصلوانتي يلا تعالي معايا حالا
قال هاني كلامه وهو بيقرب من زهرة اللي قلبها اتقبض بس وقتها قصي رفع عصايته وحطها في صدر هاني وهو بيتكلم بتحذير
قصي بغصب اوعي تفكر تقرب منها او تلمسها صدقني هخليك عاجز بس بعنيك عشان اترفعت فيها
هاني بسخرية ما بلاش النفخة الكدابة دي يا أخي ان مكنتش عاجز يعني ده إنت مش قادر تمشي برجليك تفتكر هتقدر تحميها ولا تفتكر هي اصلا هترضي بواحد زيك انت بالنسبالها طوق نجاه مش اكتر يا غبي
زهرة بانفعال وقوة متعرفش جالتها منين كانت بتتكلم بتشجيع وهي متبتة في قصي انت حيوان انا اتجوزته عشان بحبه عشان هو الامان بالنسبالي اللي اتحرمت منه واللي عشت طول عمري ادور عليه ولو في حد عاجز هنا فهو انت عشان كنت بتستخدم قوتك عليا يا مريض
قصي كان سعيد بكلام زهرة واتمني لو فعلا كلامها صح وانها فعلا بتحبه بجد مش مجرد كلام بس عشان هاني
قصي بابتسامة مش هتقدر تذلها تاني يا هاني كل واحد فينا بقي عنده حياة جديدة أنا معايا حق أكبر منك في حبها ورعايتها يكفي انها اختارتني
قصي اتعصب اوي وقرب من قصي وهو بيتكلم بحدة إنت عايش في أوهام يا قصي أنت حتى مش قادر تمشي برجلك تفتكر هتفضل مستحملاك هي
قصي بررود مش مهم حتي لو زي ما انت بتقول كفايا انها معايا دلوقتي
هاني بتوعد انا همشي يا زهرة بس دي مش اخر مرة هتشوفيني فيها واستني مفاجئة صغيرة قريب اووووي
مشي هاني بعد ما خلص كلامه ووقتها زهرة خافت و بصت لقصي وهي بتتكلم بلهفة هيقول لاهلي
قصي بهدوء اهدي يا زهرة وفيها ايه اصلا انا
